麗莎餐廳

Open Now

Now Closed

happy Friday,放工當然唔想煮，因為dinner得外賣，一於試下抵食二人餐🥰嗰餐除咗有半隻雞之外，仲有一款小菜，一份時蔬，兩碗白飯，加埋兩個例湯，熱飲仲可以免費添！沙薑雞半隻都好大份😍入邊加咗沙薑粉、米酒、同生抽，等等嘅調味料，塗係雞嘅四周醃製之後，🥘再放入鍋內蒸煮，隻雞蒸熟後，再放凍食。雞肉非常之嫩滑，而且好入味，好鍾意沙薑嘅香味。連白飯都想食多兩啖！😘小菜，我哋要咗健康嘅時菜炒雞柳🥬雞柳嘅份量都好多，好滿足。

二人套餐性價比比較高，但係芝麻雞好似特別啲。招牌芝麻雞 $128/半隻 （包埋飯）堂食嘅話，外皮可能會更香脆。店主提醒過會等耐少少，可能15 分鐘以上，加上係臨近晚市嘅時間。不過，最後經過45分鐘嘅耐心等待、催促同返屋企嘅時間，終於食到。芝麻雞嘅皮開始變稔，不過可接受，鋪滿芝麻，雞肉可能放耐咗同叮過，就無咁嫩滑，所以俾分會考慮呢點鬆手啲。 茄子班腩煲$78 （包埋飯）雖然我本來係叫咗火腩🤣，不過班腩味道都正常發揮，唔會太細舊，茄子都入味嘅，份量還好。

#港式eatcovery #佐敦eatcovery💡有驚喜的小菜咁岩出佐敦搵朋友聚一聚，見到呢間餐廳好有驚喜，Menu有好多選擇，中、西式都有，小菜仲要係即叫即做，以我就比呢個二人餐吸引左，只係$168 就幾樣野食，值得一試支持。二人悠閒餐- 💰168(沙薑雞半隻、小菜1款、清炒時蔬、白飯2碗、例湯2碗、飲品2杯)🍽沙薑雞🐥半隻份量都幾多，新鮮得黎皮薄肉厚，肉質嫩滑，雞肉肉質唔鞋，沙薑味好濃郁，食個陣記得撈一撈先黎食。🍽涼瓜排骨煲叫小菜點可以唔叫煲呢，涼瓜排骨煲健康得黎又多排骨，排骨啖啖肉，唔會有雪X味，肉質有咬口。涼瓜係薄片，咁就夠曬入味。🍽白菜仔白菜仔係少油少鹽，好清甜，夠健康。🥤凍檸茶 +$3🥤香檳鳳梨奇冰+$12

今日夜晚外賣仔食咩好呢，試吓呢間位於佐敦白加士街嘅麗莎餐廳先，見到門口大大個Menu推介呢個歡聚一刻超值推介套餐又真係幾抵喎，有我好鍾意食嘅沙薑雞🐔就買佢嚟試吓先，我大約五點買外賣，等後期間見到都幾多人堂食同埋買外賣👍🏻👍🏻🍱套餐超值價 $168 （包括）沙薑雞半隻 / 自選小菜一款 （可參考餐牌）清炒時菜一碟 / 白飯兩碗 例湯兩碗 / 自選飲品兩杯🐔▪️沙薑雞雞嘅分量超多，非常入味，雞肉幾滑，鍾意佢嘅沙薑汁，調味剛好加埋雞一齊食，送飯一流😋🧆▪️干煸四季豆好有鑊氣既一道小炒，四季豆炒的剛好滿滿的半肥瘦嘅豬肉碎加埋辣椒一齊爆炒，少少辣非常惹味🥬▪️清炒白菜仔今日特別食多啲蔬菜，這個白菜仔炒得爽口帶有少少薑汁味，亦都係鑊氣之選✨總括嚟講以茶餐廳水準，麗莎餐廳 做得非常唔錯，炒餸非常有鑊氣 套餐亦相當抵食及有質素👍🏻👍🏻

疫情下生意難做，好多食肆都會推出好多優惠，今日Lunch去咗呢間麗莎餐廳，見到佢新出咗set $168 2人悠閒餐，有沙薑雞🐔半隻、自選小菜一款、清炒時蔬🥬白飯兩碗🍚仲有兩碗例湯同熱飲兩杯‼️好抵食啊🤩💫2人悠閒餐 $168沙薑雞🐔半隻雞肉肉質鮮嫩，一啲都唔會”鞋”，非常肥美夠厚肉，半隻份量好足夠👍🏻，沙薑汁好香，撈白飯超正😍自選小菜 - 椒鹽豬扒🐷乾蒜同椒🌶爆得非常香，加埋椒鹽好惹味😋 豬扒唔會炸得太乾，咬落好juice啖啖肉，啱晒我呢個食肉獸😍一碟都有十幾塊，夠晒份量！清炒時蔬🥬今日係小白菜，都係大大碟！例湯味道唔錯，仲有兩舊湯渣係度🤣加埋白飯同熱飲，呢個set真係一啲都唔Hea，我覺得夠三個人食都得💯真係平靚正👍🏻食完飯梗係要用第二個胃食埋甜品啦😋聽聞佢個麗莎西多士好出名，我就點左一份！💫麗莎西多士上枱嘅時候好驚喜🤩佢根本就係西多磚，足足有四大粒，上面淋滿煉奶同朱古力醬，見到都覺得邪惡😈切開再有驚喜，裏面的並不是花生醬，係咖央同果醬，酸味味的果醬可以中和甜膩感，出奇地夾💯非常推介✨

九龍佐敦食肆臨立🏘，一日試一間都有排先食得哂🥲。今日去佐敦做完嘢順便食個early dinner 。我諗都唔駛諗就入咗麗莎餐廳✊️。因為之前有朋友介紹過佢嘅麗莎西多士好出色😋，啱哂我今日又要食得飽又想食下甜嘅心情🤭。麗莎餐牌真係好多港式食物選擇😌，最終我哋揀咗個2人悠閒餐（有沙薑雞半隻，一個小菜，一個清炒時蔬，兩碗例湯同兩杯飲品）😳，經濟之餘又多種類😌。💎 沙薑雞佢隻雞唔係肥嗰種，就算連皮一齊咬落口都唔會有罪惡感，雞肉嫩滑，沙薑味濃，連埋啲沙薑汁送飯一流。💎 椒鹽豬扒揀呢個小菜因為想食香口嘢，佢嘅豬扒唔會鞋口，豬扒煎香後，再加椒絲，葱，蒜粒炒過再上碟，香口之餘仲肉感滿滿。二人悠閒餐係包括清炒時蔬同例湯。💎 麗莎西多士重點來了，要搞清楚呢個叫麗莎西多士不是西多士，佢同平常西多士嘅分别係用咗酸味果醬同咖央做餡，煎好後淋上煉奶同朱古力醬，吃一口，甜之餘又被酸果醬中和咗甜度，食完又唔會甜到漏。人均消費💰 ： ＄100總結✍ ： 小菜出色，份量不少，麗莎多士出色，價錢實惠

Steamed chicken with sand ginger and fried pork dinner set for 2 🐓沙礓雞、 椒鹽豬扒二人套餐 🍖$168呢款以沙礓雞為主嘅二人套餐性價比真係好高㗎，入面有半隻滑脫脫嘅雞、炒白菜仔一碟、辣辣地嘅香燒豬扒🌶、兩碗冇添加劑嘅新鮮例湯🥣、兩杯飲品同埋兩碗白飯🍚，份量多到兩個人都食唔晒，個人認為沙礓雞整得幾出色，會唔會太鹹又有濃郁嘅沙礓味，整體來講幾值得推介👍🏻Curry beef brisket rice 🍛 招牌咖喱牛腩飯🥩 $60呢個咖喱牛腩嘅配搭可以揀飯、意粉或者比較特別嘅薄餅🫓，同其他餐廳比較係幾多元化，牛腩醃製得好入味口感又唔會太煙銀，而且仲有大量嘅薯仔🥔、紅蘿蔔🥕同埋洋蔥🧅等等嘅健康配料，真係幾開胃啊

中式小菜是我日常其中愛吃的，當然有要求， 我平時一到尖嘴佐敦位置便想起呢間有人情味又平又靚的茶餐廳！尤其我係會幫襯買小菜方面，特別有鑊氣的！昨日我早了到， 趁未六點，五點入座順便堂食。我都好耐冇堂食啊！我們點了有豆腐魚煲， 豆腐和魚都又滑又好味，送飯真一流！仲有另一小菜： 鮮菠蘿炸豬腸，好開胃又剛好的炸到豬腸皮脆脆地，裏面又夠新鮮熱辣辣，真的好惹味！加埋是日例湯的中湯，有家的感覺！麗莎餐廳 佐敦白加士街15號地舖

今晚去咗佐敦「麗莎餐廳」買外賣小菜返屋企～餐廳主打港式地道早午晚餐及精美小菜套餐，店內環境設計簡約，感覺乾淨衛生宮保雞丁雞丁粒啖啖肉，頗嫩滑～同新鮮爽脆嘅西芹一齊炒香，微微辣，好惹味，味道同口感都好豐富鹹魚雞粒豆腐煲熱辣辣嘅鹹魚雞粒豆腐煲，散發著陣陣鹹魚香，雞粒同豆腐都好嫩滑，鹹香滋味，佐飯一流椒鹽豬扒豬扒有6-7件，以香噴噴嘅椒鹽方法炮製，豬扒入口鬆軟，充滿椒鹽鹹香，色香味俱全，好出色小菜套餐奉送白飯及例湯各一碗絲苗香米粒粒分明；例湯都幾清甜

星期六出咗去佐敦睇中醫，再順便買啲嘢食返屋企。呢個時世個個都患咗盲搶炎，想買餸都難，分分鐘買外賣仲平過自己煮🙈。我幫襯咗「麗莎餐廳」，因為見佢好似幾多選擇，價錢又相宜。餐廳格局同一般茶記無異，家常小菜同炒粉麵飯一應俱全，另外亦有得据扒同食烤魚👍。不過外賣就簡簡單單嗌個二人餐吧。2人休閒餐(超值價$168)，套餐內容好豐富，我額外再炒多盒粉，夠哂四個人食🥢🥢🥢🥢！留意返，外賣盒要收錢的。沙薑雞(半隻)，🐔雞雞好肥美，半隻份量都好多，肉又夠厚，齋食佢都抵。沙薑汁集中喺底，再加埋大量芝麻，好惹味，如果鍾意濃味啲就記得撈匀。雞肉肉質唔嚡，並且唔係用嗰啲雪到無味嘅肉，以茶記出品嚟講絕對係水準之上。椒鹽豬扒，套餐可自選一款小菜，既然另外有碟菜，就梗係嗌肉肉🍖。豬扒爆得好香口，外層嘅乾蒜同蔥係精華所在，相信如果堂食應該更脆更正。豬扒帶骨，不過勝在大大件，而且肉質鬆軟多汁，唔會硬梆梆。清炒時蔬，炒菜竟然係小白菜💚，非常難得。咁大碟菜估計都值幾十蚊，哈哈。雖然係清炒，但唔係白烚，所以都幾夠味，而且啲菜本身幾嫩。馬來炒貴刁($55)，貴刁滿滿鑊氣，最重要係唔油，亦無炒到碎濕濕，唔錯🥘。佢亦落足料炒，包括蝦

疫情之下最好都係外賣，減少感染風險。佐敦一間茶餐廳推出抵食2人餐，僅售$168如，外賣加$6，包三餸一湯，仲有兩杯飲品，兩個白飯，好飽！🌸🌸🌸🌸🌸🌸🌸🌸🌸🌸🌸🌸🌸☘️ 沙薑雞（半隻）👍必食！雖然有人會覺得雞肉唔夠嫩滑，但雞味超濃又入味！肉質比較扎實，但唔會韌，係好傳統既沙薑雞味道，而且都份量夠多！正啊！☘️鹹魚雞粒豆腐煲份量真係好多！用黎送飯一流，鍾意豆腐既你不能錯過！每一口都食到鹹魚味（如果濃d就perfect）最出色嘅係豆腐真係超滑！☘️清炒時蔬🥬均衡的飲食，蔬菜必不可少！是日餐廳供應白菜仔，少油少鹽，清清地夠健康。☘️凍杏仁霜+$3杏仁霜多數係熱飲先至會比較濃郁，呢個凍杏仁霜都keep 到質素，濃郁，味道自然，不會太甜，有驚喜。🌸🌸🌸🌸🌸🌸🌸🌸🌸🌸🌸🌸🌸🌸記得當日食完超飽，晚飯都唔洗食，大食既人都快d試下啦👍

早前同朋友行街肚餓就去覓食，經過白加士街既麗莎餐廳，見到Menu有好多選擇，同埋下午茶幾抵食咁就同朋友入黎食😋😋😋🔹麗莎西多士 $38見到Menu就比麗莎西多士吸引😍😍西多士有4大件，上面唧左朱古力醬同練奶，好邪惡🤣🤣食時時候，入面竟然唔係花生醬，而係果醬！！好驚喜，果醬酸酸甜甜，所以食完唔會好滯好漏！👍🏻🔹麗莎炸雞中翼 $48雞中翼新鮮炸起，上枱熱辣辣同好香😍外皮酥脆，肉質嫩滑😋😋上面有灑調味粉所以好夠味👍🏻🔹蜜椒薯仔牛柳粒 $98小菜有跟一配白飯🍚雖然叫牛柳粒，但係係一片片牛柳黎🤣👍🏻牛柳好軟腍，薯仔幾大粒但唔係入食粉粉綿綿，比較結實

好想念兒時的港式味道！還記得小時候，每次吃鐵板餐，我都會爭著要倒黑椒汁或者燒汁，因為那一陣「Zaaa💥」聲實在太戲劇性哈哈！🤣🤣🤣 這家餐廳位於佐敦白加士街，位置就腳，格局與一般茶餐廳無異，梳化卡位尚算不太擠逼。原本我們只是打算簡單吃個午餐，不過難得見到餐牌上有幾款鐵板餐，就試試鋸扒吧！🌟鐵板烤羊架 $138 配中湯、餐包🍞 因為疫情關係比較少人點西湯，餐廳只提供中湯。雖然喝不到羅宋湯有點可惜，不過我非常諒解餐廳的難處，中湯的合掌瓜湯也不錯啊~ 港式就是把中餐西餐混在一起嘛！😋 羊架烤得很香，皮脆肉嫩，又鎖住油汁，帶著獨特的羶味卻不會讓人太抗拒。🐑🦴我選了配薯菜，有烤薯仔、烤番茄🍅還有一堆西蘭花🥦！鐵板上菜時還很熱，不過只怪我自己顧著喝湯，過了一會兒才倒進洋蔥汁🧅，結果不但倒得非常fail🙈🤣🤣🤣，而且更沒有最想聽見的咋咋聲（哭）🌟粉絲雜菜煲 $68粉絲煲明顯有用蒜頭🧄爆香過，菜和蒜頭的香味是最佳的配搭，值得一讚！雜菜選擇豐富，有兩棵粗菜心、兩棵西蘭花🥦、兩棵白菜仔，更有一些雜菇🍄，用點湯汁來拌飯非常開胃🍚。≡※≡※≡※≡※≡※≡※≡※≡※≡※≡※≡※≡※≡※≡※≡※麗莎餐廳 佐敦白加

之前都有食過餐廳下午茶，今次就比二人套餐吸引，可以外賣攞返屋企食，慳返唔洗煮飯🙈除左有沙薑雞半隻同一份菜之外，仲可以揀小菜，選擇好多，仲要係即叫即整，所以落完單之後店員都叫我等10分鐘左右二人套餐｜$168（外賣加$6）攞到返屋企超過45分鐘食物仲保持到熱🥰份量好足，飯兩大碗，食唔哂留返一碗咕嚕肉好耐冇食咕嚕肉🤤多數去大排檔一定會叫一份，呢到咕嚕肉都不失禮，啖啖肉，唔會淨係得炸粉，食落酸甜帶點脆口，仲有不少洋蔥、青椒同菠蘿沙薑雞（半隻）雞相當入味配飯食一流☺️不過雞顏色比較暗淡，肉質唔算好滑嫩，但呢個價錢同份量合格有餘清炒時蔬是日蔬菜係白菜仔，依家食菜好難同好貴😩有得食已經好好，味道唔會好咸同好油

最近疫情嚴重唯有買住外賣，路過呢間位於佐敦既茶餐廳望落去好多選擇所以決定同朋友買黎試吓😀味道都唔錯，外賣選擇都好多，即叫即整熱辣辣，值得一試乾炒雞扒烏冬 $55乾炒烏冬好彈牙，雞扒份量好足仲幾嫩滑，雖然係外賣感覺都好有鑊氣魚香茄子煲 $68呢個好好味！小菜套餐送白飯例湯茄子唔會煮到溶溶爛爛咁😂餸飯一流😊宮寶雞丁 $68味道唔錯如果可以再辣少少會更理想😍上面仲有好多蔬菜有助中和油膩感😎下次有機會試埋其他野食先