小娘惹 (Closed)

鰂魚涌有很多小店都是用心經營，其中一間就是 小娘惹；我是被它的門外設計而光顧的！小小的餐館，想不到午餐總類頗多；馬拉菜為主：娘惹喇沙；去骨海南雞；巴東牛肉等等，都只是HK$60-70左右。我點了 正宗古早味肉骨茶。（這是外賣）肉骨茶的湯非常濃郁，很好喝！飯盒內的食物鋪排很美觀，配上一點點綠色作點綴。用上豬腩排，應該是五花腩吧！不會太多脂肪，放進口剛好！而且有大約三件左右，是大大塊的哩～配菜還有豆卜；冬菇（超肉且入味）；油條。還附有微暖羅漢果茶，潤喉舒爽。整體來說，小娘惹就是我想吃的味道！期待下次再來。

舖頭細細，營業時間只有數小時，星期六又唔開，今日就黎試吓有幾好食喇。老闆娘友善地招呼，過咗食飯繁忙時間，不用等位就入得，點咗一個蝦叻沙，69蚊，送一杯無糖羅漢果茶。賣相很吸引，3隻蝦，豆卜，蜆4粒很鮮甜，2片魚片好彈牙，半隻蛋，還有些牙菜，食落不會太鹹，很香椰奶味，摻摻份量剛好，真是滿足啊。小店經營，搵埋fd下次再食過。

之前看過幾遍報導話呢間食店每日只賣60碗喇沙，廚師兼老闆係5星級酒店大廚出身，最注重食物出品，想必唔會差，今日lunch 就來試下佢。雖然人龍唔算多，但都要排下隊，環境較狹小，但食品最緊要，對吧？招牌喇沙就當然係要叫，另一嘢就叫左海南雞飯。先講下海南雞飯，海南雞本身味道不過不失，雞味當然係無乜，但係非常‘鞋’口，胸部分更加係un如柴🙁。其實最大鑊既反而係啲飯，佢個名就係雞油飯來既，但就無雞油味，口感更加大鑊，過多水份致啲飯一pat pat，斷曬米咁，成碟都唔想食🤯。再到所謂招牌既喇沙，一上檯已經呆左，既然廚師係有要求的話，我唔明白隻蝦成尺長既蝦鬍點解可以唔剪，無一隻蝦有處理過，我相信就算係屋企煮都唔應該係咁。喇沙最重要既湯底顏色偏黃，蝦湯完全無蝦味，椰奶雖然係夠，但唔夠香，整體來講可以話係無乜味😕。而全店整體持平來講雖未到以不能吃之地步（海南雞飯係不能接受），但冠以背景如此強勁名聲，我只可以說不配，賦予強烈不推薦此店。

在星加坡食過極品喇沙後回味不已，雖然香港做喇沙的店不少，但很多已經「改良」以迎合港人口味所以和正宗相比真的差太遠了😞聽聞此店子在做正宗的喇沙，喇沙控當然要出動💪🏻店子很細，坐得不舒服，因此適合一人前光速解決。午市時間不少人等位，雖然一個人仍然要約等20分鐘才可入座。午餐包括一杯微温微甜羅漢果水👍🏻主角是海蝦海鮮喇沙，外型已經無可挑剔😍痴線級的美味！❤️海蝦2隻帶殼，非常鮮甜！湯底香濃，蝦湯、椰香、辣度的balance 一流！差點全喝光光了！😂豆卜是最佳配角，索湯之選🙌🏻麵和米粉亦屬高水準～其他配料亦不錯！非常一絲不苟 😊重點是竟然有螄蚶呀😋 仲要鮮甜肥美！因為處理的過程很麻煩而且洗不乾淨的話會好易肚痛，所以已經絕少店子有信心供應～好驚喜😋 有螄蚶的喇沙不但味道更正宗仲有一種其他海鮮沒法取代的鮮味😋 真心推介🙌🏻

聽講呢間出名食laska, 小店親民同呢區lunch 都一定要排隊但都好快有位,環境細有啲迫,ordered 招牌laska 好快有得食，味道好平均,唔太spicy, 唔會太heavy

一早已經聽過鰂魚涌有間小店食娘惹菜幾出名，見今日星期日咁就梗係去試下啦～咁岩我去到既時候係兩點既，直接唔洗等位就可以入得去食。係鰂魚涌既呢一間小店，雖然價錢唔貴，大部分既菜式都只係五十至六十幾蚊，但係由食材至到調米料方面既選擇，都食得出老闆對食物既要求同態度。真正既美食，未必要用上最名貴既食材，而係每一方面都要求做到最好，然後再加上廚師既精心烹調，就促成一道美食既誕生。老闆同老闆娘雖然都非常忙碌，但係臉上依然掛著笑容，亦對客人非常有禮貌。總括而言，呢間娘惹菜可以話係我係香港食過咁多間入面最好既！他日亦必定會再次來訪。

喺鰂魚涌太古番工，每日食飯都頭痛，間間都要排隊，如果2個人食就相對易搵位好多🧐今次試咗呢間小娘惹，舖頭好細，所有枱都排得密麻麻，土地問題嚴重。如果想舒舒服服傾下計可能就唔係你首選，適合想一嚐正宗新加坡菜嘅你。喇沙 - 午餐包一杯無糖羅漢果茶！真係無糖的湯底濃厚，香滑椰汁，魚蛋彈牙，正宗兩溝麵 - 米粉配蛋麵😋 值得再來！

本身鍾意食喇沙,上網見雜誌勁推, 講到好足料好好味, 對佢的喇沙自然充滿期待.12點半左右到左, 前面堂食約有8人等緊, 等左15-20 分鐘左右有位.入到去, 明白要等可能因為店太細, 坐滿都只可容納20-25人左右?  比較逼.坐低無耐已好快幫你落單, 上菜都快, 速度似茶餐廳.期待已久的喇沙話咁快黎到, 即刻試下, 結果...無晒憧憬..TOT喇沙太咸,完全無椰香味. 得個咸字  TOT蝦太熟,太老咁...係咪一早煮定?莫非上菜咁快係因為所有料和湯早已整定?  所以即使得一個廚師, 都可以好快出餐?以$69一碗喇沙黎講, 性價比好一般, 唔會再返轉頭食. 都唔會再信雜誌同膳稿...

今日終於俾我試到這間小店 平時時間唔就一去又多人排隊次次都打退堂鼓 今次我就佢地未開門前走去排 都已經10幾人在我前面 如果入唔到第一輪咁就大件事起碼等半個鐘一坐低就好期待d野食 見咁多人實掂我們兩人叫左海鮮啦沙同肉骨茶佢地小店雖然細但出野都快但唯一差少少就係啦沙湯唔夠熱味道就一流肉骨茶就甜左少少但好足料但享受食物同時我心一路想快快食完就走點解因爲坐得唔舒服 不過好食就算同佢地唔開夜晚 開中午 想去就要睇準時間啦

朋友話今日係星加坡國慶，所以要食星加坡菜😂😂 鰂魚涌嘅小巷有好多嘢食，小娘惹系首選。雖然地點有啲難搵，但勝在近寫字樓😎佢lunch set大概係$60至$70，唔算太貴😆 喇沙有兩種，一個係魚蛋一個係海鮮(有蝦)。有海南雞飯，肉骨茶，好多選擇👍🏻 Lunch set會配熱既羅漢茶，一啲都唔甜而且好好飲😋佢嘅喇沙湯底唔辣，係有啲甜味。配搭海鮮或者魚蛋都好鮮。佢個面底，有米粉再溝油麵，口感好得意，有啲淋但係又有咬口😋

首先，肉骨茶有分一人份或兩人份，分別為69同89。一開店，老闆娘話因為好多人會黎，所以唔做兩人份。講真，你話供應有限，所以我早d黎，但反而你話為左遲黎既人都有得食而只可以叫一人份，咁我早黎有咩意思，我反而覺得咁樣對早黎既人唔公平。如果你系為賺多d，咁不如你餐牌唔好寫有兩人份。講返食物，個湯唔熱，得兩舊仔腩肉，唔系骨。以為肉骨茶應該系骨。。藥材味唔夠，偏甜。另外叫左豬手黑豉油麪。個豬手唔錯。餐牌寫粗麪，但黎既系油麪，無粗麪系咪應該通知聲。。問題都系唔夠熱。。味道偏甜仲叫左椰皇，一般般。雖然喜歡支持小店，但系。。老實講唔值得再去

又係鰂魚涌放lunch時間搵食，真係睇下邊個快D搵到位先有機會食好野。今日同同事極速跑過去試下呢間成日行過好多人排隊的餐廳試下先。小店菜色不多，但其實做得好食，一樣食品都已經足夠了。好多人都叫呢個招牌娘惹海蝦喇沙，當然又叫黎試下啦。一黎到見到大大碗好足料，先試下個湯底先。入口香滑濃郁，啖啖都係蝦味，椰香奶，差D飲晒D湯先記得食面。豆卜好入味，根本就係吸收晒成碗湯的精華。魚片入口厚身軟滑有魚味。最surprise係有市面上少有的螄蚶，其實真正的喇沙係必定要有。不過一般要買到新鮮的，又要去沙處理又需時又要成本，好多店舖都冇提供，而呢度就正正唔怕麻煩，就係要整得又正宗又好味。螄蚶入口幼滑，好似飲緊奶咁滑，細細隻但就充滿左海鮮味，好正。一碗有三大隻海蝦，隻隻都新鮮彈牙，大大隻真係覺得好抵。正宗的喇沙係油麵同米粉一齊食，呢度當然跟足做法，油麵爽口彈牙，加上米粉吸盡了湯底精華，一口食盡兩種口感，有種滿足的感動。招牌娘惹海蝦喇沙係每日限量供應，手快有手慢就。。。下次再試下肉骨茶同海南雞先，聽講都好好食嫁。

早前喺雜誌睇到介紹，話公司附近開咗間小店「小娘惹 Little Nyonya」🦐 仲講到佢啲「喇沙」係全港頭五位咁犀利... 咁巴閉我哋梗係要去朝聖啦！今日比平時晏咗啲出門口食lunch，去到前一條巷，已經見「小娘惹」門口排滿人，仲以為今日無得食😪點知佢哋圍住原來喺度「打邊爐」🤨 Huh!排除萬難小秘書終於入到餐廳，地方細細，客人多多... 正宗鰂魚涌特色，我哋喺附近做嘢嘅一班打工仔都慣哂喇😏 餐廳裝飾都幾別緻，不過人頭太多，想影張相比大家望吓都唔係咁方便... 唯有拎個餐牌望睇吓有咩食📕 估唔到餐廳細，就連餐牌上嘅字都咁細👀 既然公認推介嘅係「喇沙」，我就跟大隊叫咗碗「招牌娘惹海蝦喇沙」試吓啦🦐🦐🦐。 等咗大概五分鐘，「喇沙」嚟到🍜 第一眼望見就係三隻紅卜卜嘅中蝦，其餘嘅仲有魚片、半隻烚蛋同三隻螄蚶。其實食「喇沙」我比較注重個湯底🍜 「小娘惹」呢層做得非常唔錯，椰汁味濃、加埋馬來獨特嘅咖哩風味，我一啖又一啖咁飲咗差唔多半碗湯都唔覺得口渴🍯 起碼我無動機將佢送果杯淡到似水嘅羅漢果茶放入口吖🤣

今日同同事去左依間小店食晏，開頭係被相片吸引。試左個喇沙面+粉（有一半係米粉，一半係面）其他吾多講，食物主要分開三個部分講，1. 面/粉底正常。2. 湯底非常正。3. 配料很一般（喇沙粉/面，有三隻蝦（d肉梅嘅），加三塊普通魚片，再有四至五隻毛蚶（比較鮮甜）。地方狹窄，冷氣不足，食到身水身汗。

今日又去食喇沙, 搵到一間喺側魚涌叫小娘惹, 經過宣傳， 來食既人真係好多， 再加上附近寫字樓林立， 中午食飯周圍都要去搵餐廳食肆醫肚，客源一定唔怕冇， 點咗個招牌大蝦喇沙麵， 一嚟到飲一口湯， 微暖都冇 ，個湯係完全唔熱， 飲落去好濃嘅椰漿味， 因為個湯唔熱配上油麵同米粉，真係唔好食😵😵, 湯底有濃椰漿味，魚片冇腥味， 獅蚶冇腥味新鮮， 蝦就不過不失 。 佢哋餐廳仲附送咗羅漢果茶一杯，羅漢果飲食市場，都好興附送予客人飲用。用一粒羅漢果煲好大煲， 比起開水有些少味道， 當你食完啲味精嘅嘢，羅漢果水會有短暫性令止口渴，使舌頭味道有甜味感覺。 湯底用咗啲馬來亞做法加些香料，食完都幾有刺激性都感覺到即時自己有上熱上火跡象 。 近期都食過灣仔一間喇沙麵 ，佢個湯底就標榜有用豬骨雖然香料就唔係好猛烈性 唔係好有刺激性，但係兩間嚟講我都係好懷念娘惹嫁到嘅老闆所煮嘅正宗喇沙娘惹麵， 不慍不火 ，恰到好處 。 好味嘅嘢有時終歸到底都係講求自己嘅喜好👍👍👍