小肥羊 (Closed)

尋晚男朋友忽然想打邊爐, 於是我地上openrice 印左小肥羊既優惠券出黎, 唔洗每人加$10就有任飲既優惠, 慳左$20 而且我地九點後入座$98, 比起九點前既$118, 每人又慳左$20 慳慳埋埋既錢用左黎每人加$30 任食特別的羊肉, 蝦之類既野!! 我地揀左麻辣同皮蛋湯底, 味道始終不及大陸小肥羊, 好似唔辣咁?但都好正, 起碼感覺係衛生好多既!不過羊肉同牛肉真係切得好簿, 拾熟左之後變到超細舊.... 如果放到麻辣果邊, 係咁多辣椒入面搵返出黎真係幾難~~佢個口水雞好好食, 叫了兩次 如果唔係飽飽地, 想再叫第三次, 哈哈~~~炸魚皮都好有口感, 而且都幾鍾意食豬潤!!蝦叫左兩次都無黎, 之後問服務員係咪無哂蝦, 佢話轉頭答我地, 但無左回事!不過其實全程d 服務員既態度都好有善既, 所以算數啦~最後仲送左張$50既現金卷, 一個月內使用,下次可以更加抵!! 整體上都幾滿意~~

之前從未食過小肥羊，因為價錢較貴。今日和女朋友經過見佢任食兩小時每人$118，加$10包嘢飲，便來試試。我哋叫咗個皮蛋和麻辣湯底。啲牛肉片和羊肉片切得幾薄，都幾好食。每樣嘢都好細碟，幸好我哋得兩個人，細碟啲反而仲好，可以叫多啲唔同款式的食物。我哋還叫了很多以羊製作的食品，有羊肉三寶(肉丸)、手打羊肉和羊排等，味道都過得去。其他食物一般打邊爐都會見到。而我哋都叫咗幾樣熟食，有夫妻肺片、口水雞和青瓜，味道都幾好。兩小時期一到，啲伙記便叫你埋單了，埋單後便無得再叫嘢。幸好當晚不是十分多人，我哋食埋啲嘢，總共坐咗成三小時才走，算係咁了。

小肥羊一向都係小弟既至愛,由大陸散餐勁食到後來發現荃灣有任食,都幫襯咗成幾年.其實小肥羊既任食係上年曾經水準下降得幾厲害,不過好彩佢推出咗d熟食,好似口水雞,牛展等都叫補救到少少.到擒晚小肥羊癮發,同朋友再去時,發現佢又有新野,就係有普通任食,或者加錢叫豪華任食任飲,豪華任食會有多幾款羊,蠔,蝦,蚌,螺片等,任飲就有啤酒汽水.咁既野食內容,梗係加錢啦.係全晚幾乎都係全羊宴之下,我只可以講好羊的我得到極大既滿足,d羊鮮甜夠薄同份量足,我覺得應該改善既係羊可以再羶d(太太唔食羶就話剛剛好);麻辣湯底無以前咁辣(可能要迎合多數香港人口味),我覺得可以再麻辣d.埋單17x一位,小弟作為會員有9折,15x一位,實在係食羊肉火鍋既不二之選!

終於嚐到小肥羊了。前幾年已聽過不少人喜歡它。今晚嚐了，卻不是我杯茶…餐廳裝潢很有內地色彩。我們兩人點了它的$98任選任食火鍋餐，其實加點$10任飲，湯底和加一等，每人要145。價錢不算太貴，但相對其他酒樓的價錢更低的同類火鍋餐可點到的蝦和生蠔等海鮮﹐這裡的食品選擇明顯失色。我們點了雙湯底：清湯和麻辣湯，雨種都有小肥羊的特色，富有藥材味和好咸…咸到尾段我們要自己加水。而麻辣湯其實一點也不辣，沒有刺激感，有點失望。每人會送一碟羊肉片，但這切得很薄很薄，把一片放下鍋中拾熟後，肉變得很小很小…我個人不太欣賞，感覺餐廳有點小家其他食物都是平平…最好食的竟是粟米，估唔到咁甜…火鍋的湯底對我來說很重要，這裡的明顯不是我杯茶…

This hot pot place has always been the best, although there could be more variety like the things offered at HiPot such as Ostrich meat.Apart from that, their hot pot soup is strong, there is no need for other condiments and sauces.However I found the soup at this branch was a bit bland, not as strong as the Tsuen Wan branch, but the smell was basically the same.

同舊同學聚聚,同學提議去小肥羊食,反正我未試過,就試下啦!!!!我地揀任食,多到自己都唔知叫左乜最好味都係鮮蝦雲吞,又真係幾好味喎!而男朋友就食左勁多碟肥牛同肥羊~另外位同學食左超多舊粟米=.=佢個凍食青瓜好好味,好開胃呢~而湯底我地要左皮蛋mix唔記得咩,雖然有藥材味,但幾好飲喎!!野飲方面,真係太頸渴,大家都頂唔順,前後叫了兩渣野飲....大約三十幾蚊一渣,分到嚟每人得一杯,真係唔夠皮又貴!!!!!埋單每人$17x

30-8-2009(Sun)全家人去拜祭完媽媽後,由於唔想o係屋企煮飯食咁辛苦,而侄女又話想打邊爐,於是就落荃灣,男友就因佢侄女生日,所以要返去食晚飯,唔同我o地一齊lu.其實我先去尚賓樓,但7:00pm去到話啲枱o岩o岩full晒.我心諗,等第一round o既人食完走,至少都要等一個鐘,咁我等埋家人o黎到後,就商議轉呔去稻香.去到稻香又多人,又冇任食,就上多一層,海洋漁港話冇打邊爐,咁睇埋隔離o既小肥羊啦.小肥羊即刻有位,唔使等,不過$118.00一個人,小童$98.00.我o地都係決定o係呢間食.入到去,已經有好大陣羊羶味,坐低後亞姐問我o地要任食定逐碟叫,我答任食.轉頭亞姐攞一jar菊花茶o黎,話送o既,之後就冇免費飲品o架喇,但大哥佢o地諗,好唔好逐碟叫,不過睇o左價錢,最平都要$20.00,亞姐話任食抵啲.咁我o地就要任食啦.我o地揀o左皮蛋湯底,湯底上o左後,卻冇豉油,二嫂就問佢攞,亞姐話啲湯已經夠鹹,但都會照畀.我o地剔o左都唔算少o野,不過每樣份量都只係剔一碟,o黎到時,份量係好少,菜係一小撮一小撮咁,鮮鯇魚片係四片左右,肉丸都係四粒o度,好攪笑,唔怪得一張枱擺咁多張

又是我最愛的小肥羊...首先是喜歡小肥羊的服務，服務周到，忙中有禮。另外，火鍋生料好新鮮，落了柯打一定不會漏，幾欣賞肥羊粉(不太記得個名)，其實沒有什麼味，但口感不錯。而且小食任點任食，真的好抵!!!

celebrate mama生日,1家人決定去打邊爐,結果近近地去左tw 小肥羊食飯佢係$11x任食,可揀單湯底同雙湯底,我地揀左個瑤柱香茹,打起上黎好入味,唔洗用任何醬料佢有好多野任食,強加推介芝心丸,真係好食=]仲有個唔知咩咩羊粉,好似河粉咁,不過好有口感,一般!仲有d小食,如:青瓜,口水雞,小籠飽etc.不過佢野飲係唔包,要自己叫,唔可以自帶,otherwise $30罐/$30位其實佢個d野飲都ok,唔會好貴逼你比,e.g. orange 1jar $30,可以有6杯,beer個d就貴d,但佢通常都係大大支咁賣,所以$2x起小肥羊唔似得酒樓個d咁,質素差,又唔係only打邊爐!環境唔錯,不過一入去就好大浸湯底味,見人見智啦,我覺得好香,家姐覺得好勁浸味不過大致上ok!

星期五去左荃灣小肥羊任食火鍋,因為之前食過兩次,第一次申請左張會員咭,有9折優惠,第二次食完又送左張$50coupon,所以今晚埋單每人$117今次我只揀左清涼鍋湯底,因為我覺得呢個湯底最岩夏天打邊爐,食完喉嚨唔會唔舒服,而且有種清涼的感覺,今次我地都食左好多野,不過相片位置有限,不過盡錄!羊肉 - 贈送的,因為任食餐牌內是沒有羊肉的,薄切,唔會蘇牛肉 - 薄切,可能我鍾意食牛肉,所以每碟的份量,我覺得唔夠貢丸 - 彈牙炸腐皮 - 無油憶味,吸了湯底味,唔錯水餃 - 皮薄,原隻蝦,好味水魷魚,土魷 - 爽口,新鮮羊粉 - 呢樣一定必食,羊粉質地煙靭,吸了湯味,very good秀珍菇 - 無特別口水雞 - 雪得太凍,無晒雞味

我7點幾左右去到, 唔算太多人, 個亞姐叫我入房坐, d野食黎第一轉都冇咩問題 d 料都幾新鮮.點知人愈黎愈多就出事啦... 我果間房仔(大約50x50尺)最後竟然係要坐3張細檯+1張6人檯, 我計過成間房仔係有12人...冷氣又唔夠, 好在仲有把風扇仔, 但點知個亞姐話出面唔夠拖板, 連駁風扇個拖板都拎走埋(窮到連拖板都冇). 一邊打邊爐一邊焗桑拿 (認真係有焗桑拿溫度), 叫d亞姐&部長黎整, 個個都係應完一句就走左去. 好心間房咁細就放少兩張檯啦.之後講d服務態度仲差 , d野食次次黎親都實係有幾樣唔係我點ge野食, 同個亞姐講d幾樣唔係我點ga wo, 佢答得仲正 "橫掂都唔駛錢ga啦,冇所謂啦" ... 真係火都黎... 唔係我點我唔會要ga wo, 個亞姐又講"明明係寫你張檯檯號ga wo, 點會錯ar". 劉德華個廣告真係好耐都冇出, 佢地已經唔記得左. 我當時已經唔想同佢理論, 將果碟食物俾返佢叫佢拎走就算. 原來唔止我一檯, 對面檯都係一樣成日黎錯野, d亞姐都仲係要加句"點會錯ar"... 我唔介意佢地落單落錯, 介意就係同佢黎錯野 d亞姐會答"點會錯ar"...

我已經食過好多次,就因為覺得"小肥羊"有質素才會一次又一次咁幫襯佢地d食物質素幾好,服務都唔差,會主動去加湯&加水.不過二人桌就會迫d囉,根本就唔夠位擺野食~~~湯底完全夠哂味,唔需要再加豉油,個煱又夠大,可以一次過放多d野食落去!佢地都有好多野選擇,就算要加錢果d都唔貴,一般都係$18....酸青瓜:無上次咁好食,唔夠入味:羊肉:送一碟,幾好食,可能因為個湯底夠濃,可以覆蓋哂D SO味:肥牛:好...唔似出面果D好多肥糕墨魚滑:超好食牛肉滑:都幾好~~炸魚皮,好脆鵝腸/豬肝:唔好食豬紅/豬皮:加埋個湯底就好好食魚類:一般,無膳食~~~菜類:/菇類:都有好多款選擇整體黎講,完全值得去食,加上只得荃灣先有任食架!

尋晚一行四人去左小肥羊打邊爐, 早兩日已經book左位, 去到先知原來平日唔係好多人, 只有一半左右滿座, 雖然係任食, 不過食物質素都幾好, 選擇亦多, 連涼菜好似口水雞, 夫妻肺片都可以任食, 我地叫左好多款, 每款既份量唔太多, 所以可以食好多唔同既野, 麻辣湯底辣度啱啱好, 唔會食得好辛苦, 反而另外既香菇湯底就好似唔係好夠味, 雖然飲品唔係夠飲, 不過一咋竹庶水都係$18價錢好合理, 侍應好有禮貌, 而且好主動加水, 所以大家都好滿意

在振華路同埋國貿食小肥羊食過好多次，昨晚在港食反而係第一次，一位荃灣的朋友的邀請，當然要去試下啦。朋友相約去城市花園以前係機舖俌位的小肥羊打邊爐，可能六點九較早去，去到都唔駛等位，就咁入去就得，坐低後，搏命係咁tick火鍋料，比左待應姨姨後，要等大半個鐘先至黎得齊，而且期間有侍應叔叔送錯左另一枱的小食過嚟，我朋友想叫佢攞走，但點知佢越叫越走，最後三小碟小食一直放係度等到埋單都冇食....講番個湯，叫左鴛鴦麻辣+清湯，湯底冇深圳的咁辣，但滾耐左出左味就開始夠辣，都算好味，羊肉都拍得住深圳的，但就冇深圳的咁多款選擇，而且其他小食及鍋料好似串燒、羊眼、羊寶等等就冇得叫，可惜....雖然食物任叫任食，但飲品超貴，一楂酸梅湯要$32，細支獅威要$6....原本剩係睇食物我可以比哈哈笑的，不過扣番D服務態度同埋D飲品價錢，我只可以比OK lu.....相片補充：#1: 食左一半先至識得影，三個人食如果D鍋料如果只係寫"1"字咁就每款只係得好少，呢度兩碟已經包括十幾款鍋料喇......

上年小肥羊ge蘿白糕好好食今年又黎買過,仲買左3盒點知....完全2回事得糕面有d 料....入面一d料都冇....連蘿白絲都得好少其他全部都係粉!!!!!!!真係好嬲!!!我食左2盒都係咁我寧願你加價都好過咁樣偷工減料囉.....