流口水重慶麵館 (圍方)

Open Now

Now Closed

大圍呢間流口水重慶麵館，叫左佢哋嘅招牌麻辣火鍋湯麵，香菇滷肉飯同自選小麵麻辣火鍋湯麵真的是超好吃！那湯頭麻辣又香，吃一口就讓人暖和起來，麵條吸滿了湯汁，滑滑的口感讓人停不下來。再來一碗香菇滷肉飯，滷肉醬香濃，搭配香菇的鮮味，飯粒吸收了所有的精華，吃起來特別過癮。這兩道搭配在一起，簡直是絕配

餐廳裝修幾靚幾次嚟圍方都想試吓終於試到 點知真係好難食我食咗幾啖就冇食可能係屋企自己煮碗麵仲正…完全唔值呢個價首先安排坐位已經混亂味道好似求其煮完就上D餸似浸咗好耐 入口散晒 🥹我究竟食咗D乜完全唔推介 如果你好彩睇到我留言 可以直接過隔離麥當勞/ 其他食肆

佢剛開去試一次 望menu貴 而且同下面街外賣店啲野食味道一樣 叫罐可樂 。黎到自己開 。狂嘔泡 頂 你搖完先比我？？我已經好耐無見過開可樂會嘔泡…仲要無店員留意到 我要不停叫先叫到有店員幫我接走罐可樂…碗麵同外面店買既一樣味 但貴好多 料少好多 出面仲好味啲 。所以無下次啲丸切開一半扮多..寫咩一百二百字食評 。已經無野寫。唔知點解咁貴 但食丸呀果啲 無野好食 唔值唔值 唔知點解咁貴 但食丸呀果啲 無野好食 唔值唔值 唔值呀 。大圍小食附近都有檔涼皮 涼皮我覺得唔好食 但啲料同調味..即味精味粉不錯 哈 比呢間抵

光頭佬勁無禮貌，問野又唔彩淨係識收錢，諗住唔駛等位咪食多次囉，態度都仍然態度咁衰。重慘過唔駛收錢咁。義派，講真咩特別嘢食，都唔係特別平。免費都唔會再去。成個場最差食店

第一次寫食評，估唔到係因為啲嘢太難食⋯⋯首先要講佢哋嘅食物：鹹到癲嘅豌雜麵同埋油饐味極重嘅「招牌」米線⋯⋯印證咗一樣嘢，米線好易整，但唔係個個都可以整得好食⋯⋯跟住要講下佢嘅環境：可能因為舖位本身比較窄好困聲，所以入面完全係環迴立體咁聽住咁多枱嘅對話（可能係因為我哋坐喺中間？），然後佢個喇叭又開到超大聲😵😵😵服務同衛生係無問題嘅，不過不失。不禁要慨嘆一句「劣幣驅逐良幣」！食完睇返呢度啲食評同評分，先知原來呢間嘢劣評如潮，只怪自己無做下research⋯⋯下次一定唔會再幫襯😀

第一次黎，叫咗個酸辣米線同麻辣米線，其中酸辣米線加份魚蛋，收我50幾蚊，湯底唔係特別好味，米線又唔特別，性價比低。另外嗰碗麻辣米線收咗80幾蚊，得個碗大，野食一啲都唔多，冇下次。我諗最好都係佢杯豆漿，其他性價比都非常低。

我地二人同行 都點左個麵 湯係入味 但麵太厚 澱粉太多 口感一般 其餘麵入面配料都係急凍嘢 不予置評點杯手打檸檬茶要等20分鐘 （食完碗麵先上）環境服務衛生需要加強台面都係碗 無人清理 到處都有垃圾 有蚊蟲 硬件幾好 軟件跟唔上 都係唔得

🌟十萬分之推薦🌟小弟第一次寫食評就在此奉獻上俾佢首先, 個湯底十分友善, 怕香港啲人食唔慣辣, 係淡淡淡淡嘅重慶火鍋底料味, 但係入口又有啲難以形容嘅味道強行衝入你嘅口腔, 新奇有趣🤮其次, 如果你想品嚐得到入口即溶嘅口感, 呢度可以俾你用平民嘅價格體驗到, 啲麵完全可以滿足你嘅要求, 而且比入口即溶更加犀利, 當你想夾起嚟食嘅時候已經融咗, 勁過啲紙飲管🤮第三, 成碗麵都十分貼心, 怕太熱唔方便閣下放入口, 一上到嚟湯已經未見有煙, 想必係擔心炎熱嘅天氣下各位頂唔順, 而配料就係凍嘅, 完全唔需要擔心太熱食唔落口🤮第四, 保留了食材的原汁原味, 鮮味談不上, 水烚嘅味道倒是突出, 而湯底有湯底精彩, 食材有食材精彩, 完全互不相干, 在下很是佩服能達到如此境界🤮最後, 呢個最精彩, 個炸平菇簡直就係精華中嘅精華, 一上嚟係凍嘅方便入口已經係基本, 為了讓閣下飢腸轆轆嘅肚得到滿足, 一碟炸平菇入面三分之二都係炸粉, 入口時酥脆談不上, 軟糯倒是品嚐得到, 而且啲炸粉如同海綿一般, 完全吸收咗間鋪祖傳老油嘅精華, 係你擺入口嘅嗰一刻徹底爆發出嚟, 滋味實在令人畢生難忘🤮有機會記得一定要去

有史以來最差、最伏嘅體驗同服務😓⋯⋯睇完早場電影一出黎，見到呢間唔多人等位，就等位入去食lunch。一坐低，成陣up味加羊羶味，落完單等左30幾分鐘，仍然冇食物亦冇嘢飲到。見隔離位催單，個光頭佬職員答：「係人都等緊」😨。到我哋等到40分鐘，同個女職員講我哋唔等喇，想取消單走人。個女職員講唔好意思，太多外賣單，要走左外賣單先😅如果係咁，佢不如唔好做堂食啦⋯⋯出到門口仲見十幾人排緊隊，真係匪夷所思。

十二點三入座點餐，等咗差不多半個鐘先話廚房出唔到非，隔離遲過我們都到咗，趕時間比佢玩死，以後唔會幫襯🤬🤬🤬🤬🤬至於味道，d嘢要快速倒落個胃度就真係唔知咩味！

又到午飯餐時間, 食吓湯麵都係唔錯嘅選擇, 餐廳位於大圍圍方主打四川粉麵米線, 地方好闊落, 手機落單方便快捷。流口水招牌米線已包括12種食材, 選了重慶小麵配豬骨濃湯, 湯底濃郁鮮甜。材料豐富, 有鵪鶉蛋、滷冬菇、炸酥肉、 炸平菇、 蝦滑、午餐肉、猪肝 、 鲜魚片、芽菜、木耳、腐皮和油麥菜, 加錢配了幾款食材, 滷水蛋鹹香,貢丸爽脆彈牙, 鮮牛肉嫩滑, 極品毛肚爽脆, 時令油菜是油墨菜, 新鮮爽甜, 重慶小麵幼滑彈牙, 這碗麵確實份量十足。麻辣火鍋湯系列選了小辣全家福火鍋麵, 配料同樣豐富, 包括精選冬菇、鴨血、紅燒牛肉、大腸、午餐肉、炸酥肉、芽菜、木耳、腐皮和時菜等, 湯底辣辣地好惹味, 加配爽彈貢丸和墨魚丸, 煙韌牛筋丸和魚皮餃, 還有甜酸惹味嘅爽脆蘿白, 口感豐富。加配罐裝汽水, 邊吃邊飲, 認真清爽暢快。

係附近見工想食個lunch，點咗一碗豬骨湯牛肉蝦滑小麵$58，雖然唔貴但都唔值。牛肉得幾片，蝦滑超級粉，好泥，唔知食緊咩，個湯底只係用咗煮米線嘅湯加鹽，得個鹹字好難飲，雖然我知呢間食辣湯應該冇咁差，但其他食物都唔應該咁嘅質素👎🏻

無話一定關呢間鋪野食既事, 但晚飯後, 都無食其他野, 一直唔舒服, 到朝早又屙又嘔, 我只係客觀紀錄發生晌我身上既事, 希望open rice 唔好為廣告收入而block 食評晚飯時間唔使等位, 帶位向店內大叫兩位, 但無人安排, 自己搵左吉位坐低, 叫左木瓜金湯(小辣) 12個餸乜都有啲, 加左菜, 同鳳爪友人就只食水晶粉甜品如圖所見 張出菜紙 仲貼住 , 店員就咁擺低就走平時都食辣, 佢呢個辣度可接受, 但所有野(除咗甜品)都太鹹, 太重味食完就覺得唔舒服🤦🏻‍♂️筷子水杯放公眾區自取, 好後悔無自己消毒清楚就用

喺出面餐牌見到呢個價錢都喺商場入面都算比較平價，就入咗去叫咗佢所謂嘅重慶招牌米線再另外加多個小食。點知一上菜見到個先小食好似係包裝袋倒出嚟咁樣、都知中伏、碗米線嗌咗豬骨湯底，完全冇豬骨味仲衰過清湯另外嗌咗杯豆漿都係粉沖出嚟。又難食又難飲、俾錢買難受。建議各位真係唔好入去幫襯。之後即刻入返OpenRice睇、原來唔淨止我一個都覺得呢間嘢係好難食。真係俾錢請我過去食都唔會再入去食呢間、平時都好少食剩嘢，但呢一間真係搞唔掂。

由重慶起家殺到來香港，就知幾有料，一場來到大圍圍方又點可以錯過。由一句你的小麵從這裡開始，出發在重慶麵館，見到酸酸辣辣的重慶麵就流哂口水了。熱豆漿豆漿豆味香濃，入口順滑。雙椒皮蛋香氣十足，辣椒涼拌，口感微辣開胃。$48自選麵（已包括芽菜, 木耳,腐皮,時菜.）自選麵可先選上自選的豬骨濃湯湯底，再選你愛吃的配料，今回就選了軟腍的紅燒牛肉，香菇的貢丸，齒頰留香的牛筋丸及掛湯的油墨菜，多款配料，非常飽肚。麻辣火鍋湯系列 - 全家福火鍋麵這款全家福火鍋麵已是一款麻辣火鍋湯，當中已有精選冬菇，鴨血、紅燒牛肉、大腸、午餐肉、炸酥肉、芽菜、木耳、腐皮、時菜等…口感微微麻辣，真是麻辣帶勁卻不嗆喉，尾韻酥麻又不躁熱，絕對是一食令人回味的全家福火鍋麵。相思冰豆花豆花加入綿綿紅豆及香味黃豆粉，細緻嫩滑，甜美十足，為這頓香辣過江龍畫上句號。