樂園魚蛋大王

Open Now

Now Closed

新請左個內地姐！計數機都唔識禁！單都未識落！牛腩河一個多蔥一個走蔥！兩個都有蔥！+10要個腐乳通菜！比個蠔油菜芯！咩料呀⋯⋯離哂譜睇住佢落單都冇都冇寫架啦！計數機係咁禁個0！禁成分鐘禁個0⋯⋯心算都算到幾多錢啦大佬

宜家真係無左好味水餃，呢個係集團式，我響紅磡都食過，記憶中無咁差，但已經無晒面檔既誠意，d河粉又唔好食，湯底完全唔得平時行過都唔係好吸引，點知一試之下就立即好反感，其實河粉可以好好食

今日遲放工兼塞車，太攰所以決定唔煮飯，這間粉麵舖我經常幫襯，因呢度既牛腩好淋，好好味今晚就叫左五香牛肚粉，牛肚好入味，有花辣八角味，入口幾淋，唔會癡牙，加少許辣椒油，更加惹味

今日嚟到曉麗苑知道呢度有一間叫樂園魚蛋粉嘅餐廳見到佢有艇仔粉，好好奇係咩嚟嘅原來係有啲魚片紫菜扎肉加埋腩汁，好多配料嘅河粉好推介大家嚟呢度食辣椒好香 不過呢度環境勁開放式，冇咩私隱度，一路食一路啲人行過係咁望有啲尷尬唔介意嘅最好就買返屋企食啦

曉麗苑食市唔多，魚蛋大王係其中一間，地方細細，其實坐都好迫夾，不過食粉麵勝在快黎快去，所以都冇嘜所謂。平時一般都係食佢地出名嘅魚蛋或者墨魚丸，今晚突然好想食豬手，所以就黎一碗豬手麵，果然晤係佢地拿手食品豬手皮發黑，豬手冇嘜肉而且都幾肥下湯亦好渾濁，油林林咁，下次都係食番魚蛋穩陣

經常到呢度買外賣，佢嘅墨魚丸幾好食，唔啲下價貨，抵讚! 另外，佢嘅魚骨魚皮都係好好食，但30蚊就略嫌貴咗啲，如果賣廿零蚊就合理! 不過以街坊小店嚟講，佢都算係唔錯選擇!

曉麗苑商場,商場好細,鋪位唔多,但食肆已有7間,兩間茶餐廳,一間賣魚蛋燒賣小食,一個外賣點心鋪,車仔麵,涼茶鋪,加這間粉麵店。講番這店,這店雖只有四張4人圓檯,但人流流轉都好快,個人最鍾意這裡啲牛腩,肥瘦均勻,肉質夠淋,加上呢度啲辣椒油,好有辣椒香味,但唔會太辣,非常惹味,仲有,呢度骨脆魚皮,真係好脆,香口,一定要試

呢間潮洲粉麵，D雲吞牛腩出晒名正，堅巧手。今次來唔食雲吞啦，試下韮菜雲吞同呢㰴無咩地方食到的脆骨炸魚皮。個菜肉雲吞，一咬落好多韮菜，好香，半肥瘦豬肉與韮菜混著，好豐膄多汁，加上滑滑的雲吞皮，且雲吞大小恰到好處，加上潮洲辣油食，更加美味，普通野但係人間美食!帶骨魚皮，D店員話係用舍鱔鱔皮炸，食落魚味濃重，咬落卜卜脆，好香口惹味，我試加湯浸一浸，更好吃，稍浸湯會食到先好脆，再帶些魚味柔韌，好好食的潮洲美食，食過必愛上!

朋友住呢邊，過黎探他見有點餓周圍搵下野食附近都有茶餐廳同車仔麵見到有間粉麵係佢屋企樓下聞到幾香餐牌都有魚蛋粉同其他丸揀雖然呢度叫魚蛋大王但我都想試下腩河加羅白買左碗take away 去朋友度食首先碗粉個湯好甜牛腩一點也不馬虎肥瘦適中而且份量夠羅白好林，索哂湯，好正下午茶仲包埋野飲，以$31既價錢黎講Cp值相當高夜晚朋友即興想打邊勞 ，仲係同一間買左有骨魚皮初頭以為食起會好煩不過炸到連骨食都冇問題魚味夠既炸魚皮

這間店的鳳城水餃，真的非同凡響。水餃豐滿，餡料十足又大隻，豬肉，木耳，冬菇，筍絲，混以蛋汁，調味入味，食落肉香扎實有汁，以廣東式雲吞皮包裹，外皮特別滑溜。其實鳳城水餃，比用麵粉皮包，更為好吃，麵粉皮也讓人太膩胃。這店的湯底出名好，有大地魚，豬骨的鮮味，不油膩的清湯底，令鳳城水餃更添美味。別忘加上此店的炒製辣椒油，香辣味極出，可謂十分惹火又惹味，再配以香䓤，切記不用加淅醋，因加醋會影響新鮮水餃原汁原味，如此美味的廣東小吃，此店是我吃過最灑家的，其實提議冬天時，在此店買打生水餃回家打邊爐最好。

這間店的出品，同事一直都是捧場客，話這間店的牛腩真是超班水準。 牛腩肥瘦均勻, 牛肉帶鹵水和柱候醬+香料的味道, 牛腩軟滑又冇渣，牛味濃郁帶脂肪的油香，而且醬和香料味道不會有濃重而搶了牛味，配以浙醋和蒜花，更提升了牛腩味道。湯底更妙不可言，鮮甜有層次的豬骨湯底，想必是㷛上十多小時，也滲入了牛腩肉的精華，絕不口渴又味精重。河粉又夠滑有米香，沒有淥得太腍，吸湯超好味。牛腩河配凍奶茶，真的相當匹配，此店的凍奶茶，茶底厚香，濃滑有序，越飲越提神，沖得實在不錯。

喜歡吃魚蛋的我，會常常都會去食潮州粉麵店，今次當然都唔會例外啦，同屋企人一齊過嚟食，喜歡這裡乾淨又價錢合理，今次我就叫返我最愛嘅魚蛋，而屋企人就食墨魚丸河，我喜歡吃這間魚蛋的原因係，因為這裏的魚蛋十分之大粒，而且咬落去仲十分之彈牙，魚味十足，在出邊的潮州粉麵舖都做唔到，所以成日心掛掛過來。屋企人今次叫的墨魚丸河，都有驚喜，河粉都幾滑身，口感不錯。墨魚丸都十分之大粒，而且口感好好唔會十分淋身，食得出十分份量足料。湯底味道都不錯，唔似一般嘅味精湯，今次再叫咗一杯奶茶，奶茶味道都不錯，有點似茶餐廳的味道，奶和茶配合得不錯，唔會十分淡口，而且口感都幾滑溜，所以整體來講這間店十分之滿意，下次都希望會再試佢哋其他的食物。

曉麗苑既餐廳數目其5隻手指都數得哂，所以我今日又再黎幫襯樂園。不過我都係買外賣返屋企食。等外賣期間，咁岩聽到職員介紹食客食墨魚丸，原來樂園既墨魚丸係由香港廠製造😱😱，仲要係用純魚柳自己打出黎😱😱，攪到我下次都好想試下佢既墨魚丸🤤🤤，支持一下本地食物😍今次我叫左牛肚米，牛肚既份量多到差唔多成碗麵，份量真係好誇張。牛肚仍然保持到一向既水準。牛肚既花紋好靚，而且好腍好入味。但樂園既辣椒油🌶️真心好味，唔會太辣，牛肚點完辣椒油之後又有另一番風味😋😋鋪頭既牆身已經係餐牌，好清楚咁睇到有咩野食。最近新推出左韭菜餃，全日都係$26蚊。下次食我一定會再墨魚丸，試下香港既風味😆😁

這間店的鳳城水餃，真的非同凡響。水餃豐滿，餡料十足又大隻，豬肉、木耳、冬菇、筍絲，混以蛋汁，調味入味，食落肉香扎實有汁，以廣東式雲吞皮包裹，外皮特別滑溜。其實鳳城水餃，比用麵粉皮包，更為好吃，麵粉皮也讓人太膩胃。這店的湯底出名好，有大地魚，豬骨的鮮味，不油膩的清湯底，令鳳城水餃更添美味。別忘加上此店的炒製辣椒油，香辣味極出，可謂十分惹火又惹味，再配以香䓤，切記不用加淅醋，因加醋會影響新鮮水餃原汁原味，如此美味的廣東小吃，此店是我吃過最灑家的，其實提議冬天時，在此店買打生水餃回家打邊爐最好。

一向都好鍾意食樂園魚蛋粉，今日放左工之後，返到樓下買左個下午茶黎食、下午茶時段由2點半開始，佢既下午茶係碗粉麵有野飲送。今日我買返屋企食，打開個盒有d失望，平時會見到好多舊牛腩，但今次得返5舊。真係少左好多好多。除左份量淨d之外，牛腩既味道其實都唔錯，肉夠軟淋，唔會好多根，同埋都好入味,另外湯底亦都帶有腩汁味。其實最好味係點埋佢地既辣椒油，辣得黎又好惹味，食咩都岩點。希望下次再食既時候，會多返d牛腩啦