龍苑中菜廳

Open Now

Now Closed

已經好一段時間，冇嚟尖沙咀假期酒店，龍苑飲茶，估唔一別已經變咗⋯食物質素依然係唔錯，但係貴為5星級嘅酒店中菜部，佢哋D服務係垃圾中嘅垃圾，由樓面去到經理，全部黑口黑面，講嘢冇尾音，叫佢又唔應，衰D講屋村酒樓一定好過佢⋯今日叫咗蝦餃，係足料有肉汁；鮑魚燒賣，雖然只係細細粒，但好夠味；蘿蔔絲酥餅，一啲都唔油膩，而且好香口；叉燒腸粉，外皮柔軟又滑，叉燒質地都唔錯；錦鹵雲吞做得相當唔錯，特別係個醬汁味道非常好；而當中最好味就係個XO醬蘿蔔，夠曬乾身，味道又濃真係好正⋯⋯食物質素係5星級，但服務真係不敢恭維，應該都唔會再去⋯

約左朋友食點心～又想清靜D就黎左尖沙咀龍苑最掛住係鮑魚燒賣，因為有鮑魚，比傳統燒賣多左陣煙韌口感❤️其次就係蝦蝦蝦系列，鮮蝦腸粉，鮮蝦餃，蝦夠大隻之余，仲夠晒爽口彈牙，正😋主食點個叉燒菠蘿包，炒米粉，完滿～🥰🥰🥰同宜家公式化的點心不一樣，保留傳統點心的風味👍🏻👍🏻👍🏻👍🏻最緊要龍苑環境夠清幽，唔會好嘈。同朋友飲過茶，食個包最啱啦😉😉😉美中不足的是個蟹肉炒米粉略嫌失色😔

復活節帶老人家食的好嘢，咪來此，近地鐵： XO醬炒蘿蔔糕$72，失敗之作，炸完再炒，表面硬，好似炸薯條，無蘿蔔味，海港好過佢，酒店師傅唔識炒 鮑魚燒賣$80，餡多蝦肉少猪肉，個人不太喜歡，而且略咸，鮑魚有彈有靭度，有鮑魚味。 椒鹽炸太湖銀魚$138，每次食都掂，所以再叫，今次粉香魚香多過上次。 想不要次次食點心，叫些特別小菜，一見海参就叫-京醬野菌海參煲$288，心想酒店菜都不會大碟，不出所料，煲就大餸就少，多雜菌，與海參絲撈埋一起，都幾難找到，菌有的韌，京醬不現，一般蠔油豉油燴炒，因為海參少又幼，失落感。 舞茸瑤柱銀針蛋白$238,味淡，瑤柱味不濃，蛋白味無襲擊我，平淡。 最好都係白飯，米香，軟绵。 流沙芝麻球$55，熱辣辣，1人食曬會熱氣，要多2人可分享，跟美心海港差不多質素。 婆婆都唔係幾滿意，款色少，寧願叫點心。 勝在會員有67折。

困在屋企兩個月,見疫情個案回落,急不及侍出山,第一撃去咗三希樓,第二擎就此處，做咗會員有現金券要爭取時間盡快用 ，况且現在2人枱好寬敞。玫瑰豉油雞,雖然比較熟,但不會太靭，有雞味，可能疫情，要熟的比較安全，點白飯伴食，白飯就Good，香軟。蘿蔔絲酥，普通，無金華火腿粒，味淡，蘿蔔甜度未滿足。帶子餃，皮彈，餡鮮，合符酒店水準。椒鹽白飯魚，上次食過，翻啅,仍能保持粗身，不是銀魚。 尖咀在上年年尾，疫情之前來過，食蟹肉炒粉絲，無以前咁好，無乜蟹肉，可能貨源問題，疫情関係，所以今次不點。

龍苑中菜廳以精緻粵菜享譽全港，其傳統手造港式點心更獲香港旅遊發展局頒發美食之最大賞金獎。餐廳佈置高雅雋永，設計揉合了傳統中國建築及現代時尚氣派，為您打造出優雅舒適的環境。初四開年飯，老闆推薦這一間👍🏼☺️ 特別推薦叉燒菠蘿包，新鮮出爐，口感十足，叉燒汁豐盛美味，我一口氣吃了兩個😆 鮑魚燒賣也不錯👍🏼 鮑魚好大隻，性價比好高，燒賣口感爽口彈牙！最後也推介一口蘿蔔糕，香口嘢味👍🏼一班同事都吃得津津有味，最重要餐廳氣氛好好👍🏼 團年聚會適合不過P.S: 略嫌餐廳燈光有點暗🤣

龍苑中菜廳以精緻粵菜享譽全港，其傳統手造港式點心更獲香港旅遊發展局頒發美食之最大賞金獎。餐廳佈置高雅雋永，設計揉合了傳統中國建築及現代時尚氣派，為您打造出優雅舒適的環境。初四開年飯，老闆推薦這一間👍🏼☺️ 特別推薦叉燒菠蘿包，新鮮出爐，口感十足，叉燒汁豐盛美味，我一口氣吃了兩個😆 鮑魚燒賣也不錯👍🏼 鮑魚好大隻，性價比好高，燒賣口感爽口彈牙！最後也推介一口蘿蔔糕，香口嘢味👍🏼一班同事都吃得津津有味，最重要餐廳氣氛好好👍🏼 團年聚會適合不過P.S: 略嫌餐廳燈光有點暗🤣

蝦仁炆伊麵我們以往點過幾次，伊麵的份量都不太夠。孜然牛肉飽裡面的牛肉份量也不足。沙律明蝦角的尺寸稍微大一點可能更好。紅酒燴牛尾醬汁夠味，牛尾也夠大件。如果能夠多加兩件就更好，四件可能少了一些。鮮蝦腸粉裡面的蝦倒是很大隻，吃得很過癮。

🦀又到咗食大閘蟹嘅季節啦！好多餐廳都陸續出咗好多唔同嘅大閘蟹套餐，今次嚟到龍苑中菜廳試咗佢哋嘅「蟹逅在龍苑」大閘蟹套餐，大閘蟹來自日本北海道，套餐做緊優惠價$498一位，有6道菜式，食完覺得性價比都幾高👍🏻。由於個人體質偏寒，食親大閘蟹必定會見暈，所以今次先叫咗杯薑茶暖暖胃，如果體質偏寒嘅朋友不妨都可以先叫杯薑茶暖暖胃打定底。我今餐前後連甜品飲咗三杯薑茶，所以食完狀態仍然係非常ok😝！🔹生拆蟹粉小籠包：有一粒小蟹粉係上面，皮算幾薄同都幾多汁，不過就無咩蟹味係入面，會覺得係食緊普通做得唔錯嘅小籠包。🔹蟹粉蟹肉高湯燴燕窩：將大閘蟹拆肉成一絲絲配埋熱騰騰嘅燕窩羹，蟹肉唔小之餘又啖啖燕窩，好濃稠，相當真材實料，令我幾驚喜👀！🔹紫蘇蒸大閘蟹：清蒸大閘蟹唔算好大隻，但蟹肉十分鮮甜。因為食大閘蟹兩隻手食都幾捩咁棄，所以打開個蟹蓋時無手再留影，不過一打開蟹蓋時已見到金黃色嘅蟹膏，幾濃郁同都算夠膏。當晚一路食蟹時，同行友人分享咗一啲食蟹嘅小知識，話食蟹時要注意有幾個地方因為太寒涼，食完有機會肚痛，所以盡量剪開唔好食，呢度都分享俾大家😊：一)蟹蓋裡有蟹黃沾住嘅位置有個三角形嘅蟹胃。二)旁邊兩排好似扇仔嘅蟹

呢度嘅菜式係好穩定所以嚟呢度食野多數好放心招呼朋友亦唔駛擔心食物或招呼失凖=====片皮鴨=====好重視點樣切呢個一定要讚一碟皮一碟皮加肉再加埋二食 鴨鬆=====花膠鵝掌=====足料好入味今次唔記得叫佢用煲上好似有鑊氣啲=====蟹肉薑汁炒飯=====米飯炒得粒粒分眀亦有好多蟹肉最緊要唔油=====炸子雞=====招牌菜肉質好滑雞皮脆連伴碟嘅蝦片都脆=====紅棗薑汁糕=====即叫即蒸非常軟綿綿甜度適中

簡單講😎龍苑啲齋好食過啲肉幾倍嗱利申唔記得餸名第一個上湯竹笙加菜啲料靚到呢🤓個竹笙之好食真係講唔出口😋啲菜唔苦個湯唔會好咸入口又順哎成個人醒曬😎第二個露筍炒菜個露筍又係甜爆唔苦炒得啲菜又脆又翠脆口爽口鮮甜再讚埋兩碟啲菇有浸乾貨嘅香味又唔係噏味加左一層鮮味俾佢😋😋😋第三個都係好食又係菇做MVP真係好正啲菇個腐皮嘅朋友都好有豆香原味得嚟又唔反感跟住個炒飯又係乾爽又香口啲菜片又係夠脆口唔會腍滋滋咁係真係唔錯🤓跟住呢個我好似冇乜點食不過我記得啲齋參齋肉好難得冇令我反感冇豆腥蒟蒻腥尾尾個蛋散又係正嘅香脆酥而冇萬年油溢味個蜜糖仲啱啱好真係唔錯😂結論：去龍苑食齋唔好食肉😂

冇錯，好耐之前嘅生日飯post終於出由於餸有啲多所以分兩篇✌🏻劈頭講句，有啲overrated😂😂😂😂😂😂😂😂😂因為其實都有啲貴本身expected more講講頭版個賽螃蟹啦喺我認知入面呢賽螃蟹要有蛋白、魚肉/帶子絲同埋一粒蛋黃嘅呢個嚟講呢個調味有啲啲淡啦唔緊要本身佢係應該淡味嘅不過😂爭咁個蛋黃其實真係成色爭好遠可能有衛生(食安)concern 啦我唔知總之冇咁靚仔啦同埋就算唔執著個黃呢佢都炒得有啲水同埋口感未夠好個人係覺得失望嘅🥲跟住係叉燒啦😂冇記錯佢係寫黑毛豬嘅而本肥對上一塊食嘅黑毛豬叉燒係好厚切好肥美同埋好好食嘅😂(唔洗問喺邊喇執左🥲)所以佢呢😂就有啲尷尬嘞😅瘦叉我唔反對嘅但真係少乾🥲跟住嗰個叫花雕龍躉蒸蛋白um，，，，其實幾好食😂幾補身我覺得不過個龍躉唔係好龍躉唔識形容印象中嘅龍躉會再彈牙啲同鮮味啲😂咁囉跟住嗰個係帶子荷葉飯😂勁多帶子😂小happy飯都有炒過吓嘅我就覺得，，，都唔錯嘅都係淡左啲咁囉😂跟住係牛柳粒都😂好食嘅不過佢嚟嗰陣啲飯未到冇得送飯😂小可惜後面個糕應該係薑汁糕印象中is 唔錯(梳唔記得左咩味😂)

人生得意須盡歡💃🏼🥂又到我最愛的蟹季🦀😋😍2021第一餐大閘蟹 揀嚟揀去 還是覺得你性價比最高😁Holiday inn龍苑 雖然得一隻大閘蟹 ，但係好味嘅一隻就夠。唔夠既你又可以單獨叫😂但我食得慢，佢拆好哂做蟹黃的小菜，我就啱晒。蟹粉小籠包 勁多蟹肉燕窩羹😋真係多蟹肉到不得了炸魚柳配蟹黃 米通又配海鮮蟹黃 包尾仲嚟多個芝麻湯圓(仲好夠薑味)性價比高嘅原因 仲有加$𝟏𝟎𝟎一位，就可以紅白酒，啤酒任飲😍可惜無仼飲花雕，這是美中不足的地方🤣食咁多，飲咁多，先講緊$600/位。抵啦👍

星期日心血來潮想食蟹宴，各區都訂唔到位，見呢間有位所以嘗試下。叫咗蟹宴套餐，燕窩蟹肉湯羹足料，但個人覺得偏咸，蟹粉小籠包小湯汁而且冇味（真係咩味都冇😅），套餐內有一味斑球，似乎同蟹又唔係咁夾😅 主打大閘蟹亦冇驚喜。炸蝦同窩巴，同用左同蟹羹一類既食物茨汁，覺得有啲悶欠新意。用餐期間侍應都有6-8人，不過回應客人要求就唔算快，有啲甚至視而不見。酒店內食中餐，會祈望有較好既服務態度同食物質素，個人覺得呢間就唔到酒店級水準

蟹逅在龍苑大閘蟹🦀季節又到啦今年比起往年 算遲左起步🤣今年開鑼唔響屋企自己蒸，試下出面嘅質素先揀左龍苑，佢每年都會出大閘蟹套餐華麗「蟹」逅 $498/person生拆蟹粉小籠包 —— 每人只得一粒 蟹粉擺係面 食落去味道同普通小籠包差唔多 蟹粉蟹肉高湯燴燕窩——好出色 啖啖蟹肉同燕窩 唔會好似紫蘇蒸大閘蟹——五兩，都算夠膏，但唔算好香口，白膏亦未係張口吉列越南虎蝦球配蟹皇醬——脆口蝦滑 蟹皇醬用料豐富 調製出嚟嘅醬好濃郁 而且金黃色😍鮮淮山胡椒高湯浸斑球——嚴格來說應該係斑塊 超大塊 食左咁多蟹 呢味non-蟹味嘅魚可以當中場休息🤣蟹粉海皇窩巴——同一個醬 不過有多啲海鮮 有帶子 蝦 同斑塊 佢中間個斑球安排得啱哂黑糖薑茶湯丸脆皮燒腩仔雖然自己買返屋企最抵食 但出去食唔使搞場大龍鳳 唔使洗碗 又有得食下各樣蟹製小菜 一年一度都係唔錯嘅選擇☺️

Today we went to 龍苑 to celebrate my mother's birthday. It was convenient location wise. It offered good value for money, especially if you join its membership scheme.Dim sums were very good. We tried shrimp dumplings, abalone siu mai, char siu rice rolls, pineapple char siu buns, truffle dumplings, spring rolls, etc. All tasted very well.We also ordered some other dishes and fried rice. All were of high quality and yummy.The free xo sauce was a bonus. Tea was very good.