小肥羊 (Closed)

差唔多8點先去等位我地呢d 2人既等左好耐因為1路等d臺都係俾左d 4人既先sosad因為男朋友自己早排食完覺得小肥羊既麻辣邊爐"超正"又心思思想再食所以帶左我黎食我既第1次碟前菜係青豆蠶豆花生果d nuts係有陣益味既..想叫全麻辣湯 原來唔得就叫左好似紅棗既湯同麻辣鴛鴦個湯等左好耐先黎 但好快滾 不過個麻辣唔知點解唔辣我真係俾佢個"唔辣"嚇親我係食得辣既 反而男朋友無我咁辣得 但都覺得唔夠辣 因為佢上次辣到變左孖潤腸XD問姐姐點解唔辣 佢話煲煲下就會出味D 咁結果食到埋單我都只係覺得太鹹而唔辣..野食唔太耐 遞完紙3-4分鐘就黎到-無加錢升級 羊肉幾好味 唔肥 似牛同雞之間既texture 羶味亦都無over到 半溶在口中！-肥牛好似叫蒙古肥牛 應有既少少肥-->有 所以唔鞋亦唔油膩 幾好-有我好鐘意食既蟹粉丸, 芝士丸同貢丸 煲到好大粒好似長洲巨型魚蛋／台灣巨型花枝丸-有好搞笑既駝鳥腎同黑豚肉 不過因為黎到既時候已經好飽所以只食左各1件 駝鳥腎okay 因為只係巨型雞腎 反而黑豚肉就難搞d 又大塊 似咬緊粗像根..-個人認為邊爐健康之選必叫金菰同娃娃菜 唔會好食 唔難食就

來小肥羊之前睇過其他食評, 知道茶水有價在有備而來的情況下, 一坐下, 服務員就問我地要乜野茶我 問 : 係咪$9/位服務員才答 : 係我話 : 我地唔要飲茶, 要加$15任飲嗰種服務員答 : 可以, 不過要每位加$10酸菜費, 其實, 每位都要收茶介及酸菜費 我話 : 我地唔要茶及酸菜, 只要任食成人$128+任飲$15就夠服務員話要去問部長, 部長好唔高興咁同佢講, 唔要就收左我地 d 茶杯(同一時間, 個部長自己行左來收茶杯)(有冇攪錯呀, 如果我唔係樣樣問清楚, 我地咪無端端比多四十幾蚊) 呢間野好唔老實呀, 都唔係明碼實價 今日專程和好友來飯聚, 所以冇起身走人要左個鴛鴦鍋係麻辣+清湯麻辣好香好好味原先我地都諗住加$38食埋豪華任食, 見佢地咁嘅服務而且咁o岩今日報紙有免費品菜劵送A級羔羊肉一客(原價$108) 所以就冇加到豪華任食冇時間限制, 任食$128(每位送3兩極品羔羊) + 任飲$15 +10% 今餐每位$160A級羔羊肉入口即溶, A級即係A級, 係唔同 d 極品羔羊同A級比較, 係嚡左 d , 不過都唔錯內蒙肥牛有牛味, 好滑, 同平時港式打邊爐嗰 d

男朋友生日,就去左食小肥羊,大家都鍾意打邊爐所以就簡左小肥羊。點知,當你期望愈大果陣..失望都會愈大。一個人$118,加任飲$15,加埋一:兩個人$345一入到去,D服務幾好,特別安排我地坐果個呀姐,幾NICE!但,D野唔多新鮮,同埋唔算好味,雖然係自助算係咁上下,但都令我幾失望最滿意係個湯底,幾入味同埋個麻辣愈食愈辣,正

早已訂位(一行七人),所以無需等位,湯底真係夠味.無需加鼓油食,選了清湯,食到一半加水,唔加湯,因為已經好重味,推介食物,滑牛肉(真係好滑),花彫雞件(好夠酒味),香菜牛肋粒(好淋),精品小羊排(好似食羊腩唔食羊味既朋友都食得落),脆鯇魚(好脆),羊肉粒,墨魚滑,雲吞(至少叫左五碟),芝心丸(方型最好食個種),凍豆腐,鮮魚腐,好食另外仲有小食任食區,口水雞.(好滑),

可能甚少人會試佢既茶市其實會係意料之外既好食同抵食首先講講早市既盅頭飯,真係幾好食點心選擇有好多,而且好平好抵食有好多樣特價點心都係$3.8-$4.8一款3個人食到飽曬埋單70幾蚊咋仲可以試到好多樣野推介串燒同小肥羊春卷好特別,個春卷比普通既長,裝喺杯度架

大雨天到小肥羊打邊爐，要了一個套餐。本以為可能不夠吃，誰知還剩下了不少食物。質素方面不同食物水準有不同，肉類其實不錯，整體就不過不失，不過服務態度只算一般。打邊爐來講，都係穩陣的選擇。

地點:荃灣DATE :12 sept 2010好耐無食過小肥羊......我好鍾意好鐘意食小肥羊,所以入埋會由於要慳錢,所以食任食.....除本身套裝外,加了$30食其他野,再加$10任飲其實我去到小肥羊最鍾意食的就係肥羊粉....不過唔記得影

我記得一年幾前去食, 樣樣都好好味, 今次見到點菜紙都唔同左, 比較如下: 1. 以前每位$138+10%, 而家$118+10%, 但要任點羊肉, 就要加$30,除羊肉外還可以點,珊瑚蜯, 螺 片, 烤羊鞍等, 尚算可以. 最好食係烤羊鞍.2. 以前飲品另外order, 而家加$10任飲.3. 以前的冷盤好好食, 如夫妻肺片, 醋青瓜, 涼拌海帶, 全部都好好食, 但今次去味道差左, 青瓜唔入味, 海帶係林的, 唔爽.仲好多油.建議可改善之處:1. 一上到去就問人要咩茶, 後來先知加$10有得任飲, 個d茶錢就浪費左, 要成$9一個, 其實可以俾人客揀要茶定要$10任飲.2. 做好d冷盤la, 有咩理由差成咁, 我整都好食過佢.3. 羊肉又薄又削又細片, 好碎濕濕的感覺. 都卷唔起, 好快就一pat咁,應要厚多少少, 以前都可以卷起的.上次食覺得物有所值, 今次食完之後, 我諗我有牌都唔會去, 去小肥牛好d.

女朋友的食評:九點半後打的一場邊爐~食左都OK多野...印象中唔錯的有墨魚滑、三色丸、黑椒牛柳?、雞軟骨同山根(好特別的SIZE)…湯底好重藥味, 辣果邊就唔清楚, 哈哈~其他好似肥牛同羊肉, 個質素係比出面好少少既~至於野飲就真係好唔得…D蔗水係真係水來的…不過服務態度都可以! D野都唔會等好耐先有~本人既食評:小肥羊真係食過無數咁多次 記得最痴線試過一星期兩次但係今次真係過癮到不得了! 點解!?因為問左朋友拎左10張50$既coupon 而且我記得之前叫野飲要加錢一渣渣咁計!! 而家加10蚊就有任飲真係底到爛~不過亦有可能係呢個原因枝竹庶水真係同水冇咩分別~ 所以全程飲可樂同小小酒..亦到比女友係咁禁止我飲可樂=[ 講番正題~ 食過太多次所以發覺左呢間小肥羊既麻辣湯底冇以前咁辣，而且仲越食越唔辣~ 小弟好鍾意爆辣既野所以呢度要扣番些少分。咁有咩係好好食呀!!1)唔題唔得既粟米~ 真係甜到不得了仲一定要係辣湯果到浸番咁上下先夠惹味2)內蒙古肥牛肥到彈牙>< 其實一直都係減緊肥 但係真係忍唔到口..所以自己一個人都起馬食左牒半….落單果時仲係寫3字xdd3)肥羊粉!

之前見Openrice小肥羊任食火煱好多好評, 又見D食物都好似幾0岩食咁, 所以就Print埋D優惠劵一於去荃灣店吃番餐啦! 去到就9點幾鐘, 食晚餐時段$98加茶芥加5蚊任飲加一, 入到去好多人呀~ 即刻叫個鴛鴦湯底, 清湯+麻辣! 一開始食既時候都冇乜野, 個麻辣底仲覺得好好味添, 但個湯愈食愈咸, 真係咸到要隊番半罐汽水落肚! 好辛苦! 唔洗點豉油都得呀! 由於任食既關係, 所以都叫左好多野食 羊肉三寶丸 - 厘個好好味~ 特別係個羊肉丸, 勁有羊味~ 比起D羊片仲有羊味! 又彈牙~ 厘個一定要食ar!! 香草牛肋粒 - 十分淋, 唔會咬唔開, 亦有陣陣牛肉味! 雖然香草味少左D, 但都值得一試! 小羊排 - 有羊味, 大大舊, 半肥瘦, 味道唔錯~ 蒙古特級肥牛 - 一向薄片係小肥羊既特色, 但牛肉太薄片令我唔知食緊D乜~ 冇乜牛肉味, 不過都過得去~ 內蒙A級羔羊肉 - 送既~ 勁大碟, 2個人點可能食得晒,..... 又係冇乜羊味! 不過送既就冇所謂啦! 五花腩片 - 好肥美~ 好味!其實我好欣賞佢每一碟都細細碟, 唔會好多, 咁就可以試多D野食, 不過食物都係

上次參加旅行團得悉小肥羊有任食點心, 便再來試試.第一次點得較多.蝦餃, 挺好的, 每只內含2-3隻蝦, 新鮮, 熱熱的吃很好.燒賣, 一般, 也有一只蝦在頂部, 下面的豬肉感覺有鞋.菜苗餃亦很好, 也是有蝦的, 不知甚麼菜了, 但吃起來很香青口, 有點辣, 但還挺惹味的咖哩尤魚亦只是一般第二次叫即刻耐左好多, 可能唔想你食咁多呀.多次提點, 幾番追問, 才得到一碟桂花糕, 但, 是不好吃的.之前在尖沙咀吃的, 又冰甜又清新, 這兒只有糖精味, no good腸粉亦甚差, 只覺得厚的皮, 冇乜餡料可言.腐皮卷不錯, 又大蝦, 炸得香的熱盪盪的~小肥羊春卷, 應昃羊肉來, 挺香口, 沒帶半點羶味...這兒奶皇包一點也不流沙, 雖它沒寫明是流沙, 但明明上次在尖沙咀的是很流沙, 令人吃了番尋味.這兒的只會是林林的一片黃色的在包內, 吃了感覺很沮喪.不要對自助bar 太大期望, 只有少量食品.豬肚就挺不錯的, 炸煎堆亦不錯甜品, 涼粉好像冇乜味, 亦不夠冷.惟紫米露最佳, 適量的甜, $48 毋須加一及茶介, 在外邊的餐廳都差不多吧, 這兒可任食, 仍算不濁但當然, 有番上次尖沙咀的qual

星期三放工同好朋友近近地去左荃灣店食, 7:30 到達, 都唔係好多人, 坐得算闊落. 憑開飯既coupon, 唔洗加 $10, 汽水啤酒都可任飲 tim因為係任點任食, 所以menu上可供既選擇同羊有關既唔係太多, 大部分都係普通火鍋料, (好在基本每位會送三兩羔羊肉) 如想食多d羊, 要加另$30 upgrade我地要清湯底, 飲品好朋友要蔗汁 (原來一jar 上) , 我要可樂, 野食只叫左一 round, 有 : -肥牛, 五花腩, 豬頸肉, 駝鳥肉, 鷄軟骨, 豬粉腸, 小羊排, 炸魚皮, 手打羊肉, 羊肉三寶丸, 雲吞, 肥羊粉, 豆卜, 生菜, 貢丸, 墨魚滑.個手打羊肉同羊肉三寶丸 勁有羊味, 個肥牛都好正,夠肥美, 強烈推介我地埋單連加一 (茶芥每位九蚊), 兩位共 $290, 都ok 啦

11點幾,同女友打完機,嗰肚有d餓,女友話想去打邊爐,咪走上樓上海洋囉,點知見到隔離間小肥羊收2點,又全包又任飲又任食,都係一舊水有找.咪走入去試下.一入去好似比我地包左咁,(得十零人係度.....)一坐低叫左個清湯麻辣鍋,跟住點左十幾樣嘢食(講真都唔記得點左d乜)口水雞,青瓜,整得好好食唔知係咪d湯夠味(定係自己太肚餓),放d嘢落去好入味,張點菜紙勁多野揀...(無本事試晒)推介:雞子,肥羊粉,羊肉,芝心丸,皇帝菜服務:侍應就無幾個..(招呼唔到)叫野飲,等極都未黎,(建意一次過叫多d穩陣)埋單真係兩舊有找(兩個人)........抵!第時食宵夜又有多個好地方.

2010年4月18日 ( 小肥羊 - 1 ) 周日，我倆與友人來到城市中心的小肥羊喝午茶，品嚐過的食物如下：咖哩魷魚、潮州粉果、奶黃包、鮮蝦腐皮卷、炸兩、山竹牛肉球及漁香茄子炆伊麵。每次來到城市中心喝茶，這裡攞位最快，坐位闊落舒適，沒有那擠迫感，沒稻香那麼吵耳，食物質素幾好，今天的咖哩魷魚、鮮蝦腐皮卷及山竹牛肉球水準唔錯，服務水準一般啦！

屋企人鍾意食羊, 之前食過幾次, 加$30任食, 可以食埋A羊, 覺得百幾蚊一個人都OK。點知今晚再去食, 任食既menu轉左, 淨返d唔好食既羊, 下次都係唔再去lu~~~其他野食都係好一般, 俾得百幾蚊一個人, 仲有大把其他更好既選擇。另外, 環境非常擠迫, 只要一郁張櫈, 就會碰到隔離桌既人。服務也不好, 我們用了open rice的任飲coupon, 我們在入座前已告知我們會用coupon, 他們在看過coupon後, 在card上寫了"送任飲", 並把coupon還了給我們。到埋單的時候, 小肥羊計了我們任飲的費用, 我們和經理說我們一早已出示coupon, 他非常不高興地說:「我今次俾一次機會你地!以後唔好再係咁!」我覺得佢自己同員工既溝通不足, 唔應該責備食客!