漁樂 (禾輋廣場) (Closed)

星期天和家人一同到禾輋的漁樂進餐。不用等位，待應反應極快就帶我們到內坐下來。我們兩個人點了三個食物。脆炸魷魚木瓜絲田園沙律炒飯 和炒河沙律的魷魚非常新鮮，爽口無筋，食得出是即炸，絕對不是翻熱的。炒河和炒飯也非常可口，飯粒粒粒分明，河粉每條都滿是醬汁。不覺肥膩！炒飯上的魚脆片也不是平常食到的印尼蝦片，脆口帶有少少魚露的香氣。炒河上的泰式臘腸也不油，同時也不太硬。很配整個炒河的味道。另外，待應手腳都好快，送餐時也很有禮貌。連收碗既姐姐都非常有禮。唔係滿口唔咸唔淡既廣東話阿姐

連續落左幾日雨，今日老細竟然話可以早d走，咁就即時約朋友食飯啦，來到位於禾輋既漁樂。可能因為落大雨關係，餐廳唔算多人，唔駛等位就有得食。兩個人叫左兩個主菜 + 一個小食，份量岩岩好。香茅豬扒冬蔭功米線:朋友最愛冬蔭功，指明要呢個米線。冬蔭功湯底夠濃，唔會太辣，加埋米線都唔覺得湯底淡左，配埋香口既香茅豬扒，話咁快成碗連湯清晒。青胡椒雞煲:原本想叫青咖喱，黎到再望望餐牌先知道睇錯左，唯有照食啦。但食落竟然覺得越食越好味，都算錯有錯著。雞肉好嫩滑，配埋青胡椒汁非常惹味，食到停唔到口，唔好以為份量好少，食食下發覺原來個煲都幾深，好似食極都有咁。鐵板雜菌茄子:份量以小食黎講都幾多，茄子面頭鋪滿雜菌，上檯時熱辣辣，味道都算唔錯，唯一美中不足既係比較多油，令茄子俾人感覺好油膩。總括黎講，呢度食物都幾好味又唔貴，不過下次真係要試下個咖喱。

朋友話我知沙田禾輋邨有好味泰國越南菜食，今日見得閒就特登去咗揾食。在禾輋商場揾咗一輪都揾唔到，要去詢問處問職員先知要搭電梯上一層才見到，地點都算隱蔽。睇吓餐牌，價錢非常大眾化，初次幫襯，就試吓午市套餐嘅越香什錦河同飛天通菜炒豬頸肉配飯。越香什錦河湯底香濃，有牛肉，扎肉，牛丸，豬肉丸，材料好足，河粉份量亦好足夠。至於飛天通菜炒豬頸肉就略鹹喇，而且豬頸肉只有薄薄數片，好彩炒通菜鍋氣好夠，份量足夠食完一大碗飯。套餐仲送一杯飲品，亦可加3元改配汽水，以咁嘅價錢，都算好抵。

食炒野除左可以多種配料炒埋一碟外，莫過於食佢既“鑊氣”，如做到有鑊氣又不油腻就perfect 了！ 幾乎每星期放教會都會一班人在禾輋食晏，因為食悶了意樂，一班人又唔易揾位， 就改為勁食漁樂。 之前我一直食生牛肉湯河，冬蔭公湯河，今日換換口味食炒飯。 Thai香辣牛肉碎炒飯 $50這個炒飯一到時已香噴噴！ 睇到都覺得炒得靚！ 食落乾身，唔油膩！當中除左有牛肉粒仲有一些豆粒同葱粒，對健康平衡點。$50包飲品，值錢合理。 朋友話好的冬蔭公炒烏冬都很好，味道夠仲唔會很咸，是禾輋中已是很好的餐廳！

住係禾輋既寶寶，今晚帶左我黎 漁樂 食飯🤗🤗兩個人叫左 THAI炒飯 + 牛肉湯河 + 黑糖牛油雞翼；我見叫飯或麵飲品半價，就叫左罐Coke Zero 😋Coke Zero 好快就到，最驚喜係佢原來係連冰杯底👍🏻半價只係$9，已經感覺好抵轉頭 THAI炒飯就到。THAI炒飯表面無乜特別，但一食真係停唔到口 😋😋😋啲飯炒到一粒一粒；並沒什麼特別配料，只是洋䓤跟䓤加點牛肉，帶點辣但很惹味！再來是牛肉湯河，$4x 但也很大碗，有4-5片牛肉；味道正常，以這價錢已是很不錯最後來的反而是小食雞翼 🤗一食，很熱、很香、也很脆 👍🏻總括黎講，本人覺得以晚餐來說，價錢公道之餘，亦不失質量；有waiter 服侍但不收加一 👍🏻座位也不算迫挾... 以這價錢，有這種質量、服務及環境，算很好👍👍👍

新城市食飯食到悶悶地，特登走到去禾輋村搵食。漁樂之前食過一次叫小菜，今次就試下佢個冬陰公湯底邊爐，148兩位好抵食，而且配料非常豐富，有一盤肉拼盤同一個菜籃，牛肉唔似平時出街打邊爐咁簿，份糧都幾大份，有肥牛同豬頸肉同埋肉丸，再可以用特價加野飲，我地叫左個二人餐三個人食，加左碟肥牛同烏冬，再加左半隻燒春雞同手抓餅，飲埋椰青同青檸梳打，食到肚滿腸肥。仲有餐廳裝修唔算豪華但都幾有心思，侍應服務態度都非常好。整體黎講十分滿意，下次都會再幫襯。

由於媽咪係唔食牛既關係所以今次叫全豬set 打邊爐之前飲返碗冬陰功冬陰功唔會因為係湯底而偷功減料d 豬頸肉吸晒冬陰功既味勁入味 爽口加埋兩杯青檸梳打埋單先168 抵食之選

原本對這商場內的餐廳沒太大期望，但漁樂卻帶給我驚喜！和男友二人打算簡單吃便飯而來，卻大讚抵食夾好味！裝修不錯，職員反應快，上菜亦很快。至於菜式亦要一讚：清邁小菠蘿炒飯：雖然沒有我喜愛的提子乾在其中，但同樣足料，而且餸切得細，刀工一流，有鑊氣，炒得均勻，飯乾身一粒粒的，好吃！拌碟的菠蘿亦夠甜，夠fresh!蟹籽炒飯：味道比菠蘿炒飯更香，整個飯彌漫著蟹籽的咸香味，每一匙羹的飯都會看到沾滿蟹子，刀工及鑊氣同樣出色，下次必定要再點！紅青蘋果沙律：蘋果不算多，但中間夾層有泰國木瓜，清淡爽口，作為代替飯餐的蔬果類亦不過不失。椰青：清甜好飲。平時不太愛吃椰青肉，但這個我會吃下一半。刮著刮著椰青肉，彷彿看到有椰子油及椰醬流出，為椰汁添加風味，正呀！最後，欣賞上菜碗碟，大部份都加了手柄，員工上菜或收拾都更安全方便。

這店開將了一段時間，終於有機會同媽咪落嚟嘆番個下午茶~輕量海南雞·雞油香飯~講明輕量，當然唔太份量啦，飯有點雞油香，但嫌略飯太乾身咗…絲網鳳尾蝦春卷~夠脆，但得3條，嫌少咗點黑醬油雞翼配蒜茸包~雞翼炸夠香脆，加埋個秘製黑醬油，味道配合得唔錯~凍飲+$3，爆檸特飲+$8，沙冰特飲+$18始終都係起身第一餐，當然唔夠飽肚，所以媽咪叫多個正價~海南雞·雞油香飯$58，雞多啲，飯多啲，仲有少少配酸菜~整體嚟講，係屋邨有咁嘅模式餐廳，算唔錯㗎啦~

好少寫食評, 但呢個性價比太低忍唔住要寫!外賣左個炒金邊粉午餐連例湯同熱飲, $49個蘑菇湯稀到水咁 金寶湯都不如, 仲要有隻小蟲仔係入面 飲左兩啖無飲炒金邊粉好大盒好多粉! 但真係得D粉 D料好難食 蝦仔都無隻最後食剩半盒...以屋村仔商場黎講...成50蚊比D咁既質素 好難說服人再去食

冇人帶位，自己揾咗張剛有客離開的，連紙巾都冇張，下午茶叫咗個小波羅扎肉炒飯，第－啖，又淡又凍連豉油都冇，揮手点菜，手都軟，服務員蘇子甄態度很差，叫朋友去另－间吃扒好過

禾輋商場開了新食肆，在三樓酒樓對面，因為附近少有食東南亞嘢，加上新舖，貪新鮮幫襯。佢同二樓意樂同一集團，但價錢比意樂高些少，值唔值就見仁見智。叫咗牛肉湯河，個湯幾清甜，牛肉應該都係急凍嘅但都有牛肉味。最正係河粉，好幼身又滑，抵讚。要留意可能新開店，運作唔夠暢順，上菜有機會耐啲，要催促店員，希望這點會有改善。