小娘惹 (Closed)

第N 次食小娘惹，唔係好多款食物選擇，但大部份都好食。可惜個老闆娘落單都係用個腦去記，成日漏單。有次等左半個鐘，之前又等左十五分鐘，去催佢佢先記得即刻做番。打工仔lunch 時間唔長，真係要改善下。

假日約埋幾個朋友, 行到太古附近, 見到呢間別緻嘅東南亞餐廳, 有D人排緊隊, 所以就想試下係咪咁好食店入面都幾細, 所以都等左一陣先入得我叫左個海南雞飯($66), 雞幾嫩口, 飯充滿雞油同香茅味, 好味! 仲加左唔少紅椒, 令個飯更惹味! 個飯仲跟椰汁雞湯, 椰汁同雞味異常協調, 非常驚喜!!有友人叫左深海魚蛋喇沙同海蝦喇沙, 都覺得喇沙好味, 不過深海魚蛋其實冇咩特別另外一個友人叫左黑醬油撈粗麵 + 豬手, 麵質偏軟, 味道不錯!!店舖雖小, 但用心烹調, 值得支持!!

Miss O' 又喺鰂魚涌發堀到間食星馬菜嘅小店。依間小店喺小巷入面，如果你唔熟悉依頭，真係唔會知有依間小店架~😆 _ Miss O' lunch hour去幫襯，好多人排隊呀! 依家小店面積好細，所以入到去到坐得幾迫~ 小店經營，人手不足，不過店員都幾有誠意~😊 _餐牌入面啲食物賣相都幾吸引，Miss O' 最後食咗佢嘅金榜無骨海南雞飯，Set lunch包一碗椰子雞湯同羅漢果茶。椰子雞湯好濃椰子味呀! 🤩海南雞飯望落都幾靚，油飯唔係太油，海南雞味道都幾好，食落唔"孩", 因為冇骨所以Miss O' 可以一啖食哂件雞，正!😜 _Miss O' 見好多客人都食喇沙, 等Miss O' 下次去食完比個食評大家先!🤗

香港人的小飯館☺️喺鰂魚涌太古坊後面好多小食店 專登㨂呢間💛「招牌娘惹海蝦喇沙」$70 *所有午餐附送無糖（熱）羅漢果茶🤗 好窩心又健康「金榜去骨海南雞配椰子湯及香茅雞油」$66全部食物應識係一早預備好晒 但就算係咁 依然好熱好新鮮 👍🏻👍🏻 喇沙超香個面都好正宗 / 海南雞個雞超級滑 湯&雞油都好香 📜Overall：鋪頭仔好細 靠老闆娘一個又落單又送餐 但係仍然面不改容笑住咁招呼我哋 就算等左20分鐘仍然食得好開心 唯一真係鋪頭仔好細出出入入都會撞到隔離枱

見到啲食評好似幾好，所以今日去試吓食晏。未夠12點已經去到，門口個牌寫住11:45開門，個鐵閘半開，前面有兩位街坊等緊，所以知道佢未開門。大家好有耐性咁等到12:05，終於開門。個老闆娘懶有禮貌咁講早晨，然後放我哋入去。佢突然之間大叫: 小姐等等，等我嚟帶位。我哋然後全部人要走返出去鋪嘅外面，佢先至施施然逐個帶入去。未食飯個感覺已經非常之差😒坐定之後，佢施施然過嚟落單。 叫咗招牌喇沙，喇沙利尼道嘅時候係微溫，一啲都唔熱。味道一般。老實講附近有更加多好味嘅喇沙！ 因為招牌喇沙有蝦，啲蝦係連蝦殼嘅。餐聽冇紙巾提供，又冇墊枱紙。我都掙扎咗好耐啲蝦殼放喺邊度。最終放棄要放喺枱上面。唔夠5秒，個老闆娘好嬲咁走埋嚟，劈咗張白紙係我枱面上，然後大叫唔該將啲唔要嘅嘢放喺紙上面！因為冇紙巾，叫佢比幾張。佢話等一陣。點知等左十幾分鐘都冇攞過嚟。廚房入邊個阿姐出嚟收野，我順便叫佢比紙巾我。佢望住我5秒，然後用純正嘅普通話同我講聽不懂，跟住轉頭走。我喺鰂魚涌返工咁耐，食過咁多間食店，從來未試過咁受氣。個老闆娘用嘅詞彙懶係好有禮貌，實際上語氣同態度超差。呢一間已經放咗入black list, 以後都唔會再幫襯😤

又到lunch 時間，鰂魚涌太多office lady 同office man!一到午餐時間都等好耐先有位同食得好趕！見間間都咁多人！今日又想食喇沙，就同左同事去呢間少量野試吓等左20分鐘，終於有位，等緊嘅時候就已經睇定想食乜，門口有張超大餐牌我哋兩個揀咗肉骨茶同海鮮喇沙肉骨茶個湯好有藥材味亦都煮得好濃！啲豬骨亦煮得好淋身，配埋個辣椒豉油好好味而個海鮮喇沙湯冇得彈！我差唔多飲晒咁滯！海鮮佢有蝦，獅蛤，新加坡魚蛋！面就係mix 既參參我加咗$8要個凍嘅白咖啡，都幾好飲

食過幾次 喇沙夠濃味唔錯 但唔夠熱。最大問題老闆娘長期心情煩燥，由拎位、落單到賣單都十分串。唔期望小店有服務，但哩位老闆娘非常趕客，唔歡迎人地order熱飲，因為佢要花時間加熱，講野單單打打，但menu係有得選擇凍/熱。如果真係唔想做熱飲，其實可以係menu取消，唔洗又要做又不滿既...總括，絕對不建議12:30-14:00光顧，貼錢買難受😣

鰂魚涌海堤街有間只做午市既娘惹菜想試好耐，難得平日放假，一於襯呢個機會去試下個位置都有d難搵，因為佢係條巷仔入面，不過門面顏色好突出，所以一認就認到，小店座位不多，一入去老闆娘就爭分奪秒咁招呼我地，因為只做午市當然想快手快腳做多幾轉，老闆娘雖急但好有禮貌既，我完全明白同接受黎到一定要試佢既招牌娘惹海鮮喇沙& 正宗古早肉骨茶招牌娘惹海鮮喇沙$69個湯底係偏黃色的，同我想像中偏橙色係有d出入，第一時間飲啖湯先，好香既椰奶味，但蝦味就欠棒，味道唔夠rich，辣味相信完全為左迎合香港人而改良過，BB辣，不過喇沙都有好多派系，呢個喇沙係香港算係不錯，摻摻麵=油麵+米粉，份量適中，仲有3隻蝦+螄蚶同其他配料，都幾飽正宗古早肉骨茶 $69肉骨茶只有微微既藥材味，個湯帶甜，有跟排骨再加其他配料，油炸鬼同飯，都幾足料其實野食整體都非常不錯，強烈建議老闆做埋晚市可以卑更多食客前來光顧

呢間隱世小店每日開得幾個鐘，因為店入面坐既位置唔算多，每次lunch去都會排曬長龍，咁岩落大雨又一開門就去先唔駛排隊*新加坡深海魚蛋喇沙 $66湯底Creamy又重椰奶味，咖哩及香料味濃*喇沙係雙粉黎，米粉唔易斷，油麵有咬口，雙重口感*魚蛋彈牙，豆卜好吸湯*真係好好味*重口味人士會中意*熱無糖羅漢果茶 Lunch免費付送濃濃既羅漢果味道*雖然無糖但又唔係完全唔甜，有來自羅漢果既甜味*好飲又唔係周圍有得飲*下次一定要再黎試佢地既招牌海鮮喇沙! **

今日有同事生日，而又聽arm雙丁，梗係要支持下d朗心小店。事前無book位，但去到就後悔了，間餐廳出面已經有3,4 batch 入緊，入個餐廳好細，容納到六至八張枱左右。由於有同事rush to back to office for training, 所以最後決定左買外賣。嗌左個喇沙面兩個同一個海南雞飯。一番到office 打開，勁香，好有椰香味，個份量相對少，不過個湯底喇沙好好好好好好好食，有米粉同面，吸哂d湯好入味。入面個面有魚蛋有海鮮，都好好好食。不過唯一係，因為叫外賣，番到去相對無甘熱，下次一定一定一定要去堂食！

間舖喺條小巷入面，細細間，但係好多人等位！我因為中午一個人食可以坐啲單丁位唔洗等🤪食左個深海魚蛋叻沙$66，同附近餐廳比較，佢呢個價錢同質素算係超值！👍🏽👍🏽👍🏽通常食叻沙最重要都係個湯底，佢落左好多唔同材料整個湯，爆濃郁，又有海鮮嘅鮮味！🦐加埋個賣相都好吸引！我成日食完隔幾日又會掛住佢個湯又要嚟食過！😂另外跟面會送羅漢果茶，飲得出係完全自家制，好天然，無加糖，唔係喺出面買嗰啲咁，所以都好健康。食完好飽👍🏽滿足👍🏽

我今天和朋友2:50才到，裏面坐的地方不大，木桌木小椅子，有點好像有冷氣的大排檔一樣，但是食物有風味。吃了海南雞飯和椰子蛋，都好的。聞著他們的肉骨茶香，我們到4:30才走。

於星期日中午時份光顧店內約有6-8張枱 連我有枱兩顧客點了一份喇沙和鹹檸七後店員提醒需多點一份食物好奇看餐牌上有一行font8-12的細字寫需每人點一份晚餐既然寫是每人一份晚餐，但不知道中午時分卻有同樣的要求進店時店員也沒有提醒我倆不是錢的問題，只是吃不下多一份午餐（本來是想來幫襯渣哥的但原來鰂魚涌店已執笠）既然店舖內有空位，門外又沒有其他食客在等待為何仍然堅持於餐牌上沒有寫下的規則？最後決定把食物打包然後離開餐廳進食至於食物質素，喇沙（$66）方面還好，喇沙的濃度椰香及味道都不錯，鹹檸七就是一般的7up的味道（$20）沒有特別，但卻換來一肚氣幫襯與否由有睇食評的閣下自行決定，我就不推薦了

近年嘅馬來西亞餐廳開得越來越多，呢間娘惹娘惹喺鰂魚涌專做附近嘅OL生意，由於店面非常之細間，晏晝12點開始已經排晒隊。我同朋友叫咗個海南雞飯，同埋肉骨茶套餐。海南雞飯配椰子雞湯，另外送多一杯羅漢果茶👍🏻 肉骨茶就係方便我們晚飯有錢坐，係豬骨非常之海南雞飯份量唔細，雞肉全部去骨，切得比較細件，方便入口。肉質鮮嫩，雞味甚濃，有驚喜，但整體味道還好。黃姜飯味道唔錯，唔算太油，調味亦適中，加埋炸蒜喺面一流啦！而且同椰子雞湯幾夾！最欣賞係配菜如青瓜、紅椒粒、豆芽等都好新鮮同埋切得好整齊，細心位做到足，食得別有滋味！最尾飲埋杯羅漢果茶，飽又滿足！肉骨茶朋友一試，就話同喺馬來西亞食過嘅一樣味！超濃中藥材味，頭一啖有小小抗拒，飲多幾啖就覺得幾好飲。用細瓦煲仔上，有意思！豬骨有成五、六嚿，啖啖肉又炆得好入味，仲有其他嘅配料。仲好有心思咁送一件細油炸鬼，同肉骨茶非常之夾！好想encore😆呢度嘅環境雖然細，但裝修得幾有格調。明明一個套餐可以逼客人加錢飲叫飲品，但店主又送湯又送羅漢果茶，好有愛。服務又好好，似係家庭式經營，雖然午市好忙但冇漏單又好態度。價錢有小小貴但整體都係值嘅，下次一定會再幫襯！有機會要過

依間鰂魚涌小店嘅去骨海南雞飯套餐$66，雞肉都算多而且滑，有脾有胸(無得揀淨脾)。油飯都幾香口。最特別係個椰子雞湯，夠濃，好飲😋 隨餐送一杯無乜味嘅羅漢果茶。餐廳好細，平日lunch Time 去要等一陣先有位。