六両三 (Closed)

今次同朋友終於唔係去打卡食𝚌𝚊𝚏𝚎嘢啦，今次行平民路線去 6liang3 食台灣野😆其實已經嚟過食過好幾次，成日都想𝚎𝚗𝚌𝚘𝚛𝚎但又成日都要排長龍🤧今次我哋閒日嘅𝟷:𝟹𝟶左右嚟到，避開𝚕𝚞𝚗𝚌𝚑 𝚑𝚘𝚞𝚛...到一樣等咗大概𝟸𝟶分鐘左右😹.finally went to a place thats not a cafe with a friend😆 went to one of my fav taiwanese resto 6liang3 😋 as always had to queue for 20mins even when we went during non-lunch hours 😮 their beef noodles never disappoint! noodles are bouncy, love their soup base as well 🤤 this place never disappoints.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.2/10服務 𝐬𝐞𝐫𝐯𝐢𝐜𝐞 7.8/10性價比 𝐚

疫情期間出街食飯，都會揀啲衛生做得好啲嘅餐廳～太掛住台灣嘅關係，最近都食咗唔少台式嘢🤣早排去尖沙咀就發現咗呢間台式餐廳🤩 食物好食之餘，餐廳都幾貼心，枱面除咗消毒搓手液，仲有橡筋畀女仔紥頭髮，另外仲會畀一個密實袋你裝口罩🥰 •🥢 川味紅燒三寶牛肉麵 $88三寶包括：2片牛腱、2片牛筋、1條牛肋條，三款都好入味😋牛筋好淋，好似啫喱咁；牛肋條唔算好淋，唔乾唔柴，好有牛味；牛腱有一件厚一件薄，口感好淋，筋肉均稱，一樣好有牛味🤤麵比較粗，而且偏硬身，吸湯得黎又唔會好快淋晒👍🏼「川味紅燒」原來都有少少辣，湯面頭有一層紅油，好濃味，但唔會死鹹，都幾正😛•🥢 凍冬瓜檸檬茶 (中杯少甜) $18第一啖飲落冬瓜味好濃，加咗新鮮檸檬嘅冬瓜茶好清新，但係佢應該本身係熱/暖水沖，跟住加冰夾硬變凍飲，所以冰比較多😣 而且啲冰溶得好快，所以飲下一啖之前最好再攪一攪勻先再飲，如果唔係就會好淡😣

餐廳主張回歸原味，稱牛肉麵湯底無添加味精、牛骨粉同化學成份⋯就試下有幾真材實料！.▨ 川味紅燒牛肉麵 (HK$75): 湯底望落好深色，但其實唔算好濃，期望會有更濃藥膳味同蔬果甘甜味。🤔 應該真係無落味精因為唔太咸，仲帶微微羶味，個人覺得一般。😬.▨ 滷肉飯 (HK$28): 份量同味道正常，滷肉半肥瘦。🍚.▨ 皮蛋豆腐 (HK$35): 幾樣野入面最好✨，份量多又夠冰凍。🧊🧊🧊.▨ 百頁豆腐 (小)(HK$10): 最愛台式百頁豆腐，叫左小份有兩件，好滑😌。.▨ 凍冬瓜茶、冬瓜檸檬茶 (中)(HK$15/$18): 唔會太甜，好消暑！有檸檬🍋酸酸地多個層次好飲啲。

餐廳環境比較細，如果多人嘅話都會幾迫，但環境寧靜優雅，都坐得舒服嘅。🤫🤫幾時去都要排隊。個湯底有好香濃嘅牛味，又冇味精，好好味！！！牛肉切得好均勻，夠淋，仲索晒個湯味。我幾乎飲晒成碗湯🤣！個面底都做得幾好，有彈性。但我覺得唔係好夠飽，男仔一定唔夠飽。味道唔錯幾香口，性價比高既滷肉飯。不過我覺得個豬肉唔夠淋，同埋可以再入味啲啲🧐😝。💛💛💛💛💛

『尖沙嘴人氣台式牛肉麵』☘︎六両三, 𝑻𝒔𝒊𝒎 𝑺𝒉𝒂 𝑻𝒔𝒖𝒊⠀⠀難得出去食飯，跟@bellywongs差不多兩個月沒一起出去尋覓美食了，終於約到了！當天差不多下午兩點到，都要排隊呢！店員都很有禮貌，也有提供口罩袋供我們使用呢！⠀⠀꧁三寶牛肉麵꧂⠀所謂三寶就是牛展、牛筋和牛肋條，個人覺得三樣都不夠入味，也不算很軟腍，可以更好。湯底方面我們選了川味紅燒湯底，偏向清淡，不算很濃郁，有淡淡的藥材味，不會油膩。麵條是粗粗的那種，帶嚼勁，不會被泡得軟爛，質地不錯喔‼️⠀𝑅𝑎𝑡𝑖𝑛𝑔: 7.55/10⠀𝑃𝑟𝑖𝑐𝑒: $88⠀⠀꧁滷肉飯(小)꧂⠀滷肉飯小碗其實我覺得也不算太～細碗，滷肉肥瘦均勻，但我個人還是偏油膩一點的😂 不過整體都很不錯的😽⠀𝑅𝑎𝑡𝑖𝑛𝑔: 7.65/10⠀𝑃𝑟𝑖𝑐𝑒: $18⠀⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀滷肉飯⠀🤰🏻回訪 ʙᴀᴄᴋ ᴀɢᴀɪɴ? ⠀⠀⠀Yes⠀——————————————————⠀⚡六両三⠀尖沙咀宜昌街3號地下⠀——————————————————⠀

成日經過附近卻不知道有該店，朋友介紹呢度，舖仔細細，lunch時間多人排隊，下午茶會易d搵位，味道不錯，小店選擇不多，但價錢很平理，很值得一試！有tea set更抵！

今日黎到想試好耐又好近公司嘅六兩三，未夠12點已經有好幾檯客人。店員服務好親切，由入門口量體溫吱消毒酒精，到坐低送上口罩套，好體貼👍🏻另外係疫情期間，佢哋都會為客人送上一杯凍冬瓜茶，未食已經感受到台灣個種好客有禮！哩一點要讚👍🏻👍🏻👍🏻紅燒牛肉麵 $75先試最基本嘅紅燒牛肉麵，上菜速度快，賣相唔錯。牛肉大概有五、六塊，屬於薄切，好入味，肉質軟身，較少根位🐮麵質好有咬勁！份量正常，唯獨唔係好索到啲湯汁。不過因為牛肉較重味，麵同湯底無咁咸反而係平衡番👍🏻哩度嘅氛圍好舒服，店內不停播着五月天嘅歌曲，飲住涼浸浸嘅凍冬瓜茶，相當享受☺️鍾意呢度嘅冬瓜茶唔會太甜，清涼解膩🍃

好想去台灣旅行呀😢 依家邊度都冇得去唯有食下台灣野過下癮先～ 餐廳裝修有啲似日本居酒屋feel😆 仲係黃店💛川味紅燒牛腱牛肋條麵 （$85）湯底係標榜用左冇味精，望落雖然好深色，但飲落又唔會過鹹，飲到好香濃嘅牛骨味，飲晒成碗都唔覺口渴！麵底質感好特別，煙韌彈牙，係我好鍾意食嘅口感😋 牛腱肉同牛肋條肉質軟腍，炆得好入味，而且份量好多，值得一試！滷肉飯（$28）滷肉肥瘦適中，份量唔算多🙈 滷肉醬汁味道唔錯，拌飯一流，可惜當日個飯煮得太耐，口感麻麻😭甜不辣（小$10）甜不辣一向都係我嘅最愛，食落好煙靱，加埋個甜甜地嘅醬汁，都幾好味！😋涼拌青瓜（小$15）調味唔錯，係台灣嘅味道～

.香港其實真係有不少台灣牛肉麵店位於尖沙咀的這間小店經常有條小人龍皆因質素是真心不錯的是次食了招牌的川味紅燒半筋半肉牛肉飯牛肉好淋好好味足料 湯又冇味精 (係有少少淡)配上清涼的冬瓜茶很解渴性價比可算是很高.$75/碗

第一次黎食 店鋪面積唔大 但一入到去就已經聞到濃濃既牛肉麵味💛半筋半肉麵 川味紅燒 $85無味精既牛肉麵湯底以牛筒骨熬製 非常香濃 配上 煙韌有彈性嘅麵條 好似去左台灣食咁😛 牛肉片切得均勻 唔會太薄 牛筋而煮到非常冧 唔會好難咬 牛肉同牛筋吸收晒湯汁 更加好味👍甜不辣 (大) $28大大舊既甜不辣 煙煙韌韌既口感 配上特製醬汁 簡直令人一試難忘😍食唔停口 不過佢大size既份量都係啱啱夠兩個人食 如果三人或以上就要再嗌多幾樣小食啦

呢間台灣牛肉麵喺疫情期間仍然係排隊店當日人流幾多，等都等咗一段時間先有得食台式泡菜 $25 係前菜嚟，帶酸甜味幾開胃皮蛋豆腐 $38 亦係前菜，灑有些微木魚碎，再淋上適量醬汁幾香口，滑嫩豆腐配搭溏心皮蛋，滑上加滑滷肉飯（小$18、大$28）絕對係小店內嘅招牌之一一碗飯堆積如山，份量充足，滷肉連醃蘿蔔平舖起飯面飯粒乾爽分明，不過偏硬滷肉大大舊，每舊都略帶肥肉，瘦肉部份微乾但肥肉質感軟腍，膠質滿滿，入口即溶，味道甘香，味道鹹甜適中滷肉汁夠濃厚，唔會太黏口，連肥肉撈飯食極邪惡不過，略嫌醬汁較少，未能完全用嚟撈飯阿宏蔥油拌麵 $46 好重蔥油味，醬油唔算濃郁，只係香蔥調味搭夠拌麵撈勻食就恰到好處，幾香口麵條偏粗同厚，尚算掛蔥油，但幼都可能更好川味紅燒牛筋麵 $80 牛筋超軟腍，厚身兼滑溜好重骨膠原，入口即溶，但可以再入味少少粗麵條好煙韌彈牙，部份麵條偏硬，但唔算好掛湯湯頭呈深棕色，色澤偏深，好重牛味唔算太油膩，鹹味中略帶微辣啖啖甘香味，的確好濃郁湯底味道雖然偏辣，但其實只係微辣容易入口，湯底絕對係靈魂

呢間同路人開嘅台灣店經常大排長龍，我去嘅時候仲有得做晚市，約六點到可直入，食物質素唔錯，而且幾抵食。🍽牛腱牛肋條麵:朋友唔鍾意食牛筋所以揀左呢款，湯可以揀川味紅燒或麻辣，我地揀左前者，辣味比較明顯，麵質係粗麵，好處係口感煙韌，但就無咁索湯，牛腱紋路好靚，肉味濃而且好淋，非常好食，牛肋條就韌左少少。🍽滷肉飯 (小):雖然話係細份，但兩個女仔分都夠食。滷肉煮到好淋，半肥瘦，個汁撈飯一流，大推！🍽切豆干(小)/甜不辣(小)/燙青菜:另外叫左幾個小食，第一次食甜不辣，味道似魚餅，口感就似扁身嘅韓式年糕粉粉地，其他就係平時食開嘅味道，燙青菜配滷肉汁，份量都唔少。P.S. 門外寫明疫情關係，用膳時間最多40分鐘，但食餐飯40分鐘真係有啲勉強，會唔會改善下店面嘅間隔更有用呢？當日我地兩人獲安排坐四人枱，中間無間隔(利申長枱有嘅)，食到一半有人搭枱，店員竟然叫我地改為打橫坐(即係對住陌生人食飯)，最後梗係無人聽佢講啦。

近排好想食台灣野 又想去台灣旅行但疫情下邊到都唔洗去🙂🙂🙂本身bookmark左呢間餐廳好耐但食完就少失望 覺得食物味道就好一般😕.✨滷肉飯(💰大:$28)要左碗大既 滷肉係我鍾意既半肥瘦👍🏼啲肉幾入味 啱哂撈飯食 可惜啲飯有啲淋😚.✨甜不辣(💰大:$28)食落煙韌彈牙 加埋個汁一齊食 幾好☺️. ✨涼拌小黃瓜(💰大:$28)調味幾好 做拌菜幾好😌.✨皮蛋豆腐(💰$35)豆腐嫩滑 加埋皮蛋同木魚絲食 理應係幾好既 但個汁太鹹🙈🙈🙈.✨川味紅燒半筋半肉麵(💰$85)牛筋食落爽滑彈牙 而牛肉都算軟腍既除咗牛筋同牛肉外仲有啲油麥菜至於麵條就比較硬身 而湯底味道就偏鹹個湯飲落冇咩牛肉味 少少失望😕.✨川味紅燒牛筋牛肋條麵(💰$85)同上面個款差唔多 只係餸菜有啲唔同牛肋條食落軟腍嫩滑 都唔錯既如果大食既 叫麵食既可以免費加麵底🍜

係夜晚係堂食之前同朋友幫襯咗黃色小店，裝修充滿台灣風情，食物水準都幾好！天氣太熱☀️所以我哋都唔選擇湯麵😆反而想試吓佢嘅拌麵！分別係肉燥拌麵同埋蔥油拌麵😀再加兩個小食😍肉燥拌麵既肉操好多！鹹香味浸透麵條🍝佢既肉燥同台灣相比冇咁油👍都幾啱香港人要健康又好味既口味🤣蔥油拌麵就相對上油啲🤤但係佢嗰種油唔會有油膩感，反而係好香！配搭麵條食一流🤤如果有肉就更加好啦👍小食方面叫咗皮蛋豆腐同埋涼拌牛筋絲👍皮蛋豆腐係夏天食更加清涼😆佢個皮蛋好出色豆腐唔會太淡👍牛筋就相對上一般，佢嘅小份真係好細😂味都唔係太突出🤔飲品我哋叫咗檸檬冬瓜茶同埋冬瓜茶👍都係好地道嘅台灣飲品，酸酸甜甜都幾好飲👍

餐廳不大，下午時段要排隊入座，餐廳內裝修很有台灣風味，木枱木櫈。大熱天時點了一個涼拌菜百頁豆腐，豆腐豆味濃，皮蛋流心，麻醬味香濃，木魚絲及蔥花香口。牛筋牛肋條麵，牛肉湯清甜，肉味香濃，牛肉軟腍，牛筋腍滑有口感，麵條煙韌。滷肉拌麵，滷肉半肥瘦，麵條煙韌，芽菜清爽有助去油膩感。