老趙越南餐廳(大頭蝦專門店) (Closed)

月前和朋友人共四人在這裏吃晩餐。這新店裝修比舊店摩登雅緻，但座位頗迫，而且挺嘈吵，絕非聚舊談天的好地方。免傷腦筋決定點套餐。雖然是大頭蝦專門店，但大頭蝦套餐的菜式不甚吸引，故沒有試。我們的套餐本包一份炒蟹，但因新正頭蟹貨未返，店員讓我們另點兩個菜代替。先上桌是蝦丸濱海，蝦丸香口彈牙，濱海味略淡，而且以前菜來說份量頗多，吃剩了一點。咖喱鴨我們改了咖喱雞，沒有泰式或印式的濃濃香草味，但仍算惹味，伴蒜蓉包吃不錯。炒蟹變了炸軟殼蟹和炒青口，軟殼蟹只一般，青口則不錯，大大隻也不鞋口。蕃茄豬手湯粉，湯雖沒有濃郁蕃茄味，但亦不錯，豬手切了片仍不失爽口。套餐還包一個炒菜和家鄉砵仔糕，後者味道很淡，口感黏黏的，大家都不甚欣賞。另外每人點了一杯飲品，每人百多元，以越菜、環境、食物質素來說，而且還要等位，好像不太抵。http://home-and-garden.webshots.com/album/557870305JNEyhs

和friend去了一次lunch,覺得很好吃,所以帶了我的老公去吃晚飯,還是覺得很好吃,好耐沒試D咁正宗的越南菜.但可惜乾淨程度麻麻,杯茶有椰汁味和唇膏!幾核突.

07.01.09 老趙越南菜@尖沙咀這天跟友人們到這裏吃晚飯６點多到這裏先拿位子等他們到７點巳經座無虛席我們點了：- 最出名的札肉檬粉- 咖喱牛腩配法式麵包- 越南拼盤(四人份)- 雞絲撈檬粉- 香蒜牛柳粒- 甜品：椰子汁糯米飯札肉果然名不虛傳，鬆軟有口感，不像外面賣的札肉，打了很多麵粉進去咖喱汁香濃不膩，用法式麵包沾來吃，滋味非常！香蒜牛柳粒熟度適中，不會太老，很不錯座位很窄，跟鄰座很接近不能在這裏談私人事而且在門外排隊的客人很多讓你不好意思吃好了卻一直還在聊天http://www.wretch.cc/blog/foodiebarbie&article_id=6297787

好難得媽媽提出要試新野,所以咪黎試0下啦兩個人叫左: 香茅雞翼--香茅味唔錯,不過雞翼就唔夠滑,媽媽就略嫌d香茅味偏甜左d d 蒜蓉焗青口--全晚最失敗之作,青口拿來已經唔熱,而且蒜蓉唔多夠咖哩鴨煲--呢個反而幾好,個咖哩汁幾香唔太辣蒜蓉飽--有8片,好彩都係細細塊,兩個人都食得晒,唔熱,不過幾脆糕點拚盤--幾好食!!不過最細都要4人份,點解唔出2 人份ga 呢?? 呢度個格局有d茶餐廳feel,但d 野食唔算平,食物質素又一般,埋單$240黎講0係尖沙咀有好多其他選擇

暑假之後到依家都未食過越南野,見上次食左都幾好味同幾好服務ge老趙大頭蝦專門店,所以上星期六晚就再去過,不過明顯今次既服務就差左少少喇!!食左一陣就好想催人地走咁,侍應們又冇咁好禮貌,之前果次黎d靚仔都同我地有講有笑.. 有待改善呀..

香港越南菜老字號,在佐敦越南人社區發跡,今日連開分店的老趙,應該是其中之一.年前吃罷之後,不相往還,事隔多年,印像已模糊,月前再去,身邊的已是另一面孔.年前門前人頭擁擁,今日門堪羅雀.懶得去想,生熟牛肉粉,鴨仔蛋獨食,友人不吃牛,要個豬肉檬,連帶咖喱牛腩也不能,唯有來個咖喱大頭蝦煲,兩個人分.咖喱混合蝦膏,很惹味,點上法包,吃得滋味.生熟牛肉粉的牛肉鮮嫩,吃不到有渣,湯底很甜,但事後很口喝.鴨仔蛋此等恩物,差不多每次上越南菜館必叫之物,旁人見到心中發毛,畢竟此味,並非人人受得.是否真的很"補"?個人覺得,生蠔的效用,比鴨仔蛋更大,信不信由你.

今晚有朋友從美國回來,專程帶她們到老趙食飯. 估計星期五會多人食飯,於是預先訂了730的枱子. 怎知到達後還要再等!好了,過了大約20分鐘有枱了,便立即坐下點菜.朋友的丈夫是外國人,所以只是吃了半個炒飯跟少許小食就嚷著飽,剩下自己跟朋友繼續加油. 大約吃了一個小時大家都不禁放慢腳步. 就在此時,有侍應便問我們還吃不吃剩下些菜,我見時間只是過了一小時,朋友又尚未表示飽便說還要吃多一會; 殊不知轉個頭竟然再說不如替我們打包! 有無搞錯?! 我們沒有說要走便要打包, 這是什麼服務態度!!我們不是消費小,3個人也吃了差不多4百元,不便宜吧?! 朋友最後也決定離開. 明白星期五是比較旺,如是者,店子可以在客人訂枱時聲明吃飯時間只得1至1.5小時吧?　我不是沒有問過其他店子，不過他們也聲明有限制所以才移師此店，結果卻遭此〔禮待〕！以後吃越南菜別想我再光顧！

前幾晚同同事及客呢度試呢間有名的越南菜館. 人氣之強, 見到佢門d人便可見一斑, 仲要訂檯都要等既, 如佢d 掂, 我實嗌回水.由於大家肚餓, 故點個4 –6人餐, 省卻不必要既麻煩. -雞絲沙律, 雞幾惹味, 菜新鮮爽口, 加埋佢d 甜酸汁, 不俗-雞翼, 小弟略嫌不夠入味.-咖喱粉絲鱔煲, 喂d鱔唔駛咁瘦啵, 大舊d 既鱔都唔會嚇親我架啵! 味度一般, 不夠辣. -蒜茸包, 烤得夠脆, 奈何蒜茸不夠多不夠香.-唔知乜西蘭花, 咪就係西蘭花囉-炒青口, 幾好幾好, 辣辣, 惹味!-蒜茸大頭蝦, 大頭蝦乃此店既招牌菜, 因此期待甚殷. 先講‘料’, 唔夠大呀! 蝦膏, 唔夠多呀! 蝦肉, 唔夠彈牙呀! 同座d人仲投訴d肉霉添! 究竟係用生蝦抑死蝦呢? - 大概30mins食完晒以上既, 佢居然15mins後欏一大兜豬手湯檬出, 唔通呢個係佢秘制homemade甜品?!-原來唔係, 眥因稍後有個南瓜西米露送. 送既, 你話有幾好味.大頭蝦不敗之迷既答案好簡單, 因為人氣力谷及冇得比較!如呢間屋企附近, 去無妨, 但又排隊又盛又毫無必要囉!

一心走到山林道捃食，很多日本菜和西餐，想吃別的，來到這裡，六時多，人不多。據聞這裡的大蝦出名，侍應也極力推介，不過當晚實在不想吃蝦，點了幾個主食就算了：1)法式蒜蓉包香脆可口，包面上除了有蒜蓉外還加了蒜粒，對於喜歡吃蔥、蒜的人一定對胃口。2)香茅豬肉撈檬魚露唔錯，料多而且味道濃郁，豬肉還好，不過香茅不夠。檬粉中上，爽爽的，索了魚露吃就不會淡口。3)咖哩雞飯咖喱落了重重的椰汁，味道調得很好，辣與椰香俱備，平平的雞肉對比起咖喱汁，反而成了配菜。4)馬拉盞炒油墨菜馬拉盞不太重，但上菜時也聞到有香味，吃得這麼熱氣，多吃幾條菜也好。整體不差，難怪有三家分店，平日也可全爆滿，實在好不誇張！有機會下次會來試大蝦。

This is my first time eating vietnamese food.I must say this restaurant gave me a good impression.I ordered the mixed starter, and basically it was presented nicely and neatly and a plate, every item on that plate was delicious.For the main dish I ordered a the Big prawn with Har go fried rice. The prawn was as big as stated however the rice wasnt very outstanding.Overall it was ok.

華麗的裝修, 舒式的環境, 充足的冷氣, 殷勤的款待(雖然有點機械化).......不過, 叫了一個北越粉套餐就認真唔多掂, 北越粉既肉同其他送雖然幾好食, 但啖湯真係一d 都唔似樣, 同一般粉麵店既牛腩麵湯底無分別, 碗野唔大我都食唔晒, 碟春卷唔好食, 炸得好差, 餡又唔得, 杯滴流咖啡還可以, 但份量太少, 原價$25 杯有點過份....食完埋單$58, 但好唔滿意, 唔會再來了..

都有一排無食過一餐咁嘅水準嘅越南菜，真係有D勞氣...好耐之前嚟老趙呢間"附屬"嘅大頭蝦專門店食，個陣都唔覺咁差，今晚再嚟食，不禁概嘆一代老店從此失守沒落...剛剛個頭落order，隔咗唔夠五分鐘個蒸粉包就到，好明顯係翻蒸，個皮仲係有D凍ge，好在餡尚算夠多，味道唔算太差，魚露都仲幾夠味，如果唔係就聽餓瓜...越式炒粉皮，呢個師傅真係人如其餸名，唉...粉皮不夠煙韌，配菜入面嘅蛋炒得太老，料都唔多件，得幾件雞肉及幾隻蝦仔，唉....最令人歎為觀止嘅係所謂嘅大頭蝦，用辣椒膏炒，既不夠辣，亦唔夠鮮，蝦頭幾近無膏，蝦身嘅肉唔夠彈口，又細隻，仲叫呢隻係"Jumbo size"添，直頭當我流嘅...自己平時寫食評都較少提及服務及員工嘅態度，但呢次真係忍唔住要批評一下--- 成間鋪差唔多所有嘅侍應都係好後生嘅靚仔，下意識已打咗個突，跟住見到呢班友無嘢做嗰陣就自己係度玩，人哋客問有關嘅菜式時又狗屁不通，都唔知佢講乜...唉....以後無交易....

昨晚去食晚飯. 兩男, 朋友作東. 見係大頭蝦專門店緊要食大頭蝦啦. 見有2人餐係食辣椒膏大頭蝦$258. 唔包野飲. ok. 唔想煩就呢個啦. 先來豬肉蝦片4片. 普通啦. 蝦片淋淋地. 辣椒膏大頭蝦等左都一陣先上. 果段時間根本唔多人, 晚上9點45唔分左右. 以為辣椒膏大頭蝦會整耐d 話晒係招牌菜. 上桌大失所望. 一隻蝦開邊就一碟?兩人餐每人一隻蝦都無? 要開邊. 每邊分開3份:頭.身.尾. 放在碟上散開放好有6吋左右(即就咁睇頭至尾加上切開d空間). 咁~有幾大頭蝦丫. 兩男即時睇凸, 見餐牌佢個辣椒膏大頭蝦例牌都要八十幾. 加大好似過百. 我唔知我地個餐得一隻開邊係唔係例啦...似唔係多. 之後上蟹肉炒粉絲, 蟹肉唔多見啦. 不過蛋絲就有. 炒得算過得去啦. 忘了講個辣椒膏大頭蝦. 辣椒膏唔辣~失敗. 蝦頭無膏咁濟~失敗(咁細隻有鬼ma.). 一開二食到蝦頭更加唔係太新鮮因辣椒膏唔多一食就知唔得....~失敗中的失敗. 另有碟菜. ok架. 係油較多. 甜品就變左最好食. 真係食完野. 都唔會叫多杯野飲啦. 朋友作東我都唔好意思丫. 又貴又嘛嘛. 留下有個食評係兩個女仔都話

早幾晚行經附近，就來了這裡食。我們叫了一個越南小食拼盤、檬要和糕點拼盆。越南小食拼盤- 內有春卷、蒸粉飽、豬肉蝦片、蟹肉金磚和扎肉；而自已感覺最特別的是蟹肉金磚，最好味道又比較少食。檬要- 就是蕃茄蟹粉湯檬，蟹肉幾多，味道都幾好，檬粉幾有口感，煙煙韌韌，雖然不算很好，但都算唔錯。糕點拼盆- 沒有一樣好食，完全不用再考慮。

昨晚同兩個朋友黎呢度食飯,叫左個三人套餐...咖哩鴨煲唔得,鴨冇肉,又少,豬紅就多!蒜蓉包唔夠脆.炸軟瞉蟹份量多,都ok好食.唯一我覺得好食既就係豬手濛粉,豬手好淋好味.每人再叫杯三色冰,埋單四百幾,都算貴...整體黎講唔算好好