樂園魚蛋 (亞皆老街)

Open Now

Now Closed

今日去完旺中買袜後黎到呢間離旺中幾分鐘步程ge樂團魚蛋食個簡單lunch。我地兩個人各自點左1個麵同1杯/枝飲品share食。呢度環境比一般粉麵店都好啲，天花裝左啲復古風扇燈同現代感ge射燈，裝修都算有啲心思。我地兩個人都可以坐4人卡位，坐得好鬆動。金牌牛三寶河粉$52都好足料喎，4舊牛腩，4舊牛筋同2舊金錢肚，全部排得靚靚仔仔，另外仲有蔥mix芫茜。牛筋同金錢肚都好林，牛腩就係比較多肉少脂肪果種，三樣餸都好味。河粉亦淥得剛剛好唔會林晒。墨丸魚蛋雙拼幼麵$36+雙併$10兩隻丸都好彈牙，墨丸仲有少少墨魚粒增加口感。幼麵又係淥得剛剛好。凍奶茶(加$8) 唔記得叫少甜，不過甜度都好適中，幾好飲。豆漿(加$8) 係枝裝ge豆漿，仲係香港製造。食到差唔多尾聲加左一小羹辣椒醬試下，都幾辣喎，仲有啲好似茶葉咁ge味添，我都係第一次食到呢隻味ge辣椒醬。

第一次食，見到門口咁搶眼，裡面望落又乾乾淨淨，所以就沖左入去坐低🤣地方幾寬鬆下，檯同檯之間唔會太逼，而且座位啲櫈都幾舒服。餐廳嘢食都幾多元化下，有粉麵，可以加配小食/飲品。亦有提供飯，包括港式咖喱飯小食方面，唔想食澱粉質嘅朋友可以選擇淨食。我哋2個人就每人叫咗碗河粉。鳳城水餃扎肉河（朋友話）：水餃好大隻，隻隻都好足餡料，皮夠薄。扎肉就無咩特別我自己叫咗魚蛋墨丸河。2款丸都係店鋪推薦嘅。魚蛋食落好彈牙，墨丸除咗彈牙，仲好爽口。我另外加錢叫左碗紫菜湯。紫菜無沙，幾清甜。每人一杯熱檸蜜，有啲偏甜，但可以加少少水中和返，當多左3分1杯野飲🤣最後，加左個炸墨魚餅。呢個真係好有驚喜。好脆口，個醬酸酸甜甜，好開胃。

星期日同老婆去波鞋街行街，經過樂園魚蛋，食返個雲吞麵店內裝修都幾好，好多卡位，四人坐位選擇，座位之間距離闊落坐得好舒適,店入面乾淨，整潔，燈光光猛。食物方面好多選擇，價錢合理，旺角區真係好難搵到又平又好食，又坐得舒服乾淨嘅食店。牛三寶值得推介俾大家52 元真係好低食牛腩，煮到好軟熟，肥瘦均勻適中，肉質鮮嫩，牛肉味好香,入口肥美軟熟嘅感覺加上香濃嘅牛肉味真係好正。牛筋，煮得好入味,軟滑，嗰種骨膠原嘅口感，十分滿足。牛肚，煮到啱啱好,爽口入味，口感一流。湯底加咗腩汁，有濃郁嘅牛肉味，配埋米粉加少少蔥花，最緊要落少少辣椒油，簡直係完美，好鍾意佢個湯底，最後一定連個湯都飲晒。雲吞牛筋河 46元雲吞係大大粒，咬落去食到好大隻蝦，新鮮又足料，爽口又彈牙，超好味口感一流。河粉幼身軟滑，細白如絲，輕輕一啜就滑入喉頭。呢間野真係十分抵食加$10就可以要個油菜我哋就加咗個腐乳通菜，通菜嫩滑爽口，腐乳醬調校得啱啱好，又香又濃郁嘅腐乳醬，真係好好味。我自己本身就鍾意食辣，佢呢度個辣椒油好香，大家真係要試吓，加埋落啲碗麵到，令到個湯底同食物升高一個層次。飲品，我哋就叫咗凍檸茶同埋凍咖啡，每杯都係加$5，性價比高

話說旺角亞皆老街開了間新的粉麵店，門外已覺燈火通明，加上本人是粉麵控🥢，所以決定一戰！場內燈光明亮💡，環境很大，感覺也很乾淨😍。菜單方面也有剛好見到宣傳海報說有🦑炸墨魚卷河粉的新品，加上我很喜歡吃🐮牛腩，所以就決定雙拼了！🦑炸墨魚春卷+🐮牛腩河 $46河粉一來到，份量十足，一定夠飽。炸墨魚春卷外脆內彈牙，而且內有甜甜粟米🌽，感覺很美味。牛腩方面，半肥瘦，不會太乾又不會太肥，恰到好處，配上芫茜、蔥、蒜就剛剛好，令湯底很入味🥰。🥛豆漿 $8豆漿很香豆味，而且不會過甜，值得再試。整體來講，坐得舒適，粉麵來說也很高質，因為我連湯底都喝光了！🤪

收工後夜晚又有啲嘢做，想食一個方便快捷又好味嘅dinner，見到呢間餐廳新開冇耐，入面嘅坐位都好舒適寬敞，就決定要試下佢～餐廳有好多唔同種類嘅粉麵飯可以簡，而且價錢都好實惠，最平三十幾蚊已經有交易！最終都係俾佢嘅牛腩吸引左！金牌牛三寶 $52 加$8 熱菜蜜見到佢枱面嗰支辣椒酒，食辣嘅人有福了。不過唔食辣的我，已經覺得呢個牛三寶好正。牛腩十分入味，而且好林，完全不會黏牙。而牛肚都很爽口彈牙，牛筋則軟硬適中。配上一杯熱菜蜜，快速的晚餐，但很幸福

印象中港式粉麵店都係越傳統越好食。 不過傳統就即係舖頭細細或睇落舊舊地既感覺。 今日黎到旺角經過樂園。 一來肚餓好想食, 二黎睇落好光鮮咁, 就入去試下。唔知係咪新開, 入到黎感覺好乾淨, 光猛舒服。 而且係旺角大街有咁大間舖都好唔簡單。一坐底就叫野飲, 又渴又熱。 一杯熱檸蜜，一凍檸茶。 沖得幾好飲, 真係有茶記水準。因為肚餓，同朋友都叫左雙併。秘製牛雜配牛丸幼麵, 秘製牛雜配豬手河粉。原來都幾大碗。 而且雖然係雙併，但都唔會話好少餸。牛雜都好豐富, 有牛肚, 牛蒡, 牛肺, 牛腸。 都係平時少食既野。 牛肺原來係咁, 好似真係未食過, 豬肺就食得多。 而佢既牛丸都好好味, 彈牙, 仲要好有牛味。 唔係一般合成野。 好少咁好味，幾驚喜。而配豬手都唔錯, 大大件, 幾稔下。 估唔到睇落咁新既舖頭都keep到咁傳統既味道。 最緊要價錢都好大眾化。 真係幾唔錯。

今日同爸爸出旺角買野，行過樂園想食碗麵做下午茶，爸爸最鍾意食牛雜同牛腩，咁我地就點哂兩樣啦！樂園好多地方都有分店，所以我地對佢既質素都好放心，而且呢間鋪開左冇幾耐，裝修好新淨，成間鋪都好企理，比人食得放心既感覺！-崩沙腩河粉$52崩沙腩超級好食！超級！牛味好濃好重，筋膜位同脂肪好香，肉好嫩身，唔會好鞋口，又唔會好硬，個湯底都唔咸，飲幾啖湯都唔會口乾，河粉好滑，唔會煮得太林，份量好足！下次一定會再食！-牛三寶米粉$52牛三寶有牛筋、崩沙腩同埋牛肚，好好食，牛筋好林好滑，好入味，牛肚好爽，好易咬，一D都唔硬，冇牙都食到XD！米粉都整得岩岩好，good!-凍杏霜、熱好立克（下午茶加左$5餐飲）下午茶跟餐飲只係加$5，野飲正常水平，份量足夠！食完仲好掛住崩沙腩既味道，下次再來！

星期六行過旺角，竟然發現旺中附近開左間麵店，下午茶時段仲要冇咩人，仲可以$5加配飲品，座位闊落，環境好乾淨😎❣️秘製牛雜麵配凍檸茶 $36+$5牛雜大大件，而且夠入味，首推牛肚，爽口味濃，麵底煮得夠爽，湯底清甜🙆🏻‍♀️❣️鮮蝦雲吞河配凍檸茶 $32+$5雲吞大大隻，內裏嘅蝦都夠鮮甜，但略嫌湯底比較淡，加番啲辣椒油就正啦🤪❣️鮮炸魚皮 $18魚皮非常脆，調味啱啱好，而且都較為乾身，唔會太油👍🏻🏦是次消費總額 $96（人均消費 $48） 🍴須加一服務費👅好味度：8（10分滿分）有時快餐食個麵，呢間都係唔錯嘅選擇，而且價錢較為平，佢嘅辣椒油就好有驚喜，小小都辣度十足，為碗麵嘅味道提升唔少🙋🏻‍♀️

呢間魚蛋粉餐廳經過過幾次，次次都見到幾多人食下，今晚收工經過終於試吓！咦，幾唔錯喎🙈唔怪之得都坐左咁多枱客啦👍🏻同朋友各自叫左兩碗雙拼河，湯底好正，飲得出用足料去煲同淆😚仲叫左兩枝豆漿飲添牛丸牛腩河：牛丸堅彈牙，入面仲好juicy,肉汁豐富。而牛腩勁多件，又入味，痴住啲肥膏一齊食，正到痺😈牛雜魚片河：魚片正又有魚味！牛雜完全無腥羶味😋而且牛肚估唔到有口感之餘又嫰🥰最後必定要讚佢哋果樽自家製辣椒油，又麻又辣，食得好爽😎終於明白點解keep住咁多人黎食👍🏻👍🏻

呢間餐廳係新裝修所以裏面啲環境比較乾淨，間餐廳就係正先達廣場隔離。牛腩雲吞米線，牛腩會有瘦嘅肉同埋肥嘅肉一齊嘅，餛飩會有三粒，個湯底會加咗啲牛腩汁落去，所以個湯底會有牛腩味，呢碗米線雙拼就46蚊，另外加5蚊會有一支豆漿。扎肉水餃米線，水餃會有三粒嘅，水餃會畀雲吞大粒少少，如果鍾意食水餃嘅朋友，其實水餃係會抵食少少，札肉就會有三塊，呢碗雙拼米線42蚊，另外加5蚊會有一杯凍朱古力。腐乳通菜，加十蚊會有一碟腐乳通菜

旺角新開左一間港式粉面鋪頭其實樂園已經有好多分店觀塘 北角 將軍澳都有鋪頭價錢又平又大份呢間新分店環境好寬闊坐得好舒服 而且樓面光猛 企理乾淨菜單黎講有飯有粉麵餸黎講有丸有牛有餃本身想叫招牌菜崩沙牛腩不過實在太多賣 晏就時間已經賣哂所以最後叫左金牌牛三寶同雪花肥牛🌟金牌牛三寶 雙拼 頂級墨丸 河粉 $52+$10湯底濃郁 好重牛湯味道 而且唔覺有味精既味道牛三寶有牛腩 牛肚 牛筋👅牛肚軟熟彈牙 墨丸好有口感牛腩啖啖都係肉味 份量又多 😺牛全部都燜到好入味 咬落去仲有啲汁吱出嚟🌟雪花肥牛 雙拼 爽口牛丸 米線 $36+$10肥牛唔會乾身 肉感香軟 好有嚼勁肥牛亦未預期多 因為鐘意食酸酸嘅感覺所以自己再加左少少醋 🥰而雙拼加左牛丸 牛丸非常彈牙🤤米線都好大碗 食到好飽肚😽加配飲品：🍹豆漿 $8原樽豆腐 十分衛生😍🍹凍檸樂 $11熱辣辣嘅天氣最好就係飲番一杯凍飲😋

去開旺角，又想食啲平平食嘅午餐，隨便入左間魚蛋粉諗住醫下肚，不過食完都有啲驚喜，抵食夾大件！♦️牛三寶幼麵🐮$52牛三寶超入味，牛腩牛肚都好淋，係牛筋未煲得透，唔係完全入口即溶，不過味道搭夠，啲餸嘅份量都好多，性價比高👍🏻♦️四寶丸粗麵🍡$45有齊肉丸、墨魚丸、潮州魚蛋、魚片頭同魚皮餃，肉丸同潮州魚蛋都好彈牙，魚皮餃唔厚皮，餡多，揀左粗麵，麵質滑冇鹼水味♦️凍柑桔雪碧 🍊$10、凍檸茶🍋$5凍檸茶檸檬夠新鮮，味道同茶餐廳沖出黎嘅水準差唔多。柑桔雪碧就幾特別，雖然叫雪碧，但最後汽水係檸七🤣，不過我仲like！配埋咸柑桔打成嘅漿同話梅，酸酸甜，勁解渴，啱晒夏天飲，味道似咸檸七呢到都幾抵食，60蚊左右就可以搞掂一餐。下午茶14:00-18:00黎仲抵食，可以$5加配凍/熱飲，下午茶粉麵之選

近排我地食得多油膩嘢，放工去食魚旦粉都係唔錯嘅選擇🤣我哋被安排到卡位，一坐低已經俾定餐牌我地睇🤪 「香港製造，持之以恆」再配合埋咁可愛嘅公仔，令我地對普通嘅魚蛋粉加添左期望🤣🤣始終係晚餐，我地叫多d野食😂金牌牛三寶拼墨魚丸：我揀咗河粉，但佢唔記得走青🤣🤣墨魚丸好彈牙，如果多兩粒會更好😜 牛筋都煮得好林👌🏻牛腩拼魚皮餃👻我試左粒魚餃，好味既😬 牛腩好似都唔錯 我地share食最開心🥳🥳既然黎食魚蛋粉，點可以唔試魚旦😎😎 所以叫多個淨魚蛋🌝 的確係幾彈牙，但我地覺得比較濃味🙈加錢叫多個凍飲，同豆漿😋今餐整體ok😌滿足到我哋食魚旦粉嘅期望haha

呢間魚蛋粉有好多分店 行開旺角見到新開左間 即刻去試試先🤪🤪店鋪新凈又夠大 裝修風格比較新潮 唔似傳統魚蛋粉舖🤓🤓除咗粉麵之外仲有飯食 不過一場嚟到梗係要試吓去最出名嘅粉麵😆金牌牛三寶 + 生菜有牛肚牛腩牛筋 估唔到三樣嘢都咁好味😋😋最正嘅係牛腩👍🏻 煮到非常軟林入味 啖啖肉之餘 肥瘦適中 食落超香牛味😝 牛筋又係整得好林 大大件 食落滿滿骨膠原😍😍 牛肚意外地都處理得不錯 唔會好韌😚食呢個一定要配河粉 牛嘅味道充分融入湯底 每啖河粉都食到牛嘅香味🥰🥰小食揀咗生菜 除咗呢個仲有通菜菜心可以揀 選擇都幾多樂園四寶丸 + 吉列墨丸有招牌魚蛋 黃金魚片頭 豬肉丸 墨魚丸 魚皮餃😍選擇好多 咩都可以試下😊 最好味嘅當然係招牌魚蛋啦 超級彈牙爽口 😋😋魚片頭炸到外層脆身香口 內裏有濃郁嘅魚味 同平時食嘅魚片頭好大分別 😝豬肉丸同墨魚丸都係好新鮮 足料 食到有墨魚粒 唔會好似平時食嗰啲丸咁 過多麵粉 而呢一碗就配左粗麵 食落好驚喜估唔到個麵鹼水味唔會太重而且軟硬適中好容易咬斷 相較於平時食嘅粗麵好味好多👍🏻👍🏻小食揀咗吉列墨丸 口感好得意 墨丸都係一如既往地新鮮足料 配埋薄薄一層炸粉 令到墨

今天來到旺角和朋友吃魚蛋粉。見到這間樂園魚蛋，好像有很多分店的，而且價錢實惠，所以選了這家。我選了四寶湯米，朋友選了牛三寶幼面，也加錢配了飲品。樂園四寶丸米粉 HKD 45 (紫菜 +HKD 5）- 分別有魚蛋頭、潮州白魚蛋、魚皮餃和墨魚丸。這四款丸最推介墨魚丸，也應該是這裏的招牌之一！墨魚丸算大粒，有一點墨魚肉有咬口，味道有墨魚的一點鮮味，是四款丸中最特別的。白魚蛋比較少地方可以吃到，我也超久沒吃！很彈牙，淡淡魚蛋鮮味，魚蛋頭也彈牙，也有一點點魚味，魚皮餃味道是正常發揮。略嫌丸份量較少，湯底比較味道單一，只有一點咸，但不是很油，算是健康。金牌牛三寶幼面 HKD52 - 分別有牛肚、牛腩和牛筋。每樣也有兩三件，比較足料，牛味算是濃，材料也新鮮，牛肚和牛筋大大塊，牛肚彈牙，牛筋夠軟，口感不錯。這款牛三寶也是這裏的招牌。飲品方面，豆漿和即沖的凍檸茶正常發揮。總括來說性價比算高，可以一試。