麗莎餐廳

Open Now

Now Closed

麗莎餐廳食物種類繁多，有港式早餐焗飯小炒等，位於佐敦c2出口，不用5分鐘就到。 我叫了晚市套餐連例湯和白飯。我叫的兩樣小炒都比較少見，製作都較繁複，所以需要等候。🔸️欖角冰梅一字骨一打開，以為一字骨煎焦了🤣。真是有眼不識泰山，原來是欖角。我上網查完先知欖角就是用黑橄欖做成的一種特色小菜，常出現在潮汕菜。一字骨應該被炸完，再加入冰梅和碎欖角。肉質鬆化，啖啖梅醬香氣，甘甘甜甜，食得出是大廚心機之作。 🔸️薑蔥爆魚ト煲大量薑葱爆炒魚卜，非常香口。薑切得非常薄，葱就切段。有些魚卜漲トト，有些就已經被刺破，但都不影響口味。魚卜好新鮮，沒有腥味，還沾有薑汁。此外，魚卜外層軟糯，內層爽脆，有好豐富的膠質。....如果喜歡我的posts, 請 follow @sipina.hk 😳。

心血來潮想食小菜，佐敦呢間餐廳真係夠哂鑊氣，酒樓般嘅級數。疫情之下依然坐滿食客，果然無失望...午餐款式都幾多選擇，每日都唔同款。「西檸雞」🐔充滿檸檬香味嘅西檸雞，甜甜酸酸勁開胃，炸粉份量恰當，唔會太厚「乾炒牛河」🐮牛肉完全唔靭，仲好多片，唔會太鹹，滿滿的大大盒，份量好足「中式牛柳」🥩牛柳厚肉夠大片，加入洋蔥好爽口，個汁甜甜地好惹味，撈飯食真係好正。同事都話呢間好正好食，見到二人餐好抵，下次一定要試霸王雞 / 沙薑雞😋

今次又嚟咗呢間買外賣返屋企食😆! 因為佢有好多選擇, 中式、西式都有, 又抵食, $98就有一個小菜套餐, 會有一份主菜、白飯🍚。 𓌉◯𓇋 沙薑鹽焗雞(半隻)半隻雞份量好多, 適合同屋企人分享! 充滿沙薑香味! 雞肉鹹香嫩滑, 上面有芝麻粒, 調味剛好, 啖啖肉, 雞肉一啲都唔乾身, 送白飯食好正, 會令人想食多幾啖飯😝！𓌉◯𓇋 涼瓜魚腩煲係一味開胃佐飯小菜~ 涼瓜炒得好香, 味道清甜, 冇苦澀味, 食落有豆豉、葱蒜香味; 燜煮過嘅魚幾嫩, 夠入味~

佐敦白加士街麗莎餐廳各式食物應有盡有，早餐午餐焗飯咖哩飯中式小炒中午食個快飯，或是晚上吃個小炒， 款式大路多選擇總能夠 迎合各路人馬。-南乳蒜香一字骨晚市套餐連例湯白飯吃起來陣陣南乳焦香瘦中略帶點肥，啖啖肉還有骨啜，口感棒。-豉椒排骨炒河 外帶醬汁與炒河分開上，這點超加分炒河的鑊氣與堂食差不多，一夾起放入口的那股鑊氣 直上雲霄。排骨分量多， 青椒洋蔥炒得爽口，-咖哩牛腩飯打開蓋已經聞到咖喱的香味撲鼻而來，牛腩牛筋夠入味，咖喱撈飯還要好食的。

傳統港式餐廳食dinner，黑椒牛柳粒可以話係必點菜式之一！😍微辣嘅牛柳粒，啖啖牛肉鮮嫩質感，令人忘卻煩憂。🍆芥末茄子牛柳粒，牛柳粒同鮮嫩茄子作為主角，汁用咗蜜糖芥末醬，感覺會比較西式❤用芥末調製，再配以蜜糖之後，味道就變得香甜~一點都不會刺激鼻竇！🤤🐮牛柳粒半肥瘦比例，炒到啱啱好，唔會過熟👍肉汁juicy，保留鮮嫩多汁，5至7成熟嘅口感，食落perfect，口感最好😙yummy dinner time

🐷想偷懶唔煮飯🍚又想食好啲🦐我最近搵到一間做小炒好出色嘅餐廳🍴佢哋款式選擇🈶️好多❤今晚揀咗兩個我好鍾意食嘅小菜外賣做晚餐🦐🐔佢哋嘅小菜已經包埋足料嘅靚湯同白飯🍚夠曬飽嚕😋🦐香煎茄汁蝦 $128：外賣都可以食到茄汁蝦碌🦐真係好開心呢🥳佢哋仲係即叫即做🔥所以返到屋企仲係暖暖地😋啲蝦又夠大隻🦐而且仲好爽口添👍佢哋做嘅醬汁味道好惹味😋唔錯呢👍🐔薑蔥霸王雞 $98：呢個霸王雞真係不得了😋雞肉好嫩🐔🈶️炸蒜🧄蔥絲🧅薑絲🌶配料豐富👍而且仲夠曬鑊氣🔥我好喜歡呢😍😍其實係呢段抗疫時間😷大家都多咗買外賣返屋企食❤只要買到自己鍾意食嘅小菜🐔🦐外賣都變得好🈶️生。活。情。趣啦😍❤️

有陣時夜晚太懶唔想煮飯🧑🏻‍🍳👩🏻‍🍳見到呢間餐廳有個2人餐幾抵食！唔洗$200就有齊餐湯、主菜、白飯同飲品～超吸引呢😍😍-🍱二人悠閒餐 $168✨📍沙薑雞(半隻)🐥份量好多，一打開已聞到好香🤤🤤雞肉肉質嫩滑，啖啖肉好入味！！沙薑味都好濃郁，撈飯食一流🍚🍚📍咕嚕肉🍗咕嚕肉大大舊，炸得外脆內軟～～食落酸酸甜甜好開胃，味道唔錯😋😋仲有菠蘿、三色椒、洋蔥等配料，好豐富！！📍清炒時蔬🥬是日蔬菜係白菜仔，賣相幾靚🤩🤩咬落好爽脆，夠新鮮！食完唔會覺得油膩👍🏻👍🏻

復活節假四圍都好多人 唔想煮飯 又懶得同人迫 都係揀啲快靚正而且性價比較高嘅茶餐廳佐敦白加士街嘅麗莎餐廳係不錯選擇平日嘅小炒及二人餐都好有鑊氣且色香味俱全今次下午茶時間過黎 揀咗幾個抵食又好味嘅茶餐炸雞脾配薯角 $40炸脾皮脆肉嫩 大大隻 最大驚喜係薯角由薯仔🥔切粒 減低少少邪惡感另外炸雞中翼(6隻) $48炸得剛剛好 唔會太油膩 新鮮熱辣辣 正😋麗莎豬扒包 $38唔使過澳門 都食到香脆新鮮豬扒包豬扒唔韌 且頗滑食落真心唔錯瑞士撈公仔麵🍜 $43可揀選兩餸 雞扒及煎蛋雞扒依然肉質不錯 只係撈公仔麵略唔夠瑞士汁味 若果用多啲瑞士汁會更滋味 總括而言 下午茶餐都包餐飲凍飲加$3 特飲加$12 絕對抵食😋

今日喺佐敦嗰邊做完嘢都差唔多5點，今晚又唔想煮飯，所以就諗住係附近買外賣返去。呢間茶餐廳人流不少，價錢合理，就買幾個餸返去喇。咖哩豬扒飯（$55）- 豬扒都薯仔嘅份量都好多，咖喱汁唔算太辣，很就好惹味，而豬扒同薯仔都入晒味。呢個餐仲包熱飲，所以好掋食。蠔仔肉醉煎蛋角（$98）- 呢個有啲油膩，返到屋企倒咗啲油岀嚟就好食喇。有好多蠔仔，多到啖啖都食到。個煎蛋角帶鮮味，餸白飯食真係一流。仲有例湯添下午荃星洲炒米（$40）- 雖然話係下午茶‘但份量一啲都唔少，裝到個外賣盒滿滿的。個炒米唔會話好油，又啲都幾多，有力多蛋同火腿。個餐仲包個嘢飲，我加咗錢要凍檸茶，正～

🔸佐敦都算係全香港冰室茶記密度最高嘅一個地區，咁多點揀好？今次食咗間選擇多，食物水準同服務都唔錯嘅，介紹返先🤪🔸近年好多新開嘅茶記都無咗一種好重要嘅特色，就係餐牌選擇唔夠多😂～點解咁多香港人鍾意咩都唔諗就走入一間茶記食lunch，就係知佢咩都有，可以入去慢慢揀。而呢間就係保持到優良傳統，餐牌又好多本，每本又好多嘢🥰因為今次想試唔同嘅嘢，結果兩個人食咗三個餐，都只係$192埋單，性價比十足👍🏻👍🏻咁其實食咗咩呢，就係整咗個小菜，加兩個茶餐，份量啱啱好當正餐完成🤤🔸小菜係沙薑雞半隻，斬得靚靚仔仔上碟，味道唔會太重口味啱啱好，雞肉保持到適度嫰滑同彈性，水準唔錯👍🏻另外就整咗個撈公仔麵（加錢轉咗一丁），同埋招牌西多士。呢度有普通西多同麗莎西多揀，咁梗係揀個麗莎西多睇下有咩特別，原來有兩個分別係首先面層加咗朱古力醬，其次係入面包嘅唔係花生醬而係果醬，食落微酸更加開胃同唔會食到好滯😎撈公仔麵係自選配搭，可以要個扒類再加個腸仔餐肉類。今次要咗吉列豬扒加漢堡扒好有驚喜，可以睇我最後一張圖係見到吉列豬扒嘅肉仲係有小小粉嫰，完全唔會乾，以茶記嚟講係超水準演出👍🏻

白加士街整條街都有好多餐廳，不過個人比較鍾情麗莎餐廳主要原因係性價比極高食物質素亦非常高質！招牌干葱豆豉雞煲🍲我不嬲都好鍾意食麻辣雞煲，不過有朋友唔食得辣！經老闆娘推介後，就揀左呢個豆豉雞煲完全可以媲美麻辣雞煲醬汁炒得好香，每舊雞都比濃濃嘅醬汁包圍住，唔食得辣嘅人都可以盡情咁食雞煲喇咖喱海鮮煲咖喱味非常突出，香而不辣係我鍾意食果種咖喱！呢度仲可以跟埋蒜蓉包添蜜餞烤雞翼呢個係我每次嚟都必叫的雞翼先烤到好香口，然後再加入蜜餞炒香～～味道甜甜哋好惹味，令我抗拒不了當中仲有薯仔粒，薯仔粒係炸過的，特別好食！京都雞扒京都骨就食得多，配雞扒真係第一次食個京都汁非常開胃金銀蛋白菜仔

又係茶餐廳 又係茶餐廳🤪😎最近成日食茶記 方便 快 靚 正😄今次係佐敦茶餐廳買咗外賣返屋企食🥰🔹咖哩海鮮煲 配 蒜蓉法包 $98見到個名咁把炮 叫嚟夜晚食應該幾正仲要配蒜蓉法包 有得點嚟食🤩不過當日餐廳法包賣曬 只係得返多士 所以轉咗蒜蓉多士多士蒜味好濃 就咁唔點咖哩都好夠味咖哩海鮮煲入面有魚柳 蟹柳 獅子狗 魷魚片 好多材料令本身香濃嘅咖哩味 味道更豐富🔹椒鹽蒜香一字骨 $98本身想揀牛仔骨 不過都係賣曬老闆娘推薦試吓一字骨🐷一字骨大大份 返屋企微微氣炸食脆口一打開已經好大陣椒鹽味 好吸引😙小菜套餐都有包白飯、例湯❣️

講起下午茶，知道佐敦呢間餐廳超抵食，又多選擇。款款都係$40左右，已經包埋飲品。即叫即炒...呢個價錢確係超級無敵勁抵食👍🏻一口氣叫咗五款👇🏻「豉椒排骨炒河」豉汁好惹味．配搭排骨確係正，炒河混入豉汁唔會太Dry。「乾炒牛河」牛肉夠淋唔會靭，味道恰好唔太鹹，熱辣辣．夠哂鑊氣。「咖哩豬扒飯」打開蓋已聞到香濃咖哩味，辣辣地好正，豬扒啖啖肉。「銀芽肉絲炒麵」脆卜卜嘅炒麵底，有酒樓質數，銀芽新鮮爽口。「法蘭西多士」金黃色厚厚西多士，夾著香濃花生醬，加入蜜糖好香口，而且唔太油膩，Yummy

今次好想重點介紹吓呢一間餐廳嘅沙薑雞！同屋企人去咗食呢一度嘅二人餐，入面有呢一個沙薑雞，仲有菠蘿咕嚕肉，白菜仔！非常之豐富！好鍾意食呢一度嘅雞肉，呢一度嘅雞肉肥瘦適中，而且連埋皮一齊食真係好正，好耐都冇食過沙薑嘅味道啦，真係好濃郁好入味，非常開胃！

位於佐敦的麗莎餐廳真係又平又好食👍🏻 佢地可以選擇既款式好多，無論系咖喱🍛、蒸魚🐟、扒類🥩、炒粉麵飯定係小菜都有😯 所有小菜仲會配賣白飯同例湯，認真抵食😉-薑蔥霸皇雞（半隻） 呢個招牌菜幾值得推介🥰一打開就覺得個樣睇落唔錯😍雞既份量比想像中多，雞肉夠嫩滑，而且好入味🤤🤤-魚香茄子煲🍆 魚香茄子煲夠曬鑊氣😋，茄子整得好林好夠味☺️ 用黎送飯真係一流🙌🏻🙌🏻-椰汁紅豆冰🥥 啖啖都飲到紅豆，好滿足😙 野飲既甜度岩岩好，唔會太甜👍🏻-奶茶紅豆冰 紅豆嘅甜味唔會搶過咗奶茶味，幾好飲😗