流口水重慶麵館 (圍方)

Open Now

Now Closed

前枱服務態度好差熱水仲要收$2 水都要收錢想點呢 這家餐廳的服務品質令人失望。工作人員態度冷漠，缺乏專業態度。他們的服務速度緩慢，讓人耐心不足。菜單上的菜品選擇有限，而且味道平淡無奇。食物的質量也令人失望，很多菜品的份量不足，而且口感不佳。餐廳的環境也相當糟糕，桌椅陳舊不堪，缺乏整潔感。整體而言，這家餐廳無法提供令人滿意的用餐體驗，不值得推薦。

在圉坊比較可以接受的餐廳，首先未有大排長龍，其次價錢相對落地。食飯時間，座位9成滿，入座後手機點餐，點了招牌大碗麵，重慶小面中辣，並加了$18 多點了冰粉。目測這碗大什錦麵實在大碗+碗大，有齊所有配料都只是$69，實在價錢合理。中辣辣度不是很辣，湯底有麻香，麵底煙靭，反而芽菜等配菜唔係好多。整體而言性價比高，可以再臨！惟餐點app仍末成熟，有漏單情況，各食客要留意是否真的落了單。

圍方大約一個多月前新開咗一間重慶粉麵店，記得開張時勁多人排隊，一個月後晚飯時間竟然唔洗排直入，價錢尚算平民價就當試吓。門口無人安排座位，唯有直入，坐咗一陣都無人理，問待應點落單，先話一陣比QR code。其實無問題，但之後入內的客人就比人叫返出去，有個待應仲話 “咁樣會搞到我好亂架”，叫啲客出返去等位。招牌麵 - 酸辣木瓜金湯底 ($69)即係有大雜會好多餸既麵，可以揀米線。走咗鴨血，豬腩肉、魚片都算唔錯，不過其他就相當普通。湯底唔算好辣，食完未算勁口渴，但打嗝時感覺個味有啲刺激，唔太鍾意呢種感覺。咖哩雞丁蓋飯 ($58)完全覺得係罐頭或即食包倒出來的咖哩。。。雞肉勁柴。。。唯一可取係搭咗幾條菜心。熱豆漿 (+$10)跟主食半價，味偏淡，同唔明點解浮面勁多泡。

店名：流口水重慶麵館今天分享呢間店鋪比啲有錢，想用錢買難受，食太多好嘢想食啲垃圾嘅人。叫咗個咩都有啲嘅米線，碗嘢嚟到個陣我以為係拍緊啲prank片，即時睇下有冇cam係附近。牛雞豬各半塊不在話下，鴨血未咬就散，成碗嘢更係將師傅嘅刀工展示得淋漓盡致，碗淺湯多料少價高。服務態度差就比人講咗好多次唔多提了。張相係我走個陣影，將啲料夾出嚟比大家睇，淨係食咗兩啖面，同咬咗一啖牛，湯底都係工場化學味無咩特別。

茄湯只有鹹味鹹味超重唔講以為吃咗一啖鹽嚟口蕃茄味只有十盆之少的味道。真係連譚仔都不如，譚仔啲茄湯都好食過佢，真係唔明點解可以有咁多人排隊食。下次我一定唔會去食絕對唔會推介俾人。

第一次食呢間餐廳, 需用QRcode 落單價錢方面有D貴, 叫左蕃茄湯底,蝦丸,風琴豆腐,炸魚角 價錢都已經要70幾蚊。碗就好大個, 但入面餸的份量是很少, 餸: 炸魚角同蝦丸好細粒的size , 係小朋友兩啖就食曬size 大人一定唔夠仲要每樣只是得兩粒。味道方面, 絕對是十分普通, 都唔好奇望有咩味道譚仔都大粒過佢幾倍。另外, 蕃茄湯底亦都好油膩。風琴豆腐同樣得是兩小片。飲品, 奶茶,難飲到嘔,好似奶加水溝稀,無味。又貴又唔抵食。只此一次,下不為例餐廳

嗜辣人士注意！重慶過江龍米線麵登陸大圍圍方😆～ 店鋪主打重慶麻辣風味的米線，招牌米線包括15款特色配料，包括爽嫩鴨血、鮮牛肉、豬腩肉等～ 可以自選5款湯底，選了鮮蕃茄湯甜而不辣，麵底可選小麵/米線而全家福麻辣火鍋小辣，辣得過癮🔥，即使小辣都會偏辣，配料有風琴豆腐、精選上特毛肚、鴨血等～ 解辣之選可以配小食蒜泥青瓜～ 憑單更可以減$10選購旁邊的日式蛋糕店甜品，推介草莓甜心脆塔塔🍓! 草莓撻牛油味好香～ 招牌米線 ($69)全家福麻辣火鍋小麵 ($69)蒜泥青瓜 ($28)招牌手打檸檬茶 ($30)醪糟酸梅湯 ($24)草莓甜心脆塔塔 ($48)芒果花漾果凍 ($58)📍 流口水重慶麵館🗺️ 大圍車公廟路18號圍方5樓521號舖

朋友碗麵太辣，想叫佢俾杯水，要$2，叫佢整清湯少少，又要收$2杯水？？？咩事？咁請問要落幾多杯水先溝得返淡？服務態度還好，味道都係一般，重點係好荒謬 。。。。。。

救得一個得一個。不可一不可再。叫左兩碗麵，一碗小辣，一碗唔辣番茄湯。辣度或者同譚仔小辣相若？總之食唔掂，想要杯熱水沖淡黎食。問waiter, 得到既回應係：熱水用app order, 每杯兩蚊，冷熱同價。 有必要咁小家嗎？熱水要兩蚊？ 不過唔緊要，又唔係冇錢比，買佢兩蚊杯水。碗麵加左菜，見得好少，咪問下個waiter 。佢話已經加左在碗麵。咁我話ok，冇野啦。佢就話，你食左幾條啦下嘛。我地再講多兩次，ok, 冇野啦。咁佢先行開。未見過態度咁差，咁小家既餐廳。

同Kew+ cafe同時係圍方新開～鋪頭就係kew+ cafe隔離價錢定位親民，麵都大碗‼️.//流口水招牌米線////麻辣全家福火鍋小麵//米線/火鍋小麵湯底推薦蕃茄湯～蕃茄酸甜味超濃郁，湯汁掛滿麵條之上兩碗米線/火鍋小麵配料非常足料都有10種配料以上男士食都好飽肚.//雙椒皮蛋//皮蛋流心，辣椒青椒香味融合一齊，散發麻香.//蒜泥青瓜//青瓜脆爽，配浓郁蒜泥，清爽美味。.//招牌手打檸檬茶////酸梅湯 //酸酸甜甜好清爽

♡‎ ♡‎‎ ♡‎ ♡ 大圍圍方 - 流口水重慶麵館 & Kew+ Cake ♡‎ ♡‎‎ ♡‎ ♡‎ 最近去咗大圍圍方行街兼食晚飯見到呢間《流口水重慶麵館》雖然keep 住有人龍 但係都好快入座我等咗5分鐘左右就可以入座啦～💠流口水招牌米線 $91.0湯底我揀咗火鍋麻辣湯 小辣麵底都係揀我最愛嘅米線另加芫茜 $4 、加底 $18.8食落去真係好似食緊打邊爐嘅麻辣湯底米線入面嘅餸多款種類 例如鵪鶉蛋、牛丸、豬紅、雞肉、魚蛋不過略嫌每樣太少💠時令油菜 $20今日係生菜 正常發揮嘅蠔油生菜不會太油 💠招牌手打檸樽茶 $30店舖入面有平時茶餐廳檸檬茶同手打檸檬茶選擇我想飲吓手搖飲品 就揀咗手打檸檬茶飲落去真係有少少嘅檸檬果肉微微酸酸地 幾正不過都係一杯沖唔滿 上枱份量只有杯的3/4食完正餐過埋隔離《Kew+ Cake》食個甜品先雖然同一間店下，但係裝潢設計帶點少女風點咗水果蛋糕 💠雜果蛋糕 奇異果、芒果、士多啤梨都喺同一個蛋糕入面加埋軟綿綿海綿蛋糕 幾好食🤤💠草莓蛋糕同樣係蛋糕嘅草莓蛋糕就稍微遜色整體食落比較酸 比較推薦雜果蛋糕◆*．◆*．◆*．餐廳資訊◆*．◆*．◆*．📍 流口水重慶麵館

流口水 🤤真係唔係講笑，流晒口水！大圍圍方又發現好味道👀晚上七點已經排晒長龍！鍾意食辣嘅我一定唔會放過招牌no.2🤣全家福麻辣火鍋小麵 毛肚麻辣火鍋小麵用上精選上等毛肚、鮮牛肉、午餐肉、豬血・大豆等等嘅材料，麻辣湯底可以揀選辣道，我揀中辣😆湯底好香！每條油面都掛滿湯汁💕招牌no.1招牌米線湯底選擇有好多，清清地揀個豬骨湯底很不錯。裏面豬腩肉、雞肉、午餐肉、花林路血、魚蛋、魚片、貢丸、鲜牛肉、热務蛋、千張、魚片…乜都有齊晒😆流口水重慶麵館 (大圍)大圍車公廟路18號圍方5樓521號舖#大圍 #大圍美食 #大圍好去處 #thewai #圍方 #圍方美食

三個人唔知食咩好 諗住去試下。環境還可以 冇特別。用手機點餐 全部叫咗麻辣火鍋湯麵，一個用英文 兩個用中文。好似車仔麵咁 有鴨血 貢丸 豬肉 等等。英文落單走蔥 韭菜，點知嚟到係話走午餐肉。。。仲話系統冇錯喎，個手機大大字寫話 "No chives" 點會走午餐肉。。。翻譯系統有問題 唔緊要！ 用中文落單話加鴨血 （仲要加$12） 點知嚟到得一塊仔！ 真係服咗佢地。 一係玩我地 一係成班友唔識睇中文。 最慘係味道好一搬 仲要咁貴。 唔會再幫襯，已黑名單。

尋晚第一次去圍方行吓同食嘢，地方又真係好大今次食間未食過嘅「流口水重慶麵館」，本身怕好辣唔食得，原來除咗🌶️麻辣湯底、💛酸辣木瓜金湯之外，仲有其他唔辣嘅選擇，例如🐷豬骨湯、🍄養生菌湯、🍅鮮蕃茄湯🍜流口水招牌米線💰$69揀咗豬骨濃湯，飲落好濃好有豬骨味又好飲，配米線超好食當中已包括15種食材，豬腩肉、雞肉、午餐肉、爽嫩鴨血、魚蛋、魚片、貢丸、鮮牛肉、鵪鶉蛋、豆卜、千張、本菇、芽菜、木耳、油麥菜勁多餸，所以每樣都唔係好大件但都勁飽肚🍜麻辣全家福火鍋小麵💰$69麻辣火鍋湯系列～要咗小辣，味道惹味餸有精選上等毛肚、鮮牛肉、午餐肉、鴨血、木耳、鵪鶉蛋、千張、風琴豆腐、本菇、芽菜同招牌米線啲餸都好似，各有各好食🥬時令油菜💰$20🍋招牌手打檸檸茶💰$30而家興手打檸檬茶，要咗少冰少甜，都好好飲！好多檸檬肉好出味，鐘意飲手打多啲😋🚩流口水重慶麵館 (大圍) @liukoushuihk 📍大圍車公廟路18號圍方5樓521號舖

❌❌❌永久BLACKLIST系列❌❌❌話說今日同朋友去試吓呢間新開面館手機落單我叫咗兩set一模一樣嘅麵餐同飲品麵：$69 酸梅湯：$12合共：$162但係送餐嚟得兩碗麵同一杯嘢飲咁我哋咪問其中一個店員話漏咗一杯酸梅湯等咗兩個字都未送，又再搵第二個店員講如是者叫咗三次，佢check完話我冇落單🤬🤬所以唔會攞俾我😤😤😤😤呢啲係咩服務態度？個麪已經唔好食算！我唯有唔飲，睇吓佢收我幾多錢到收錢嘅時候，佢竟然真係收我$162 我問佢條數點樣計？佢仲死話：「你order咗兩碗麵一個酸梅湯呀嘛！咪$162囉！」自己唔用腦，竟然要我教佢數學？講咗好多次，我哋叫咗兩杯酸梅湯，結果得一杯，佢堅持我哋落咗一杯，但收多$12😤😤最後擾攘咗一大輪，佢先肯減返$12俾我，仲係好似好不滿咁😤😤😤😤😤救命呀！點解啲人而家會變成咁？😑😑😑