Linguini Fini (Closed)

成日聽朋友講中環伊利近街有間意大利餐廳啲意粉好好食，今日小妹終於有機會一試。食物方面，我點左Tuscan Fried Chicken，味道唔錯，炸雞香脆多汁，食落有香濃咸蛋味，非常有驚喜。主菜我食左Papperdelle “Nose to Tail” Bolo，呢個意粉係餐廳嘅主打，朋友亦都有推介過呢款意粉。意粉醬汁香濃，裡面有好香嘅肉絲，加上闊條麵質地彈牙；同出面食嘅意粉味道相差很大，有種食極都唔夠嘅感覺！環境方面都唔錯，餐廳有好多客人，但唔會覺得好迫；裝修好有傳統意大利餐廳嘅風格，價錢又合理，值得推介！

食嚟食去都係個幾間，決定上 OPENRICE 睇下有咩新餐廳可以試下。呢間好似都開左幾耐下，只係我岩岩先發現，睇評價好似唔錯咁就試下啦！嗌左碟牛同埋碟芝士通心粉試下，感覺第一次試呢啲應該穩陣。結果唔單只唔係不過不失，係好食！先講碟牛。我自己就 prefer 嗌 medium rare 既，碟烤牛肉再加埋啲芝麻菜，炸左既 gorgonzola 芝士同魚蒜泥蛋黃醬，呢個 combo 加埋，陣味真係超香。甜酸同咸呢三種味都有，但係岩岩好平衡返，食入口一啲都唔違和仲好新鮮！雖然 medium rare 唔係個個都接受到，但因為佢係 dry rubbed 既關係，個人建議就算唔食得太生食物既人，最好就有咁生嗌咁生，因為咁樣個口感真係會好好多。另外個個就係 mac n cheese，本身就已經諗好左食牛，但唔知第二碟嗌乜好，見到隔離枱食呢碟野食到 lam lam 脷，就跟佢試下先！佢係自家製通心粉加車打芝士、parmigiano 同 mozzarella 芝士。你鍾意食得芝士就多數都應該鍾意食 cream，唔係講笑，佢勁 creamy！佢落左 sour cream 同普通既 cream，入口口感超

岩岩係中環呢邊完左個 event，random 試下行下就入左呢一間，本身都係諗住睇到裝修、個 menu 望落唔錯，所以先入去，點知有驚喜，都唔係話單純飽肚，係真係幾好食。如果鍾意食辣既話呢個送必試！陣辣味真係好香，不過如果你本身唔太食得辣既話，呢款可能未必食到。係個種「你食得辣就會覺得好好食」個種送。肉質好好，唔會話用好多濃味去掩蓋住肉質既鮮味。佢加個啲芥末醬真係好好食 環境唔錯，雖然熱鬧但都唔會話太逼太嘈。氣氛好，幾適合一大班人約會見面食飯個種。

打從同男朋友約定左一個星期只可以食一次好西之後，我地足足三個星期冇見… 一個返夜一個返早，時間錯開哂～今個星期終於夾到時間，所以唔係 Friday night 都要同男朋友出去行下食下野 好開心啊，足足一個月都冇食好野，試呢間個陣都有啲驚自己會試伏，好彩係冇既！因為我地諗住會有下場，所以兩個人都唔算話嗌左好多。嗌左一個意大利沙津、海鮮意粉同埋芝士條。食開意大利菜既話你都知佢講呢款意大利沙津 (Caprese) 就唔係你平時食開個種沙津係有芝士溝雜色車厘茄個隻～本身我自己就勁鍾意食車厘茄，貪佢甜甜地入口 juicy 又可以減肥，跟住溝埋雖然邪惡但真係超級好食既芝士，呢個當 starter 係真係穩陣。如果你鍾意食岩岩個款芝士既話，咁呢個就可以要嗌埋。因為係同一款芝士整既芝士棒，再溝意式蕃茄醬同 cream sauce呢個真係好好好好好好好好好好食！美中不足係，如果佢份量可以多返少少會好啲… 畢竟我都幾大食 就算有下場都要嗌返個主菜既…呢間既海鮮意粉本身就出名～海鮮個量都真係唔搵笨，睇圖你都見到幾多舊蝦。個量係足既，兩個人咁樣 share 嚟食都 7 成飽。個醬汁好正好香，都係個句，個人認

落中環做嘢，就梗係要食左個靚早餐再開工。行過見到個裝修同 menu 幾吸引就好 random 咁行左入去。餓起上嚟唔好講咁多，即刻嗌返杯 cappuccino 同三文治嘆一嘆先。雖則杯啡冇拉花，但陣咖啡香味真係超超超超超級香，成個人醒神哂。咩一日之計在於晨，我就話最緊要食個靚早餐先。唔好睇呢個好似茶記包咁，有驚喜！個薯仔唔係太淋，整得岩岩好少少脆，好食。再加埋佢啲 cream sauce，真係抵抗唔到咁邪惡既美食。一支公去咁既環境食都幾 chill，幾時下次再落去做嘢既話就唔駛諗咁多 random 入一間咁，就返呢間食。

之前就已經聽過朋友講話呢間抵食，食厭左美國菜但又想試西式嘢既時候就醒起呢間！雖則呢間好似係話出名在於 pizza，但我地兩條友又食唔哂成個 pizza ，又岩岩其實岩岩食完 tea 冇耐…咁就嗌左個意粉同沙津 ～本身就係鍾意食辣但又唔太食得辣，問一問個侍應就話個海鮮蕃茄意粉本身個個醬辣既～怕太辣所以我就嗌左少辣。本身都怕少辣左隻味會唔夠濃，但好彩係唔伏，仲幾好食～話係海鮮意粉都冇好似其他餐廳咁揸流攤，真係海鮮既，好似我呢啲鍾意食海鮮既人就真心 buy。佢個辣味適中得嚟又岩岩同啲海鮮平衝返，個口感係爽同彈牙既。唔可以話 cp 值高或者特別抵食，但呢個質素絕對係對得起個價錢。最最最最重點既地方，就係佢鋪係面個塊芝士！！本身減緊肥就真係唔應該走去食芝士，但諗住叫間係無肉餐廳咁都唔會肥得去邊啦，點知芝士就成功誘惑到我啦，因為你行入間鋪就會聞到好鬼香既芝士味。所以都係忍唔住加芝士（你可以唔加，好似係）芝士溝辣野係真係冇得輸，成個粉最好食係舊芝士～但成件事係真係濃郁同個口感都幾緊要下，所以嗌返個沙津就真係岩岩好平衝返。佢上菜係上左個沙津先既，好彩佢係上沙津先，因為呢個次序係最好。加上佢啲菜係本地菜

Grill chicken and kale wrap healthy styleFried calamarithis one is fineArthur Ave Linguini with clamslove this!!!! full of clams

又去蘇豪覓食～今次試呢間叫Linguini FiniShrimp and scallop arrabbiata我最愛嘅紅汁意粉 好多料呀 都唔錯Homemade spicy sausage辣肉腸 我食得辣嘅所以覺得完全唔辣嘅 不過都幾惹味

上星期男友生日，去蘇豪食飯慶祝~睇過其他review話呢間抵食算平 就去試下啦！到而家先得閒post review叫左唔多嘢~一人一個pasta啦呢個我叫嘅Linguini with clams個汁幾好味 係我中意嘅粗身pasta!男友叫嘅Seafood Linguini~我偷食左幾啖哈哈啲海鮮份量都幾多~我中意呢個汁~仲叫左呢個Roasted rare beef salad個sauce好味呀同牛好夾！Overall都幾好 環境食物都幾好 價錢soho黎講都好acceptable

星期六晚去到蘇豪搵食朋友話呢間pizza好正 就去試試啦！不過本身5點幾左右又食左嘢 搞到我地都叫得唔多Pepperoni pizza傳說中正嘅pizza! 好大個！基本上食佢已經飽左⋯⋯又唔算貴喎咁大個 個feel好滿足！芝士呀芝士 一個字：正Skillet cookie食左pizza已經飽飽地 見到隔離枱食呢個又覺得好吸引 就2個人些牙埋佢！好食！兩個人飯後甜點啱啱好呀今次真係食得唔多 下次真係唔好5點幾先食tea.....唔係就可以試多啲.....

今日啱啱約咗個朋友去AIA嘉年華;之前聽朋友講過話呢間野好好味所以順路過黎食埋Lunch！一去到基本上都兩個都唔需要等位，坐低左就急不及待叫咗嘢食，令我最印象深刻嘅係呢間餐廳嘅炸魷魚好有口感十分層次，黃金脆皮，味道辣辣地，再加上旁邊既番茄醬汁真係配搭得啱啱好另外亦都叫咗一個意粉，因為朋友話呢度係意粉好好食佢係手打意粉，好彈牙!天花板上面亦有好獨特嘅設計，會見到handmade sausage 整齊掛滿哂我哋叫嘅海鮮意粉，意粉每一條都非常彈牙，另外意粉個汁係用左檸檬配搭一下，非常開胃海鮮亦都非常新鮮，店員亦都有介紹佢哋出名嘅大Pizza，我哋一見到餐廳裏邊好多人都帶但係兩個女仔真係食唔到，唯有下一次約埋成班朋友一齊試吓大Pizza啦!!值得一講嘅係餐廳嘅同事非常用心，餐廳裏便嘅設計好有格調

臨急臨忙相約一班舊同事食晚飯， 記得之前都睇過呢間既食評唔錯而且個大pizza岩晒一班人食，好！ 就一於book枱食飯啦！八點零去到都坐滿人，大部分都係外國人，soho 區不嬲都唔係陀地覓食地方首選黎😂😂叫左魷魚圈，海鮮意粉同埋half half pizza, 四個人分岩岩好，魷魚圈好食，夠脆夠香，加左檸檬汁食落好惹味，期待既意粉相對失色，因為呢間餐廳既signature 就係手打意粉，可惜冇特別之餘又太咸，海鮮亦都唔似新鮮到個pizza 一上真係即刻相機食先呀，好大個好大個好大個，重要既野係要講三次，留意得兩個人去真係唔建議叫呀！味道中規中距啦⋯⋯最尾叫左個甜品，係一個好大塊既cookie, 係個waitress 推薦我地食既，Ok架唔錯，唔會太甜份量岩岩好...值得一提係服務幾好，每一樣野上菜都會問我地好唔好食，主動換碟收碟加水值得一讚

去AIA嘉年華之前, 想搵間西餐廳chill下黎到中環Soho區專食pasta嘅餐廳不難發現Linguini Fini我地揀左近門口嘅位置, 一路飲住啤酒, 睇住行人放狗, 遊客影相, 好relax~Caesar Salad $129蔬菜非常新鮮, 上面亦鋪有好多好多芝士!Fettuccine Funghi $159我一向只喜歡creamy and cheesy嘅意粉, 呢個啱晒我心水!! 好味Fried Calamari $99我仲見到餐廳有好多人order超大size Pizza, 不過今次我哋只係兩個人, 唯有下次再試啦!

平日既晚上突然來個team dinner, 因要歡迎一位第一次黎香港既朋友～ 地點想近中上環既餐廳，蘇豪區一定係頭號選擇。有食過既同事就推薦去食呢間意大利野。首先要講既係，waiter 真係好靚仔@@ 然而更更重要的是佢非常熱情招待，唔講仲以為佢係老細添！我地一行5人又貪心地叫左5樣野，其中一個更是大大pizza! *水牛城雞翼： 唔會太酸，小小辣，比較適合大眾口味既buffalo wings （話晒呢間係餐廳為主，唔係bar，唔會「焗」你order drinks)，肉質都夠嫩，一客有6隻～*炸雞件：另外starter 仲叫左個雞件，但十分普通而且係偏硬既雞胸，不太感興趣所以無影相。*主角！Margherita pizza! 好大好大既size, 偏簿身但唔會簿脆到牙齦痛（通常食簿身pizza我都會食到咁），佢既餅地仲係麵粉質地多，批邊烤得幾香，有d似印度「囊」果種少少煙軔既口感；而最普通既nargherita都已經有好多料！除左多到拉絲既芝士就係茄醬同豪不客氣既更多芝士！ 好heavy但超滿足～*主菜仲叫左個辣蜆linguini ,諗住餐廳叫得linguine點都要試下， 點知佢既l

同個朋友去soho 食飯, 黎到呢間門口, 本身想叫個pizza, 但真的太大了! 兩個女孩子胃細細, 只敢叫小食, 最後忍唔住叫炸野食。今次叫左炸雞同炸魷魚, 估佢唔到d 雞炸得夠乾身, 但肉質軟熟, 味道算可口!炸魷魚質地爽口, 但就唔夠辣味, 不過在旁既意大利蕃茄醬汁補救番, 吃時味道很夾, 感覺唔會太熱氣! 炸野黎講, 佢算炸得唔錯, 不會油膩但有香味及保存到新鮮既肉質, 但味道偏淡。如果味道再濃一點及鮮明點會更理想。無論如何, 我下次一定要約多幾個食pizza 滿足一番!