樂園魚蛋粉

Open Now

Now Closed

早上食太多下午打算是是但但食D野醫飽個肚就算     難得已經3點當然要享用下午茶特價的福利見門口有張poster話鋪頭有特價魚蛋粉就入去睇睇最抵食應該係下午茶$31 魚蛋魚片河 連熱飲$31蚊有咁大碗 分別有3大舊魚蛋同魚片係爽口彈牙ge河粉絕對唔係下午茶size係一大碗                                茶餐廳style裝修唔闊落係正常有霓虹燈牌令個氣氛有d生氣                         D侍應態度唔錯有禮貌  下午茶係抵到爛有質素有分量有態度尖沙咀真係冇乜地方做到呢個價錢比你食飽肚邊個話尖沙咀冇平價野架？

到咗年尾+月尾，花費自然大咗，經過尖沙咀做野順便要食個飯。係門口睇完見麵同飯大約30-40左右就決定入去試試。四寶幼麵（$38）：有手打魚旦+豬肉丸+魚皮餃+墨魚丸。粒粒都大而且幾彈牙唔會有酸既味道。值得一讚既係幼麵既鹼味唔勁，易入口，而且食落爽口。湯式清清地。朋友既牛雜飯：份量唔算大，但牛膀、牛肺、牛腸、牛肚都炆得好軟林，鋪底既蘿蔔都入味。仲送咗一碗紫菜湯。我地加$10要咗一碟菜心，菜心幾幼唔會多渣。兩個人大約100內，個人中意麵多過飯。幾抵食。

早2日公司要OT，同同事喺附近食個快飯，就諗起食魚蛋粉應該最快😂😂一入去餐廳見到個環境都幾乾淨😃，而且啲裝修好簡潔，令人坐得好舒服🙃我呢位同事一向食得清淡，見到枱面膠片貼咗黃金墨魚春卷圖，佢就order左呢個配米粉；黃金墨魚春卷米粉hk$35-而我一向食魚蛋粉店都係叫牛腩河，所以今次都唔例外😌，再配杯凍檸茶；牛腩河hk$35-配凍檸茶加hk$8-墨魚春卷金黃色，入邊有粒粒墨魚肉，好有咬口👍；而牛腩河既牛腩好淋，一啲都唔un唔”鞋”口😆我哋再叫咗個油菜share，(跟餐hk$10)，今日嘅油菜係芥蘭，師傅”淥”得啱啱好，唔會太淋，啲菜本身亦都好靚，好甜😋😋呢度除咗粉面之外，亦都有飯類選擇，如果好肚餓嘅可以選擇叫飯🤗，店員亦都好有禮貌🙆‍♀️👍，價錢亦都唔貴，平靚正之選😎

以前好怕去尖沙咀揾晚餐食，但今日之後就唔會咁諗，因為今日發現左尖沙咀竟然有呢間好野行過見到條街呢間舖坐滿人已經好好奇點解咁多人幫襯，望下餐牌見到食粉麵，再望下個價錢原來價錢咁抵，係尖沙咀黎講，應該真係無幾多間可以做到咁平，所以我地兩個決定一試因為滿座，我地要等一陣間，大約五分鐘就可以入去了，侍應好友善，即刻帶我地坐低餐牌都有幾多選擇，粉麵配搭多元化，又有飯類選擇，仲要讚下餐廳安排即棄筷子，食客都食得安心我地最後揀左豬肉丸河粉，墨丸春卷米粉，加$10仲可以跟菜心抵豬肉丸有四粒，河粉份量勁多，滿晒一大碗，不過最想讚下個清湯底，一食就知無落任何味精，好多時出街食，想清清地食一餐都好難，好多粉麵舖都會加味精，呢度真係一個清泉終於有間食粉麵係唔使食味精啦另外一個雙拼都要讚下個墨魚春卷，真係用心製作，墨魚肉彈牙用料足，食到粒粒墨魚肉，仲加左粟米一食就感覺到無味精，用料足，仲要健康d，老闆係尖沙咀收呢個價錢真係成本價跟餐加$10就有菜心，生菜，芥蘭揀，我地見咁抵食就加左一個菜心，菜心夠冧又無渣，原本唔記得叫佢少汁，一上菜見到佢分開汁就想講佢真係安排得好貼心，客人按自己喜好去點蠔油，多少都自己決定，有

呢間開喺尖沙嘴既粉麵店，價錢親民，真係良心小店，值得支持下👍🏼牛雜粗麵($35) 唔少得牛肚 牛膀 牛肺 等等啦，最鐘意牛肚好彈牙，個湯好夠味 正😋😋招牌魚蛋河粉($31) 相比之下呢個就清淡啲，不過都好食架 河粉煮得啱啱好 ，唔會overcook ，魚蛋大大粒好彈牙淨雲吞（$31) 有六粒雲吞加幾塊生菜，每粒需呑都有鮮蝦豬肉，味道好濃，愈食愈好味大食既我再加多左一碟菜心（$10），菜有得揀菜心/生菜/蘿蔔/芥蘭，浸下雲吞個湯再點少少蠔油食 好好味😋

又凍又肚餓又口干， 只想搵一間餐廳坐下、暖下個胃. 尖沙咀搵到一間麫舖坐下。 （5⭐️最高）有少少失望雲吞size（2⭐️) : 一碗有3粒， size 比一個5元大少少，有一隻蝦肉在其中，對比較我之前食的雲吞為細。味到(2⭐️）： 因為一咬就食出雲吞皮的粉味， 起初以為搞錯， 但三粒都有同樣的粉味， 只可以說落粉太重手粗麫底（2⭐️）： 唯獨一讚是蛋味好重， 因為麫量唔算多， 鹼水味太濃， 無足夠時間讓開啲面就煮😩… 就出事啦～心機/心思（4⭐️）： 黃金墨魚春卷， 自家整， 內有墨魚肉， 粟米粒。 咬落滑口， 雙拼都有3條， 每條約7-9cm 長☺️希望下次去， 有改善啦～😌

臨近月尾 行開尖沙咀肚餓又唔捨得食貴少少 醒起上次食過e間 一碗魚蛋粉最平$29 尖沙咀係邊度搵叫咗碗牛腩河加淨鮮蝦雲吞同一碟菜 因為上次已經食過魚蛋同埋崩沙牛腩 今次諗住試吓其他 牛腩河牛腩份量都係多嘅有一隻碗嘅直徑咁多 牛腩正常發揮 唔un有舊成舊都係脂肪個人中意崩沙牛腩多啲 如果唔想食牛嘅有個隱藏食法 可以叫雲吞河加牛汁 我覺得大食嘅可以嗌加底 如果唔係會食晒啲粉但係未食晒啲餸 鮮蝦雲吞有六粒 粒粒都差唔多大細 入面一半係豬肉一半係蝦 清湯會配幾塊生菜加$10有一碟生菜叫咗全走(走豉油走蠔油) 所以望落去好似好dry🙈 但係菜係新鮮嘅幾鍾意黎依間食其中一個原因係想上菜快 亦都冇試過漏單 重點係乾淨！同埋裝修都幾靚同企理 下次會再嚟食😌

💛樂園魚蛋粉·呢間魚蛋粉真係超級快靚正 坐低唔洗一分鐘就有得食 我同同事趕時間既時候都會食佢😈😈·牛腩魚蛋河$42 l 油菜$10佢單拼一碗$3x既姐 不過我個日想食得豐富D 所以就嗌左雙拼😌佢個牛腩份量真係超多 有成8/9舊 而且佢真係煮得好淋 味到唔錯🤤不過個魚蛋我自己就覺得一般般啦 我覺得佢有少少腥咁🤭🤭反而佢個油菜煮得幾好 個軟硬度對我自己黎講岩岩好😎··📍尖沙咀金馬倫道21號地下C號舖

作為一個牛魔王，去魚蛋鋪唔係食人地啲魚蛋，而係食牛什河！👅 牛什河牛什好香，整得又夠淋又夠入味😋有牛腸，牛膀，牛肚，我最鍾意食牛腸🤤平時無乜幾可食咁肥嘅野，今次就豁出去，食埋肥仔河粉先算🥳．👅 魚蛋河睇落好簡單嘅魚蛋河，其實一啲都唔簡單！魚蛋好彈牙，食到好有魚味，加埋炸魚片，係香港先有嘅魚蛋味😂．👅腐乳通菜加$10就有一份腐乳通菜😋腐乳有咸香，加埋灼好嘅通菜，一定夠晒飽呀🎃有時平平地食一餐，唔洗下下大魚大肉嘅😛

樂園魚蛋粉好耐都冇試過食啲中式魚蛋粉，所以今日嚟到呢間裝修比較新式嘅樂園魚蛋粉。舖頭非常之光猛。座位之間亦都好寬鬆。佢比起一般嘅傳統中式粉面檔會多咗好多其他嘅新菜式，例如海南雞飯，或者豬手飯。今次我哋除咗叫舖頭嘅招牌麵-崩沙腩河粉之外，仲叫咗佢最新出嘅菜膽雲吞雞配白飯。仲有喺香港自家工場製造嘅酥炸門鱔皮，飲品方面就叫咗個豆漿。菜膽雲吞雞配白飯不論雲吞同埋雞嘅份量都非常之多，湯底有淡淡的雞湯味，肉質唔會因為煲完而好鞋，以$55來講分量有咁多真係非常之抵。崩沙腩河粉口感一流，崩沙腩肉同脂肪嘅比例啱啱好，河粉加色亦都令成碗面嘅味道提升唔少，分量依然都係非常之多。酥炸門鱔皮口感非常之香脆，食之前可以將佢放落個湯度浸一浸，都會令到佢油膩嘅感覺減少。呢個小食仲要係每日限定，所以有機會叫到都會再叫。

有時心血來潮會好想食碗潮州粉面🤣🤣咁啱行過呢間就入咗 其實佢裝修都幾靚 好似一般港式冰室唔會有一種好大排檔嘅感覺叫咗黃金墨魚春卷 牛雜麵 凍檸茶加個菜佢個腐乳通菜係龍另上嘅咁可以按自己分量按幾多都得味道正正常常墨魚卷都算彈牙香口～有啲似平時打邊爐嗰隻魚餅牛雜麵我最鍾意就係食牛肚！佢入面乜嘢料都有，相當豐富而且啲牛雜唔會有怪味，切得又厚身，唔錯唔錯😌😌😌腸入面都無咩污糟野，感覺上都好乾淨！凍檸茶少甜就正常水準～

今日落堂後行行下去左尖沙咀呢間樂園食入到去裝修都幾好，乾乾淨淨幾整齊之前已經聽人介紹過，今次經過就食叫左個雲吞麵同埋酥炸門鱔皮其實仲想食牛腩嗰啲下次要叫朋友一齊嚟食😌雲吞麵 $31好耐無食過雲吞麵細個勁鍾意食😬四粒大大粒既鮮蝦雲吞蝦肉好大好足夠料 我加左辣椒油 個辣椒油勁香 增加左個香味☺️好正酥炸門鱔皮$35😬😬香港工廠自家製作👍🏻一黎到有個包裝 幾乾淨食唔哂又可以攞走 好方便👍🏻👍🏻就咁食好香脆又可以浸湯5-10秒 進食兩種口感我都鐘意加左個凍檸茶😗😗自己一個享受呢一個晚餐🥰今天比我嘅感覺都好好👍🏻不錯既選擇😬

風球除下，走到尖沙咀逛街，當然要醫肚，於是入座樂園魚蛋粉，位置非常方便。餐廳除了提供粉面選擇，還有飯餐。這天晚上，點了墨魚丸魚蛋雙併撈麵，還有餐廳推介的自家製黃金墨魚春卷。墨魚丸和魚蛋非常香，滿滿的魚香味，而且口感彈牙，一試難忘。撈麵麵身非常乾，很符合個人喜好，而且份量十足，個人而言有夠飽肚。這個墨魚春卷是淨食，所以份量比較多。墨魚春卷內除了有墨魚肉，還配上粟米，無論香味和口感，也更加豐富。味道也是咸淡適中，食得開懷。

平時我好少食魚蛋粉，因為通常出街食飯都想食得好啲，但依間魚蛋粉同埋牛腩河又令我喜出望外，因為佢除咗平靚正之外亦都喺尖沙咀，好方便。叫咗一碗魚蛋麵同埋崩沙牛腩河，崩沙牛腩河係限量嘅，佢嘅牛腩非常之好味，肉質唔會太冧，而且好有牛腩嘅香味，唔會好似其他麵店嘅牛腩咁樣，得個硬字，而且佢嘅肥瘦適中，唔會有一大舊肥膏搞到全舊牛腩都冇得食。至於魚蛋河入面就有魚蛋魚片，我覺得魚蛋係正嘅，魚片就正正常常啦，但佢嘅面質又令我有驚喜，因為佢唔係嗰啲好冧嘅，仲會彈牙，所以質素都唔錯，喺尖沙咀食嘢幾十蚊一碗，加$8又有一支凍豆漿，食完$100仲有走，喺尖沙咀依到，係咪好抵呢！順便介紹翻，佢依家仲有自製辣椒油添！我兩碗都有落辣椒油，加埋一齊食仲正

好耐無食過香港啲粉麵，特然好掛住啲雲吞麵、魚蛋粉，咁岩今日出到尖沙咀，真係比我路過見到間粉麵店！呢間「樂園魚蛋粉」好有傳統香港粉麵鋪頭feel，就算唔睇menu唔睇鋪名，就咁入去都知道呢到食咩噏得出既粉麵呢到都有，最經典晚雲吞魚蛋粉當然都唔少得。我叫左個牛腩河，好平只係30幾蚊，份量一啲都唔少，牛腩就咗望落都好多，唔會得幾粒仔，好抵食。牛腩幾淋，味道唔錯，河粉亦好索湯。同場加映秘製辣椒油，加少少落湯到更吊味朋友叫左魚蛋米線，係白魚蛋唔係車仔麵魚蛋，好大粒又彈牙，好食黃金墨魚春卷，唔係炸個啲春卷，而家係軟身個款，入面好重墨魚味，仲有啲粟米粒係入面，真心好食！好耐無食過港式粉麵，價錢又平，勁抵食，好滿足