樂園魚旦專家 (幸福商場)

Open Now

Now Closed

間野寫左收11點，我10:22打定去嗌外賣，話10:45前會拎，佢話一定要而家拎，又問我係邊度黎。大佬，遲收工嗌定外賣啫。咁都唔得。。。。話要埋數喎👎🏻👎🏻👎🏻👎🏻👎🏻感覺真係好差

諗住簡簡單單食個麵，去左樂園吃碗牛腩麵。呢到除左有招牌粉麵，麵類選擇都幾多，有魚旦粉、雲吞麵、牛腩河、豬手麵等叫左碗招牌牛三寶，有牛筋、牛腩、金錢肚，牛筋好爽口彈牙，滿滿骨膠原。牛腩幾軟腍，唔會太多肥膏，金錢肚炆得入味同軟腍👍🏻湯粉好滑好順，湯底唔會死咸，加埋蔥蔥炸蒜更好味！另一碗就叫左金錢牛肚河併牛丸，牛丸爽口彈牙，河粉煙韌唔易斷，仲吸晒湯底既精華🤤🤤粉麵加8蚊有飲品，加11蚊有特飲，叫左凍檸樂。成緊杯冰夠晒凍。

其實平時都間唔中有食開樂園，覺得價錢都好抵食，同埋質素都唔錯👍🏼係比較少食長沙灣幸福商場呢一間分店，今日黃昏時間去到已經坐滿晒人，所以我就揀外賣崩沙牛腩河份量超多！而且好好食，每一啖都有肉有筋，而且牛腩好腍。我都幾鍾意食樂園嘅河粉唔會太腍，亦都唔會太韌。外賣仲可以揀分湯，而且湯嘅份量好多唔怕比河粉朔晒啲汁。牛三寶河粉另外叫咗一個餐廳比較出名嘅牛三寶，喺餐廳嘅招牌菜，入面包括牛筋牛腩同埋牛肚，配埋腩汁嘅湯河，味道非常之香，而且牛筋同牛肚嘅質素都好食😋

咁啱要去幸福商場嗰邊做嘢，本身諗住行到藥房嗰邊買少少嘢，點知原來已經執咗變咗間中醫館，自己懶得行去咁遠買嘢食，貪方便喺附近同朋友一人一碗粉麵搞掂夜晚嗰餐。自己叫咗碗牛丸麵，朋友就叫咗牛腩麵。牛丸麵份量足料，比起坊間嗰啲佢嘅配料比較多，粒粒牛丸爽口彈牙。個湯底幾好飲，唔會話太重味精味。至於朋友個碗淨係食咗嚿牛腩，味道幾好，食落去唔會太鞋，肉質口感剛剛好，下次如果小弟幫襯嘅話可能都會整返碗牛腩麵。餐廳名稱：樂園魚旦專家餐廳地址：長沙灣幸祥街8號幸福商場地下11號舖舖#樂園魚旦專家 #晚餐#高質素美食 ＃服務態度一流 #用餐環境優美#安東尼日記 ＃安東尼美食日記＃美食博客#香港#香港美食#香港美食之旅#香港好去處#九龍#九龍美食#九龍美食之旅#九龍好去處#長沙灣＃長沙灣美食 ＃長沙灣美食之旅#長沙灣好去處

今日去長沙灣見到呢間粉麵店佢就係幸福商場 長沙灣站出閘之後行幾分鐘就到好近地鐵站 好方便👍🏻平日見到佢係各區都有分店今日第一次試傍晚6點半入去餐廳餐廳已經坐滿人未到食飯時間都坐滿人😀等咗幾分鐘就有位👍🏻侍應好有禮貌同耐心 餐牌上面有好多唔同選擇因為太多餸揀 唔知揀邊個最好最後我就揀咗佢個樂園四寶丸🤤可以每種丸都試下呢個四寶丸包括魚蛋、魚片頭、肉丸、魚餃🤤面底我就揀咗河粉嘢飲就揀咗凍檸茶碗面好快就煮好 可以開餐👍🏻四寶丸入面我最鍾意嘅係魚蛋同魚片頭魚蛋超滑同超彈牙🤤魚片頭好好𡁻肉丸同魚餃嘅味道都唔錯四寶丸入面有兩粒魚蛋、一塊魚片頭、兩粒肉丸同一粒魚餃丸嘅款式多之餘 數量又唔會少碗麵嘅湯底唔好會鹹👍🏻下次有機會會再嚟食😊

餐廳夜晚黑都好熱鬧，六點幾入到去食飯嘅話都會差唔多坐爆。現場服務員都好快手咁樣出餐同埋準備。坐得都幾舒服，同埋光猛，不過如果係繁忙時間想即刻有位坐嘅話就會需要搭枱。餐廳都非常之近地鐵站，喺收工之後唔想煮飯嘅好選擇。價錢實惠，而且大大碗麵。鍾意健康啲嘅又可以加一碟菜嚟食。五香牛腩雙拼爽滑魚餃$38+10五香牛腩醃得好入味，而且都唔會有太多嘅肥，又唔會太難咬。五香牛腩嘅數目都好多見到都會有七大嚿。一啖麵一啖牛腩都冇問題。爽滑魚餃就係魚皮餃，都好大嚿。檸蜜$+10檸蜜都正常咁樣大杯裏面都有三片檸檬片。

間吾中都好中意食下啲河粉呀，潮州麵啦，呢間樂園魚旦尊家，都見到有好多分店，今日經過見到係長沙灣幸福商場入面都有，就同朋友叫返碗外賣拎走食先。我地都嗌左牛雜河同埋牛腩河，一陣就整好，本身都打算拎上朋友家食，都忍不住了，湯底清甜，河粉軟滑，用料10足，就算牛雜河，牛雜都有冇一雜味，好乾淨感覺，食得好放心，又好食。至於牛腩河，牛腩肥瘦適中，牛味濃郁，而且肉質好嫩淋，索左湯汁好正啊，大大碗食到飽，佢嘅辣油都要一讚，好香很辣很惹味，大滿足。

今日收工出左黎長沙灣，想食啲清清地既粉麵我就最中意去呢啲港式粉面店🍜印象中細細個放學個陣，媽咪都成日會帶我去呢種潮式粉面舖食碗魚片河👩🏻係個陣都唔識欣賞，但到左大個先發現係呢種傳統既粉面店先食到呢種味道👅。🐒頂級墨丸拼鮮蝦雲吞米線💰$38+$10👉🏻郊外油菜+$10👉🏻熱杏霜呢到有唔少選擇，由飯到撈麵都有，而我今次就試番最傳統既湯粉麵啦🍲我今日揀既兩款配料都係店舖推薦，而墨魚丸真係食得出係有墨魚粒係入面同自家製作既感覺🦑另外都可以用10蚊加碟油菜balance翻，咁樣就確保飲食均衡啦🥣跟set會有埋杯嘢飲，成餐圍來都係五十幾蚊，除左想清淡食一餐之外，都可以話係糧尾之選嫁🤩

我order了樂園四寶丸河粉加腩汁，四寶丸分別係魚蛋、黃金片頭、魚餃同肉丸，魚蛋和黃金片頭真是爽口彈牙，每一口都讓我感受到它們的新鮮和美味。魚蛋的彈性和黃金片頭的脆度完美結合，給予了我口感上的驚喜。接下來就係魚餃，這款魚餃外皮Q彈有勁，內餡則飽滿豐富。外皮的嚼勁，而內餡的鮮嫩彈牙，每一口都散發出魚的鮮味。河粉是整道菜的重要組成部分，它比平常食開的更有彈性和爽口感。滑溜得來又具有煙韌度十足，每一根河粉都充滿了牽絲的質感。搭配著香濃的牛腩汁，這道菜的風味更加突出。牛腩汁的濃郁和鮮香與河粉的口感完美融合。辣椒油是這道菜的一個亮點，它帶來了辣味的刺激。只需要加入少量的辣椒油，就能為整道菜增添足夠的辣度和風味。絕對是辣味愛好者的最佳選擇。最後，我再搭配上一杯冰凍檸檬茶，整個用餐體驗就更加完美了。

今天跟老公在家附近的樂園吃晚餐餐廳位於長沙灣的屋村商場內商場不大，但都有挺多餐廳位置十分易找🫶🏻價錢挺合理而且食物質素不錯😗😗😗🌀牛筋腩河🐂筋腩口感十分軟，又不黏牙，河粉爽滑 牛腩湯味香濃🌀牛丸加並黃金片頭河牛丸亦是餐廳必點丸類之一，牛丸牛味濃😌 黃金片頭很彈牙 很欣賞湯底 加上蔥花後更香 配上爽滑的河粉一流🌀菜芯🥬加配了一碟菜芯，菜很甜，熟度煮得剛剛好雖然菜芯表面很翠綠，但又不會太多油

路過幸福商場，經到樂園舖頭，醒起自從喺呢度開咗咁耐之後都未試過幫襯呢一間分店，決定今次一於試試佢小弟叫咗個牛腩飯行街，行咗10分鐘返屋企都仲係熱辣辣牛腩嘅質素非常之高，十分入味餐廳名稱：樂園魚旦專家餐廳地址：長沙灣幸祥街8號幸福商場地下11號舖

住附近，一個星期最少都食兩次外賣，係最少。但係十次有三次都有錯。今次買兩個餸換黎既係一個餸。返到屋企又唔會想落去換返。食物係好味既，但係要次次拎外賣個陣再自己對多次，如果唔係會變左盲盒。😂😂😂😂😂

最近天氣一係勁熱，一係勁落雨，真係冇咩心機食野。黎到食晏時間，就簡食粉麵食下啦。呢間樂園開到周圍都係，應該係好食先開到咁多。係長沙灣呢間，食晏時間都幾多人，不過好彩等左一陣好快都有位。一般有既牛丸墨丸魚蛋都好齊，冇諗到原來牛腩類佢都幾多。最後簡左牛腩墨丸米粉，加個油菜同凍檸茶。咁簡單就係最基本香港人既午餐。油菜係菜芯，好多菜，又好新鮮。最鍾意咬落菜芯有甜味既感覺，又嫩綠冇根。雙拼黎到，墨丸果然夠大粒，有咬口有墨魚粒。唔會發泡膠咁，係好有質感個隻，好正。佢地既牛腩真係唔錯，睇落都係半肥瘦，肉質夠靚，食落唔會好硬痴牙，亦唔會太腍好似唔駛咬個隻，真係出奇地好食。難怪可以開到咁多間。而且唔止碟菜夠多，想話碗雙拼都幾大碗，果然真材實料。

叫左個牛腩撈粗外賣，張單都係咁寫冇落錯拎到返屋企打開個盒唔見有蠔油，撈左好耐都冇見到 再睇下外賣袋又冇獨立包裝蠔油 就打電話過去問個店員話蠔油會落係個麵到，咁我同店員表示我個麵冇，佢話叫我拎返過去，我一來一回都20分鐘，所以我話有啲遠唔會返去間鋪啦，咁個店員就話咁唔好意思 都冇計，完全沒有提出任何補償方案，咁我再講個撈麵係另外加多$9，店員竟然話嗰$9係因為個麵唔係蠔油，叫我拎自己屋企枝蠔油有加返落去都一樣。我反問佢咁屋企冇蠔油咁點算，店員亦都答咁都冇辦法。你地內部點計錢唔關我事，總之我睇到嘅就係你個餐牌寫撈麵加$9。我想問下撈麵冇比蠔油撈咁係咪應該叫鹼水麵，仲係唔係撈麵。就好似你去打邊爐加錢叫沙嗲湯底冇落沙嗲，店員答你啲錢係加落個湯底啲餸到一樣，冇落沙嗲冇乜大問題你自備沙嗲醬落落去一樣呢間樂園一開張個陣，覺得性價比高幾好食，呢排本身已經覺得質素差咗，再發生呢件事，唔會再幫襯，勸大家嗌外賣都都要小心啲check 清楚(係要開蓋check)

夏天就算肚餓，都會比平時胃口差啲，所以今次就唔食飯，食比較濕潤嘅麵。魚蛋幼麵$34 炸醬＋$10，撈麵＋$8，紫菜＋$5=$57撈麵本身份量比湯麵多，比一般多一個，所以同加底一樣＋$8。呢度嘅麵好鬆，唔需要用幾羹湯，整散個麵，所以隔離碗湯都無用過，加紫菜就可以試下個湯咩味。不過叫炸醬配撈麵，下面就需要再另外落蠔油或者腩汁撈麵，味道配合啲，都唔會令個麵太咸。炸醬係切過嘅肉碎，有少少咬口，茄汁味道加蔥好開胃。今次都係幫襯返魚蛋啦！佢嘅白魚蛋係傳統貼埋一齊嘅餅蛋，爽滑彈牙，同有胡椒味嘅湯好夾，所以我好好彩加埋紫菜，又有湯飲啦！凍檸茶＋$8總計$65