來發館火鍋刺身點心專門店

Open Now

Now Closed

都算熟客 ， 每星期飲茶飲咗至少7_8年！自問 容忍量屬於超等級人一！😡睇住d服務嚟越差！ 今個星期終於忍唔住， 超差， 得嗰幾張枱 四五個侍應 叫極都唔應， 其差！ 食完背脊骨落， 以後唔再去！

長期冇仕應樓面得閒招呼都算，冇人開茶，花生冇提供係張但單錢照收，食物品質差種類少，價錢正常，豬肚苦的，手切牛垃圾質素，食物要好耐先有，ＢＢ都要收座位茶錢，以後不會再去

昨晚與十多位好友慶祝生日和升職加薪，特意選擇到大角咀分店晚膳，因為去年曾到過此處吃飯，其服務態度和美食曾吸引我並深深記住。昨晚我們一共點了十三個家常小菜，其中包括食市之前贈送的乳豬。有點大失所望，由於之前招待我們的經理已離職，他熱情和親切的招待，使我們賓至如歸。但現任經理昨晚的服務態度已大打折扣，不單止沒有留意我們的需要，還落錯單。另外，食物水準下跌已不在話下，環境衛生亦一般，我們入座時，發現桌上和食具上有一點一點的髒東西，似是從冷氣的出風口吹落來。而食具潔淨度不理想，一些污積，要經過我再用滾水清洗才去掉。我想，這應該是我最後一次惠顧，希望該食店多加留意和改善。

其實呢間舖頭好近我屋企，所以有時招呼親朋 戚友都會嚟呢度午飯飲茶或晚飯打邊爐。論舖頭環境不是金光閃閃，將會殺你一頸血，也不是大排檔地踎污糟邋遢的地方…… 總之正正常常一間餐館。$880 象拔蚌好大塊的炸魚皮可混醬食物質素普遍ok的，象拔蚌價錢我也感覺ok貴唔貴見仁見智啦！食完到而家仲未肚痛 ，食落口也感覺新鮮……ok啦睇過人哋之前openrice留言話服務員態度惡劣，其實今天晚上此舖都滿座，waitor的態度可能因為人數較為充足，未有異樣。但係經常好勤力地收嘢，趕住交枱的模樣 ，就有點不愉快的感覺囉！

聽人講話幾好食 自己又未去食過 今日介紹屋企人去食下 睇下係咪咁好食 環境就一般有點舊 d女侍應個個都有口音 一坐底個女侍應大大力將塊地墊拋落我腳邊墊地 有點唔開胃 我哋三個人叫咗八個點心 八個點心都唔錯都幾好味 賣相就跟大酒樓無得比都係一般 開頭黎兩壺熱茶及熱水飲完 打開壺蓋 點知換來兩壺都係凍水 再叫個女侍應換兩壼熱水比我哋 佢黑口黑面仲咀妙妙 唉!第一次光顧就咁g e態度 食完去到柜枱比錢 好順便叫收銀比張單睇下 個收銀大力放係柜面 都係黑起塊面 態度欠佳 無下次 唔會介紹朋友屋企人黎食。。。

今日我同老公去飲茶，決定去來發館，因為食物上次食不過不失，今次去到，店員要我搭檯，我說不搭檯，要搵張唔搭檯既，眼見大把檯，所以我稍等個店員安排， 點知店員走左去, 啋都唔啋我，個店員走左去做第樣野，做完後你眼望我眼，咁究竟佢想我地自己去搵檯定唔理我地呢？咁就無人知，其實佢同我地講聲係自己搵檯定點都唔係好難之麻，咁我老公企左一陣，見個店員無反應，就說不如去第二間，呢間態度唔好，所以最後我地決定去第二間。

「來發」個名有點老派，初初以為食客都應該係一家大細/ 有番咁上下年紀/ 附近街坊咁。呀！又唔係喎，男女老少/ 情侶拍拖都係坐上客！朋友推介：粥底火鍋⭐️⭐️⭐️⭐️⭐️一上菜，嘩🤩好正呀！共有8款海鮮，一定會有蟹（超多膏），有蝦（新鮮又大隻），有蜆和魚，其他4款就時令的紐西蘭既青口 - 是必食推介！絕對不是誇張，試過一定會encore ！另外，唔喺menu 度既即叫即炸響鈴🗣又係正到爆！⭐️⭐️⭐️⭐️⭐️最後食個粥底，又綿又鮮甜😋 大滿足！

全港最難食既點心，奶皇包放左好多日，個包有陣味， 潮州粉果爛溶溶，個皮係溶既用嘅便利店仲好食過佢， 珍珠雞冇味道好難食仲要啲飯硬掘掘， 腸粉皮又硬叉燒有陣益味， 入到呢間嘢污糟邋遢啲位好逼 ， 啲碗肥淋淋 好多餸漬黐喺度， 垃圾中的垃圾， 以後絕對唔會去呢間嘢

開頭嚟到鋪頭唔係好明點解會有咁多人，食完之後終於知道點解。一開始職員會問我地要咩湯底，有粥底同埋平時嘅火鍋湯底揀，我哋最尾揀咗蕃茄豬骨湯底。登登登登 ~重頭戲於黎啦～ 海鮮盤!!我地6 個人叫左5份$148既海鮮盤同散叫其他火鍋料，海鮮盤裏面有蟹、飽魚、多寶魚、蝦同蜆, D 蟹同蜆上枱時仲識"玉" 嫁!!!至於火料最值得推介既係響鈴同炸魚皮，呢兩樣睇落冇咩特別，但食就知~~全部都係即炸，咬口鬆化仲有d 微暖。食到最尾再飲埋個番茄湯底簡直係一流，總括來講性價比相對至高，鍾意打邊爐嘅實在值得一試

哇！山長水遠跟朋友去到大角咀食粥底海鮮鍋，好彩真係發現了好野食！我覺得地段唔易搵，但值得搵！粥底火鍋對於我來說一點兒都不陌生，但來發的海鮮的確新鮮抵食，每人$148有7款是日海鮮！海鮮有蟹、蝦、鮑魚、多寶魚、大蜆、中蜆、小蜆！ 我先食大蜆、中蜆、小蜆 - 三蜆都很鮮味，特別係大蜆，蜆肉有女仔手掌咁長，比較罕見，肉質鮮甜，唯獨有少少沙未清好，影響口感，但是完好想再Encore, 可惜一人一隻咁少！中蜆小蜆成日離殻好難搵，哈哈！第二轉食多寶魚，每人兩三件，肉質嫩幼，重魚香味，而且唔多骨，岩晒打邊爐！之後食飽魚，平時新鮮飽魚俾我覺感是好淡味，而且有泥味，呢一隻大大新鮮飽真的好出色，絕無泥味，反而好鮮味又有彈性，口感一流！飽不可以貌相也！每人兩隻大蝦 - 都算新鮮，好食！海鮮的最後一輪到我大愛的蟹！多肉多膏，請注意：D膏一半溶於粥底一半仍在蟹上，超級好味！蟹身及蟹鉗都滿滿蟹肉，絕對肥！蟹蓋有膏食，真係膽固醇超晒標！呢度仲有牛脊肉食！比肥牛更香濃的牛味，彈牙QQ! 真得食！其他配料不過不失！最後的粥底鮮、甜、難以形容的好味俾我地食清光了！

機緣巧合，經一個唔熟的朋友介紹呢度有間粥底海鮮火鍋的好東西，一行五人聚會預訂試一試！ 粥底$48， 每人$148有七款時令海鮮，好似唔錯，叫了五份及散叫其他火鍋料！我第一次食粥底火鍋，原來個粥底一d 調咪料或味精都冇落，好似好健康咁！我們的時令海鮮盤五人份，真係好有氣勢！有魚、蝦、蟹、飽魚、大大蜆及好多細蜆！而且係冰陣上，保持新鮮！先滾大大蜆，十分鮮甜大隻！好驚喜！魚肉香滑！蝦如預期新鮮！本以為鮑魚唔會好食，轉韌而冇味，事實剛好相反！飽魚鮮甜厚肉，唔多韌又有口感，好好味！每個半隻蟹，好大隻，蟹膏香口，啖啖蟹肉，連平時好懶食蟹的朋友都出手食，大家都對海鮮讚不絕口！ 配料普通，不一一介紹了！最後的粥唔記得影相，真係超鮮甜好好味！值得一試！

老實說，真的很喜歡到來發打邊爐，第一次去的時候是去大南街的分店，後來都轉到這邊大角咀的分店了，因為這邊才有我和朋友最愛吃的牛頸脊呢。最吸引我的大概就是這裡的足料湯底，每次都試不同的湯底，都叫人回味無窮。雖然是單點的價錢是比任食場的貴，但這裡的食材除了新鮮之外，又加上這裡的分量都是大大碟，的而且確是物超所值。今次我們點的是，胡椒豬肚鍋，湯滾起後，我和朋友都立刻每人飲了一碗，對於一向重口味的我們來說，這個略嫌胡椒不夠濃味，不過也是接受到，湯底入面已經有豬肚、豬骨、苦瓜、粟米等的材料，飲得出是煲了好一段時間的，所以真的很入味。真的不像是有些打邊爐的餐廳湯底淡而無味，就好比滾水一樣。(打邊爐配啤酒，無得輸XD每次打邊爐散叫的配料來來去去都差不多，而每次必點的一定是牛頸脊，有牛味之餘，油份剛好不會太油而且又有咬口，真的比起肥牛好吃很多。另外值得推介的是來發雲吞，這個雲吞足料到一個點，大到很巨型。可能當天是公眾假期忙得來又人手不足的關係吧，催單催了兩次都沒有來，我們都很飽了，所以也就取消了。打邊爐的好配搭一定是啤酒了，上星期天氣真熱，但無阻我們打邊爐的雅致，再來一杯冰涼的ASAHI，真的是不得了!

Saw nice pictures of the food here before, always looked busy when i go past it.  Busy, busy and many people smoking outside and lots of steam from the hotpot inside.Went for birthday treat, didnt have booking so they told us to go next door to Man Fat a competitor where Man Fat would give us the hotpot we want. The people at Man Fat ignored us. The manager even walked away from us as we were giving our order. Disgusting service. We had to call him back to finish the order and the beef we ordere

Arrived at 7.30. Entered restaurant and waited for someone to seat us. No one was interested. Finally a girl greeted us, on saying we wanted a table for two she said no, "you need to eat at our room above Man Fat".We followed her to Man Fat. At Man Fat no one was interested in helping us until finally someone said "upstairs". We went upstrairs. Again no one was there to seat us.We found a table, but no hot pot menu. Only dim sum and Man fat menus. Miserable guy came over and dropped menu on tabl

今日老公黎到大角咀開會，太耐無黎大角咀，原來已經變左好多，好多小店都執左，換黎好多新餐廳，回想起以前每日午餐既餐廳，原來已經無咩邊間仲係度，相信再過多幾年去，其他舊樓都會被收購完畢換成新既一座座高樓大廈，我地行下行下，問左兩日火鍋都無位，有間話有位但只可以食一個鐘我心諗 一個鐘食打邊爐，會唔會過份d。。。之後行下行下，就黎到呢間係千色店對面既地舖本身想就咁叫花甲鍋，但店員推介呢個蟹花甲鍋，黎到既時間我有d驚訝，除左滿滿花甲外，仲有各種菇，白蘿白，栗米，所以叫呢個鍋就唔洗再叫呢d配菜睇隻蟹以為無咩肉同膏，但打開之後，原來都有膏，而且食落d膏仲好香$480雪白既象拔蚌好鮮甜，份量都好多，而且切既厚度剛剛好花竹蝦 $198 3隻呢樣都係店員推介，之後見差不多每台都有叫，好鮮甜，口感有d似龍蝦刺身 爽口鮮甜3隻$100反而聖子不夠大隻 但味道都可以海膽 $98 一版比我想像中大舊 但紫菜唔爽脆唯一敗點睇咗咁多刺身終於到打邊爐料啦，佢個湯底係有d糊椒豬肚湯味，所以咩放落去都係好鮮甜，好吸味牛肉切得較為厚左小小，但口感都不錯，有濃郁既牛肉味墨魚滑 爽口田雞 不過不失 豬腰 無怪味，好滑總結大速份野