小肥羊 (Closed)

今日冇去客家棧飲茶，改咗去小肥羊，諗住趕時間是但一間喇，原來點心都OK喎，款式一D都唔少、味道唔錯。大、中、小點都係7.8，肥羊肉米線、肥牛米線6.8，抵~~飲茶地方又多個選擇。

2008.5.1 星期四6個人去左食小肥羊任食打邊爐.食物方面好過一般酒樓.其他地方送海鮮拼盆.佢就送羊肉.又真係幾好食~~除左羊,都其他地方冇分別.服務都幾好.我地book左6點,不過就要6:20先入得~~要等d部長訓完話先可以食到9點.埋單一人$133.都抵食

今日冒住三號風球+ 紅雨警告下去食。七點幾去到, 門口無客人等位, 可能打風又大雨卦, 即刻帶位入座, 我一坐低, 個知客問我係咪揀任食火鍋, 我一頭冒水, 幾時轉任食ga? 我梗係問佢任食點計啦, 佢好求其咁答我, 我話等我朋友先決定得唔得, 佢話唔得, 要由入座時間開始計兩個鐘, 佢一邊答我一邊擰轉面走, 與此同時, 個侍應問我好幾次飲咩茶, 個個人都好似好趕時間咁, 我同知客講緊, 又點答你飲咩茶呢!每位$108再加茶錢, 送一碟羊肉、1件燒羊架, 湯底已包括在內, 價錢都好似幾抵, 個侍應話食物種類同以前一樣, 火鍋料就好似無乜分別, 但無小食及串燒, 少好多食喎。整體食物質數下降, 個湯底又唔辣, 羊粉叫兩次先一次, 最難食係魚腐同莞魚片, 魚腐無咬口, 莞魚又"鞋" 又硬, 總之就差啦!原來我出門口時候已經改掛黑色暴雨警告, 枉我冒住橫風橫雨, 專登打的食, 竟然變成咁, 好失望呀~~~

週日早茶，特意來試她的蒙京點心，兩個人試了：蝦餃皇- 特價點心假日貴$1，都是$12.8，皮不太厚，蝦多亦新鮮，好！內蒙羊肉小籠飽- 又是特價點心，有6隻，假日售$15.8，小籠包夠大隻，汁多肉亦鮮甜，好野！奶皇南瓜酥$15.8 - 不夠熱，失去香酥爽脆的效果，扣分。客家狗仔粉$7.8 - 仔細研究都覺得似烏冬多些，加上火腿絲和魷魚絲一起煮，上檯跟冬菜，一般。等不及11點才有的羔羊米線和蒙牛米線，叫了這個鹹魚滑雞飯$13.8 - 馬友鹹魚，肉實香口有咬頭，雞亦夠滑，但個人覺得飯太硬，不合本人。埋單$86，算抵！

第一次8點幾去到, 很多人等位, 原來9點後有任食自助餐, 要等到9點才可入去食, 自助餐送一份羊肉, 之後任點便沒有羊肉, 但那份羊肉都夠食, 其他食物都有30多種. 隔了2星期再去, 9點正才到, 不用等位, 可以立即安排入坐, 食物依然有水準.

二人同行飲茶,點了四款點心:金錢肚,牛肉腸,叉燒飽和咸水角....一開始食咸水角,但味道無上次咁好食.好似過左氣唔算新鮮.之後食好滑ge牛肉腸同埋味道濃郁ge金錢肚..但最嚇人係食叉燒飽時有隻曱由仔係個飽邊到.好嘔心呀! 同個待應講..佢話換籠燒賣俾我地..唉!好似無咩特別咁...咁都得...所以決定以去小肥羊啦!唔知係咪d點心籠唔乾淨!如果個個都有就真係好嚇人啦！

週末在這裡歎茶,這個商場所有的酒樓幾乎在週末定必要排長龍.但不知為何今日小肥羊竟然無人排,可能未到tea time時段,但由於價錢不是相差太大於是就即時入坐,似乎可供選擇的點心款一點也不少,幾好.點了奶皇包,鳳爪,金錢肚,咸水角和叉燒腸樣樣都不錯,但稍為有點遜色是奶皇包因為不是流沙的.員工服務ok.但整個酒樓以乎無咩冷氣,扣點分.

首先第一....去到拎飛...飛都未拎...就好似想趕我地走咁....係咁講"""等好耐播...等好耐播.."""都未見過d餐廳咁蠢話俾人知等好耐...等好耐冇所謂....係咪真係好耐呢????只係20分鐘囉!!!!!咩意思????你提我我覺得係好心...但你呃我我寧願你唔好講....呢樣都算...當我拎左飛我見等左20分鐘就行去睇下叫到幾多....個女人都唔知係唔係唔識叫位....我地3個人....理論上...95%係會安排我地坐4人table架啦......我地張飛係156...3位..157張飛...係4位好彩我企係佢面前...如果唔係就賴野....因為佢知有4人table之後佢唔叫156...就開咪叫157....我即時問佢仲咩唔叫156....我話..""你都係俾4人table俾3個人坐架啦"""佢先死死地氣話....哦..咁我俾你入去先啦...之後我問佢...""如果我唔企係到係咪即係唔到我呀????""""佢就唔出聲....之後有個女人就係咁質問佢....原來之前個個人己經話佢唔識叫table.....因為人地見到....有d2個人都係坐4人table...但佢就等極都等

上星期六同屋企人去荃灣小肥羊食下午茶，大、中、小點都係$6.8，真係好抵~大大碗蒙羊米線/羔羊米線都係只係$6.8~我地叫左燒賣、荳苗餃、羊肉春卷、黑椒羊肉酥...共15樣點心，同埋一碗米線，計埋茶芥(每位$6)及加一，都只係$153~我媽媽好鍾意個綿花雞同埋雞，因為依家好多酒樓都唔用魚肚，而改用豬肚的了~~ 今日星期六剛好唔駛返工，心思思，又到小肥羊食，今次就去左飲早茶~原本想試下佢\$2.8的「懷舊大包」，不過我9am去到已經沽清... >.<早茶茶錢平一d，每人只係$4，又有特價盅頭飯($3.8)，五個人食到好飽都係$138!~ ^__^不過服務生就唔係個個都咁好，有一d好helpful、主動幫你，但有一d侍應生真係勁唔helpful，問到都唔睬你...下午茶可以拿籌等位，但早茶要好似快餐\店咁自己搵位...我搵唔到位，又唔知邊d桌就快埋單，請一個侍應生幫我搵位，佢\竟然叫我自己搵...要叫部長幫手，先至順利搵到位...不過有d侍應生就真係好好，會主動幫忙~唯一唔滿意係好多桌布中央都有洞，唔知係咪因為晚上打邊爐燒穿了... =.=\"

9月26日，趁同老外同事"呼吸墮連男"去米國工幹前，拿拿泣食番餐好野先出發，因為去到米國好難揾到好食嘅中國菜。當日係公眾假期，所以無任食火煱只有自選火煱配料，湯底只有辣同唔辣兩款選擇，為免喉嚨痛，我地點咗唔辣，不過係藥材湯底，家姐一聽見藥材湯底呢四隻字就驚驚，因為佢好容易喉嚨痛同生痱滋，點知第二日收到佢封email，subject竟然係而不燥，即是佢無爆痱滋，正！我地點到一枱都係食物，最正當然係羊肉同牛肉，熟食方面，串燒羊肉串真係頂瓜瓜。

預早book定7:30pm,原來只可以book 6pm/8pm/10pm...一早book果陣又唔講喎..搞到等左半個鐘先有得食..個湯底都幾好味..加上d野黎得好快..蟹辡墨魚滑同豆卜我覺得最好味...原本食2個鐘..但無人等位..食到11點幾先走...

佢Ｄ湯底絕對係賣點，羊片如果任食只有送一碟睇人數份量，所以絕對唔夠一定要散叫多1、2碟先夠，Ｄ羊真係好食但送個碟海鮮拚盤唔想嘥嘢就最好叫佢唔好拎嚟，超唔得無鮮味雪藏到彊哂Ｄ味，不過一分錢一分貨咁既價錢唔好太介意了，其實任食係小肥羊真係唔建議食，嚟呢度都係喜歡食羊而羊又無任食，真係贊同某位食評話無肉食，Ｄ肥牛真係得肥肉、豬頸肉比任何我食過既任食火煱呢間絕對差勁，雞肉都可以接受唔錯，真係選擇唔多只有猛叫肥羊粉、皇帝菜、炸鱼皮、墨鱼滑、雞肉等，得幾樣款式似樣其他全部都係Ｄ平價鱼旦、山根、鯪魚肉、Ｄ餃子料、公仔麵，所以情願散叫要Ｄ啱食好過梗要叫Ｄ唔喜歡食梗要填滿自己個肚，不過服務好過旺角個間多多聲，旺角個間都唔知點管理Ｄ侍應部長經理寸到爆真係不知所謂，所以旺角不會再去食！！！

佢大部分食物係用size同豉油碟差唔多既碟上,份量少得可憐,更攞命既係你張單無論寫要幾多碟,佢只會比一碟你,基本上你食完送果碟羊肉後就已經冇乜鮮肉可以落肚,焗住食羊粉,尤魚果d,而且湯底過鹹,食烏冬公仔面簡直係受罪真係唔去好過去

以下係呢間食店既食評: 1.)BOOK左10位19:30,但全部人係19:20到達,門口個知客好老實同我地講,剛有一班Walk IN客入黎要左兩張大枱. 我地BOOK個張枱 已經賣左比佢地.佢叫我地等....仲話一有枱就比我地先.最後20:00左右先有枱.但根本冇好既SERVICES. 2.)一坐低,立即問飲咩茶,我ORDER普莉,AND,龍井,個侍應最後放左普莉,其他物都冇.我好唔客氣追左三次佢先好唔願意先拎黎... 3.)我知咩先係正宗麻辣火鍋,但如果呢間係叫正宗,我唔會再食麻辣火鍋,"小肥羊"個麻辣火鍋得個辣字加上成個煲都係OIL...我以前食個D麻辣火鍋好香.好味架.4.) 個場大部份客都係食兩小時HKD88.00任叫任食,如果你好似我咁食ORDER既,有好多食物好貴,唔值得去叫..仲有食兩小時任叫任食,佢個電磁爐係有時間制既,到兩小時自動息火...比你打多一分鐘都唔得.5.) 羊肉係好食,但其他食物就....麻麻地同唔低食.6.) 最後結帳,發現啤酒計多一至兩枝,個XYZ部長話, 我地飲左7枝,但其實我地應該飲左5-6枝到. 個部長仲話個啤酒妹已經收左工.佢應該

今日同男朋友去打邊爐$88任食未入去已經嗅到佢陣味一入到去就落單個湯底都幾快黎到湯底到左,d材料都陸陸續續黎到都幾快服務都幾好d湯就黎無佢都會自己走黎問我地要唔要加d舉手都唔會舉到手軼都唔黎叫左杯小麥草盧薈汁幾好飲wor,有粒粒盧薈,味道幾清新滿足咁走人