漁樂 (禾輋廣場) (Closed)

餐廳環境幾靚，都坐得舒服😌午餐餐牌都幾多選擇，只係隨意影左一頁。我覺得咁呢道牆好靚好有特色！同行共四人一人點一款再加碟菜，一人一杯野飲。海南雞油飯，雞件夠嫩滑，油飯夠香。芝士焗雞扒飯，焗芝士超香，雞扒都夠厚肉。茶走好飲，但朋友個杯咖啡就過甜......飛天通菜炒豬頸肉，好香好惹味，夠晒火喉！一流！呢到既服務都幾好，同埋大家係疫情下都明白要做足安全措施，呢到環境同配套都做得足，而且服務生都做得好好！支持！

今日早上辦完事趕去禾輋商場買梳化床坐墊，突然醒起嚟呢度食午餐，叫咗一個午餐套餐：1. 馬拉盞通菜炒豬頸肉配一個白飯 - 在香港的冬天可以食到通菜是一件非常開心的事，因為我爸爸唔肯食通菜怕瞓覺的時候腳抽筋，所以係屋企唔會有通菜食，唯有出嚟偷食，所以一見到這個菜式就忍不住叫了，真係好好食，好彩豬頸肉切成條狀份量不太多，因為唔食又會怕嘥，食咗又會增肥，反而喜歡很多通菜，因為好味我將成碗飯吃光！個白飯煮得好靚，米粒粒粒分明，而且米的質素也很好，有飯香，最得意係喺個碗白飯反扣在碟上面之後喺白飯上面放咗少少炒香了的料頭，不知乾蔥𢇁還混了，替頭嗰幾啖白飯帶來特別的香氣和提起食慾。飲品叫了凍檸茶少甜，這個飲品OK啦！埋單$56，抵食！

因為早排的士佬話我知覺得呢個品牌「漁樂」嗰啲海南雞飯好好食，所以我今日同左烹飪班同學一起來食午餐：1. 紅咖喱魚塊午餐套餐拼泰國香米白飯 $53 - 味道唔錯，魚柳唔少，啲百米嘅質素都唔錯。2. 海南雞飯午餐套餐拼雞油香飯$68，味道唔錯，個飯係黃色的，好香。有兩個醬汁用來點的，一個是星加坡甜豉油，另一個是蒜蓉辣椒醬汁，點左之後特別好味！3. 蝦醬炒通菜$55，我烹飪班同學話最鍾意這個菜式，我覺得整得好過一般酒樓，因為唔會鹹到死，而且香噴噴，又唔會太多油，份量也很多。4. 熱咖啡 （跟一個套餐的所以免費）- 烹飪班同學話好飲。5. 椰青 - $32 夠凍、正常！

今日下午餓餓地，突然想個下午茶，諗起呢度，就黎啦⋯環境不錯，人唔多。坐得自在下午茶餐牌《香茅豬扒包》包有烘過，豬扒OK，個醬汁酸酸地《脆脆奶油豬》外皮真係幾脆，不過牛油少咗啲紅豆冰ok呢度係自助拎水，冇咩服務既。唔使加一，都幾抵食

被雞脾紅豆冰吸引住，企定定望吓有咩茶餐，23 蚊有碗輕量扎肉肉丸河連熱飲，冇加一，糧尾時期首選。話明係輕量，預咗碗粉係細份量，見到實物後覺得 OK 喎，食晒佢飲埋杯咖啡，飽。河粉，夠幼滑；湯，味精少，唔死鹹；扎肉同肉丸都爽口，肉丸一口一粒，食落冇嗰種化學合成的味道。鍾意食辣，點咗少少是拉差辣椒醬，肉丸個味唔同晒，仲有肥身芽菜做配菜，食得好高興。咖啡大大杯，奶味濃，飲唔晒，唔係茶記常見的即溶粉溝水。呢間屋邨食肆地方夠晒大，坐得非常舒服，遇上服務到位的女店員，呢個茶餐變成超值選。

漁樂是一家我喜歡光顧的店，因為食物味道不錯，價錢也不貴。今天在沙田看到它的分店，便入內吃下午茶。點了三個下午茶套餐，分別是越香牛肉河、紅咖喱焗豬扒飯和輕量海南雞雞油香飯，飲品則點了冰檸檬茶、冰咖啡和熱咖啡。越香牛肉可河粉很滑，湯底也不錯，但牛肉只有三片。紅咖喱焗豬扒飯咖喱香，但飯和豬扒的份量也不多。海南雞飯真的是輕量級，雞只有四件，而且都是有點柴的雞胸肉，醬汁味道很好。飲品方面，咖啡很香，推薦，冰檸檬茶味道也好。

又嚟到禾輋,好耐無食過烏頭, $78 套餐有飯有湯, 於是入去了.餐廳好大, 有卡位, 有圓檯, 有方檯, 適合唔同人數組合. 裝修都有特色, 木檯椅配深色的金屬間格, 有cyber feel.落單時, 侍應提示蒸魚會等耐一點, 我便安心玩手機了. 由於心裡預期會耐, 所以當食物來時, 又沒覺得等了很耐. 條魚意想不到的大, 好彩我真係好中意食魚, 同埋一啲腥味泥味都無, 反而擔心咁大條有無部分位置唔熟, 又好好喎無發現. 條魚賣相一流, 平時見啲魚係側身上碟, 呢度係好似魚在水中游, 汁就如水般, 屋邨餐廳有咁好的水準, 值得讃賞! 味道呢, 咸檸檬不夠出, 汁可以濃一點.套餐嘅湯, 又有驚喜, 係原煲(小)上, 湯料有沙參玉竹紅棗瘦肉, 全部煲得好”林”好出味, 飲完覺得好潤.呢個價錢, 咁嘅份量同質素, 感覺好超值!

家在火炭，放假行去禾輋食午飯，這間食過好幾次，之前食過海南雞（好味）和越式牛肉面，都唔錯，今天試這個香辣牛肉炒飯，唔錯，比想像中好食，口味比較重，比較辣，如果食唔到辣，千其唔好叫。

有事路過禾輋剛巧遇上企在門前開通手機在google 搜尋了兩三分鐘便毅然入座。。。無他下午茶價錢確實吸引，而且裝修風格時尚兩者俱備負評易少、所以亦不需要戴上頭盔~講真眼睛橫掃一輪之後我都不知裝修朝向那一個風格, 總括而言就是(潮)年青一派(ー_ー)!!輕食粉麵飯分別有:扎肉雞粒炒飯 /泰式炒金邊粉 /椰皇焗香茅雞扒飯 /紅咖哩豬扒飯/ 星洲炒金邊粉 /冬陰公豬頸肉炒烏冬/ 河粉湯類分別有:魚片頭扎肉湯河/越香雙丸湯河/越香牛肉湯河/越香扎肉雞絲湯河 /價錢則由HK$36至HK$40等選來了一個迷你版星洲炒金邊粉 ，以一間 裝修肯落功夫深信擺款與餐具也不會(嗎呼) 、 上枱時眼前也稍稍為之一亮， 金邊粉炒得鬆散材料亦算足夠只是美中不足就是鹹度偏過、 就好像每一口都加上很多鹽花一樣， 吃上一半以中途放棄~奶茶方面倒是沒有什麼問題,傳統一般茶餐廳風格現今來說重口味在出外搵食時經常遇到與發生, 投訴過後重新下來一碟？ 還是將它放在水裏拖一拖浸一浸先至再吃？ 一來恐怕換來的是(加料)製作, 二來又恐怕拖一拖浸一浸之後食物完全走真、取其三方法， 便是不吃才是良方。

餐廳標榜星泰菜式，款式都算多，但就有啲怪。豬頸肉沙律，豬頸肉竟然係切幼絲，口感好差，豬頸肉亦都烤得唔好。冬蔭公豬扒金湯粉，一食落口明明係喇沙味，即時睇下落單同餐牌，但又無喇沙，姐係餐廳不嬲都咁煮。最正常係椰青，同埋fusion既芝士雜菌焗茄子。唯一係取係一定食得飽，價錢唔算貴。

星期二的中午，約了朋友去沙田運動場跑步，跑完步後便到附近的禾輋商場，上了三樓的漁樂開餐，午市時間人多，但未致於要等位，餐廳午餐的選擇十分豐富，共有十四款，主打東南亞風味，飯有香茅豬扒飯、海南雞飯、香辣牛肉炒飯等，麵有星洋炒貴刁、金不奐炒金邊粉等，最後選擇了豬扒冬陰公金邊粉和金不換炒金邊粉。豬扒冬陰公金邊粉湯底酸酸辣辣，味道略正宗，豬扒都是先炸過才後放湯，所以口感好，至於不換炒金邊粉，炒得夠鑊氣，調味好，是個不錯的炒粉。

今日行完山去到禾輋廣場醫肚，見到這間餐廳有下午茶時段加上環境不錯就入去嘗試一下。室內環境很好，檯與檯之間不會太迫狹，感覺舒適。下午茶選擇很多，今次我叫了香辣肉碎炒泰式金邊粉配即磨咖啡$39賣相討好，金邊粉炒得不錯，食落感覺乾身不油膩，配料亦足，有蛋、葱、芽菜，但辣味略嫌不足，食物份量多一點就更加好。 

今晚約了朋友在禾輋交收東西, 一齊食晚餐, 朋友建議這間店舖, 地方都幾大, 感覺舒服, 我們點了一個星洲燒雞餐配木瓜絲田園沙律, 燒雞半隻, 不過不失, 肉質一般, 但還可接受, 木瓜絲田園沙律新鮮, 但不知是否師傅太重手, 望落已經好多油, 沙律汁酸酸甜甜, 很合我口味, 香辣牛肉炒飯, 非常乾身, 香口, 不算太辣, 好味, 但食了一大半才記起要影相, Haha, 再加一個泰式酸辣無骨鳳爪沙律, $42, 但份量都不少, 好入味, 酸辣味配合得剛好, 免收加一, 埋單都是$173, 超抵食. 

放得果一個鐘lunch都唔知食乜好，行遠啲又唔夠時間喎，見禁耐冇食過漁樂就食下囉。叫左個扎肉牛肉丸河，都ok嘅。之後又想食菜喎，咁就叫多個蝦醬炒通菜，嘩，鹹到呢，要放落去個湯河啲湯到洗下先得。

星期五晚上放工來禾輋商場搵食，呢度好多食肆，又不用等位，而且大多價格親民，所以我們都喜歡來這裡吃飯。因為晚上不想吃太多，所以只點了芥蘭和炒牛肉金邊粉，加埋每人一盅肉骨湯。菜和金邊粉不用多說，味道可以，份量合理。要説的是肉骨湯，藥味香濃，別的星馬歺廳通常只有肉骨茶作為主菜，很少有主菜以外的肉骨湯，而且只係加$18就有一盅，吃完一盅湯巳飽了一半。再食埋金邊粉同菜，兩個人其實已經很滿足。這𥚃很適合我們這些喜歡簡單舒服吃一歺便飯的人。