阿四糖水

Open Now

Now Closed

蘋果爆珠，未飲落嘴，已爆曬，蜜桃都係，所以媽媽飲了幾口而已，我就飲半杯已頂唔順，糖水加水喉水加爛曬的爆珠2杯都$40。但杯草莓多多成$38，無一粒新鮮草莓味，得椰果&益力多味，feel到好hea，至於另一杯鮮奶黑糖珍珠奶茶，妹妹形容佢極之普通，實在無杯好飲😥我平時都支持小店，呢間支持唔落，好多劣評🥲

入嚟西貢行到攰又口渴想買杯野飲，見到好多人排隊，諗住應該係好野，點知啲珍珠又硬又無味，食左幾粒已經唔想食，另外朋友果杯十勝紅豆奶茶甜到嘔！買完諗住喺佢地張枱度插埋支飲管先，如果唔係行岀門口凌空咁整好唔方便架嘛，個收銀姐姐勁大反應鬧我哋：行岀去先好飲呀你地！過左六點無堂食架喇！過左六點無地方有堂食架！！下… 插支飲管啫，無打算喺你度飲喎… 好似比訓導主任喝咁！就算係都可以好聲好氣講啫！比$$買兩杯難飲既野仲要受氣！🙄🙄🙄

星期日，無咩野做，入去西貢 hea 遊一下，最欣賞西貢有好多小店，不少都好有人情味。十一月中都仲係甘熱，行行下，就係想揾啲野飲下，行番入去巷仔，吾難搵到阿四糖水，睇佢個名以為只可以食糖水？甘就錯啦，其實佢有不少台式飲品。今日就 oreder 左珍珠奶茶同士多啤梨爆爆珠 (是日特價)，兩杯都好大杯，味道都不錯，相當解渴。

西貢小巴站旁的一條小小後巷，多年來，都是一個食店林立的地方。更可以說，你要什麼種類的，咸的甜的辣的都可以在這一條短短的後巷找到。這一次，同家人出完海，回來只想要杯特飲。太太同兒子就看中了這算是新開的《阿四糖水》。這是一間主打外賣甜品的小店，亦有太太最愛的珍珠奶茶出售。於是，我們就買兩杯飲品，三個人分。既然是來飲台式奶茶，當然係要一點杯台式珍珠奶茶來一試好壞。說真，這一杯珍珠奶茶沒有太多的驚喜度。口味比較淡，有少少水汪汪的感覺。幸是珍珠粉圓夠多，有足夠的咬口，算係咁。另一杯都是香滑布丁奶茶，再另加珍珠。多了布甸，多了點香滑，也多了點甜。當然，亦直接令到奶茶的口味濃香起來。而且，因為這奶茶有布甸，也有珍珠粉圓，飲後感係很飽。以西貢市沒有太多台式茶飲店的情況下。這《阿四糖水》的出品算是 OK 啦。是沒選擇中的好選擇。

放假終於可以去行山放鬆一下🌄，由馬山行到西貢，行完咁熱☀💦，好想飲啲凍嘢🙊，行下行下就見到呢間阿四糖水，聽個名以為只買糖水，不過原來好多人都嚟買飲品!😜港式珍珠奶茶叫咗半甜&少冰，真係港式奶茶嘅味道! 紅茶底夠香濃☕，黑糖珍珠幾煙韌，幾好咬，甜度剛剛好!😋 我好中意香濃茶底，仲好大杯! 😍👍阿四糖水地址: 西貢福民街58號高富樓C座地舖#西貢美食 #珍珠奶茶 #台式飲品 #甜品 #bubbletea

週末嚟到西貢玩咗一日臨尾食完飯想買個飲品飲吓順便當甜品OpenRice見到有一間阿四糖水評價唔多但係諗住都冇乜伏既食到好飽唔想飲奶又唔想飲茶咁清見到有一個多多系列係用益力多嚟整諗住甜甜地酸酸地～咁就啱晒啦就揀咗杯芒果多多都預咗益力多會甜但係都照樣問咗店員可唔可以少甜佢就話冇 但可以轉低糖益力多+$2定$3咁我就冇加到整完出嚟杯嘢都靚靚地咁下面有啲芒果肉同埋彩色椰果影完相飲咗一啖之後 心諗今次中伏了甜。到。嘔好似係隱約飲到益力多既乳酸味但除此之外我只係覺得自己飲緊白糖開水我諗最大問題係佢下邊有一大Pat嗰啲椰果而椰果本身係用糖水浸住啦芒果係有三四粒嘅但冇辦法我忍唔住上黎劣評一下今次係第一次有杯飲品係甜到同另一半share 都飲唔晒要掉咗佢😵虧佢個多多系列 鮮芒果多多仲要打左粒星推介比人

今日嚟到西貢行吓，天氣咁夜散步之前梗係要買番杯嘢飲啦！去咗買我最鍾意飲嘅港式奶茶+珍珠，其實就係港式珍珠奶茶$22,性價比其實真係好高因為杯嘢飲好大，你而家飲杯台式珍珠奶茶玩吓手都要30幾蚊，但呢度嘅大大杯港式珍珠奶茶先至$22,如果兩個人share就啱啱好今日要咗少甜少冰，分量冇因為少冰以減少，少少甜啱啱好，珍珠充滿黑糖味又唔會太甜，一邊沿海散步一邊嘆住杯港式珍珠奶茶真係人生一大樂事今日仲見到馮朱古力味有折，下次可以試吓

入到去好多人，冇指示邊度係排隊邊度係等拎野飲，排到我個店員又走出去，等佢返黎，又話賣哂。正當我再去睇下有咩飲時，個女人好大聲催我 :要唔要呀！要就叫埋啦！幾秒後仲熄哂燈趕我哋走⋯⋯其實賣晒又唔貼sold out, 到我再考慮其他你又唔俾時間。門口亦都冇寫營業時間，態度惡劣。

既然到了香港的夏天，咁點會唔飲番杯港式珍珠奶茶、朱古力薄荷沙冰加cream、港式雞蛋仔？小巷內都可以尋寶，下次黎西貢不妨試下，享受香港的味道，嘆番你想要的感覺。溫馨提示，店內不設坐位。

建議： 係食街買完外賣，不妨買多杯茶飲解渴買完嘰哩咕嚕拌面就順手去埋斜對面買阿四糖水。有野食點可以無野飲🤣餐牌癡左係門口，超大張可以慢慢睇。種類都幾多，除左珍奶，仲有水果沙冰。見到有幾個人都叫左－西瓜沙冰🍉，不過又比佢地既港式奶茶吸引左🤣今次試左：▫️港式珍珠奶茶 (走甜 HK$22)▪️阿華田珍珠 (少甜 HK$20)價錢超抵，仲要係大杯🙈 味道正常，阿華田少甜加埋黑糖珍珠，飲落唔怪，而且口感唔差。不過港式奶茶飲落有少少黑糖味，就有少少怪，可能叫番少甜，中和番會好啲🤣落左單之後，等左5分鐘左右就拎得。店員仲會講你知邊款飲管岩用，直接拎就👌

🤤飲用日期：2021年2月26日🕐飲用時段：下午🙉等候取飲品時間：約5分鐘西貢嘅茶飲和台式奶茶鋪頭好少，只有兩三間，而呢間就位於美食街嘅巷仔中間，好容易搵到！👍🏻呢間舖頭雖然規模唔大，但都見到有唔少人幫襯。🍹Menu方面，同一般奶茶舖頭一樣有奶茶、沙冰、水果茶等各類飲品，絕對有一款係你中意嘅！🍹韓國蜂蜜柚子茶 $25我甚少係奶茶舖買水果茶，但呢杯水果茶普通得嚟又幾好飲，幾解渴！🍯飲開少甜或者想解渴嘅建議叫七分甜！溫馨提示，飲之前記得稍微攪拌一下會更加好飲！✨🍹服務本身想叫半糖，但店員話半糖會無咩味，建議我哋叫少糖就夠！最尾少糖嘅甜度真係啱啱好！另外，呢間舖頭嘅特別之處係有隱藏茶飲🤐我哋過去問佢詳情嗰陣都好有耐性咁介紹👍🏻如果有興趣都可以買杯試下喔！

昨日行完山路經呢間飲品店，見到門口貼哂好多飲品相片好吸引，諗住買杯野飲吓，我就叫左杯凍小芋圓烏龍鮮奶$38。但一飲落口，飲品好稀，只飲到好淡茶味，又無咩甜味，小芋圓質感適中，幾好咬口，但整體味道似無咩味既水，最終只飲左兩啖就扔左，下次如果再幫襯一定唔會飲番呢款😉

五點幾先急急腳搵餐廳食左晚餐，唔記得order drinks, 食完超口渴，所以想搵間野買杯野飲先搭車走！太口渴飲完先記得影相😂😂😂去到舖位勁多人排隊，又有好多人排隊等攞飲品，所以有少少混亂點左一杯苿香珍珠奶茶（hot drink), 同埋一杯新鮮水果茶！珍珠奶茶好少飲熱既，兩杯無叫少甜，但唔算甜，好濃既茶味，整體感覺中規中矩！另一杯水果茶係凍既，勁大杯，飲完仲可以食埋杯裡面既水果🍉🍎🍊🍇兩杯加埋$50👍🏻

呢間係小巴站附近小巷嘅手搖店🥤係附近唯一一間嘅黃飲品小店💛同朋友一齊企係到睇左差唔多成15分鐘menu先揀到入咩🧐唔係因為太少選擇揀唔落手，而係太多了！樣樣都想試😖亦都有好多人行完山行完街過黎買杯野飲先走，好多人幫襯🤩店入面可以同朋友一齊數下有幾多連豬🐷店員都會同你講你應該用幾多號嘅飲管但提提大家，因為疫情關係，店內都唔可以除罩享受飲品啊～😷==============================🥤 阿四糖水📍 西貢福民街58號高富樓C座地舖==============================1️⃣【阿華田珍珠】$20由於佢地只可以提供微冰唔可以走冰🧊所以今次小編叫左微甜微冰甜度黎講又微甜黎講真係做得幾好👍🏻阿華田濃度就適中，唔會太濃又唔會太淡，但個人偏向鍾意濃少少🤏🏼但失望嘅位係啲珍珠，珍珠較淋身，無乜咬口，加上珍珠無乜味，真係差緊啲😥即使飲埋阿華田諗住可以增添少少甜味，但都彌補唔到朋友同我都叫左有珍珠嘅野飲，都對珍珠比較失望😣不過以價錢黎講，都真係比普遍嘅手搖店平，所以大家黎可以試下其他野飲！(🔥 怒飲指數：7/10)============================

同朋友去西貢順便去幫襯黃店職員都算友善加上動作快所以好快就有得飲啦烏龍奶蓋微甜奶蓋唔似出邊咁有芝士味所以唔算膩芒果多多 - 固定冰同糖對我黎講有啲甜鍾意甜野嘅會鍾意