LM Cafe (Closed)

今日同朋友去觀塘覓食，見到龍門冰室，好似幾出名，決定試下，結果真係冇令我地失望😍我地叫左個白酒蜆肉意粉，牛油帶子意粉，兩種意粉都好香，好有口感😍我地都鍾意牛油意粉嗰種味，好香😍飲品方面，我叫左一杯latte鮮奶咖啡，雖然咖啡味比較淡，但杯野飲好滑，好好飲!!!之後，我地仲叫左2個甜品😛叫左個原味窩夫配綠茶雪糕配朱古力漿配藍莓toppings😛另外，亦試左個班戟餐，可以揀2款雪糕同2款漿揀😍雖然叫甜品之前，我地已經有少少飽，但食完個甜品仲覺得唔夠猴😍2個甜品無論係外觀定味道方面都係一流😛另外，呢間餐廳嘅裝修同服務都好好，侍應嘅服務態度都好好👍總括而言，呢間餐廳性價比極高，好值得一試👍

話咁快又係TGIF，無食不歡嘅我緊係約埋朋友去覓食啦!朋友係觀塘放工，我地就地取材，試下佢平時唔會試既野~佢話想去駿業街日昇中心試下，因為平時LUNCH排長龍佢連逼既動力都冇。最後我地揀左龍門冰室，聽佢同事講CP值幾高。入到去個氛圍唔錯，人多又熱鬧。饑餓心切既我地係慣常快速地叫左D岩口味嘅野食，再慢慢欣賞餐廳嘅細節。餐廳LOGO同埋裝飾西式懷舊得黎又有香港人既味道，又幾有親切感。同朋友傾下傾下，野食逐樣上陣。打頭陣嘅係鐵板餐送嘅凱撒沙律，都幾新鮮，醬汁調味酸甜度適中，好味!個餐仲有羅宋湯，雜菜份量夠多，辣味都夠，湯汁又唔太濃，唔錯。一路享用緊美食個陣，鐵板既JAJA聲傳入耳裡，我就知道我點嘅鐵板爵士西冷扒拼香草腸+薯菜隆重登場。淋上黑椒汁嘅鐵板散發緊強焉黑椒香味，纏繞係鐵板上面嘅各種食物。薯條香脆鬆軟，香草腸皮脆內軟，鐵板西冷肉質香嫩，配以黑椒汁激發濃郁香，再食番啖蔬菜中和濃烈口感，認真唔錯!再接再厲嘅輪到黑松露芝士焗雜菌西蘭花新鮮嘅西蘭花同蘑菇蓋上邪惡嘅半溶拉絲芝士，加上相對份量嘅黑松露，香味十足，好食!最後出場嘅係香蒜牛油帶子意粉。表面煎香微焦嘅帶子處理得相當不俗，意粉整體熟度、軟

星期五放工就過嚟食 近近地環境又夠大😚白酒蜆肉意粉有羅宋湯，有前菜沙律，仲有埋個意粉。羅宋湯大大碗，清清地都幾啱飲。白酒蜆肉嘅蒜蓉味好重，一上碟就已經聞到蒜蓉香，意粉撈埋啲蜆肉同白酒，意粉好香，意粉質地煮得啱啱好，唔會太硬同軟。入面啲杏鮑菇都有好香嘅蒜蓉味。水牛芝士番茄沙律🥗水牛芝士同蕃茄圍成一個圈，沙律菜新鮮，撈埋芝麻醬，都唔錯。水牛芝士圓轆轆，成個波咁都幾得意。芝士焗西蘭花其實都幾大碟，西蘭花🥦有好多芝士圍住，識落會有啖啖的芝士鹹味同西蘭花，連啲杏鮑菇都會有芝士味，焗完嘅芝士更加突出佢嘅咸味。蜜糖雞翼$38有六隻雞翼，每隻雞翼都好大隻，感覺好抵食，啖啖都係肉，蜜糖嘅味道不過不失。青檸綠茶🍵次次黎cafe，都好鍾意飲茶，最鍾意嘅玫瑰花茶嗰日冇貨，就叫咗青檸綠茶🍵。估唔到味道唔錯，飲落去有青檸嘅香味，清新既感覺。

我比佢門面吸引左！好多menu 好多選擇2個人叫左2個set同埋一個小食 1664 買二送一呀😍 勁抵 跟餐有前菜沙律同羅宋湯個湯味道ok 好多菜👍🏻沙律係黑醋汁 好開胃叫左呢個傳統英式早餐薯餅新鮮炸👍🏻 腸仔口味特別不太咸👍🏻炒蛋幾滑👍🏻炒雜菇調味不錯 黑椒味道濃👍🏻仲有叫左黑鈆露雜菌玉子燒配炸蝦撈丁玉子燒真係唔錯 入面蛋心好juicy 蛋皮亦煎得好香中間包住黑松露雜菌 其實配蛋好夾👍🏻 炸蝦都ok 炸粉唔厚 隻蝦都彈牙 而撈丁真係唔錯 雖然唔多汁 但係佢落左小小油 啲麵唔會痴埋一舊 小小汁已經好香好好味 👍🏻蜜糖雞翼 有6隻 隻隻都好大隻👍🏻 烤得幾好 蜜糖汁都好惹味🤗

星期五晚就梗係要食翻餐慶祝下放假啦，今日去到老遠試下呢間LM cafe皆因上網見到都話抵食。星級雜扒鐵板（$95）裡面有牛扒、雞扒、腸2條、炸帶子2粒、同三大朵西蘭花。牛扒同雞扒都係大大塊，而且肉都係捻身既。配菜我地揀左薯菜，粗薯條熱辣辣，份量多。雜扒餐還有配餐湯，蔬菜湯酸酸的，不算特別濃，但也不淡，微辣，挺開胃的。白酒蜆肉意粉（$72）蜆肉的份量很多，吃起來也很香，但是意粉偏乾。意粉還配有沙律和餐湯，但是沙律就只是一碗菜啊我們還另外點了個黑松露薯條（$38）薯條的粗度和麥當勞的一樣，份量挺多的，配有一小碗茄醬和黑松露醬，黑松露的味道很濃郁。飲料我們點了龍鳳檸樂（+$6）就是普通的檸樂咯，另外還點了他們的招牌熱巧克力（跟餐）喝起來真的很像自己在家用巧克力塊和牛奶泡出來的味道，苦甜苦甜的，不錯。甜品還沒來，我們桌面就已經滿滿的都是東西了原味窩夫（$48）因為點的時候雪糕賣完了，所以給我們送了一杯提拉米蘇，但是味道就很一般。窩夫雖有蛋味，但是比較軟身。整體來說價錢和份量是很划算的，像我們這樣兩個人，從沙律到主菜、飲料、小食和甜品全都有，結帳都只要$259，還超級飽。但是呢，對質量的要求就不

最近同朋友係觀塘返學，所以返學前就試試觀塘既野食。。。呢日本身想食南記，但因為太多人，行後少少見到呢間cafe又幾平喎又吾洗等位。。。就試下佢先，我地叫左兩個餐，呢個三重滋味餐先係45蚊，有咁多野食。。。好似好抵咁，本身想叫咖喱牛腩飯，但可惜佢賣曬所以最後叫左瑞士雞翼，窩夫配士多啤梨同咖喱汁豬扒意粉 加 凍o茶講講食物既質素先。。。。相信大家睇相都睇得出，咁只可以叫食得飽你。。。。但完全冇美感可言，雞翼好似老左成日咁。。。。窩夫比意粉仲要早到。。。。係吾熱既。。。。咖喱豬扒意粉就正正常常我朋友就叫左呢個玉子燒餐，佢選左咸牛肉芝士玉子燒配雞翼，係個玉子燒冇咩芝士味，質感都幾好，燒汁都ok餐廳既凍o茶，茶味不足，但夠曬冰凍埋單兩個先係104蚊，抵呀，仲吾洗加一

同朋友去開觀塘做野，見係差唔多食飯時間，行過又見到哩間餐廳望落幾有特色，似係D新派荼餐廳，就入去試一試。可能時間較早, 我地兩個人安排坐係卡位位置，D位都相當寬敞，冇咩間隔，所以空間感好大。餐牌食物好多元化，由最基本的荼餐廳常餐系列，到港女最中意既pancake同waffle都有。叫左個黑松露雜菌玉子燒套餐，可以揀一個小食，配飯/意粉/撈丁。黎到份量好大碟，雞翼仲要有三隻，包埋野飲成個餐都係$55，真係性價比超高。個玉子燒好juicy,配埋飯一流，雞翼要特別一讚，外脆内嫩，好入味!我地仲叫左兩個小食，一個芝士煙肉焗著皮，同一個黑松露芝士焗雜菌西蘭花，味道正常，鐘意食芝士既就可以試下!!另外，野飲方面我地叫左個「地中海之戀」花茶，個茶壺同茶杯好靚，岩曬影相用，而且可以不停refill，如果係同朋友傾計聚會hightea，就真係岩曬。最後，見好多人都推介窩夫，我地都叫返個窩夫做甜品，甜品再配埋花茶真係一絕!窩 夫果然名不虛傅，我地揀左原味，有好香既雞蛋味，而且軟軟的，兩個人食份量非常充足，重點係甘大份都係$48, 比平時食既窩夫價錢平一大截，推薦!總結，平靚正多元化之選!!!

晚上時間和同事到龍門冰室用膳。叫做冰室但似茶記格局！人多要搭枱，坐下後良久亦無人理。 睇餐牌都不知道想吃甚麼又正在毫無頭緒⋯⋯眼見附近兩枱食客都來一碟土匪雞翼丁麵自然效應告知 - 我們也應來一碟吧！朋友跟炒丁麵，我就跟炒烏冬首先見到朋友果碟賣相都唔錯喎！佢亦食得好滋味！我碟烏冬真係製作需時！朋友碟炒麵幾乎食完我碟先來！首先我也知道什麼叫土匪雞翼應該不是土匪發明的只知道最重要的調味香料這裡的土匪吃得出用五香粉！孜然粉等香粉醃製！帶點黑椒味道，非常惹味。肉質亦焗得皮脆肉嫩，熟得剛剛好！上桌時香噴噴熱辣辣，可能黑椒過多麻辣味道即時刺激味覺舌頭亦麻疪起來！（純粹個人口味）此雞翼過辣了！有點想半途而廢，唯一飲嘢解辣！炒烏冬略油，調味可以嘅！椰菜絲似乎可以加多一點環境衛生情況都算過得去。連凍飲每位$48！晚餐算平

今天在Apm 商埸看完電影接近六點當時商場的餐廳門外都排滿人潮。我地大家都醒起行兩條街。駿業街裡這間cafe當時入到去有大量卡位...但全部都已經留坐。只有揀中央長枱坐..睇咗一陣餐牌叫左兩個焗意粉！茄汁雞扒意粉。我就食咖哩雞扒意粉！吾算等太耐，十分鐘就有。焗意粉已到，即使等得不太久。焗意仍能保有應有的質素。第一溫度是夠.第二上面有點兒芝士好像焗焦一樣！帶來陣陣焦香，實屬應有的質素。我的咖哩雞扒意粉多了幾分椰香。雞扒原整一塊切碎了。雞皮也不會太油膩。下面的肉也不會焗到乾身及鞋口。雞扒帶點香料的香。肉質柔嫩鬆化。水準不錯。芝士味道濃郁，咖哩汁香濃惹味。意粉伴著咖哩醬惹味突出！微辣得來帶點小刺激。朋友的茄汁雞扒意粉我都試少少。個汁酸酸甜甜都幾好味。店內員工人數不少，大家都很忙⋯⋯來來回回辛勤工作..埋單兩份意粉連凍飲唔洗$100 認真超值

冇一樣好 服務態度惡劣 唔知點解做職員可以做到咁 佢老闆真係要多謝晒佢d員工幫佢趕客 比d碗仔我地 我見有油漬 我叫我朋友用紙巾抹一抺，唔係咁都唔會知一抹成張紙橙色既 上一手d唔知湯汁定咩咁，同佢講「好似唔係好乾淨」已經算婉轉左之後佢話冇wor 得碟咋wor !好 碟咪碟囉 其實我地係冇咩所謂 ，但佢d碟全部崩既係三隻都係崩既！野飲係冇糖既 ！我叫既係兩杯凍朱古力同一杯cappuccino 但係全苦一d甜味都冇！好聲好氣問 唔該可唔可比糖漿或者蜜糖果d加一加 ？佢答 你頭先叫果陣唔講要加 冇嫁wor!我地呢度係咁 你唔講就唔會加 ！但我叫果陣佢冇問過我要唔要囉.平時d餐廳叫走甜就話會唔甜姐！未聽過人叫野飲要專登叫要加甜囉！！真係好好笑垃圾

呢次用餐系最谷氣嘅一次，首先佢比嗰啲塑料碗污糟到暈，用紙巾抹系啡色嘅，諗住再叫侍應比杯熱水淥下去，點知一嗌就問我地(點啊?)勁唔耐煩，咁小事我地本身都唔太在乎，跟住我地3個女仔叫左2個餐1個小食，咁首先有個人黎左一碗湯拉，之後有個肥肥地嘅侍應又拎左碗湯黎，再問系未你地嘅，咁我諗住叫左兩個晚餐，你又拎得黎嘅應該系拉，未答佢系囉，點知佢隔一陣走埋黎態度好差咁話唔系你地架，一下收左碗湯去!叫左2杯朱古力奶同1杯cappuccino，3杯都冇甜嘅，問佢點解佢話要另外order,話本身佢地餐廳嘅cappuccino喺一啲甜味都冇嘅 ,但原來可以選忌廉嗰啲配料落單嗰時又唔講，又冇寫!不過講兩講佢都肯換個杯，野食黎哂，個炸雞都未黎，突然又話冇哂炸雞咁我地改雞翼，食哂啲野，叫埋甜品再等多幾個字，先走黎講雞翼焗爖咗，仲要系最後一份，唯有取消。最後加啲對食物嘅評價，燒玉子根本整到同炒蛋冇分別，不過啲意粉就ok，甜品就唔好浪費錢拉，個班戟又厚又硬，麥當勞好食好多!絕對唔會再黎多次!p.s我地態度非常好!食到最後都冇話過佢地一句!

好不容易捱到星期五，約左朋友仔食餐好嘅慰勞下自己嘅胃同心靈，觀塘區多美食，今次就黎左LM cafe試下。呢間店名嘅LM stand for 龍門，入面燈光偏暗，有cafe嘅感覺，但呢度嘅野食又有茶餐廳風格，都幾有趣。我同朋友仔叫左個吞拿魚玉子燒配炸蝦撈丁、四式芝士意粉同埋芝士肉醬焗薯條，野飲就叫左抹茶latte。四式芝士意粉跟沙律同餐湯，意粉嘅芝士味好濃厚，醬汁好濃郁，要趁熱食，如果唔係好易結成一團，味道唔錯，但一個人食一盤好易膩，我地2個人share就啱啱好可以食哂。我真係超推呢度嘅玉子燒餐，大份又好味，超級正! 呢碟吞拿魚玉子燒一上枱令我同朋友仔都呆左，份玉子燒係同隻碟一樣長咁滯，有我隻手咁長，寬度度都有近半隻碟，好誇張!切開入面一睇，餡好足，好多吞拿魚，D芝士係會慢慢湧出黎，散落係舊玉子燒周圍，味道好濃郁，好滿足! 炸蝦都好香脆，撈丁嘅面煮得唔錯，面質好爽，成個套餐好味好抵食!另外仲叫左個小食，芝士肉醬焗薯條，好邪惡但好好食，肉醬份量相當多，足夠全部薯條都可以有肉醬相伴，中間嘅部份比較濕潤，有小小肉醬薯蓉feel，呢個都係要趁熱食，凍左佢嘅油感會比較重。題外話，上餐果時waitr

工作關係搞到去左呢頭附近收工，所以睇下呢頭有咩好食，搵左陣就發現呢檔龍門冰室初頭以為同屯門龍門居宵夜檔食既野差唔多，一睇menu先知原來係食西餐入面環境都幾闊落下，坐得都幾舒服話咁快就落左單，首先黎左碗羅宋湯，個碗幾搞野，當揸住個杯咁飲都得味道方面，佢本身已經落左黑椒，所以個湯已經有一陣辣味，唔使另外再落胡椒粉沙律就不過不失，食完夠晒開胃之後黎左第一份小食，肉醬薯條！！！一d都唔小，好足料下！！！薯條mix埋d芝士肉醬，簡直食到停唔到口重要只係$28之後黎左個咸牛肉奄列撈丁，個丁就普通冇乜特别，但係個咸牛肉奄列就非常出色，入面唔止有咸牛肉，重有d蛋漿之後就係鋪頭既熱門晚餐，蒜香帶子意粉！帶子夠鮮甜，意粉炒得夠乾身，配埋d蒜味，無得頂之後叫多左份蜜糖雞翼，唔會好似平時bbq咁落得太多蜜糖搞到甜得濟，唔錯唔錯最後叫左一杯紅豆冰同一杯凍檸茶

黎開觀塘做嘢，順便搵埋嘢食！逃離大型商場，去側邊嘅工業區行下，見到一間茶餐廳餐牌都 幾多嘢食，價錢又經濟實惠，一於入去食！望到隔離枱有一碟滿滿芝士嘅嘢，唔知係咩嚟，於是問店員。店員話係芝士肉醬薯條，好吸引呀！！自己都叫碟先，果然...一上枱就香噴噴好大兜肉醬薯條呀！個面鋪滿芝士，入面就充滿肉醬加炸薯條！感覺好邪惡，但係又超正喎！食過包你停唔到口！另外再叫咗個芝士撈丁成pat芝士汁， 撈埋啲公仔麵食啖啖都係芝士！ 鍾意食芝士嘅朋友應該會覺得好爽。

今晚同男人黎到觀塘街市對面既地方，開左好多間食肆，簡直係依一區新既食堂好地方。黎到依間，門面已經放左好多餐單既海報，好多種類，就試一試。樓底都算高，雖然幾乎爆滿但都唔算好嘈。一大本既餐牌，裡面包含既種類好多，有飯有意粉，有焗既有鐵板，有小食有玉子燒，有甜品有酒搞到都揀左好耐。玉子燒餐，好少見到餐廳會有依個配搭。一種口味既玉子燒跟配料同意粉/飯/撈丁，加埋飲品，都係55蚊，抵食叫左個黑松露雜菌玉子燒，配炸蝦跟撈丁。炸蝦都有3大舊，剛炸起，仲熱辣辣，炸粉唔會多，啖啖肉。撈丁唔會過軟。玉子燒一切開就聞到好濃烈既松露味，菌類超多，啖啖都食到，蛋唔會過老。比起出面專門店有得fight。再黎，星級雜扒餐，超級超級大份夾抵食。裡面有西冷扒，雞扒，英式腸，煙三文魚，炸帶子，跟餐湯，配飯/意粉/薯菜，仲有埋野飲，都係$95羅宋湯酸味剛好，仲有好多雜菜，開胃。巨型餐，每份肉都係厚，又唔會過淋，加左龍蝦汁夠惹味。炸帶子仲食得出個鮮味。英式腸香草味，味道唔錯。配薯菜，薯條份量超多，仲係脆口。飲品，特別加錢叫左杯latte macchiato, 咖啡味夠出。最後忍唔住叫左個甜品甜品係另一個胃嘛叫左個朱古力窩夫加