Little Mario's Pizzeria (駱駝漆大廈) (Closed)

朋友去開駱駝漆大廈睇化妝品，我地就順便行下座工廈，發現原來呢度都幾多嘢食。行下行下見到一間專門食Pizza嘅小店。雖然上到去工廈嘅四樓，但都幾多人嚟幫襯。店內裝修雖然唔豪華，但處處裝飾都圍繞Pizza同意粉主題。牆壁上面放着各式各樣嘅意粉、酒、Pizza盒等，簡單隨意; 餐廳燈光嘅䁔色系令人有種warm嘅感覺。廚房外面係模仿意大利圓拱型烤爐嘅設計。同朋友叫咗個情侶二人餐，包括一個十四吋pizza+一個意粉/沙律+2個soft drinks. 如果兩個人大食, 一個大pizza再加個意粉絕對係綽綽有餘，但同朋友兩個都細食所以叫個沙律已經好足夠。唔同種類嘅Pizza係套餐入面有分唔同價錢。Pizza種類有好多，有素食Pizza，比較特別嘅有印度香料烤雞pizza、四川麻辣風味pizza同埋早餐薄餅。⬇️凱撒雞沙律: 雞肉粒切到細細粒方便進食，芝士粉頗多，份量足夠，若然多一啲沙律醬會更好。 ⬇️瑪格麗特、蘑菇、意大利風乾火腿Pizza入面有mozzarella, 蕃茄, 4 種mushrooms同風乾火腿Pizza大小足夠二人分享。上面嘅mozzarella好足夠，風乾火腿分布平均。pizza嘅

而家嘅觀塘好興有樓上鋪而且大部份都搞得有聲有色周年有啲餐廳多人都可以攞到米之蓮嘅美譽因此越來越多樓上鋪嘅餐廳出現自己比較鍾意歐陸風味嘅食物例如意粉Pizza因為佢哋將食材做得好好心知連啲配搭都一絲不苟今次試咗呢一間位於觀塘駱駝漆大廈嘅樓上鋪佢主要係食意粉同埋Pizza當中Pizza係佢嘅招牌菜每一樣嘅食材都非常之吸引周年普通嘅肉醬意粉佢哋都唔止剩係得意粉同埋肉醬另外仲有好多種芝士所以會比其他餐廳更勝一籌咁今次就試咗辣肉腸pizza雖然外表睇起上嚟同大部份嘅Pizza差唔多但係一攞上手就已經feel到佢皮好脆而且料都好足的確切起上黎都幾嘥氣力因為Pizza底做得好足料所以唔會一攞起一邊Pizza就會跌咗落嚟而且啲芝士再加辣肉腸嘅厚度都差唔多有0.5cm所以個比例係做到啱啱好而食上第一啖係充滿芝士同埋腸濃郁嘅味道雖然有時有少少油膩但係味道絕對係一流而且店主個人都好好都會有陣時推介下其他食物又或者這主動第杯水俾你解下渴服務方面可以話做得好好所以我覺得整體想來價錢同埋味道來講係絕對超值心知比某啲連鎖Pizza店做得更加好

小妹間中都會去觀塘駱駝柒附近行outlet行完街好多時都會係駱駝柒內搵下有咩食 順便醫埋肚先走 最近就試左間Pizza小店餐廳係先點單 後送餐既形式餐廳內燈光柔和 環境幾舒服 叫左個2人餐 價錢唔貴 有大Pizza,意粉/雞翼,同野飲我地加錢轉左特飲 揀左檸檬同西柚味梳打對於尺寸無乜概念既我地 諗住2人餐Pizza唔會好大份 點知一黎到嚇左一跳超級大個!!Pizza即叫即焗 新鮮滾熱辣 味道充滿默西哥風情店名叫Little Mario 但食物既size就如紙碟上既slogan一樣"not so little"之餘 仲so big本身以為pizza唔會 太大個就揀咗意粉好彩揀左既黑松露雜菌意粉都算幾有水準 唔會好漏 勉強都食左9成

講起食Pizza，相信好多港人都會諗起Pizza Hut果D港式Pizza，咩芝心批，扭扭批，但其實正宗既Pizza就只有一個厚度，絕少整色整水，鍾意食野既我，一直都好想試下唔好以為工業區就冇好野食，觀塘工業區近年多左唔少好野食，因為鋪租低左就自然可以投放多Ｄ落食物質素到。雖然係工業區，但位於駱駝漆大廈既呢間店，一Ｄ都唔難搵，未入門口已經聞到陣陣既Pizza味==============================裝修簡潔舒服，伴隨住舒服既音樂，係同三五知己聚腳既好地方因為係下午黎食，所以冇乜人唔洗逼點左個二人餐，有個14吋Pizza，仲有個主食同兩罐野飲，其實都幾多，因為怕食唔晒唔敢叫意粉，只係叫左個沙律意式煙燻火腿沙律首先係沙律菜夠新鮮，然後其實我都幾怕食生火腿，因為好怕豬騷味，但佢既火腿唔會有呢個問題，另外加埋Ｄ醋，成個沙律就更好食，味道配合得更好意式肉腸薄餅其實我對14吋冇咩概念，上到台先知原來咁大塊，開始有Ｄ怕食唔晒呢個放左意式腸、燈籠椒、蘑菇、莫扎里拉芝士同埋奧勒岡香草既Pizza，岩晒我呢種鍾意食濃味野既食肉獸。意式腸腸味香濃但又唔會太咸，同芝士又融為一體，互相提升，

同朋友黎開apm，行街行到咁上下想搵野食，但係廣場冇咩特別。靈機一觸，知道觀塘多工廈，入面有好多餐廳。於是上openrice搵到呢間食薄餅嘅餐廳。星期日嘅一點嚟到，環境寬敞，有幾張大枱，唔需要等位，佈置令人感覺休閒。睇睇餐單，有個二人餐，包一個大pizza（有14吋），仲有一個小食同埋嘢飲。帕爾馬火腿薄餅 (⭐⭐⭐⭐⭐)pizza嘅款式都幾多，有成十幾款。今次點左帕爾馬火腿薄餅，有柏爾馬火腿、德國芥菜、莫扎里拉芝士同埋巴馬臣芝士。薄餅餅底鬆脆，而且亦都啱我比較喜歡薄底，食落比較有口感。巴爾馬火腿香口唔會太鹹，又容易砌，食落都幾方便，而芝士就令到薄餅嘅味道更加濃厚，芥菜就有裝飾嘅效果。帕爾馬火腿薄餅] 另外有小食除咗雞翼之外，可以揀沙律或者意粉。雞翼好似特別啲，所以揀咗雞翼，一共有八件。有芝麻，但係偏辣，食唔到辣嘅朋友就最好嗌沙律或者意粉啦。不過雞翼真係幾好味，而且感覺唔算好肥膩，值得推介。 最後仲有兩罐嘢飲，嗌咗罐裝汽水。最後埋單平均一個人100蚊，超滿足。整體而言，如果想搵個地方坐得耐啲嘅又舒服嘅，呢間係唔錯嘅選擇。

於周未，最喜歡到四周覓食，今次到觀塘試下Little Mario's Pizzeria。位置都十分易找，於觀塘地鐵站行大約3分鐘左右，到駝駱漆大廈上四樓，直行到尾就找到。店內空間雖然不大，但環境卻相當舒服。我們點了個二人餐，包14吋薄餅x1、意粉/沙律/小食x1、飲品x2。雖然是二人餐，但若果點意粉，份量足以三個人食，相當抵食。帕爾馬火腿薄餅Pizza即叫即整，上枱時還是熱辣辣！Pizza加Mozzarella同Parmesan芝士，經典滋味配搭！而Parma Ham的咸味剛剛好，同Pizza非常夾。火煎菜味道又清新，好清新。餅㡳非常薄身，食多幾件都不會怕膩。平時Pizza會於底部掃很多油，但此食了大半個Pizza後，牛油紙都未見好多油。印度馬薩拉風味雞腿小食方面，我則選了印度風味雞腿。雞腿去了骨，故進食的時候十分方便。香料塗滿整個雞腿，食落時香料味非常重。相信喜愛重香料味道的朋友，一定會喜歡此雞腿。而飲品方面，則可自己到飲品櫃拿取。

餐廳位於駱駝漆大夏 一出觀塘地鐵站走五分鐘就到達 地理位置方便 又非常輪近觀塘apm 可以行一陣街就去揾野食一入門口就被佢個句新鮮自家製餅㡳吸引住 入到餐廳內一眼望去就係工業風重既佈置 有bar枱高枱 有梳化長枱等位置任君選擇 餐廳面積雖然不大 但工工風既佈置卻令人覺得好舒服 非常適合三五知己同情侣黎屬談心撐枱腳 餐牌選擇不多 但以小型餐廳來說算不錯 素食和食肉獸朋友都可以有不同選擇喜愛芝士既朋友可以選擇瑪格利特和三重芝士pizza不過今次我和朋友選擇了 瑪格利特加磨菇加意大利風乾火腿pizza 和凱撒煙肉蛋沙律 Pizza餅㡳非常好食 有咬口得黎又有麵包的香氣 上面既配料偏咸但配上瑪格利特既濃郁芝士味就被同行既朋友讚不錯飲品方面有不同大眾化既氣水 也有不同啤酒款可供選擇 可一邊食pizza一邊嘆啤酒再一邊同朋友吹水 十非寫意 見到好多人都有外賣自取 個pizza好大塊啊在等侯上菜其間 見到有很多外國人外賣客來下單 看來餐廳挺能迎合本地及外國人的口味唯一不足之處是全部餐具都是即棄式的 很不環保

今日同朋友去咗觀塘Shopping , 行到駱駝漆大廈3座果站時已經行到又餓又攰, 咁啱係4樓見到間格局簡單得嚟又唔錯食Pizza 嘅餐廳就走入醫吓肚順便休息一下!因為都到咗晚餐時段, 我哋就揀咗個二人套餐, 有一個14吋Pizza + 意粉/沙律/雞翼 + 2罐汽水! Pizza 我哋揀咗瑪格麗特,磨菇,意大利風乾火腿, 套餐價錢$218 都幾抵食!我哋好快咁揀咗汽水就坐咗係張Sofa 到唔想再郁! 估唔到佢啲嘢食都幾快出爐! 先嚟咗份雞翼 , 有8隻咁多, 味道辣辣哋幾香口幾惹味跟著好快廚師再送埋個Pizza 比我哋! Pizza 嚟到果刻我忍唔住嘩咗聲! 因為都幾大個同埋好香芝士味! Pizza 餅底夠薄身, 磨菇好彈牙好有口感, 意大利風乾火腿微喊同啲芝士一齊食都幾夾, Pizza 熱辣辣時相當不錯! 但估唔到Pizza 凍咗都依然咁好食, 一啲都唔硬亦都唔膩!堅好食! 下次嚟行街時要再嚟試埋佢哋嘅意粉先得!

Happy friday又去駱駝漆搵食！五個女仔去食pizza，驚食唔晒叫左三個餐先，結果差啲食唔晒🌚叫左Anchovy鯷魚、Chicken Tikka印度香料烤雞、Margarita fungi prosciutto瑪格麗特蘑菇意大利風乾火腿，三款都係$85 連飲品，有罐裝汽水、檸檬茶同礦泉水可以揀。檯面有即棄餐具，個碟好方便鏟起塊pizza，不過就唔環保👎🏻 pizza即叫即焗，等左十分鐘左右就以木盤熱辣辣送上。結論係三款都好鹹，太多芝士，食左兩三件已經漏漏地🌚 Anchovy加橄欖或chicken tikka本身已經鹹，再加咁多芝士真係搞唔掂，味道好單調🙅🏻‍♀️ Chicken tikka上面有辣椒，唔食得辣既記住唔好嗌。本來想試四川雞肉，店員話會有啲鹹，好彩轉左做prosciutto😖 而prosciutto感覺用料將貨就價，係我期望太高了。本身冇人想飲汽水，食食下個個要起身攞，又鹹又辣😂 唯一above average係個pizza底，煙煙韌韌唔會太薄太厚，應該歸功於好既dough同焗爐。如無意外唔會再訪🙅🏻‍♀️

我左觀塘工作，中午工作成日食埋D快餐店ABCD餐，食到厭食，今日決心不吃快餐，同同事食pizza。同事話食X Hut ，我唔係好想，因唔算平。我同事話知道駱駝大廈有間食Pizza，我想試下。入到去間店好細，但裝修幾靚仔，我同同事揀了高椅子坐。我地㸃了素Pizza，蘑菇Pizza，表面舖了很多芝士，菇也很多，餅底真係做得不錯，表面帶脆，入面食到鬆軟，沒有死硬口感，Pizza焗得好透，食到溶晒D芝士咸香，又有好多香䓍和菇鮮味，好好味的素pizza，一D都唔寡呀! 個焗芝士肉醬通心粉，好Creamy，D醬汁好好食，焗到通心粉Q彈，大家叫埋可樂200元有找，抵食。鋪仔其實有好多係好野啊!

向來工廈都有唔少好野食，觀塘駱駝漆都唔例外，同男朋友好隨意咁搵左呢間little mario's pizzeria食個簡單既晚餐。門面好清晰，一d都唔難搵裡面唔大，容納到20-30個人左右。佢有飲品區，可以自己揀野飲裝潢簡單，但睇落去格調唔錯menu好簡單，分pizza，意粉，前菜等等。我地諗左一陣就決定叫2人情侶餐。-上菜前先見到佢有個紙盤比你裝野食，幾特別。-雞翼蜜糖雞翼好難唔好食，可能因為佢係叮熱既，所以上枱既時候好熱。芝麻味好似唔太突出，不過唔知點解佢係辣既，食得好過癮-印度香料烤雞薄餅唔食得辣既我表示：真係好辣！😱佢既餐都係跟14吋pizza，真係好大個我地兩個人唔太食得哂，夾硬食剩半舊。雞肉唔算多，不過成個pizza料好足，有紅青椒，仲有綠色既辣椒，芝士都唔少，仲有拉絲效果餅底唔算好脆，算有咬口-諗住簡單解決既晚餐，係大家辣到出哂汗既情況下，食到好飽飽有機會既話可能會再黎試其他唔辣既pizza款式

今次又黎到觀塘搵食，有人成日話想食pizza但香港部分餐廳都做得唔夠好食或偏向港式口味，pizza連鎖店我已經有接近3年無食過，唯有搵下仲有無其他經濟少少又正宗既pizza啦！呢位Mario先生好易搵，就係駝駱漆大廈！裝飾係新式快餐店但間格幾chill，食下pizza飲下酒都幾正！晚餐時段有散叫意粉、沙律、小食或2人/ 4-6人 combo set，另外有自制印度咖哩及naan，除左一般汽水仲有好多唔同飲品、啤酒、紅酒白酒，環境都唔錯！Combo set包左一個14吋薄餅、一個小食（可揀各款沙律/ 意粉/ 雞翼）、2罐汽水，老實講，如果揀意粉既話，呢個set絕對夠3個人食！因為pizza幾大份架！套餐價錢係$188至$228之間，視乎揀邊款pizza，好抵食呀！3個人share都係平均$70左右咋！味道又如何呢？首先有Cesar Salad，裡面有烚蛋、煙肉，若煙肉脆既話會更正，生菜都幾大份，醬汁係分開既，上面刨左Parmesan cheese，作為健康既頭盤先。等左10分鐘主角Italian Sausage Pizza出場了！ 焗得外皮顏色好靚！配料有好多，有意式腸、燈籠椒、mozz

今日與J 小妹到觀塘行街，途經駱駝漆大廈，水牌顯示，4樓有間意式Pizza 店..... Little Mario's Pizzeria ,我們決定去吃Pizza店內環境不錯，好有意大利家庭感覺。望一望 Menu 先點了個2人套餐 （HKD 228),再加HKD 20元，換兩枝有汽果汁。凱撒煙肉蛋沙津：大大盒， 沙津菜好新鮮爽脆，配上牛油果醬，味道不錯😋。煙肉味道適中不會太鹹， 一啖煙肉一啖沙津菜，滿足哂兩種味覺。意式肉腸Pizza: 14吋大Pizza, 好抵呀。 居然2人餐可以選咁大個Pizza 👍😃 有驚喜呀😆賣相好吸引呀，因為即做即焗的關係，所以新鮮熱辣辣，吃時，小心湯手呀。Pizza 中間是薄皮，外邊是厚皮。非常煙韌，有口感，看得出主廚的用心製作及真功夫！👍意式肉腸 ，雖然有點鹹，但是配上不多不少的芝士，及燈龍椒和蘑菇，出奇覺得味道剛剛好，配上煙韌的餅皮，帶出不同層次的味覺，好味道呀。最後，我們平時不是吃貨的人，居然可以KO 哂了咁大個Pizza 及沙津。最主要原因是好味道及pizza 做到不太油腻呀!

這個下午來到觀塘吃午餐，想吃pizza 我有什麼好選擇?今日就嚟到工廈一開叫Little Mario’s pizzeria啦！紅色的門口，入面係自助形式，自己搵位，自己出去點餐。朋友兩個人吃，當然選兩人餐吧！可以選擇食14寸薄餅、意粉或沙律雞翼，今天我們都有點肚餓，就選薄餅加意粉！首先出場的是芝士通粉，可是新解熱騰騰出場的呢！口味不會很濃，不怕重口味！我們聊天多一會，薄餅才呈上！當然啦夠新鮮嘛，意式洋蔥肉腸pizza底層脆卜卜，材料較新鮮又惹味，正呀！飲品可以在飲品櫃任選，夠多選擇。食完呢個二人Set，超飽飽，都算扺食，下次還要再來！

今日同朋友行觀塘開倉，緊係要食飽飽先有力行街😆！過左寫字樓既lunch time，大部分食肆都唔洗等位！朋友食過呢間Little Marino唔錯，所以帶我試下😃！入到去地方環境唔錯，環境乾淨整潔！菜單精而簡，有好多pizza選擇，我地簡咗二人餐，個餐好豐富😋，有14吋pizza，意粉，同汽水，我地加左$20轉左芒果梳打同意大利提子味汽水🥤！Pizza既料好足，而且 皮薄 香脆，而且磨菇係一片片架，仲好多 Parma Ham同cheese，真係啱晒芝士控既我😆！個肉醬千層面很多cheese,出面果d係比較水，但呢個口感好豐富，拉絲😍，肉碎因為烤過，所以食落脆口，配搭蕃茄蓉，一d都唔漏，口感十足！重點Cooker自己上菜，服務好好👍兩個人食超飽😂埋單都係$238