老趙越南餐廳(大頭蝦專門店) (Closed)

（老趙新店）　唔明點解約出來食飯要有理由？想約朋友出來食飯，閒聊一番，這理由足夠麼？　是晚約了姨姨出來吃飯，談談近況，於是來到老趙，貪其就腳。走到山林道，見到老趙開了分店，門面較舊舖Sharp了不少。和姨姨出來吃飯，有個不成文規定，就是必揀一間十年先來一次的餐廳，因為．．．對方不是善男信女，每每談到興起時，爆杯反檯的機率達百分之八十，不想被列入黑名單，只好龜到店的一覺卡位坐下。　「點解咁好搵我食飯呀？失戀呀？哪．．．先旨聲名，籌旗免問」，又係例牌的開場白，姨姨，朋友嘛，出來吃個便飯，不用理由吧？失戀的話，偶打去「絕情谷」，無錢更唔會係黑衣兜拿飯食呀；對方見無危機感下，才乖乖的就坐，唉，人大左真難侍候。　餐牌每份有兩張，唔明一個唔識點菜既人，拿著兩張餐牌，對餐廳會什麼貢獻？差不多要爆杯，才能在對方手中奪過餐牌來，唔理對方反對，一口氣叫了軟殼蟹、燒大蝦，雜錦串燒，其中最有難道的，就是雜錦串燒，原因如下：　惡男：「有無雜錦串燒？」　侍應：「新店無呀。」　惡男：「唔係呀，偶的朋友試過新點有喎。」　侍應：「舊店有，你朋友食既，應該係舊點運來。」　姨姨：「咁我係想食呀！（快要爆發）」　惡男：「

個日同女朋友行街, 行到肚餓, 剛好見到老趙, 咁就梗係去食番碗生牛肉河, 我女友叫左香茅雞中翼湯河, 再叫了春卷同一杯越南咖啡.先講碗生牛肉河, 一個字…正呀,湯夠濃…牛肉唔會太少.. 但d河粉就少左d, 男士可能唔多夠.香茅雞中翼湯河就做得唔錯﹐雞翼又香又熱﹐脹卜卜咬落去啖啖肉﹐肉汁亦保持到, 係即炸既, 所以就要等一陣. 而且d河粉好滑, 同普通個d10元一碗個d唔同, 唔好淋哂.越南春卷很香脆, 份量亦比想像中大和多料, 吃起來香口討好咖啡都好香.

想試左好耐，終於有機會，坐低叫左1)馬拉盞炒通菜–好味2)咖哩炒蟹–蟹好大隻同新鮮，好好味3)香茅雞翼–有肉汁，好味4)菠蘿炒飯–OK5)蒜茸包–OK雖然好味但味精幾重，食完幾口渴。D位幾迫，我地坐左最近廚房出菜位，經常性比侍應撞椅，幾煩！

星期日約了朋友去品茗，之前來了這裡食。我們叫了熟牛肉粉、香茅雞翼飯、香茅豬肉飯、鮮蝦檬和香蔥豬肉蝦片。熟牛肉粉- 朋友話好新鮮、唔韌又好味。香茅雞翼飯- 雞翼好入味、炸得剛剛好，香茅味也不錯。香茅豬肉飯- 豬肉幾入味，唔會韌，也算幾好。鮮蝦檬- 蝦唔多新鮮，味道一般。香蔥豬肉蝦片- 蝦片很脆，豬肉比較韌，麻麻地。味道不會太好，但也算不差。飽肚的一餐吧了！

在山林道老趙斜對面, 開間老趙(大頭蝦)專門度,大頭蝦套餐同散叫價錢差不多,只多了甜品送. 菜式有:炭燒大頭蝦拼盤: 有大頭蝦２隻, 栗米, 綠豆餅, 濱海大頭蝦比越南食到的細隻, 蝦肉同蝦膏味道普通, 惟一優點係成隻蝦都唔到蝦屎, 拼盤其他都係普通北越牛肉粉- 有牛肉, 牛丸, 湯夠味, 算唔錯家鄉蒸米糕& 甜品(糕) - OK 啦整體來說, 大頭蝦冇乜特別

　　昨晚八時十五分左右一行五人於山林道覓食，有人提議去老趙一試，也就推門而入。一路的招呼都不俗，而我們每人「只」點了碟頭飯，我點的是沙爹牛肉飯。　　數分鐘後便上菜！一眼看到，沙爹竟然水汪汪的，用匙一滔，有些花生碎，可能是想改善質感？牛肉用的是肥牛，咬下去卻無味無道的。分開上的白飯水份太多，更有多少隔夜飯feel。可能這就是正宗越南風味？　　吃完後伙說快手快腳收好東西，未幾，又來了六七個年輕客人，由於當時滿座？有個大嬸笑笑口走來跟我們說:「呀，你地唔叫o野架啦呵？」既然她如此請我們結帳，也就不好意思久留，出到門口看看手錶，剛好九時已矣。　　真係請我都唔會再去。

見「飲食男女」介紹得幾好咪去試下囉，結果又係「瀨野」收場，先試個燒大頭蝦餐$98，兩隻蝦都好細，蝦頭有膏（大頭蝦個蝦頭都冇膏就死得人啦），蝦肉爽口，但係味道欠奉，直投乜味都冇，o徒氣！套餐跟兩支半截粟米同椰汁綠豆飯團，飯團甜甜地似甜品多Ｄ；唔順氣叫多個辣椒膏炒大頭蝦$98，餐牌張相有4 隻，上到檯原來實際祇得一隻，size 比套餐大隻Ｄ，叫做有返Ｄ辣味，不過$98 真係完全唔值；迷你春卷唔夠脆，以走趙水準黎講算唔合格；蟹肉蛋黃盒，老實講，賣相唔多掂，望落似朱古力西餅，食落質感都似西餅，味道本來應該都幾鮮味，可惜當晚整得好鹹，失敗；香茅雞中翼，一碟有六大隻中翼，雖然祇係普通野，但已經係當晚最似樣既一碟，三條友飲左兩個椰青加一杯鹹檸檬七喜，埋單咁就六舊幾水落樓，我諗呢個價錢o係山林道會有更多好選擇。新店裝修得幾骨子，不過我建議唔好坐卡位，卡位係木櫈加咕𠱸，硬掘掘坐得好唔舒服，我仲黑到坐著個冷氣滴水位，可見新店執漏功夫仲未做好，侍應全部新人，原本有幾個女侍應招呼都算幾好，可惜埋單個陣時俾另一個肥妹大聲喝左一野「喂！張單唔好簽呀！淨係簽張VISA 得啦」，服務分即刻打返個折扣。

1)春卷2)香茅牛肉濱海3)紫蘇蟹肉炒飯4)馬拉盞炒菜睡眠不足, 食不知味just okay and nothing special

鼎太豐:小龍包出乎意料外賣凍左都好好食,蟹粉,鮮蝦,豆沙...etc.牛肉面好食(要趁熱),孫辣湯試得過(我叫少辣)黃加沙:清湯魚翅(detail forgot)算好,東皮肉,沙查鴨,鵝肝(鵝肝應該係平野...)...多味精,ok la老趙:軟殼蟹,燒大蝦,春卷,甘蔗蝦,越食越好味...蒸粉皮包...etc.點春卷既魚露用來點大蝦...燒大蝦,甘蔗蝦都super good粉面無試過見好多人叫,應該好食!!??邊間泳黎園好食... havent try it!!??

昨晚同朋友到山林道的老趙吃晚飯，誰知去到山林道竟然有2間老趙，因自己站在新鋪門口望著舊鋪，於是就問新鋪的侍應小姐2間有何分別？侍應小姐話2間都是同一個老板，不過新鋪就多D嘢食，於是我同朋友就試新鋪啦。點知一望Menu，只有3張過咗膠嘅A4size嘅紙。完全唔夠食及好多正宗的越南菜都冇，好奇怪。後來，要問才給我們舊鋪的Menu(記著一定要問至比)，點了菜後，侍應還提醒我們，他們的廚師會盡量做給我們在舊菜單上的order，真唔知個侍應講乜，後來先知新鋪個廚師，唔識造舊鋪Menu嘅菜，等咗好耐，D嘢食終於到(但發覺原來是舊鋪送過來的)，不過味道OK好。到了戲肉，我們飽餐後叫埋單，取張信用咭找數，點知個話唔夠$200元不接受信用咭，大佬，兩個人食仲要女仔食，2個檬、1個炒什菜加1個春卷，其實已經好夠但又唔到$200元，點算。2個人咁橋又無$200元現金，於是要朋友到外面扲錢(真醜)，留下我一個人，緊係同個侍應發難喳啦，根本無告示比人知若唔夠$200元不接受信用咭。點知佢話，告示已經在收銀處貼咗，不過唔係係人都見到啫。如果你想簽咭，可以幫你同收銀講，就可以。真係比佢激到眼淚水都出，不可思疑！

春卷,蒸粉包,雞翼都合格,但是菠蘿抄飯就不合格,朋友們都覺得有陣怪味,馬拉盞炒菜完全冇馬拉盞味,越式炒粉絲,居然是用美極炒出來的=.=侍應招呼都不錯,最後還送了我們糕點,我還可以嘗試到沒甜味的甜品.

大路食品，如：香茅豬扒、咖哩、蒸粉包、水晶豬肉卷…相當有水準。紅飯雖油，但值得一試。個人最喜歡「七彩凍檬」，因為配食的魚露超正，不可不試！位置唔夠方便，但一年都會來兩三次，為的還不是那些較有水準的越南菜。環境、服務有待改善。

尋晚加班到9點﹐跟同事3人去山林道老趙食晚飯。去到唔需要等兼且有好多位﹐似乎“老趙”的大名已經不復當年勇。叫左咖喱牛腩煲﹐蒜蓉包﹐炒芥蘭﹐豬肉濱海﹐春卷同雞翼。咖喱牛腩煲上得最快﹐落完ORDER唔夠5分鐘就有﹐好彩味道都算唔錯﹐椰汁咖喱夠香﹐整體上亦夠熱。其實咖喱唔怕預先整好﹐只怕上檯時唔熱。蒜蓉包亦差唔多時間送上﹐否則就得個睇字。唯一可惜牛腩比較“散”﹐要扣返少少分。食完覺得蒜蓉包其實麻麻地﹐比較細件亦唔夠蒜香﹐早知要普通法包好過。豬肉濱海份量足﹐用作包濱海的生菜同香葉亦算新鮮﹐但米粉團就應該係預先擺定落碟的﹐已經定左型﹐頗“實淨”..包起上黎有少少困難。最後放棄生菜包的食法﹐只將所有料放入碗中再落甜酸魚露撈勻再食﹐一樣得﹐又方便。春卷夠脆又夠大但味道較淡﹐想好食要靠越南菜之寶-- 魚露。而由於春卷SIZE 較大﹐新鮮生菜又脆﹐所以同濱海一樣係難以包住黎食。越式春卷我都係比較喜歡較小型的。香茅雞中翼就做得唔錯﹐又香又熱﹐脹卜卜咬落去啖啖肉﹐肉汁亦保持到﹐成晚最好食係呢樣。炒芥蘭就水準一般﹐唔算差但又無甚特別值得推介的理由。連啤酒﹐埋單約$300。講貴唔算貴﹐亦唔係難食﹐比起兩年前我最

週末二時許約同朋友來一個遲來的午餐, 讀書時代已對越南食品有點偏嗜, 先點了一個特別牛肉粉, 其中包括了生熟牛肉, 牛筋等等, 牛肉味和肉質討好, 但湯底略嚴偏咸過濃; 越南春卷很香脆, 份量亦比想像中大和多料, 吃起來香口討好; 香茅豬扒凍蒙粉亦份量不小, 豬扒香口薄身, 凍蒙粉則表現一般; 串燒中蝦濱海, 一碟共五隻中蝦肉質一般但香蒜味道不錯, 濱海比想像中結實, 加上魚露味道亦香甜十分討好. 最後點了一個越南咖啡, 一邊聊天一邊等待咖啡滴漏, 咖啡偏於濃厚但香氣薄弱, 而且滴漏咖啡器好像不太清潔. 服務有禮貌但上菜速度時快時慢, 吃起來有點不自然, 環境只是一般但地面階磚好像有點油膩, 行起來很容易滑倒.

都唔係第一次幫襯五人食六人套餐,好味道,夠飽,但略貴牛肉鍋,蔗蝦,正!越南啤無乜特別.服務無乜唔妥窗口d燈勁閃,好q煩