小食糖 (Closed)

聽著「那些年」，回味著課堂的清蔥歲月。今天在尖沙咀美麗華商場吃午餐，發現在burgeroom附近有一家台式小店。這家店的裝潢就如電影中的「那些年」課室一樣。木製餐桌就如上課的練習枱，牆身還設有黑板和舊式課室的門戶，瞬間彷彿回到「那些年」的學生時代。午餐選擇方面分別有飯和麵食，共五款，價錢由$65-$68，包飲品。這兒點餐是自助形式。先到櫃檯點選菜式，然後付錢取傳呼器回到座位。用膳完畢，再自行收拾。是日推介：番茄牛𦟌麵$65這牛𦟌麵賣相不錯，麵上放滿牛𦟌、鮮蕃茄和青菜，色彩繽紛。雖然牛𦟌就只有兩片，是半筋半肉的部分，滷得頗為入味，味道不會太咸或太乾。牛𦟌的肉質軟身，但帶一點嚼感，充滿骨膠原。湯底有著酸酸地的天然蕃茄味，味道清雅。而麵條是粗身寬麵，滿有麵粉香，口感Q彈。加上餐具是鉛筆型的筷子，書卷氣十足。雖然味道未算驚喜，但有一種家常風味。而在瞬間尋回一份失落的童心，又另作別話。萬巒豬手飯$68這個豬手飯材料十分豐富。除了有小吃外，還有一碟豬手和一大碗滷肉飯！真是抵食！這豬手皮爽肉嫩，調味沒有太過重手，充滿了厚厚的骨膠原。配上爽口青菜，感覺健康。滷肉是半肥瘦，滷得入味juicy, 加埋白飯

行街攰攰哋，想飲杯嘢坐低抖吓，又唔想去starbucks。發現開咗小時光個friend『小食糖』，星期日五點幾，見冇咩人靜靜哋就入去休息吓。地方比小時光狹窄好多，啲櫈搖搖吓好似唔係好穩陣咁😅本身想嗌芋頭麻糬包，上次小時光賣晒，今次小食糖又賣晒...其實係咪唔返貨啦？嗌咗榛果焦糖拿鐵同兔仔包，即紅豆核桃包，都幾好味。咖啡嚟先，個包等咗好耐都未有，望吓班員工上晒枱食飯，我問個包有未，先有個人如夢初醒去夾個包俾我，話係啱啱蒸起...但隻兔仔背脊已經嚴重爆開咗，露晒餡🙈小食糖同小時光走嘅服務路線都係一樣，店員嘅面都係一貫西西哋😹★兔仔包，好味但爆了...★榛果焦糖拿鐵，正常冇特別，附送嘅方塊酥幾好味，個杯好可愛。食個快飯都可以考慮，如果一班人飯聚就唔啱，太狹窄同迫，木櫈好矮同硬，坐得耐會唔舒服。

因為朋友仔有小麥敏感⋯⋯嘆下午茶選擇何其少。搵呢間有飯食希望佢有啖好食懷舊台灣風裝修，學生桌，再用木板黑板舊水壺花紋玻璃窗～～文青呀文青～～入到去坐落學生木椅⋯⋯好窄頂腳仔，後面個肥佬仲唔拉埋少少張櫈⋯⋯有好多蚊滋⋯⋯明明見到有人食飯，但個menu係得啲麵食同包包🤦🏻‍♀️朋友仔唯有叫個小食鹽酥雞當正餐，成碗雞絲黎，少少咸⋯⋯我叫左個醉雞冷麵，雞肉卷切片仲有啲杞子同雞汁凍，排成圓形賣相不錯，但食落無味既，個麵線勁細碗，又係無味既😑。朋友叫杯黑糖珍珠奶茶，個杯仔幾靚有隻長頸鹿響個杯入面，味道就正常，啲珠珠似現造。我要綠茶latte~入口茶粉香帶中性味道，唔甜幾好$65個無味野唔包飲品我真係覺得⋯⋯我唔會再黎

尖沙咀做完普拉提後與林生食Lunch 揀了在美麗華的小食糖食台灣野餐廳以學校為主題 有點像觀塘某間餐廳不過這間位置比較好 至少在尖咀大商埸地點好木檯櫈有點矮和硬 林生說坐得不太舒服食素的林生沒有選擇 只好選麻醬冷麵配貢丸湯反而我心大心細 食醉雞還是排骨麵最後選了鹵水排骨麵前菜是豆卜與醃蘿白絲 排骨配醃菜 滿開胃欣賞這個排骨是鹵水的 不太鹹炸的話剛才付出的汗水就白費了麵是比較粗和不均勻的 不知道是否手工麵整體比較清淡 份量ok林生的麻醬冷麵配貢丸湯麵和我的一樣 配麻醬和甜醬加青瓜絲和花生碎我沒有試 他說味道不錯 貢丸湯給了我 清清淡淡的叫多了份芝士薯條 d芝士醬多到 好邪惡呀！新鮮炸既薯條 仲要係粗薯 正！芝士醬係雪凍左 分開食/點醬食一樣好食希望餐廳可以加多點素食的主食就更好了

觀塘有間小時光小有名氣，未有機會去試，它們在尖沙咀the one開了分店，今日經過就試了這間小食糖！在mira mall一期二樓，門口少少隱蔽，裝潢頗有台式特色。餐廳帶懷舊feel，有好多影相打卡位，食得又玩得。餐牌簡單三頁紙: 點了兩個main: 清燉牛肉麵 $60 台式醉雞冷面 $65 台式醉雞冷面 $65 醉雞份量不少，酒香味濃，凍肉醒胃，肉質不是嫩滑的那種，是偏硬身嚡口雞胸肉的口感。冷面嫩滑，湯汁鮮甜，沒什麼花巧就像家裡的味道，卻令人吃得很滿足！清燉牛肉麵 $60 牛肉麵的配菜和醉雞冷面的一樣，都是酸酸開胃的蘿蔔乾和蘿蔔絲。牛肉麵份量不算多，男士們吃可能不夠飽。牛肉豐腴入味，肉質非常軟滑！麵條是粗身的麵，盡掛上湯汁，頗有咬口！滿意！餐廳有很多小心思的擺設，價錢合理，份量較適合女孩子，男士大概要再點幾個小菜才夠飽。

食乜嘢：台式醉雞冷麵米線 ($65)評分：8/10.裝飾可愛但空間偏細嘅台菜餐廳。系商場偏側好隱蔽。如果多起人上黎就會幾迫吓坐得唔舒服。佈置嘅主題係懷舊風嘅小學課室，但其實係咪真係咁精緻個人又覺得其實又唔系話咁有睇頭。如果係為個景嚟影會失望呢到菜式如果夏天食一定好爽 😁 非常冰涼嘅米線混合醉雞嘅紹興酒汁食一啲都唔單調 👍 酒味都幾濃吓其實有啲人可能就唔鐘意，但我自己又幾受落。雞卷唔肯定用嘅係咪雞髀肉 😚 第一啖有啲硬但越食越好味，硬得嚟其實都系可接受程度嘅。醉雞一樣係冷盤凍上一啲都唔油膩。雞就咁食其實都幾鹹吓，所以一定要浸番米粉啲湯平衡吓

星期六在Mira逛街, 下午茶時間想吃東西，剛巧看到小食糖裝修很有特色有點像觀塘的小時光呢，應該是分店吧。要先點餐，再入座，非常自助～星期六下午也不是太多人，很適合spend the afternoon.這個面線是冷麵。對這個有小期待，可是淨碗麵是不冷不熱，而且沒有味道，很令人失望。醉雞太重品味，味道各走極端水果茶，我們點熱的，可惜太甜了，橙汁加得太多了食物方面，唯獨起司薯條比較好吃，熱騰騰和脆卜卜除非食物有改善，基本上也不會再光顧了

喺尖沙咀行完街，攰攰地又有啲肚餓，見到店舖設計幾特別，就入去試吓。原來呢間鋪頭係自助模式，喺櫃檯叫咗想食乜嘢俾埋錢，跟住就自己搵位坐。買完嘢食之後店員會提醒你食完野之後要自己清理枱面。餐具好特別，筷子好得意。好普通嘅麻醬拌麵，吾建議試。碗肉丸湯就正常，冇咩特別…牛肉好淋入味，湯底小小辣配埋酸菜好嘢味😋。匙羹好難用因為太厚，最後放棄左用😅一場黎到冇理由唔試吓佢啲包，好可惜個包個樣好唔靚😭😭都唔似相入面嗰啲咁可愛。入面係番薯，超級普通嘅包，不值一試。

同事朋友找了這間店舖 店內的裝潢設計是觀塘版的小時光 我咁講你地都估到我想講邊間吧🤣😆heehee～哩度係食台式野嘅 #性價比高 以後就多了一個好的聚腳點喇😄😀香酥雞湯麵 啲雞扒真係好大塊 炸得好鬆脆😍🤩肉質都幾嫰滑 皮都唔算好厚 不過加左少少辣粉 怕辣的朋友都會食到的👍🏽👍🏽至於湯麵 麵質唔錯 但湯底非常清淡🤣😆整體都可以麻辣雞絲冷麵 咁熱嘅天氣食冷麵降溫係通識吧😛😝雞絲 青瓜🥒冷麵是擺埋一碟的 至麻辣係分開擺的 即係可以隨意自由加減麻辣程度 很好喔👍🏽👍🏽雞絲青瓜正常味道 麻辣真係可以好麻辣🌶🌶所有食材撈埋真係好味😋😋台式醉雞冷麵 份量超級足夠呀 啲醉雞係凍架🤣😆肉質不錯 好有醉雞 有酒的味道 食醉雞係要有少少苦澀的味道 哩度係達到我地嘅要求架 niceee🙃🙂冬瓜檸檬茶 真係要讚👍🏽👍🏽一啲都唔伏 好好飲喎 堅正😋😋甜度適中 冬瓜同🍋的味道分佈得剛剛好 推介

同朋友食飯，因為唔想食太貴，所以揀左呢間睇落平平地既餐廳。餐廳裝修有特色，模仿成一間班房，周圍仲有漫畫添。枱同椅子都係學生時間個啲，好懷念啊。不過大家都知道，呢款椅子唔會話坐得好舒服。我地4個人叫左5個餐，原本以為綜合水餃只有餃子，原來有麵架囉，搞到最後好飽食剩左少少。佢個台式紅燒牛肉麵同古早味滷排骨湯麵中規中矩啦，肉同麵既比例合理。台南鹽水意麵套餐最抵食，有齊牛肉，蘿蔔同雞蛋等餸菜，而且個意麵仲好食，彈牙爽口。台式醉雞冷麵個醉雞好正，好濃酒味之餘個雞好滑，而且份量係超多。唯一唔好係個米線，一堆堆咁唔易食，但個麵都好重酒味。綜合餃子唔記得影相，一般貨色啦。

上次食完小食糖，環境真係不錯，所以星期二放工又再去啦~平日7點都係唔多人，好多位揀~最緊要，唔多人，唔嘈！傾計妤正~今次我試新野，點左台式醉雞冷麵因為上次偷睇到人地個碗好吸引，所以要試下~麵上面有紅棗、杞子同龍眼肉~幾有誠意！不過我覺得整體酒味有d重~推介鐘意酒味既朋友！雞就正常，無咩特別~朋友叫左台式清燉牛肉湯麵~朋友覺得牛根無燉既味，太原味既牛，他不喜歡~我喜歡所以吃左~個質感好腍同充滿骨膠原！好好吃~最後都係encore左上次既香酥雞塊！脆皮肉juicy! Nice!

香口好吃的炸雞 閨蜜聊天好地方星期六晚上，同閨蜜朋友行街行到好攰，想搵個地方坐底傾下計。朋友就帶左我去小食糖，佢話好多次行過都想試，不如試下啦。入到去，見到裡面裝飾好有課室feel，有d vinatge漫畫可以拎黎睇。場內不算多人。我們選了最貼近黑板的坐，桌子仲有櫃筒，好學校feel。是自助點餐取餐的。朋友點了台式清燉牛肉湯麵和荔枝蘇打。牛肉頗軟腍，一點也不韌。湯看上去很清，喝上的味道很濃。荔枝蘇打好fresh。我就點了香酥雞湯麵和珍珠奶茶。好脆皮，雞肉都係ok juicy 既，唔會膩，炸皮唔厚。珍珠奶茶麻麻，佢地用個實驗瓶樣既樽裝d奶茶，珍珠另上。分開左上，飲既時候好煩，不過影相好靚！我地都傾左2個鐘，其間都沒有人趕，很好！很安靜！

呢道走校園風，無論係擺設、餐具、食物同店名都同小時光好似。一心黎食台式all day 點知話冇，咁就轉叫宜蘭餡餅啦，又冇⋯咁叫炸物拼盤啦，都冇⋯Ok fine👌🏼最後叫左一碗麵同兩個包仔。小黑咻咻包($18) / 小紫嘟嘟包($18)好可憐喔好似比人打左幾槌，又凹左又裂左。味道係幾好既，不過成廿蚊咁細個抵唔抵食就見人見智喇。古早味滷排骨湯麵($58)排骨都算入味但幾韌下，湯冇乜味，不過有提供菜脯比你既。檸檬冬瓜茶($28)唔錯，檸檬唔會蓋過冬瓜茶既味道，不過整體都係甜了點。

餐廳環境 (3.5/5)裝修係懷舊課室主題，係幾特別，但係啲位好迫，會撞到後面嗰枱人。大熱天時，喺商場入面，好似無乜冷氣咁，不過呢樣係商場問題餐廳服務 (4/5)餐廳係自助形式，主要得收銀員，自己岀去買餐俾錢，自己拎水，食完自己收餐盤。但係收銀員都幾好笑容食物質素 (2/5)真係好難食，我地一共食左三個湯麵一個小食，每樣都要用難食黎形容...其中一分係俾對筷子嘅🤣餐廳類型我係堂食。舖仔細細，只適合2-4人用餐。自助形式，不適合見客/formal用途點完餐俾完錢收返張單我滿腦子疑惑，因為單上全部寫簡體字，仲話係收人民幣，我以為因爲咁所以個銀碼唔啱，原來係因為小食無折。不過見到呢張單上嘅簡體字感覺都已經唔係咁好...清炖牛肉麵 $60由牛肉到湯底到麵條都唯一好少少係牛筋湯底: 好油，油到反晒光嗰隻，牛肉同麵條已經吸左好多油。成碗都係油味同香料味，食完好口渴牛肉: 好鞋好韌，但由於係炖嘅，已經比朋友嘅紅燒牛肉林啲麵條: 似上海粗麵。麵條吸晒湯底嘅油，令本身已經偏硬嘅麵條更難入口，點解麵都可以煮到咁牛筋: 因為咬得入，所以係整個麵最”好食”了 宜蘭葱餡餅 $45一碟五小粒，賣相睇落似係食得🤣但

晚飯時間～點左兩個餐1）排骨麵每款麵食麵配有小配菜兩款這次是菜莆 & 酸蘿蔔絲排骨是凍的，味道普通，但唔夠熱都覺得冇咁好食麵條麵好彈牙，湯頭清新😋原本想order黑糖珍珠奶茶（$28）但冇晒珍珠，店員建議改為黑糖蒟蒻奶茶偏甜，不過冇冰，值得一讚😆整體都好飲2) 另外嗌左鹽酥雞扒麵~雞扒炸得香脆，熱辣辣而且都算大塊，食完都好夠飽雞扒上面帶有五味粉/辣椒粉等的調味料食完個嘴都辣辣地，推介👍🏻👍🏻