阿四糖水

Open Now

Now Closed

唔太明點解咁多人話態度差顧客永遠是對的？我唔認為 間鋪都唔認為所以會出聲阻止惡劣行為包括 打尖 係度食外賣 食電子煙等等反而我覺得佢有維護到我哋呢啲自律有禮嘅客人權益買過好多次 都好有禮貌係互相都係 而沖出嚟嘅嘢飲係得嘅茶香 奶滑 珍珠彈牙私心最愛格蕾三兄弟 唔加甜紅豆 布甸 珍珠 自帶嘅甜度已經好夠仲飲得出茶底嘅甘香

叫咗3杯嘢飲（草莓QQ、十勝仙草紅豆冰和新鮮芒果多多）（全部都係有果肉嘅嘢），打算喺店內飲用，一嚟已經有個女店員話啲枱唔係俾人堂食（唔明如果唔係俾人堂食點解要擺枱？）。跟住我哋諗住開蓋食入邊嗰啲果肉，那個女店員就即刻質問我哋點解要開蓋（我都唔明點解個女店員要管住人點樣飲，懷疑佢有強迫症）。跟住我哋已經即時冚返個蓋飲，但我哋搖咗杯嘢兩下，佢又即刻叫我哋唔好搖。我都唔明啲人係點樣做生意？唔會再去幫襯（+受氣）

都都唔知點解間野可以做咁耐咩都差 態度差 野飲差 野食差 野飲無茶味 野食又唔好味 珍珠都係唔好食 佢啲服務態度完全影衰香港既餐飲業希望西貢會有多幾間選擇不過就算無選擇都唔會再幫襯

個職員態度超級差，我老公揹住bb,我食緊個包係出面睇餐牌我左腳只係踏左一級，睇個餐牌都比人話，我最後有買係因為我真係睇完會買而唔係係到食外來食物，但唔會有下次，因為真係好冇禮貌

今日去玩浮潛、玩完成身都好攰，又唔想入七仔買支裝飲品，咁啱見到呢間手搖飲品店，望落都幾好飲，環境都幾靚幾乾淨，飲品類型都好多，所以揀咗飲呢度啲嘢飲我嗌左日式特濃咖啡珍珠咖啡味幾香、但係珍珠冇咩味、不過勝在己有口感、嗌咗少冰 唔會好多冰、感覺都幾真材實料。朋友嗌咗阿華田珍珠阿華田味道就係一般嘅阿華田味、冇咩特別，同楊珍珠都係冇咩味，但係口感煙韌。最令人失望嘅嘢係店員超級差態度，首先個樣已經西口西面、其次語氣極差、每一句都係呼呼喝喝、體驗極差！！飲七仔嘢飲，仲好過佢呢間嘢！！

趁長假期最後一日，就入黎西貢逛逛覓食，行經呢間「阿四糖水」茶飲店，見到有港式珍珠奶茶、又有魚蛋、燒賣……諗都唔諗就好想入去試一試。最後，叫咗一杯港式珍珠奶茶少甜少冰同埋一客咖喱魚蛋（ 逢買嘢飲品一杯，買小食就可以減$5優惠）好期待試一粒魚蛋，但係有啲失望，因為個汁一啲都唔惹味、偏甜，同埋個汁食到尾係覺得似沙嗲味多過似係咖喱味，同埋一啲都唔辣。杯港式珍珠奶茶不過不失，叫咗少甜，反而覺得奶茶底似係走甜，而個甜味似係集中喺啲珍珠度。

星期六同屋企人去咗西貢玩諗住買杯嘢飲，見到佢有小食，就順便嗌咗份魚蛋試吓，結果飲品同小食兩樣嘢質素都好差😥.先講飲品，叫咗北海道3.6黑糖珍珠鮮奶 $30 M size 諗住呢啲簡單嘢應該都唔會有伏啦點知一放入口已經心諗做乜咁淡😵‍💫飲落好似溝咗水咁🤢啲珍珠口感咬落去係ok嘅🙏🏻但係完全冇味嘅😅唔知佢點做到.另外就係杯嘢勁多冰，雖然呢樣嘢好多地方都係咁但係呢個真係多到誇張😅仲要鮮奶系列嘅飲品冇得揀甜度冰度，連自己嗌少冰都唔得而且啲冰多到頂住啲珍珠😥完全食唔到啲珍珠最後要飲晒啲鮮奶之後搵地方倒咗啲冰先食到😵‍💫.之後就到魚蛋，雖然都估到茶飲店嘅小食唔會特別出色，但都冇諗到可以咁伏🤢咖喱魚蛋 $20/10粒起初攞到嘅時候見佢都大大粒，好似幾OK點知一咬就出晒事😥個芯竟然係啡色的😧唔係因為啲咖喱入咗去，睇落係因為隔咗夜，而且唔似只係放咗一晚🥶食落個味都怪怪地，10粒入面有一半都係咁🤢真係唔敢再食😮‍💨完全唔合格😥

店員服務態度極差、飲品質素唔掂檔，如果唔係成個西貢得佢依一兩間茶飲店都唔會去幫襯佢。話說當日我就喺西貢嗰頭遊玩，咁呢排冬天個天氣都開始凍返，就想係附近買返杯熱飲暖下身，但難得入到嚟西貢，又唔想去7-Eleven買果d熱飲，入到去茶記又唔想齋飲一杯咖啡雙計，所以先神對鬼五入咗呢間咁嘅伏店…咁我買嗰陣時都已經冇乜人喺間鋪入邊，咁佢個餐牌又花呢綠咁，我都睇咗陣先至諗到買咩嘢飲，但係個店員就好唔耐煩咁嘅樣望住我，跟住我講咗要飲咩之後佢就好快叫我俾錢好似欠咗佢咁..咁佢話我叫隻茶要等啦，咁我未襯佢煲緊果陣話想加個珍珠配料試下，問佢幾錢囉，咁佢就好唔耐煩咁答我話要加$3 ，咁我都係用咗一兩秒時間考慮就話㗎啦！但係佢個樣仍然係好唔耐煩，好似超級麻煩到佢要做好多野咁！最後講返杯嘢飲真係唔太好飲，個茶又冇乜茶味，同埋我叫咗少甜都勁甜，仲有果啲珍珠真係同其他比負評嘅朋友所講嘅太林，呢間野真係非常之伏！

見鋪頭門口banner寫芋圓鮮烏龍鮮奶茶。仲標住用左鮮奶，應該都冇死。即刻買左一杯。睇色水都覺得俾普通奶茶淺色好多，點知飲左一啖真係伏左😡完全飲唔到佢有奶味同茶味！飲落似溝左好多水同糖，感覺差唔多大半杯都係水！完全唔掂😤普通茶記奶茶用奶精都好飲過佢好多。佢仲好意思寫自己用鮮奶沖😑可能真係有，但份量真係好少好少。既然係咁，我寧願你用番奶精。仲要$32/杯，未試過飲過咁無誠意咁難飲嘅奶茶！飲左兩啖頂唔住掉左落垃圾桶🥹忍唔住上來打食評。真係永無下次！失望！伏！

有時入開西貢 熱熱地都會幫襯下但今日再去 質素完全唔同哂叫左一杯蘋果紅茶 一杯烏龍水果茶 仲有杯青蘋果綠野飲話冰度甜度冇得改喎？！點知全部都冇茶味 好似飲糖水咁店員態度麻麻地見對其他人客都係 好似冇乜耐性咁冲緊野飲兩位女員工又係度好大聲嘻嘻哈哈三杯野 好快就整起 但一d都唔好飲我下次都唔再幫襯啦最好笑係落單台面張menu有半張係甩哂色🤭叫人點睇

喺西貢玩完水出返市中心，見到好多人拎住阿四糖水嘅飲品，天氣熱辣辣，飲返杯都好。舖頭位於小巷，都唔算難搵。店內有個BTS Corner，啱曬BTS 嘅Fans 打卡同買小卡。- 鮮芒果多多乳酸味足夠，芒果味有啲假，唔係好似新鮮，同埋原來係有彩色嘅椰果，而且勁甜🤢-宇治金時抹茶味香濃，紅豆煲得夠腍，唔錯。-阿四奶茶三兄弟裡面有布丁、紅豆同珍珠，奶茶似港式奶茶，珍珠彈牙，幾好食，布丁麻麻。-小芋圓烏龍鮮奶茶冇茶味，奶味亦唔見得香，明明叫小芋圓，但口感完全係寒天。

店員態度勁惡劣，落單時，:珍珠奶茶少甜:20蚊呀:走埋冰呀唔該:20蚊呀一路都攞緊個銀包出嚟，唔知吹乜嘢係咁20蚊20蚊，態度十分差啲珍珠又林到0咬口，茶奶比例怪，又水。餐牌仲寫咩小店堅持用心製作，笑咗

店員冇禮貌 明明叫左熱 沖左凍又話我地冇講 .叫佢走冰 又吾肯 真係咩態度 🤷🏻‍♀️🤷🏻‍♀️堅持話我地叫錯 🥲🥲🥲 其實只係叫你幫手拎走啲冰姐 有咁難咩？？👀

🌅炎熱夏日，最岩就係飲杯手搖凍飲🍹而西貢市中心就有一間手搖飲品店舖係美食走廊入面----------------------------•台式珍珠奶茶🧋（$20）🤏🏻微糖，🧊正常冰量茶底清香，飲落唔苦澀牛奶比例，適中唔搶味🧋而飲珍珠奶茶最重要就係珍珠珍珠份量大量1/4杯珍珠咬落QQ彈牙，有做到台灣都飲到既珍奶感覺口感彈牙之餘唔會死甜或假甜-------------總結-------------價錢合理唔貴珍珠份量多而且好食奶茶調製份量岩岩好👍🏻疫情之下，呢間手搖小店值得入親西貢就支持下＊麻甩專員評分區＊食物味道: 8/10翻飲指數: 8/10

由於西貢既珍珠奶茶鋪比較少，有時口痕真係想飲d甜野。阿四糖水係巷仔入面，行去買就非常方便啦。為食貓飲去過幾次，頭幾次都係買佢既港式珍珠奶茶 (個時未開茶星人，無多個選擇)，但每次去都有d失望，因為有時太甜，有時奶太多......無左港式奶茶既味道。之後轉左買水果底既飲品，就覺得好好多，佢既水果係新鮮整既，不過為食貓始終覺得有d甜......可能因為本身自己叫野飲叫開微糖。大家叫水果既飲品都可以一試既，特別係佢既價錢唔算太貴