麗姐廚房

Open Now

Now Closed

今日能夠邀請同事一同悉數，到麗姐廚房。之前吃過他散叫的小菜，非常滿意，今次人丁單薄只是三個人，就選擇他的三餸飯。排隊俾錢，每人選擇自己喜愛的三個餸，每位$55。飯及例湯可以添加。我選擇了菜心，素肉椰菜花，蕃茄粉絲，配一個糙米飯，及一個中湯。菜心我覺得炒得比較油。素玉西蘭花，素肉只有三小粒，而且比較鹹咗少少。蕃茄粉絲，應該煮蕃茄的時候落咗糖，嫌太甜。最後我要用熱水，及我的中湯，去沖我的菜心及蕃茄。但係！詩純粹我個人口味，我口味一向偏淡。兩位同事，吃着吃着，很滿意他們的三餸飯，最後，我們三個人，全部食清光我們碟上的東西。其實$55. 的三餸飯（素），可以是一個對於平時比較多吃肉食的人，作每月一、兩次的不錯選擇。但對於我，平時已經食得比較清淡，我就傾向再少油少糖少鹽。重申一點：我本人係比較腌尖，及食得淡味。

麗姐廚房👩🏻‍🍳 終於去到探麗姐啦😚 難得呢晚大家都想食清淡D，啱晒！即興無訂位，唯有walk in 上去等。好彩好快就有枱了😊 可能時候都不早了～坐低叫了壼菊花茶潤一潤燥先～之後叔叔推介了今晚menu無嘅：咖喱薯仔豆腐煲😍 薯仔&豆腐都係favour, 當然要試試🤤🤤有人戒緊澱粉質，所以呢晚唔叫飯了。亦都好彩因為咁，我哋可以試多幾款菜式。因為見到碟飯原來係大大碟的😵 兩個人食完碟飯都應該飽了🙈 一班人來的話必點😎 好抵食喲香煎蓮藕餅呢個係麗姐其中一個招牌餸👍🏻 果然名不虛傳！口感好豐富，好多料，煎得好香口，好食😋金銀蛋浸菜心金銀蛋個芡汁做得好滑，清清的好健康燒汁脆鱔有人掙扎咗好耐，最後揀咗呢個燒汁脆鱔。其實係用冬菇做嘅～ 個表皮炸粉仿鱔魚皮，真係做到小小脆，好得意。大家想食素真係要來，太多款式了。我都仲有好多菜式未試，要再來☺️

聽呢間餐廳已經好耐，首次試食，屬於大家近期很喜愛的三餸飯的Friend。上樓素食，付款後，排隊揀3個齋餸，連餐湯＄55。各人自己有一盤餐的半自助式中式素食餐廳。白飯及老火湯，任飲任食。但我們今日選擇叫餸食飯，食得好啲，但都好抵食，分量多到驚人，建議四人以上，才好叫餸食飯。素碗仔翅，好味！非常大盤而且料頭十足！抵。飲完頭啖湯，已經飽三成。叉燒，麵筋質地，比街外外賣齋鹵味稍為冧身，口感好點像肥叉燒的質地感覺。而且用欖角爆香，增加咗不少獨特的風味，加熱了，增加滋味。呢個值得一讚。我推薦大家試這個叉燒！南乳齋煲，分量多到滿瀉，粉絲豆卜，總之應有盡有。而且唔會太多南乳，不會太過喊。素湯餃子，裏面係蕃茄粟米餡，不知是否粟米是罐頭粟米蓉，本人覺得太甜。而且冇乜特別，反而幾條菜心，有菜心嘅甜味，仲正。炒飯，唔記得咗乜嘢炒飯，但係炒到好濕，麻麻哋。而且炒米粉，是幼身米粉，炒得乾身，大家可以試。煎蓮藕餅，有六件，比較乾略硬，普普通通啦。由於每碟份量都好大，所以食完都已經好飽。如果冇四個人，或者冇男士，要小心啲，避免浪費。總之，大件夾抵食，大眾化價錢，味道亦唔錯，可以啦。

疫情過後，周街都係兩餸三餸飯，普遍都係太咸、太多汁、太多肉。所以我同素食阿媽都好喜歡去食麗姐。阿媽話麗姐做素菜做咗起碼20年，同埋一定喺疫情前己經賣三餸飯囉～每日都有六款唔同嘅餸揀～$55 一個餐可以揀三款，飯同湯都有得添！我地就揀哂六款餸一齊食啦！發現最多人揀係清炒時蔬。唔好講笑，出街食飯邊有咁多菜你食！多到碟都裝唔哂。其他餸菜好似蒸水蛋、蕃茄粉絲、羅漢齋、木瓜煮素肉，有汁好好撈飯，唔會太咸，清清地好好吃！特別覺得香口野好吃！那兩大片炸素魚，入面係腐皮加紫菜，咸咸地，新鮮炸起熱辣辣好脆好好食呀！是日靚湯係霸王花，入面仲有紅蘿蔔同粟米，好清的湯，好舒服～我仲添飲咗！飯呢，入面有QQ嘅薏米，多啲纖維！灣仔返工食飯好去處。日日唔同餸日日來都得啦！

🍭麗姐廚房🍭平野有好野😍😍🤩🤩而間主打素食既餐廳, 環境好似學校canteen咁😂不過野食絕對唔差!! 一D都唔頹, 仲有住家飯味道tim😉每日餸菜都唔同, 六個餸入面可以揀三個😙1️⃣南乳齋2️⃣味菜涼瓜 👍3️⃣炸素魚腐 👍4️⃣蒸水蛋 👍5️⃣沙茶醬千層6️⃣時蔬是日靚湯: 牛蒡湯🍲每一個餸都好多份量, 飯仲有穀物tim🍚 好健康🤩$55 就有三餸一湯 白飯任裝😆仲有家的感覺, 好滿足啊🥰評分: 🍀🍀🍀🍀🍀

講到素菜餐廳，點會少得灣仔麗姐廚房，麗姐廚房近灣仔A3地鐵站出口，需要坐lift或行兩層樓梯即到達餐廳。我哋一班朋友最鍾意透過WhatsApp訂座同點餐，去到餐廳，就可以立即叫上菜。其他食客亦會點當日午餐堂食，或外賣。餐廳環境感覺似飯堂，侍應待客有禮。今日我哋食咗燒汁脆膳（有蛋）$88，係蘑菇整成，香脆可口，配上甜甜地嘅汁， 10分開胃。再叫咗個啫啫秋葵煲（微辣）$88，好惹味。仲有我最鍾意嘅蜜汁叉燒$88，其實就係豆腐乾整成，煙煙韌韌嘅口感食完一粒又一粒。餐廳每逢初一十五亦會特別多人，齋菜選擇多，菜式又唔會太油膩，而且有甜品可選擇，希望大家多多支持素食店啦

食咗好多年麗姐廚房，由$50午餐食到$55，咁多年都只係加咗$5，仲要白飯同湯任裝，灣仔素食來講都真係搵唔到邊間再抵啲。每日午餐個餐牌都會換，首先去counter俾錢買飛揀三樣自己想食嘅餸，攞住張飛去廚房果面拎就OK。想少飯多飯就同廚房姐姐講，有求必應。如果揀時蔬直頭會多到滿瀉😂今日驚食唔晒就揀咗另外三樣餸。南乳齋，節瓜素肉，炸番薯🍠今日個炸番薯冇得頂，香口酥脆。冬瓜湯消暑。大家食完如果有時間可以幫手將托盤還返俾姐姐😆

話說，自從演藝界名人 梁祖堯先生 介紹過這家位於 灣仔-譚臣道-豪富商業大廈 的 💛 黃店 "麗姐廚房 Liza Veggies" 之後 , 餐廳生意非常之好 ~其實本來這家 "麗姐廚房 Liza Veggies" 一向以 "巧手齋菜" 見稱 , 從來不乏捧場客 ....咁樣講 , 如果不是住開港島區 , 又或者係 "路痴" 嘅朋友 , 要找到這一棟 "富豪商業大廈" 並不容易 .... 筆者當天就找到發脾氣 , 發爛渣 , 才找得到 ~午市 三餸飯 (跟湯) : 自選三餸，是6選3 , 湯是老火湯 (可添飲) , 白飯也是可添的 , $55 , 真是抵到爆 ~例湯 : 老黃瓜湯 , 真真正正老火湯 , 材料豐富 , 味道天然 , 是家庭的味道 ~三餸飯 : 我點了 南乳齋 + 沙葛炒三絲 + 醬燒茄子 , 看上去就是非常豐富 ! 南乳齋 , 食材豐富 , 煮得好入味 , 調味得宜 ; 沙葛炒三絲 , 炒得香口 , 沙葛夠腍身 , 非常適合我這種牙力不足的中老年人 ; 醬燒茄子 , 香口惹味 , 少少辣 , 好合我胃口 ~麗姐廚房 , 的確有料到 , 值得推介 本篇完 ~

晚上，9點左右好多舖頭關咗門周圍行吓，抬頭望到麗姐廚房嘅bannerOpenRice嘅食評睇落都唔錯，膽粗粗一個人上咗去食晚餐門口有提示到只收現金同埋6月逢星期六休息佈置以書法畫同植物為主，都有神像在內，環境佈置相當舒服順眼舖頭裡面都幾多座位，環境舒適，夠闊落晚餐人均最低消費為$80首先叫咗壺鐵觀音嘆吓茶先本人就未食過羊嘅（怕腥同唔啱食會浪費）既然確認呢間係素食館，唔會有羊肉，咁就試一試啦我另外配咗碗糙米飯🍚嚟撈吓汁點嘅蘿蔔羊腩煲好快就有得食捧過嚟，侍應幫我揭蓋，啲汁係咁冒泡泡嘅，非常誘人第一時間，當然試咗個羊腩先，咬落去同肉嘅質感非常相似，完全唔覺得係似麵筋或者齋有啲似牛丸嘅口感，都係彈牙好咬試埋啲配料，有枝竹、西芹、白蘿蔔、三色椒。枝竹索咗汁中嘅濃味，帶啲黑椒香，好食白蘿蔔軟硬適中，好清甜，略嫌有些少渣，好味食埋啲細細條嘅西芹，好refresh ，羊腩、腐竹都係濃味嘅情況下，佢有種清新嘅口感帶咗俾我總結，呢個素菜味道同肉食餐廳有得揮，係唔錯嘅選擇，會再嚟幫襯😃

朋友三日選擇咗去麗姐食晚飯，因為訂枱遲咗，只可用食第二輪8:30，我地5人叫左：炸雞髀，牛肉羹，黃花魚，台灣炒麵，鴛鴦餃，魚腐煲(忘記影相)，雙拼馬豆紅豆糕。好經濟實惠。註：只收現金

今餐有食神，去到麗姐幫襯三餸飯午市有椒鹽雞髀🍗（其實係用腐皮卷卷包喺支扮雞髀骨既雪糕棍上面，可以拎住嚟咬好得意）炸得香口食落亦唔油，小小椒鹽調味食得好滋味💓另外兩款仲叫咗蒸水蛋同菜嚟配穀米，份量都好大同埋營養好均衡㗎。一日有六七款嘅選擇，所以唔會好易重複同食到悶曬。是日靚湯就有勁清甜的覇王花湯，好甘香，飲完都好舒服想再飲多啲。呢度仲可以添飯就算食量大啲都唔驚唔夠飽，所以都有好多男士幫襯之前買過佢個竹笙素湯羹，水餃同埋炒飯都超正好好食，又係一個食素好去處。呢度外表裝修雖然係樸實無華成個飯堂咁款亦無損其內涵，食得安心          

呢度食物既選擇都幾多, 而且款式都幾特別, 重點係啲食物都係大大份, 仲要即叫即整, 上菜既時候熱辣辣咁就可以慢慢食唔洗怕啲野擺到凍曬🥰 呢度有毛豆同鹹菜作為開胃小食, 每款$15🙃竹笙素翅羹🍲($98)呢個羹勁足料, 大量木耳絲, 竹笙, 冬菇片, 金針菇, 蘿蔔絲🥕 加埋醋同埋胡椒粉真係勁好味😋雙拼餃🥟($68)本身諗住餃子都唔會有咩特別, 但係兩款餃子既餡料都勁足, 仲要味道都幾有驚喜😍 一款係蕃茄蛋薯仔餃, 食落甜甜地🥔 另一款係梅菜餃, 加埋啲木耳絲食落幾爽口同埋都係甜甜地, 兩款皮薄餡靚, 絕對值得試😋 除左餃仲配左少量既菜芯添🥬黑醋咕嚕🍖($88)平日不嬲都係咕嚕肉既忠粉, 連食齋都唔會例外😂 呢個用腐皮整成既咕嚕肉無論係味道同質感都好似食緊平時果啲咁, 個黑醋汁酸酸甜甜超入味, 真係愈食愈開胃, 連啲蓮藕, 紅蘿蔔, 茄子都勁好食同入味🍆蜜汁叉燒🥓($88)呢個菜都幾有驚喜, 色香味俱全, 色澤同口感同食緊肥叉冇分別, 而且都係勁入味😍😍羅漢齋炒麵🍜($78)脆卜卜既麵配上唔同配料加埋個茨絕對係冇得輸😍芝麻糕🍮($35)最後黎到甜品, 糕點有4件, 可以揀紅豆, 馬豆,

我哋一家年初一慣咗食素，今年無意中搵到麗姐廚房，仲要年初一都有營業！所以我哋決定試下。前一晚打咗電話過去，職員話最好先預訂餸菜，經WhatsApp send 左個菜單我就直接預訂，好方便！雖然我哋對外賣冇太大要求，但今次真係有意外驚喜！尤其係「羅漢齋炒麵」，我哋晏晝去攞，到夜晚食嘅時候麵仲係脆㗎！我哋全屋企人都大讚！我地叫左：- 羅漢齋炒麵- 黑松露牛油果炒飯- 香煎蓮藕餅 - 黑醋咕嚕- 芝麻糕- 斑蘭飽全部都值得一試！又唔貴！年初一食到一餐咁滿足嘅素菜，係一個好嘅開始！以後我哋新年都決定要再去！

而家越黎越多人都開始食素，其實食素除左對身體好，對環境都有大好處，所以平時食飯都盡量多菜少肉，呢間素食私房菜，地方好闊落，每枱都有自己空間，食物好食加有新意，唔係出面食到既菜式。 🍴椒鹽炸雞脾$38個賣相真係超似雞脾🍗！其實佢係好多層腐皮繞住雪條棍扮既，椒鹽好惹味，但又唔會過咸，因為包係入面既腐皮可以中和返味道。超正！🍴台灣炒米$78俾佢menu既介紹吸引而叫既，寫住有好多配料，有素叉燒、素餐肉、銀芽、冬菇、椰菜、蛋，真係好豐富。米粉炒得好乾身👍亦都唔會太油，素叉燒同素餐肉好似真既一樣，好神奇😆🍴斑蘭包$68雖然蒸包會有d飽肚，但其實佢size唔係好大，都可以當佢甜品咁食。出面未見過用斑蘭汁整既包，賣相好吸引好靚，味道都好好阿🤤好軟熟，斑蘭味好香，甜度適中，食晒都想繼續食阿。呢間素食餐廳真係好好食，素食唔再係好寡好悶既代名詞喇，對未食過素既人黎講，真係可以踏出第一步黎試下。✧٩(ˊωˋ*)و✧

老闆娘開店=做善事近期食齋係openrice留意到呢間店，好近地鐵站。午市好多捧場客，堂食/外賣都多。叫左三餸飯，55蚊大大份，白飯例湯任加。賣相味道都好好，絕對平靚正，超有良心老闆，灣仔區必去齋店。祝老闆身體健康，生意紅紅火火。