百味閣餐廳

Open Now

Now Closed

九龍塘隱藏著一間老字號的西餐廳—百味閣。餐廳讓人彷彿穿越回舊時光，懷舊的氛圍讓每位食客都能感受到過去的美好。餐廳的穹頂彩色玻璃透出柔和的光線，牆上那些微微泛黃的香江黑白照片，無不訴說著歷史的故事。而茜紅色條子桌布下的藤織座椅，則為用餐增添了一份舒適感。百味閣提供的是懷舊港式西餐，令人感受到數十年前的舊香港風味。⎊ 1. 脆皮雞脾併帶子串燒伴天使幼麵、獵人茄汁金黃色的雞脾皮酥脆，咬下去的瞬間，豐富的肉汁四溢。帶子串燒則外焦內嫩，一枝串燒插下來的擺盤非常型格。而天使幼麵的口感輕盈，喜歡的可以沾上餐廳調製的獵人茄汁，整個配搭一流。⎊ 2. 鐵鍋爆帶子牛扒粒伴菠菜麵及青胡椒汁食物以鐵鍋盛載，讓食材的鮮香味道完全鎖住，餐廳的小心思值得加分。牛扒粒煎得嫩滑，肉質鮮美，帶子亦處理得恰到好處，不會過老。另外，菠菜麵的搭配則讓整道菜多了幾分清新，帶著淡淡的菠菜香氣，與牛扒和帶子的味道形成了良好的平衡。⎊ 3. 咖啡燉蛋杯咖啡燉蛋杯外觀精緻，燉蛋的質地滑嫩，入口即化。而咖啡的香氣亦相當濃郁，形成了一種醇厚的口感。⎊ 4. 熱咖啡最後，熱咖啡在這個環境之外特別有感覺，寧捨好飲。百味閣不僅是一家餐廳，更是一段

門口見到百味閣30周年既氣球🎈💐原來都經營左咁多年，仍然保留住經典西式教堂既風格，每次來都有親切感，味道同氣氛都保持水準，餐廳佈局簡單，卻不失溫馨，呢度都係嗰個熟悉嘅味道，希望係依個咁差既市道下，繼續食到依間餐廳既風味🍽️🧀🍄🐖 芝士焗松露菇餡豬柳扒 $160呢道豬柳扒煮得啱啱好，肉質相當嫩滑，咬落好似雞肉既口感，上面夾住啲松露菇餡同車打芝士，增加咗香氣同口感，睇落好吸引，入口即化。配埋巴馬腿意大利飯，飯粒煙韌，巴馬腿鹹香，完美平衡咗芝士同松露嘅濃郁，另外值得一讚既係香烤蔬菜🥦🥕中和了餡料的肥膩。🦞🍤🐟 龍蝦汁燴蝦球青衣魚塊 $185呢道菜一上枱就已經香氣撲鼻，龍蝦汁嘅濃郁海鮮味令到蝦球同青衣魚塊更添風味，蝦球咬落爽口彈牙，魚塊口感比較厚實，食落似石斑，但兩者配合得天衣無縫🥔薯蓉質感幼滑，配合蘑菇片同蔬菜，為成個菜式增添咗清新感，可惜整體份量細左啲。每份晚市套餐都有餐湯、麵包同甜品，非常滿足，餐湯有時係當晚特製🥣，並不是罐頭味道，今晚係粟米魚柳忌廉湯。甜品就不過不失，多數都係咖啡焦糖燉蛋杯，今晚侍應更為我哋特別送上生果🥰非常滿足。百味閣餐廳 Lion Rock Bistro 🍝🥩🍷🍰九龍

已經30週年，老誌號餐廳，位置不算近地鐵站，都以街坊為主要食客，還能營業至今有30年，確實有一定取勝之道。餐廳雖然不在大型商場之內，或就近地鐵站，但從地鐵站前來也不算很遠。餐廳保留著多年裝潢，牆上也掛滿了過去年代的照片。服務員會以親民態度來給每位食客一點建議，皆因餐廳食物供應種類眾多。餐牌有晚餐也有餐牌散點美食，甜品飲品都俱備。最意外就是每日新鮮到貨的食材，最引人吸引的就是1封柳門，以重量收費。除此，還有新鮮魚選擇，都一樣值得一試，只需加HKD30，就轉為套餐，包餐湯和飲品，價錢非常親民。海鋰魚柳，轉套餐 HKD118，可以選飯意粉或薯蓉，醬汁可選檸檬牛油或白酒，最後決定檸檬牛油汁配薯蓉。餐湯，羅宋湯，食材都不少，有菜有牛腩，帶點微辣味道，非常開胃。餐包蒜蓉多士，即焗，非常香脆，美味。魚柳加了蛋汁煎香，肉質滑溜適中，配上牛油檸檬汁，沒有檸檬酸，但又有點風味。但個人更喜歡只加點鹽直接吃，鮮味十足。薯蓉口感滑溜，有著淡淡牛油香，確實有一定水準。封門牛柳 8oz 轉套餐 HKD198，牛柳只跟薯菜，可選燒汁或黑椒汁。餐湯，豆蓉忌廉湯，把豆打成蓉，個每喝一口都滿滿豆蓉。封門牛柳煎得剛剛好，帶少

嚟到百味閣，食到嘅除咗係食物嘅味道，仲有懷舊嘅氛圍，就好似細細個跟爸爸媽媽去西餐廳食飯咁樣嘅感覺☺️ 倒計時應全部都好nice，俾你一種歡迎返嚟呀咁嘅感覺，好warm。一路食飯，仲可以欣賞牆上掛住香港舊時嘅照片。餐廳定價公道，百幾至二百幾蚊一份晚餐，餐湯餐包主菜甜品飲品，全部都齊晒。今晚叫咗兩個Set ，鐵鍋爆帶子牛扒粒同埋法國鵝肝併肉眼牛扒。先嚟烘熱咗嘅蒜蓉包同埋熱辣辣好足料嘅羅宋湯， 飲完個人即刻暖笠笠。呢度原來仲有中湯同西湯揀，如果唔想飲羅宋湯，佢哋今日嘅中湯係西洋菜湯！帶子牛扒粒份量十足，旁邊嘅青胡椒汁自己加上去，倒落熱窩度有滋滋聲，好有風味。 帶子大大粒幾鮮甜，牛扒粒亦都軟腍好味道！鵝肝併肉眼牛扒比較邪惡，鵝肝油脂滿滿的😆牛扒厚厚的，口感唔錯。最後的甜品簡直係回憶剎，咖啡燉蛋杯嘅咖啡味道係細細個食咖啡糖、咖啡卷蛋嘅味道🥹 臨走見到呢度門口有個食材櫃，牛扒魚塊嗰啲都可以喺度揀，下次可以試吓咁樣！

依間有30年歷史嘅餐廳百味閣，以前學完車成日嚟食下午茶餐，佢嘅食物懷舊得嚟仲好有特色，有時我哋2個人會叫3個下午茶餐，試多啲嘢😂今年原本25/12訂咗位嚟食聖誕大餐，但臨時改咗Boxing Day食，點知去到餐廳先發覺已經冇做聖誕大餐得普通晚餐，仲好，慳返啲😆我哋叫咗一啲晚餐同散叫，平好多😂煎法國鵝肝 $150 好香脆嘅鵝肝，配埋多士，另外仲有大堆頭真材實料嘅芒果沙律同蘋果😋紅酒燴牛臉肉及牛脷伴菠菜飯或菠菜麵 $170我哋揀咗菠菜飯，配埋紅酒汁食好滋味，牛臉肉牛脷都好軟淋，份量超多❤️封門牛柳西冷 $198 轉set加$30包湯及飲品$22/oz, 8安士左右，3成熟嘅西冷，生熟度剛好，牛味好香，軟淋，好滿意😍鮮奶煮豆苗 $88有啲估唔到西餐廳會有依個類似中式菜，但又煮得幾好食😅紅酒 $48評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺百味閣餐廳聯合道320號建新中心地下2-4號舖📍九龍塘港鐵站A2出口8分鐘路程#healingbobo #foodie #hkfoodie #foodiehk #香港 #美食 #香港美食 #KowloonTon

平時去開九龍塘都淨係識行第一城，呢日心血來潮想出商場外探下有咩食，點知尋到寶路程都好近十分鐘內行到 最近天氣凍行過去好舒服去到先知原來已經係三十年老店，店內已經掛起聖誕裝飾好有氣氛~見有個special set好豐富又唔貴 就直接每人叫咗個set嗰日餐湯除咗羅宋湯仲有個西湖牛肉羹，羅宋湯有少少辣好惹味，牛肉羹牛肉味都好出，感覺無咁熱氣。跟湯仲有啲蒜蓉包 牛油好香先上嘅係芝士焗松露菇餡豬柳扒 伴巴麻腿意大利飯、燒汁，平時出街好少叫豬 因為好易熟得濟就會鞋，但呢個豬柳扒簡直驚為天人 好淋 輕易咬得開，仲要有香草調味 味道入晒個豬柳扒度好香🤌 加埋個芝士松露菇餡口感又有啲變化 個意大利飯都好好食，加咗少少巴馬臣芝士好香好吸引之後嘅鐵鍋爆帶子牛扒粒 伴白飯 及青胡椒汁，一上枱香到爆 讚埋個故椒汁落去 少少辣襯到啲牛味更加出，帆立貝都煎得好香 好開心 配料都好豐富 感覺無咁邪惡意料之外仲有果盤 呢餐食得也太充實😂最後黎個布甸收尾，估佢唔到係熱的，對女仔幾友好👍

今日下午去了九龙塘百味阁。人唔多，约莫三成人好宁静啊，环境舒服，装修几靓好有怀旧嘅西餐厅感觉。服务态度好。拣咗两套下午茶。牛脷牛腩米线热柠茶，我要淡的一个系西多，香橙，香蕉热奶茶，两个分量都很足。才38元。味道不错。又不收加一。性价比十分高。因为我住在附近虽然如此都比较少去那边。原来有一间咁好嘅西餐厅。有机会试下去嘅午餐或者晚餐。另外佢设计嘅餐单好合我心水啊，有一张系不用叫饮品的。咁你就可以额外叫多一个。值得推介。

召喚浸大人！相信各位浸中嘅朋友對呢間餐廳都唔陌生，佢就係位於島仔嘅百味閣餐廳。原來唔經唔覺佢都已經30周年，記得小編以前讀書嘅時候有時間嘅話，都會過嚟食吓午餐。今次返到嚟估唔到係試佢嘅晚餐！呢間扒房裝修古色古香，入面有非常signature嘅彩繪玻璃天窗同非常經典嘅酒吧枱，呢類嘅港式扒房真係買少見少。湯&包扒房必定要食嘅就係佢嘅羅宋湯，呢度嘅羅宋湯非常足料，蔬菜比例佔多，蕃茄味比較突出。另外佢哋嘅餐包係用蒜蓉法包，蒜蓉味突出幾香濃。兩個配埋一齊食，真係經典嘅搭配。味道：7.7/10芝士焗松露餡豬柳扒 $145佢係豬柳上面鋪滿咗蘑菇同芝士整成嘅菜式，再配上意大利飯。豬扒比較薄，但係口感尚算軟腍，唔會乾柴。整體嘅味道芝士比較突出，唔多食到蘑菇嘅香味，反而吸滿咗醬汁嘅酸味，搭配上比較奇怪。至於意大利飯雖然未去到正宗咁al dente ，但都算有啲口感，軟中帶硬，味道偏向忌廉，口感Creamy。但配埋豬扒略嫌太膩。味道：7.6/10鐵鍋爆帶子牛扒粒 $160呢個幾有驚喜，佢每粒帆立貝都非常大粒，而且唔會有腥味，啖啖肉。至於牛柳粒肉味香濃，肉質軟腍，比想像中更好。配上佢嘅青胡椒汁，係幾惹味嘅。佢

工作完畢途經聯合道，肚子餓了，去了一間裝潢充滿懷舊情懷的餐廳，天花鋪上七彩玻璃，令環境增添了更多色彩。 羅宋湯香濃的蔬菜湯，雖然做法簡單， 材料亦不複雜，但做到酸中帶甜，甜中帶香，味道非常濃郁，有著傳統味道就不容易！ 鮮周打魚現在的餐廳已經很少有這款湯選擇，見到餐牌上有就特別點選。湯裡有很多魚肉， 一啖一口，亦有紅蘿蔔粟米粒，超豐富，非常滋味！喚回記憶的味道了，令人開心! 香脆的蒜蓉多士， 超喜歡，yummy yummy ！ 法式紅酒汁燴嫩雞伴菠菜麵這一道法國家常食到的菜式，醬汁加上了紅酒來燴雞， 雞肉入口嫩滑而味蕾上有絲絲酒味， 伴以健康的菠菜麵一起食，味覺有著不同的層次。 龍蝦汁蝦球青衣伴薯蓉蔬菜主菜蝦球，青衣魚塊連配菜全部都冇骨 ，啖啖肉，最啱怕食物有骨的友人。 蝦球，青衣魚塊及蘑菇沾上濃味的龍蝦汁， 味道更加豐富。 鮮果粒舖面的咖啡燉蛋杯， 燉蛋食得多，咖啡味的第一次吃，好香的咖啡，入口帶微甜，幸福滿滿！ 在餐廳內， 座位舒適下享受美食， 傾傾講講十分開心!

芝士焗松露餡豬柳扒伴巴麻腿意大利飯。豬柳扒外層松軟，內裡的松露餡香氣撲鼻，與融化的芝士相互交融，帶出濃郁的奶香和松露的獨特風味，令人每一口都陶醉。意大利飯則恰到好處，微微的鹹香與豬柳的鮮嫩完美搭配，讓人食指大動。/鐵鍋爆帶子牛扒粒伴菠菜麵，帶子的鮮甜與牛扒的香氣在鐵鍋中交織，火候掌握得宜，讓口感極為鮮嫩。菠菜麵的清新也為這道菜增添了層次感，讓整體味道更加豐富。/餐後的咖啡燉蛋杯滑嫩可口，咖啡的苦甜與蛋香相互輝映，讓人心情愉悅。而羅宋湯則酸甜適中，暖心又開胃，最後一杯凍檸檬茶清新解渴，為整頓餐點畫上完美句號。

🚩懷舊港式西餐 獅子山下的味道🚩📍 百味閣餐廳現今高級西餐林立，曾經深受平民喜愛的港式西餐日漸式微。如果想再一嘗往昔的味道，不妨到浸會醫院旁，歷史悠久的百味閣餐廳。餐廳內部裝潢保留時代的味道，令人好像時光倒流回到以前。🍴脆皮雞脾併帶子串燒伴天使幼麵 ($135)🍴牛脷菠菜麵 ($85)兩個套餐均附上羅宋湯或中湯，和港式西餐必備的餐包。羅宋湯食材一般，餐包亦略嫌不夠軟熟，不過絕對是非常港式的懷舊組合，因為現在已經甚少餐廳能提供餐包。牛脷非常厚又腍身，容易咀嚼方便入口。雖然只有兩塊，但亦相當飽肚。牛脷本身不會太過鹹，所以配上醬汁剛剛好。菠菜麵則相對上較普通，本身沒有甚麼味道，比較失色。雞脾外皮非常脆口，又不會太乾。可惜的是雞有點過熟，導致雞肉不夠腍。不過勝在雞脾夠大隻，跟牛脷一樣食得很滿足。帶子串燒雖然較細粒，不過亦算入味。滿心期待的天使麵卻有點過濕，建議必需混合醬汁進食。🍴咖啡燉蛋杯（跟餐）雞脾天使麵跟餐還有甜品（牛脷餐沒有）。普通的crème brûlée就經常食，有咖啡味的燉蛋我也是第一次見。咖啡味出奇地濃，又能跟蛋味平衡，最緊要是不會過甜，整體出乎意料地好味，十分推介。近年不少老店

佢呢啲午餐計返質素其實都幾抵食鮮奶白菜仔 $78鮮奶豆苗，好搶手，冇晒，唯有要白菜仔，佢呢種煮法，能夠令到一個我本身唔係咁鍾意食菜嘅人，鍾意食菜，白菜仔滲透咗牛奶嘅香味，而佢啲牛奶香仲有一啲類似忌廉嘅口感，令到食材好似食緊甜品咁樣香橙蘋果焗美國豬梅扒 $108豬肉好嫩滑，唔會太老，唔想配合蘋果香橙嘅酸甜味，令到成件事好清新自然紐西蘭牛柳（7安士）配鵝肝 $215牛柳雖然得七安士，但係都好夠飽，份量唔算少，而且非常有牛味，食得出係靚嘢服務態度好好，啲侍應做咗好耐，又會同你傾吓偈，今時今日都算難得

環境：香港🇭🇰90年代港式餐廳裝修，如果喜歡懷舊的話，感覺不錯👍食物：- 厚切多士餐 （芝士焗蘑菇菠菜厚多士） $38麵包🥖夠厚，落足料，多菠菜，食落鬆軟，值得叫黎食😋- 百味湯麵餐 （炸雞翼煎帶子公仔麵） $44湯麵略嫌硬咗少少🤌炸雞翼炸粉唔多，食落唔錯，帶子普普通通，不過不失☺️- 意粉餐 （太陽蛋肉醬意粉） - $40太陽蛋🥚煎得唔錯，冇燶邊👍肉醬淡咗少少，要加調味料🧂調調😗- 芝士焗帶子雞粒飯 - $43芝士🧀夠多夠香，有拉絲👍帶子雖細粒，但唔韌😎雞粒唔鞋，值得再叫😋服務：叫完食物後，飲品想由熱飲轉凍飲，待應亦都非常樂意幫手轉，俾讚👍

今晚同老公去浸會聽嘢，之後佢帶我去咗呢間餐廳，佢話讀大學時成日嚟呢度lunch。入到去，老公話裝修冇變過，只是燈光較為光猛，依然係嗰種舊式扒房嘅感覺， lunch佢就食得多，不過晚飯就唔多，今晚有機會一試。一人一個套餐，有齊湯，甜品同餐飲，main course 大家share 食，一個係脆皮雞脾拼帶子串燒配天使麵，另一個係鐵鑊爆帶子牛扒粒配菠菜麵。餐湯有中湯或西湯選擇，西湯係羅宋湯，中湯今日係牛肉羹，仲配埋香脆蒜蓉包。脆皮雞脾拼帶子串燒配天使麵$145名副其實，脆皮雞髀雞皮脆卜卜，雞肉嫩滑，沒有肥膏但食落油潤，味道唔錯，帶子串燒唔會過火，保持到鮮嫩嘅味道，可惜得一串，食完仲想食。天使麵份量合適配上獵人茄醬，整體上都唔錯。鐵鑊爆帶子牛扒粒配菠菜麵$170好期待，用鐵鑊爆令食材更有鑊氣更香噴噴，牛扒粒油香四溢，帶子同樣吸引，配上菠菜麵一齊食，感覺好match。不過呢個要盡快食，唔可以顧住打卡，牛扒於響鐵鑊度一路加熱，食得慢嘅話牛柳粒會變嚡咗，冇咁好食。菠菜麵配青胡椒醬，少少辣好惹味。甜品係咖啡燉蛋杯，係熱嘅甜品，咖啡燉蛋上面鋪咗生果同埋脆脆小蛋捲，精緻有誠意，味道不錯，仲有生果拼盆贈送。

大家好，但係我食完覺得唔係幾好。作為屹立香港30餘年嘅老式香港西餐廳，佢完美咁代表左時下年青人對香港食物嘅刻版印象，難食。前菜！羅宋湯加蒜蓉包！坦白講，幾好飲，蒜蓉包都幾脆，好味過扒X之王，冇咩好評價。$170大洋 紅酒燴牛臉肉加牛脷 配菠菜面嘩，講起呢道菜我就有興至啦！！先講餐具啦，我覺得間野對隻牛嘅軟淋度太有信心啦，連把刀都唔比但係間野衰就衰在對隻牛太過有信心，隻牛居然唔比面，一身強橫嘅筋肉，連塊臉都充滿筋肉牛臉肉！要食呢舊肉，你只能整舊叉起佢，好似野人咁食，因為D肉緊緊地鎖死左起舊筋上面。想用叉或者匙羹扯D肉出黎？少年！你未免太睇少隻牛同埋百味閣三十年嘅功力啦！接近4份3嘅牛臉肉都係筋，你呀媽個仔，紀曉嵐黎都咬唔郁呀。‐-----------------------------‐-----------------------------菠菜麵，生肖屬牛、兔、羊嘅朋友有福啦，菠菜麵嘅草青味將帶大家體驗起大草原食草嘅感覺，草(字面意思)！其實都唔係話好草青，不過當D紅酒汁冇味嗰時，就會更加feel倒佢嗰浸草青味。‐-----------------------------‐----