LIFETASTIC (Closed)

King Prawn Tom Yum Spaghetti，a happy lunch with quality dishes in hipster cafe 🍝冬陰公海蝦意粉，啲蝦冇呃秤 🦐，冇伏味 😋想試呢間在港島西區的 Hipster 文青Cafe 好耐，見Menu 有道菜冬陰公大蝦配意粉，嚟到係大大隻蝦冇呃秤🦐，配冬陰公個味道冇唔夾，甜而辣又有鮮味，因為其他地方都會整到味道好怪，或者過辣。冇伏味 😋，有機會行過可以嚟試下。

星期六懶懶閒冇咩做，決定去試下lifetastic嘅名品西瓜蛋糕， 不得不說果然是打卡熱點，星期六 四點去到座無虛席，原本被安排坐喺窗邊高櫈位，但其實唔係坐得太舒服，同一位靚靚店員姐姐講，佢即刻話冇問題最緊要坐得舒服，服務100分，勁有禮貌。西瓜蛋糕果然是鎮店名品，蛋糕甜而不膩面頭嘅玫瑰花提升咗整個蛋糕嘅香氣，面層士多啤梨唔酸，忌廉同濕潤嘅蛋糕加上西瓜嘅清爽，配合得恰到好處， 自己食曬一個完全冇罪惡感。牛油果奶昔牛油果奶昔感覺真材實料無添加，好似食緊原個牛油果咁， 如果喜愛甜味嘅感覺嘅朋友應該唔太喜歡， 我自己感覺很好，好健康咁。

做為會員 這是第一次使用個生日優惠堂食8折同會附送一件細蛋糕🌻下午時段同朋友一齊去食 大約4點幾 時間上來說餐廳內唔太多人 可以有一個幽靜的環境同朋友傾下計✨餐廳設有最低消費 每人100蚊🧐叫左餐後大概等左15分鐘就來左杯牛油果奶昔了 一向最喜歡飲呢間既牛油果奶昔 因為牛油果味非常濃郁 會不停飲到棉滑的果肉 杯野又唔會特別甜 奶香又夠 會一直咁想飲落去 口中的味道一直唔散 令人回味無窮 算是值得一試的飲品☺️不過價錢偏貴 要62蚊一杯相對份量來說就細杯左少少大概過多5-10分鐘就上左主菜 明太子蟹肉三文魚籽意大利麵 個麵煮得偏硬身加上醬汁非常creamy 偏香同重口味 三文魚籽又提供左咬口感 連上蟹肉放入口中 滿足感十足 不過同樣主菜都是cp值唔算高要價128蚊🤭最後送上贈品蛋糕 是新口味的香橙口味 味道一般般 唔會太甜 香橙味都算出 不過唔特別想再食總括而言 散食會比較貴 加上有人均消費100 所以比較建議食套餐 也可以去join會員 咁下次再想食就有9折優惠

今日在西環影完相，好相食啲甜品，路過呢間LIFETASTIC , 記得朋友介紹過俾我，話佢既西瓜蛋糕，於是就走入去食個tea。我和朋友本來想點一個Cake Set For Two ($248)，可選擇4件蛋糕，加2杯野飲，但因為我有啲飽，驚4件蛋糕食唔晒，所以結果散叫了2件蛋糕，同2杯野食。1️⃣招牌草莓西瓜蛋糕($68)鎮店之寶的草莓西瓜蛋糕賣相相當靚，口感相當清新，有陣陣花香，再咬會有清甜既西瓜汁，配合軟軟既海棉蛋糕，非常清爽，和特別。招牌草莓西瓜蛋糕一共有 6層: 第1層 - 開心果第2層 - 玫瑰花瓣第3層 - 草莓🍓第4層 - 玫瑰忌廉第5層 - 西瓜🍉第6層 - 杏仁餅底2️⃣斑蘭紫糯米蛋糕($68)斑蘭紫糯米蛋糕一共有5層: 第1層 - 斑蘭第2層 - 椰絲第3層 - 芒果🥭第4層 - 紫糯米第5層 - 杏仁糯米餅底斑蘭紫糯米蛋糕，我覺得好特別，有少少食晒新加坡出名既斑蘭蛋糕。棉棉既蛋糕，淋著獨特斑蘭的清香, 配合紫糯米煙靭，口感非常好，還帶有一點米既香氣，我同朋友都覺得這個比招牌草莓西瓜蛋糕更好味。飲品方面，我們點了3️⃣牛油果奶昔($58) - 這杯有點失望，因為飲落完全没有牛

好少去港島區，尤其是西環食嘢。不過今次去摩星嶺玩，所以就嚟到西環呢間cafe去試下。 這店好近港鐵站，店鋪有落地大玻璃同埋一幅好靚嘅動物畫。單是環境也令人心曠神怡。簡單吃個lunch，是次點了：黑松露意粉：素食，清新口感，味道也很不錯。唯一份量實在較少。迷你漢堡飽：三個都很美味，內有不同材料，而且包面有烘過，脆香惹味。西瓜蛋糕：鎮店之寶。西瓜和蛋糕夾得出奇。好清新又鬆軟。是一款外表靚口感美味清涼的蛋糕。竹炭蛋糕：也是鬆軟又香蛋糕。竹炭+芝麻一向是我喜愛的味道，不會令人失望。整間店也具特色，令人有放假輕鬆的感覺。唯一份量少價錢也不便宜。港島區嘛....去試下也不錯。拍拖或想過一個悠閒時段之選。如要快食或一家大細想食餐好，就會覺得貴又唔飽了。因這店有最低消費，我見有小朋友的家庭或帶工人一起來的，都最終離開呢！

士多啤梨西瓜蛋糕好refreshing，原來士多啤梨同西瓜可以咁夾。西瓜好清甜，海棉蛋糕好鬆軟，中間夾住啲cream有好香嘅玫瑰味。伯爵茶朱古力好有茶香味，香蕉朱古力奶昔真材實料得嚟好香濃。

朋友話佢屋企附近有間餐廳好正～特別係個西瓜蛋糕～西瓜蛋糕我未食過～所以就去試一試佢～當日Lunch特別多人，所以要等位～朋友話平時唔洗等，等咗大約半個鐘就入得去～地方不大，但環境裝修得好別緻，感覺幾舒服～Lunch set 都幾抵食～想食埋蠔同蛋糕～可以跟餐加錢，所以我哋全部都加晒～是日餐湯係南瓜湯～濃厚嘅南瓜味道～唔太甜但好好味～酥炸吉列生蠔～平時好小食熟咗嘅蠔，總覺得熟咗嘅無咁好食～朋友叫我試吓，點知原來咁好味～熱辣辣好正，好Juicy，小心燙口啊～主菜我揀咗博多三文魚籽明太子蟹肉意大利麵～好creamy，超好食～明太子同蟹肉超夾～唔好以為細細碟，其實食到好飽～朋友叫咗泰式冬陰功鮮蝦意大利麵～我試咗小小～酸酸哋，辣辣哋好醒胃～味道幾好～配搭得唔錯～最後就係甜品—西瓜蛋糕喇有啲失望...可能太期望佢喇～濕濕哋嘅蛋糕我唔係太鍾意～不過好重玫瑰味，令我覺得個蛋糕好返小小～整體嚟講都係好味嘅～食物都算有水準～只係個蛋糕咁啱唔係賣飛佛啫～係特別嘅～

喺附近做完嘢，就嚟咗位於山道嘅lifetastic食下午茶之前黎已經試過最出名嘅西瓜蛋糕，同埋餐牌上面其他嘅甜品結論係...都係西瓜蛋糕最吸引所以今次都依然order咗呢一樣～可能係暑假關係，平日下晝嚟講都算多人店舖佈置走文青風，除咗有一面牆有彩色嘅壁畫，另外一面牆就做咗置物架裝飾，仲放咗啲綠色植物而職員就安排坐我哋坐門口窗邊嘅位置，對住山道斜路因為山道都唔算多車/多人，所以感覺都還ok講番件蛋糕外觀層次分明面頭係大量嘅士多啤梨粒、啫哩、玫瑰花瓣，仲有少少開心果碎；同玫瑰味嘅忌廉相間嘅係一層厚厚嘅西瓜；而底層係杏仁粉整嘅餅底一入口就食到好香嘅玫瑰花味同一時間 亦都食到西瓜清甜嘅味道整體配搭清新又唔會膩，好適合夏天食軟滑嘅忌廉同埋爽口嘅西瓜，口感豐富雖然呢件蛋糕唔算平但之前去過學整呢款蛋糕， 步驟煩複，仲要諗辦法令到西瓜乾身啲、減少出水嘅情況所以...我依家都係選擇去lifetastic食

之前澳洲嘅西瓜蛋糕好多人都話好食，朋友話呢間嘅西瓜🍉蛋糕都好好食好特別，所以好想黎試下，大約7點一黎到餐廳見到仲有張雙人台，不過唔知點解安排我地坐bar台～又冇地方放袋。。我地問佢可唔可以轉台話冇地方放袋先同我地轉～服務唔太好，講番野食，menu以直食為主，意粉，pizza、小食以及蛋糕同埋咖啡飲品～我地主要想食蛋糕，所以揀左一碟意粉同，cake set，呢個set係包任揀兩杯野飲的。鹹蛋黃奶油鮮蝦意粉 $128個汁食落好creamy, 份量亦都剛剛好，不會太濃稠，亦不會太稀，鹹蛋黃味都濃郁～Cake set $248四件蛋糕食落好結實，杏仁粉代替麵粉，所以口感比較實在～個人係鐘意鬆軟嘅蛋糕！最想食嘅西瓜蛋糕，有少少玫瑰味，西瓜味都幾清部，但礙於唔鐘意個口感，所以覺得麻麻地！牛油果奶昔 $58 (set包括）唔係好甜，感覺好健康，但唔甜，我飲唔到成飲😂宇治抹茶奶昔 $58 （set包括）冇乜抹茶味，紅豆都綿密嘅～最後埋單果陣侍應打錯單，我地食左370幾，但佢計埋兩杯野飲錢🙄再打過張單，條數係370幾喇，不過計左50幾蚊10% charge....問個待應話係system問題改唔到，十分

鄰近香港大學站B2出口 位置超級方便勁易搵👍 Cafe 座位有around10~20個 岩曬d鍾意寧寧靜靜咁享受個tea time既朋友們😆~溫泉蛋煙肉帕瑪臣手捲粉~⭐⭐⭐⭐⭐@HK$118溫泉蛋超級流心 一吉落去就爆蛋黃汁 非常療癒😗 手捲粉口感好煙韌 每條粉都掛滿曬醬汁 非常出色 😋~千島醬海鮮手工烤餅~⭐⭐⭐⭐@HK$88個批好鬆軟 材料新鮮 千島醬味道唔錯2個人share食岩岩好🙆~玫瑰草莓西瓜蛋糕~⭐⭐⭐⭐@HK$65好有層次感 三種味道都食到而且唔會有其中一種味太搶 美中不足係爭咁個餅底😂以西環cafe黎講佢價錢都幾合理 CP值都幾高下 如果想搵個地方過個悠閒既下午 Lifetastic好適合你😉😉

要係西環附近hea兩個鐘於是openrice下有咩好西食見到依間可以經openrice訂位夠方便～仲有我未試過既網紅西瓜士多啤梨蛋糕🤗🤗🤗🤗幾得意，所以一於try try 佢地件🍉 🍓 🍰 真係冇得輸我食完之後個幾日仲係對佢念念不忘個種感覺都幾痛苦因為要返工，都冇時間特登走去食😣😣😣😣😣😣😣😣😣係一件好神奇既蛋糕， 成件事好清新，少少甜 又爽爽地一定要黎食！ 至於main course我要左蕃茄牛油果雞肉扁意粉 調味太輕手喇，幾乎係冇味同埋咁岩我d牛油果唔係好熟，熟牛油果應該會好味好多，因為香濃& Creamy🆙⬆️⬆️ 咁有好有壞啦，重口味可以自己落Pepper Lunch價錢黎講都可以接受Ard $150 咁既價錢，都食到附近既酒店平價lunch buffet 但為左舊蛋糕，值得！

香港大學開咗地鐵站之後真係多咗好多餐廳，試極都試唔哂🙈明太子蟹肉三文魚籽意大利麵 📍 $128好rich 好creamy, 仲幾多蟹肉喎。唔怪得之佢係popular 個list 到啦，我食開番茄意粉都覺得呢個好食啲番茄醬牛油果雞肉扁意大利麵 📍 $128酸酸地幾開胃，食多啲番茄仲養顏架。有睇開我啲 blog 都可能留意到，我差唔多每次都係叫番茄味嘅意粉架。不過食落其實食唔到牛油果味外脆內軟番薯條 📍 $65真係名副其實嘅外脆內軟，點埋啲沙律醬，有啲上癮 hhaha招牌草莓西瓜蛋糕 📍 $68真係招牌架，呢間餐廳都係靠呢個西瓜蛋糕打響名堂，好多人都慕名而來，係幾特別，又refreshing 嘅。夏天啲西瓜應該仲甜喎

幾年前見HKU B2 出口有間lifelastic 見佢裝修幾靚就入左去試佢個lunch set 。 記得個陣時佢個前菜芝麻雞翼同個明太子意粉超好食。佢個麵底撈芝士唔太乾亦唔太濕啱啱好而個麵質有夠煙韌。所以之後都食左好幾次而且每次食完佢個set 都會叫佢個邊好出名嘅蛋糕食（包括士多啤梨喜瓜但糕 同 律子蛋糕）。之後重做左佢會員。呢一年因為太忙同都想食新餐廳所一都無再黎。 今日啱啱好有朋友約呢到晚飯所以啱啱好有可以試一試。 今日叫左個蟹肉沙律同紹興酒奶油雞意粉。個沙律以前食過水準依然保持到。而個意粉第一次食就超有驚喜。第一其他地方應該無差唔多款同時佢奶油唔太甜同個意分好夾。唯一唔好嘅野系似乎佢地而家無左dinner set 另到價錢貴左。

Hmm 超唔想寫呢間，一入去個waiter 語氣勁差。間嘢每人最低消費一樣嘢，叫左件cake 要叫多杯嘢飲，結果兩樣都勁麻麻，我係唔會再去。叫咗件西瓜蛋糕，同朋友一致認同同屋邨買既蛋糕一樣quality, 好普通，我喺澳洲食過勁fresh, 玫瑰味同cream 同西瓜balance 得啱啱好，呢度完全fail. 同時叫咗杯 mint green tea, 真係同我係屋企沖既一樣味，甚至我既會好啲因為多啲又夠熱，將近$50 蚊但得一杯，唔夠熱又無特別又無添飲又唔係一pot, 好唔好意思呀，算數，我真係黎一次就夠，食完覺得唔值。-餐廳真係一個package 黎，只要一開始個態度麻麻，就已經會由負數開始計起，之後食既餐廳可能難食/麻麻，只要改善食物質數，過幾年可能會再去，呢間，no next time!

今日下就得閒，想係附近chill d 食就去左哩間，一路都未有機會食試左個lunch set 跟南瓜湯但好水 叫左個蕃茄雞肉牛油果意粉整體冇乜特別，啲雞肉同牛油果又同個粉唔夾成個意粉唔太入味 好普通唔太值