Video
Opening Hours
Today
07:30 - 00:00
Mon - Sun
07:30 - 00:00
Above information is for reference only. Please check details with the restaurant.
晚市套餐抵食👍🏻五十零六十蚊有粉面、飲品，加多13蚊有通菜/生菜/菜心都係埋單$6x🤤味道唔差～座位都幾闊落，侍應態度良好🍀是日點餐🍀四寶丸河粉(💰52）有招牌魚蛋、鮮炸魚片、魚皮餃同埋肉丸～尤其要讚個招牌魚蛋好出色，似魚滑嘅質地，唔係一般一粒粒嘅魚蛋，好滑好彈牙😍河粉爽口，配埋小小蔥花炸蒜，味道中上｜👅: 4.6/5金牌牛三寶(💰62)金牌牛三寶🏅其實就係崩沙牛腩、牛筋、牛肚！先講牛腩，肉嘅紋理層次分明靚仔，口感爽但不硬，而且非常入味，果然係牛腩中嘅極品👍🏻。牛筋嘅質感啱啱好，又滑腍又唔會唔黐牙。牛肚呢我覺得更加出色，有咬口但又好軟熟，味道出色👅。今次選擇咗幼麵🍜，其實呢隻麵除咗配雲吞，我覺得配牛腩都好好食，個人推薦加少少醋，會令到成碗麵嘅層次昇華。等我下次試吓佢個牛雜麵先｜👅: 4.7/5
continue reading
等佢上碗面等十五分鐘，就正常，因為廚房好忙！我坐喺度等朋友十分鐘，個員工就同我講「呢枱坐左好耐，再啤我一眼」，嘩！我真係見得世面小，第一次遇到呢啲咁有特色既服務態度，我以為自己係黎同佢乞一碗唔洗錢既面，唔比錢仲要麻煩到佢啲咩，所以要受佢如此對待，最搞笑去信佢公司，佢公司客服都係以包庇員工為主，唔怪得呢間店嘅員工咁有恃無恐，呢間店啲員工我見過幾次同食客鬧交，本來都唔知咩事，唔知邊個有問題，唔自己領教過真係唔知痛，食物一般，態度9流，無下次！
continue reading
前幾日同老媽子去淘大，好耐冇食過粉麵決定入去試吓啦～我地嗌咗牛雜河，雲吞麵，魚蛋河。因為下午茶時間所以送熱嘢飲。首先嗰個牛雜河，牛雜湯夠濃夠香，河粉好滑身。魚蛋河啲湯係白色魚湯，我哋兩個都認同佢嘅河粉係好食。雲吞麵都唔錯，面都煮得夠彈牙👍🏻👍🏻👍🏻不過碟菜就太細碟推介要配河粉～
continue reading
呢張相就糸樂園魚旦專家（淘大店）果碟蘿白牛腩飯食唔晒嘅脂肪🤬,心諗食哂啲脂肪會唔會死架😱脂肪比例佔牛腩接近80%，我係叫牛腩飯呀！唔能糸叫牛脂肪飯呀😤啲咁垃圾嘅出品都可以俾客食😡，同阿姐反映，佢補番兩三嚿同樣脂肪比例嘅牛腩俾我，仲同我講佢控制唔到師傅出品😔，diu⋯⋯食肆連最基本嘅出品都做唔到，無心做不如早啲執咗佢啦⋯⋯呢間野以後都唔洗再去。咁樣去做生意，依家香港咁多食肆執笠唔係無原因架🤔
continue reading
招牌豬手米線唔掂。得兩舊豬手，豬手重要好硬！米線又煮唔熟，中間脆既。職員幫我換另一碗米線，但冇加南乳汁，淡茂茂。另一個食客搭枱坐對面，佢話杯檸檬茶篤唔到既，因為淨係有檸檬🍋頭頭尾尾！淨蘿白又苦既！唔知點做生意！
continue reading