胡椒仔

Open Now

Now Closed

聽名都知呢間餐廳主打胡椒叫左個胡椒豬肚湯飯湯都好大碗 湯係奶白色 證明個湯係有真材實料去煲胡椒味好濃 食唔出味精湯上菜既時候好熱 咁先好味豬肚有幾塊好大塊 配菜有唔同既菇 腐竹 咸酸菜直接將個湯倒落個飯度好飯吸曬d胡椒味 好香

住上水既我早餐必選餐廳之一，一定係呢間胡椒仔，佢個經典早餐我成日食，貪佢價錢唔貴大大份，重點係佢個多士係「薄」多士😍😍 又脆又好食。.今日如常黎食早餐，叫左叉燒公仔麵，腸仔煎蛋，多士 $38 ，細心留意下佢個腸仔係炸過，夠晒脆先好食，冇誠意嘅餐廳碌一碌條腸仔就算，叉燒麵份量都多架，真心算係咁。.另外一個餐既雪菜肉絲米粉x餐肉煎蛋x多士$38 ，雪菜肉絲又係好唔吝嗇咁俾我🤣 突然諗起大x活個雪菜米幾乎見唔到雪菜🙈，餐肉真係要煎先好食👍🏻.街坊早餐 值得推介 。

上水朋友帶路搵野食估唔到上水細細都有唔少黃店·聞到隔離枱個胡椒味好吸引望落好大份雖然我地得兩條友但都忍唔住叫左因為我超鍾意濃胡椒味既湯胡椒豬肚雞煲（$178）相都唔記得影就飲左碗湯先個湯好夠胡椒味而且好濃郁有豬肚豬手同雞成煲湯敗筆係個雞個雞好似煲到湯渣咁肉質好鞋為左唔想浪費個咁好味既湯底我地最後決定打包個湯番屋企第2日自己加雞再煲過😂😂.叫左一個水煮肥牛（$98）上枱已經好香有陣大陸味😂個湯底真係幾足料唔會好稀得辣味咁我用個湯都送左大半碗飯🤭🤭而肥牛唔係cheap野有牛肉味之餘少少少肥唔會肥到食落成口油下面仲有吸哂味既紅薯粉同萵筍舖底以份量離講佢值回票價·再叫多加左個蜜椒牛柳粒（$88）呢個菜係不嬲都係我最愛之一呢度個蜜糖落得毫不手軟而且炒得夠鑊氣牛柳粒乾身得離有焦香又甜甜地咁薯仔炸到個皮好脆身再配埋蜜糖呢碟野配飯一流🤟🏻·如果剩係叫個水煮牛同牛柳粒200蚊兩個人✌🏻超抵食呢間絕對可以一試

之前朋友同我講話有間咁既野，不過好似唔太起眼，佢同我講胡椒豬肚湯飯好好食，信下佢，試下係咪佢所講1️⃣胡椒豬肚湯飯$59 ➡️唔包飲品上到枱聞唔到胡椒味，一飲第一啖，胡椒味超勁，白胡椒辣既後勁超強，邊飲邊出汗。個湯好似冇乜味精，飲完之後隔一段時間都冇話要想瘋狂飲水。豬肚洗得好乾淨，冇異味，不過豬肚數量有d少，大約有6塊，如果多一、兩塊或者加幾件雞更好😍⏩總括嚟講，個湯飯可以加雞件，變成胡椒豬肚雞湯飯，應該仲正😂。仲有個湯夠熱。如果支竹轉為豆卜或蜂巢豆腐會更好，吸湯能力強。

今晚第一次試下胡椒仔，食左5樣野。 overall 唔係特別好食，普普通通，應該唔會特登再去食。服務友善。1，胡椒豬肚雞煲，屋企人話豬肚夠淋，幾好食，我無食豬肚，食左雞，雞件我覺得唔係十分好食，有d鞋，胡椒味亦唔係好重。2，金沙涼瓜，呢個係我好期待的，但是有點失望，咸旦同涼瓜廚師做唔到好融合的效果，兩樣野加埋一齊有d唔識大家的感覺。我食開嘅金沙涼瓜唔係咁，失望。3，咸魚雞粒炒飯，飯炒得唔夠乾身，太濕，而且，唔夠wok氣。 可能叫白飯會好d。4， 漁香茄子煲， 不過不失。5，小炒王， 料足，但無乜驚艷的感覺，普普通通。

朋友介紹這間食胡椒豬肚湯飯本人好愛這個湯，自己煮又要好多功夫，所以最好就是出街食，叫咗🐼外賣在家食$59，湯和飯分開盒，碗湯都好大碗，湯是奶白色的，好夠味和飲到濃香的胡椒味，入面好多餸，有大約4塊豬肚，夠淋唔un ，另外有最少3種菇類（冬菇、雞髀菇），大大片腐竹，咸酸菜和紅椒，撈埋飯一齊食，好好味😋佢不是死辣的胡椒味，是好香好濃的，暖胃飽肚，下次會要繼續叫這個胡椒豬肚湯飯食👍🏻👍🏻👍🏻

今晚駕車入朋友上水家取東西，回家需要先到附近新豐路油站入油，發現有間小店「胡椒仔」招牌名稱好特別，所以吸引我們先吃飯再回家，店內裝修以工業風為藍本，一邊牆身更油上舊上水鄉村街景嘅圖畫為裝飾，令我們有一種悠閑生活嘅感覺🥰🥰胡椒咖啡☕️$30/each味道有啲似美國咖啡，好香冇苦澀味，但最特別是每一口都帶有胡椒辣嘅味道，好有玩味😘😘枝竹牛腩煲 $78大大煲、熱辣辣、香噴噴，牛腩同牛筋都炆得軟腍入味，湯汁濃厚，而炸枝竹吸晒柱侯醬汁嘅味道，很好吃，滋味無窮😋😋胡椒豬肚雞煲 $168豬肚肉質厚實爽脆，雞件嫩滑，個湯好香甜，胡椒味又辣又香，加埋鹹菜鹹香味，真係好開胃呀 ，一口一口飲到唔停得手，此湯水更具有暖胃驅寒，溫中補虛，散寒暖胃之效，能行氣暖胃，幫助消化功能👍👍

今晚約咗朋友食飯，行多兩步搵好嘢食！搵到一間胡椒仔，睇落幾正！餐廳有好多選擇，揀咗店員推介嘅胡椒豬肚雞煲，亦睇見好多枱客都有order~胡椒豬肚雞煲單睇份量已經夠大，非常之足料，胡椒味濃，好香，配上爽口豬肚同滑嫩雞肉，好夠味，枝竹吸晒啲精華，推介！另外，叫咗個小食，點知份量一啲都唔細份，椒鹽魷魚鬚，魷魚鬚炸得香脆，魷魚鬚肉質彈牙，椒鹽十分香口惹味，食唔停口，送飯食超滿足～～飲品嗌咗杯咸檸雪碧，解渴一流～～另一杯華田咖啡都唔錯，又香濃又夠甜～

踩單車由元朗去了上水，消耗了大量體力，即刻去附近提早食晚餐。餐廳晚市有多款小菜，十點後還有串燒，啱哂班夜鬼。胡椒仔水煮牛肉有一大碗，有大量配料包括薯粉、雲耳、支竹、酸菜等等，帶微辣及少許酸，麻味則較輕，唔太食得辣都可以接受。脆脆金沙骨用了咸蛋王包裹著金沙骨，咸蛋十分惹味，金沙骨有咬口。八珍豆腐煲用了叉燒、豬肚、燒肉等等，下面以白菜仔墊底，豆腐嫩滑，豬肚夠腍，而且味道唔會過咸。凍朱古力咖啡加大了夠兩個人飲，咖啡全部都係即磨，味道濃郁且香。

這家新的餐廳在上水開了一陣子，我也沒有發現，直到今天才見到，餐牌的菜式不貴，大多小菜都落在＄１００以下餐廳滿闊落，坐得很舒服餐牌的選擇甚多，有煲仔也有小炒，有辣有不辣，有清有濃味，令人眼花撩亂食物：先來一杯胡椒咖啡（凍）＄３４帶點胡椒辣的咖啡，辣味不持久所以不會太梗，咖啡香味適中，而且沒有冰！只是水量略多較稀而已胡椒豬肚雞＄１６８這個雞的份量加上豬肚十分地多，基本上二人吃也夠飽了，湯底濃郁帶點魚湯的奶香味，雞跟豬肚的味道較淡，因為都在湯內了除了這些，還有相當的酸菜跟冬菇，腐竹，芹菜，營養均衡，不用怕沒有菜！我們表示不夠濃，老闆娘還主動幫我們安排加辣，好友善！黑椒薯仔牛仔粒＄８８港式餐廳名菜，只要鑊氣夠就會好吃這份加了蜜糖炒的薯仔跟牛柳，的確口感焦脆，而且甜中帶咸，很是好吃如果件頭細小一點會更佳

北區街坊朋友推介我食呢間既煲仔飯，要晚上9時先開始供應，零晨都仲有食。。即叫即煲～所以要睇定時間～今次叫左臘腸排骨煲仔飯 ，外賣拎返黎時有個特製包裝盒包住個煲仔，保溫得黎又保護個煲～煲仔飯我覺得飯🍚🥢先係主角黎～呢個煲仔飯火喉夠，啲飯收水收得幾好～有飯焦👍配搭埋臘腸嘅油香又滲透返落飯個度，個煲仔飯豉油係重點～甜甜地～撈飯好掂呀～啲米飯係幼身。飯焦連埋煲仔內既飯一齊食～仲有層次既豐富口感～未落豉油之前可以見到邊邊有飯焦撈左煲仔飯豉油，一匙羹內有齊臘腸油香、煲仔飯豉油既甜味、脆飯焦同飯既口感，層次複雜但豐富～店內環境幾好，仲有一幅有區內特色既壁畫牆，適合打卡。

🌞風和日麗陽光普照的日子，又是假期，最好就係去吓D郊區行吓，行到攰就梗係去搵D嘢食，見到有間cafe叫做胡椒仔咁得意，有室內和室外，室外嘅設計又幾雅緻，環境唔錯⋯⋯——————-😇睇睇餐牌，原來呢度嘅特色係胡椒，唔怪之得間舖名叫胡椒仔，咁就一定要食佢嘅特色招牌胡椒碈肚雞煲，仲要飲佢嘅胡椒咖啡，鍾意食胡椒嘅人一定不可放過😊—————-🟩係時候又要講吓我叫咗D乜嘢食🤣飲品：凍胡椒咖啡☕️：唔會加冰🧊嘅凍咖啡，濃郁咖啡香又不會令咖啡淡咗，原汁原味嘅咖啡加上黑胡椒的濃香，帶微微胡椒的微辣，喝起來更令咖啡帶出的香氣，一路飲都唔會變淡嘅凍胡椒咖啡☕️⋯⋯出色特式👍———————-🟫熱華田咖啡☕️：濃郁華田味道，又帶著咖啡的香，又是一杯心思的咖啡😊———————-🟪食物：胡椒🐷豬肚雞🐔煲：一鍋好抵食的又足料又大鍋又好味道的胡椒豬肚雞煲👍👍👍👍👍煲成奶白色的湯，胡椒夠香，湯🥣夠濃郁，又甜又香，足料豬肚，足料雞煲，其好味道的程度，非筆墨可形容，成煲滿晒，認真抵食。🥳上水區竟然有間咁好味既餐廳cafe，中西合璧⋯⋯又有特式飲品，又有特式美食————————-🟥梅菜扣肉煲：嘩，熱辣辣又香嗊噴的扣肉，真係引死人，炆

好凍呀！連續幾日都得11-12度，要搵嘢食暖下胃，屋企附近有間叫胡椒仔的食店，聽個名已經知道出名食胡椒，搵日中午去食午餐，聽朋友講佢的胡椒豬肚湯飯好正，仲有好特別的胡椒咖啡，睇下係咪真係咁正先！入到餐廳店員指示先量度體溫，限聚令關係每張枱只可以坐2人，如果1個人去都有隔板分格，食得安心又放心。我地2個叫咗胡椒豬肚湯飯，胡椒咖啡，午餐粟米汁豬扒火腿飯，凍檸檬茶，仲送咗2碗例湯。比較特別係胡椒口味，胡椒豬肚湯湯底好濃，越食越辣食好舒服，食完個身真係暖笠笠，下次一定會再食。第一次飲胡椒咖啡，原來唔會加奶，第一啖飲落無乜特別，似普通齋啡，加咗一包糖啲胡椒味就湧咗出嚟，咀唇同喉嚨都感覺到，實在有趣。離開時見到夜晚有外賣羊腩煲，宵夜有即煲煲仔飯，下次買個外賣返去試下都好！

「胡椒仔」係最近喺上水新豐街新開嘅小店，招牌很特別，半開放式，從門口望入去，右邊牆上一幅香港街景嘅彩繪十分吸睛，加埋橡木色嘅餐桌、靛青色嘅座椅，見到樓面都係年青人，突然好似去咗台灣嘅文青小店咁🤓🤓之前喺OpenRice check過個餐牌，估唔到原來只係其中一頁，原來仲有好多嘢食！不過作為「常餐控」，我結果揀咗沙嗲牛肉煎雙蛋米配奶醬包，醬汁唔錯，牛肉鮮嫩。叫餐飲嘅時候，店員熱切推介手磨咖啡，咖啡嘅果香撲鼻，入口香滑、微甘，好啱我口味，果然冇介紹錯！淨係為咗杯咖啡都可以再返去 😋😋