辦館 (Closed)

行新商廈時，發現有間別樹一格的出前一丁概念店。樓底較高，店面闊落開揚，門面有日清仔同日清嫲嫲的歡迎紙牌。室內裝潢摩登，除了圓檯或方檯，還有一張長長的酒檯以供選擇，好chill呀原來不是只得出前一丁，menu上有不少fusion菜。其中signature mocktails款式很特別。Mind Moisten如其名，有龍眼、紅棗、杞子、菊花，非常滋潤，味道極似龍眼水，清熱解渴，炎夏消暑必選另一杯Nojito，大大粒藏於冰球中的薄荷葉夠吸睛甜甜的蜜桃梳打味，爽呀！沙爹安格斯牛肉撈丁：麵煮得剛好，肥瘦適中的牛肉粒夠腍，溫泉蛋一拮即流心，蛋味與沙爹醬結合的撈麵，好和味。野菌黑松露意大利飯：黑松露味濃郁，勁多菇粒，飯粒軟熟，雖然creamy但不覺漏。最後店員話happy hour時段，百幾蚊便可任飲3小時（指定酒）。整體環境舒適，下次要約朋友共聚暢飲一番

銅鑼灣係個忙忙碌碌既地方！要搵個輕鬆少少既地方都唔容易，今次搵到個chill chill 地既地方介紹下😁😁sogo後一條街，有個好似office building既地動，環境輕鬆，一上電梯就見到。時間尚早未有人，周圍見到清仔，下次試下一丁，空間好大stylish plate😮parma ham好好食！咸咸少少肥，同較乾身既芝士都幾夾，前菜選擇不錯！前面花邊既好似係腩肉，第一次食，較硬身，不懂欣賞sollyy😝餃子加秘制醬汁！呢個多汁好食，值得一試！煎得剛好的！parma ham 意粉，前菜既原故order左呢個！意粉硬身岩我，新鮮,賣相較簡單但幾好食😊😊earl grey pudding! earl grey 味好濃，好食但好容易散，食左兩啖已經變哂樣😂😂 影相要快喔走既時候發現有shisha!! 好想試呀！呢度好多元化，又輕鬆，可以再試🎉

辦館實在太出名，差不多所有朋友都來過，所以我都忍不住要朝聖。星期六下午二時和朋友約在這裡chill一chill，環境真係好舒服，座落新建的銅鑼灣地標tower 535，最喜歡樓底極高嘅設計，開揚寫意，絕對係留一個下午睇書都唔願走！柚子明蝦沙律，配搭不錯，用了香甜柚子蜜作沙律醬汁，而鮮蝦球都幾清甜肥美，車厘茄亦新鮮甜美，價錢雖貴，但食到心思。精緻日式拼盤蛋糕🍰（3件），有柚士芝士蛋糕，朱古力忌廉海綿蛋糕和綠茶芝士蛋糕。最出色是綠茶芝士，芝士味重得來又有綠茶回甘味！特飲Mind Moisten很適合這種悶熱天氣喝，有龍眼、紅棗、杞子和菊花，生津解渴降溫消暑。食物價錢真的幾貴，但環境完勝，絕對要再回來。

自從535 tower 開左之後成日話去試 成日都無機會😤果日係街撞到中學同學約食飯，就唸起黎哩度😛見到拒有outdoor d野食又好似幾得意Book 左7:15pm ，準時到達Book 既時候問左可否坐岀面但今晚落雨同埋outdoor 係self-service 既最尾決定左坐入面可能今日係星期二既關係今晚得兩、三台野食份量適中/偏少，三個女仔只係岩岩好，個侍應好似神不守舍咁落落下單又行開左-.-食薯條要茄汁 食完個茄汁都無岀現埋單比左錢又唔數錢總結:fusion 野食黎講都ok ，雖然仍有進步空間環境都舒服我會再去試下坐岀面🤞🏻

為人熟悉的日清仔主題餐廳，充滿港式茶記的懷舊風情，環境寬敞，坐得非常舒服我點左一杯龍眼、紅棗、杞子、菊花茶滋潤一下，甜度調配適中，係少有餐廳會提供的飲料同桌點左杯朱古力，店員好有心思的拉花圖案棉花糖多士將棉花糖焗至輕焦，外脆內軟，再淋上朱古力醬，好邪惡的甜點！沙嗲安格斯牛肉芝士多士配搭非常特別，面頭有流心蛋同青瓜絲，放係香惹的沙爹安格斯牛肉之上，下面係焗到非常鬆脆的多士，有意想不到的驚喜餐肉蛋棒丁麵最愛的棒丁麵，麵質有嚼勁，湯底濃而不油，餐肉粒加埋流心蛋，港式風味十足。

原本約了朋友先逛街後吃飯，點知...她突然有事要遲幾個鐘先來到，獨個兒無mood行街，決意找個地方飲杯嘢，坐定定等。一抬頭就見到日清仔，就上「辦館」。裝潢沒有大改變，仍然有日清仔和日清嫲歡迎我。餐廳分內外兩區，內有一張酒吧枱、數張二至四人的圓枱和方枱，以及一張十多人長枱。枱與枱之間的距離甚多, 坐得舒適自在。外面就更空曠，擺放了多張籐椅枱，坐在這裏吹吹風，很爽呀！有兩大張餐牌，分飲品和食品, 設計簡單。食品分別有Small Bites、All Day Breakfast、Paste、Noodles、Main、Salad、Soup和Desserts等等; 而飲品則有Cocktails、Mocktails、Beer、Wines、Coffee、Tea、Soda等等, 都有幾多選擇。******************************飲品有很多選擇，在5款Signature Mocktails 揀了有清肝熱之效的 ALO HON 蘆薈 ($88/GLS)，以Tropical Fruit、Aloe Vera、Honey 和Apple Juice 調製而成，味道酸酸甜甜，甜度適中，亦冰涼透

週末的晚上約好姐妹暢談一番，選了這間充滿港式的懷舊風餐廳，霓虹燈的裝飾，木製的餐桌椅，加上出前一丁的大公仔佈置，設計頗具特式，環境寬敞，空間感大，亦有室外雅座，坐得挺舒服。原以為找到一個不錯的地方，可惜事實並不如此。與好友一番討論後選定菜式，其後店員才告訴我們其他一款想點的菜式今天沒有，那便先點兩款食物。帕爾馬火腿蘆筍意大利飯($118)是相當令人失望! 份量非常少，有薄薄數片的parma ham鋪於面層上，油脂較多，也有鹹香，味道不過不失；蘆筍幼身，吝嗇地放上數條，因其較幼身故沒有口感。粒粒分明飽滿的意大利飯也尚算有咬口，只在於飯粒本身，惜忌廉汁不夠creamy和香濃，芝士香亦不算突出。相當普通的一碟飯，份量又少，竟要索價百多元?! 不值一試!再來是小食帕馬臣芝士松露薯條 ($78)。味道是正常，薯條是熱的，基本上炸得香脆已屬保險，松露香尚算中規中矩，但芝士粉下手同樣吝嗇，故芝味不算濃郁。最後想點甜品滿足一下，但想點的那款店員又再一次表示沒有!! 究竟是我們太不幸運，還是怎樣呢? 店方預備的食物也太不充足了吧?!還有一點!! 週末來到大好心情，想與姐妹小酌一番，聊聊天，可惜店員竟表示

上菜極慢，服務態度散漫，隔離枱等到不耐煩中途走左，但只有三四枱客，Parma ham都要等45min。Parmesan cheese冇味，ham冰凍，擔擔麵味道同超市即食食品冇分別。

第一次認識這店是在上環時的小店，現在由特色小店變成一間感覺像連鎖特色西人茶記，店內的空間和樓底非常高和大，很有空間感，很適合和朋友傾計或同事開會。食物方面茶餐廳的menu，但店內有提供酒精飲品有一個很靚的吧枱，有很多特色裝置，食物選擇很多，有基本茶餐和店內主打的出前一丁，也有很多小食。不過出前一丁湯底有點淡，麵有點淋。拼盤小食好一般，飲品方面好一點，凍啡不錯。整體感覺坐得舒服環境很好，但食物一般。如果選擇happy hour 飲嘢就不錯！

同朋友都係附近返工，約左收工一齊食飯，所以搵下OpenRice 睇到呢間幾特別咁，地點又方便我地就決定試下。一上到去就見到出前一丁公仔係大門口，入到餐廳燈光比較上昏暗點，營造出少少浪漫氣氛。因為朋友遲左少少收工，我就叫住杯啤酒飲住先，呢杯個名唔記得左，因為係當日special 。佢望落好深色下，驟眼睇以為係黑啤，但係又無黑啤咁厚重。其實係有d似酸梅湯既味道加上啤酒既麥味，幾開胃架。記得店員講過好岩女仔飲，話可以暖身，我覺得都有d既🤔🤔。等朋友到左後，我地叫左一個小食同一個主食。餃子煎得脆既正正常常咁，內餡同皮都沒差。但點左個招牌醬汁係好食好多，酸酸辣辣幾得意，同平時點開既醋有d分別既～臘腸松露意大利飯幾有特色中西fusion 菜～油香臘腸咸咸地加埋creamy 忌廉蘑菇白汁，呢個配搭幾驚喜！估唔到臘腸都可以咁整我地食飽野後，都坐左一陣傾下計，飯後坐左出去戶外位置。戶外地方都幾大，容納到五至六枱左右，而且仲設有暖爐，天氣涷都唔洗怕☺️☺️係可以坐低慢慢談心唔錯既地方。

係銅鑼灣Tower 535做完gym， 就同gym友一齊落樓下「辦館」補充返體力。😂 之前每一次經過「辦館」， 都覺得佢裝潢幾chill！😎 走型格摩登路線， 樓底高，空間幾寬敞， 天花吊掛着一排紅色燈籠，帶點東方色彩， 室外還有空中花園， 望着𤋮來攘往嘅謝斐道，別有一番風味呢！ 不過最近則以出前一丁做主題， 見到穿着一身和服造型的清仔，就估到了吧！😂 餐廳除了提供不少亞洲地道美食外， 還糅合並提供不少多國Fusion菜。 臘腸松露意大利飯（$128） 將鹹香嘅中式臘腸， 伴以黑松露Risotto，味道非常新穎！😲 芝士味濃郁， 加上菇菌增添不少口感， 意大利飯又有咬口，值得一試！ 炸蒜香雞翼配東南亞辣汁（3隻）（$58） 雞翼開了邊， 啱晒我呢個懶人唔鐘意啃骨！😂 雞翼炸得唔會太熱氣， 蒜味都幾入味， 再蘸上微辣嘅東南亞辣汁，幾惹味！ 我地另外仲點左兩杯特式飲品～ MIND MOISTEN （$88） 有龍眼、紅棗、杞子、菊花等養生配料， Refreshing得黎，又幾滋潤！ ALO HON（$88） 用蘋果汁做base， 加上熱帶水果如菠蘿、蜜糖、蘆薈， 入

日間在樓上WeWork上班，一向只是跟這間「辦館」擦身而過，沒有去了解「辦館」概念跟棒丁麵之間有什麼關係。來到今晚，上網一查才知這間原來是一間出前一丁(日清)概念店。餐廳裡面還豎立了3米高的「清仔」呢！起初還以為餐牌只有麵食配搭，原來還有All day breakfast以至瑞士芝士火鍋等選擇，真係估佢唔到。帕爾馬蘆筍意大利飯 Parmesan Truffle Fries ($118)Risotto煮得夠creamy，食起來帶點咬勁，配上幼嫩蘆筍和Parma Ham，味道夠晒濃烈。沙爹安格斯牛肉芝士多士 Angus Satay Beef and Cheese Toast ($78)對得多電腦，個人又熱氣，呢個時候飲番杯「龍眼、紅棗、杞子、菊花茶」，清肝明目，啱晒我呢d長期對電腦工作既窮忙一族。

位於銅鑼灣的辦館，是一間優閒輕食餐廳。餐廳現時跟出前一丁合作，推出期間限定美食，但今天我較想吃小食作下午茶，所以就沒選那些啦。燒賣配日式燒醬$38原本燒賣是炸的，餐牌上沒有標明，點後才知道呢。魚肉燒賣一共八粒，炸後外皮脆硬，內裡軟糯彈牙，醬汁非燒汁，而是明太子醬，沾一沾，味道更特別，秘製越南河炸春卷$58長大後很喜歡吃炸春卷，除中式春卷，我也很喜歡吃越式春卷。辦館的炸春卷用紗網皮包起來，炸後超級香脆，非常好吃，吃個不停阿。曲奇妙趣窩夫$88這個奧利奧窩夫，榮升我最愛的辦館菜式第一名阿。窩夫並非馬虎呈上，並非把原味窩夫放上曲奇雪糕就草草了事。而是烤製窩夫時放入奧利奧，令窩夫帶有曲奇香氣，然後放上草莓雪糕和小塊奧利奧，整個口感超棒，好好吃阿。

今日係銅鑼灣辦完d事，沒什麼事要做，攰攰地又唔想行街，但又要等朋友食晩餐，冇咩好去既程況下，朋友推介我去辦館飲個咖啡。餃子配自家製招牌醬汁$58雖然話係黎飲咖啡，但食少少嘢，都係必需既。忽然好想食下餃子，餐廳又咁岩有餃子供應，咁當然要食下啦。餃子有好多隻，外皮好軟，肉餡唔多唔少，可以一口一隻。Matcha Latte本身想飲咖啡，但醒起朝早飲左兩杯，都係米飲咁多啦，所以就轉戰Latte。抹茶味幾濃夠苦，甜度唔高，都唔錯

小弟经常外勤工作，午餐去到边食到边，食得好嘢多自然綀就一把刁咀，味道好壞一試就知。好像這間以辦館命名的餐廳，門口有大大個清仔招徠，好多人都會叫撈丁……仲有酒吧位，可點各式酒品和無酒精飲品，组合又幾夠新颖！不過，我今日點咗肉燥吉列豬扒飯，皮脆肉香，豐膄而不油腻，再來一杯無酒精混調特飲，甜而不漏，清爽潤喉。