蓮園粥粉麵

Open Now

Now Closed

之前已經聽唔少呢間餐廳個老闆有幾巴閉，今天行過就試試看，真是聞名不如見面😆！老闆個態度就是唔休做，粗聲粗氣，食物是掟落枱給你的！只是覺得好好笑，點解咁既餐廳都生存到，一定係自置物業吧！食物又不好吃，我那個窩旦牛肉飯充滿濃濃的梳打粉味，又咸，勉強食了一半已停。或者佢地d粥麵先係招牌菜？不過已冇興趣再光顧了⋯

突然想食中式糖水附近冇咩選擇 於是係呢間外賣買左蕃薯糖水（$30)同腐竹雞蛋糖水（$35)食蕃薯糖水 太重薑味 薑味重過甜味 唔係好岩食腐竹糖水味道ok 不過腐竹煲到溶晒 如果可以有番少少腐竹見到會比較好

有味道💦但無服務態度🔥推介滑蛋蝦仁，好滑好棉好味 ，同蝦仁好似融埋一體咁好痴，但味道偏咸，食完有啲口渴。而樓面員工，非常串，由入去到落單到食野埋單都會串到你，玻璃心者千奇唔好去😹

Don’t say I didn’t warn you. Don’t be deceived by its rustic, homey, old timey decor. Indeed this restaurant has been around for decades and their decor remains unchanged over the years.Food is decent but hygiene is questionable and portions are ridiculously small.And the owner is just awful. Everything that she says is a diss to you, whether or not you even talked to her. You can literally just be minding your own business and she can complain that you took too long to decide what to eat. In th

行過諗住入去買外賣，入到去問個6x 歲嘅阿嬸攞個 menu 睇下 。點知個阿嬸大大聲咆哮:「牆上面咪有囉！咁大隻字你睇唔到啊？」我真係第一次聽到咁無禮嘅回應，而我亦無必要受佢嘅閒氣，所以即刻走人。我諗佢打開門口都唔志在做生意，而係為左鬧所有諗住幫襯嘅人。呢個女人過左大半世人都唔檢討下自己有咩資格對人咁差，不知所謂。Openrice d comments 真係好準，個個都頂佢唔順，所有 comments 都係話呢個女人好惡頂！鍾意受氣嘅就繼續幫襯造就呢 D 不知所謂嘅人啦！

食物不算出色，但食的過程十分怨憤，是老闆娘和其員工的對話充斥著整間店舖，話呢個不是果個不是，我不是進來聽你們發勞騷的。所以去一次見識過就算，一定沒下次！經過肚餓都唔去！

未比人鬧過就黎啦！2個人去，張野寫加一服務費，點知我地俾個時，佢話每人加一，收兩份加一😤都唔想嘈！最慘係衛生唔好，洗完個杯仲有油，但仲比老闆娘鬧🤦🏻‍♀️🤦🏻‍♀️🤦🏻‍♀️比錢買難受，仲要山長水遠去。

睇完新聞話有個惡死阿姐喺跑馬地的蓮園多年，令D客又愛又恨。我地真係慕名而來，去拜訪下呢位惡人😝入到去就即見老闆，都正常，只係粗聲D叫我地入埋邊坐。因為我地前面有客人先入去，我地都乖乖等老闆過來問我地要乜先落單，絕冇擾亂佢流程。落單時我都㩒住港女扭扭擰擰的習性，好爽快咁揀好要乜，過程順利，冇比人鬧✌🏻豬潤肉丸粥Ok，唔錯，豬潤都新鮮，粥底夠綿。豬手撈麵Ok，正常。🦐米炸兩堅外滑內脆，好味！

在跑馬地随處行，突然想吃粥便随便選了就近這間。一推門進去已見一片混亂，茶具餐具雜物亂放一旁 ，看似搬遷清貨的雜貨店 (那時真應該走)。最後都坐了下來，點了皮蛋瘦肉粥和炸兩。粥由一老人家送上，但我看他的手指碰到粥!? 我都不計較，炸兩送來時更驚嚇，随碟附送生猛蟑螂!?!?!?!? 我即時叫起來說有蟑螂，滿頭白髮的奶奶侍應還在我面前表演即殺技!?!?!? 實在太太太太嘔心了!!!!!! 還說弄一碟給我，我慌忙拒絕。還聽見老奶奶大聲對厨房說: 你們三個人都看不到?? 真超驚嚇! 重點是，竟然沒有向我道歉!!!! 我再三確認粥內無異物，便三爬兩撥吃完速逃! 收費50大元一碗粥，環境服務居然如此，太叫人氣憤了! 大家千萬不要再去這家店了!

舖內算小，大概有6張檯，坐到24 人左右..好多人都話這間腸粉，粥麵都好得，唯獨是個老板娘好鬼惡，服務好麻麻。今日就去試試佢，叫左三樣野:1) 炸兩(油炸鬼好脆，腸粉皮好薄，豉油帶點甜) 2) 豬潤肉丸粥(有三片豬潤，三粒肉丸，豬潤好滑，肉丸不算多肥膏，但有口感，粥底都綿，味精不算多)3) 豉油王炒麵(炒幼麵，配上淡淡的鼓油香味，一點都唔油，炒得好乾身好爽口)食物的確不錯，但堂食就食得好不安，因為個老板娘真係堅每秒都想鬧人，唔理你係邊位，都會照鬧，仲要係大大聲，嚇到我落order 都不敢怠慢，咪全部食客都聽到佢話我，就有點懢忦，不過我相信黎得都係熟客，已慣，初黎報到者，可以考慮外賣😂😂咪消化不良😁*要我再得登坐車去試就唔會，揸車或者經過都會再食，但一定會選擇外賣🤣🤣

That lady is very rude. She might think it's funny and people love her for that, but no, it's way too much. The food is mediocre; the decor is horrible, there is junk and cardboard boxes everywhere it looks like a perfect incubator for pest and crawlers.

This restaurant has been around for decades but the interior and exterior had remained unchanged! Old and sticky! Used to come here for their famous Rice Noodle Roll with Twisted Cruller, but it is totally different from before! Was extremely disappointed as they used to make the best in town.Ordered the boiled liver & kidney! Nicely made with perfect timing with the boiling!Noodles with dumpling was delicious! Noodles do not have the “base” taste and the dumpling was rich!Overall, I give it a 4

第一次入蓮園感覺有點奇怪，門口放滿寫字台等文件雜物，起初還以為自己入錯了一間不是食店的店鋪。當晚叫了三個小菜一個腸粉，涼瓜魚腩：雖然油膩但夠曬鑊氣； 菜譜煎蛋角：一樣有鑊氣，還算厚身好食；雲耳蒸雞： 出菜時蒸汽熱騰騰，正常味道不過還是太油膩。 還是最後一個炸俩最值得表揚，粉皮夠晶瑩彈口不會太漿太粘，新鮮包入油條所以外軟內脆。還有一樣必須要提醒各位的是大殺风景的招呼態度，有個氣色十分似野蠻奶奶的人过來落單，當我們講完食咩佢拎咩面無反應不回覆，於是我們也沒有理會她繼續講菜式，講完佢馬上拎番轉頭嘴歪歪走开，非常莫名其妙。 綜合所有資料，食物味道質素不是好到即使要我受氣都非去不可 ，所以沒有心情拍食物照片，趕快食完便走了！

朋友介紹呢間話幾好食,但服務態度奇差 咁特別我真係要見識吓店內雜物 擺放得非常混 亂感覺唔舒服一落單時 我估計有個應係老闆娘問我哋食啲乜，粗聲粗氣 又無禮貌。不過我已心理準備 算啦炸兩 #即拉的 新鮮 好脆トト 腸粉夠薄又滑.好味炆牛腩#份量幾多 炆到好淋 入味, 蘿蔔如是, 浸埋d腩好味.我叫左個白飯撈汁一齊食, 都幾回味不過呢間服務 就不敢恭維啦!

下班後，約了上司談事情，之後就來到跑馬地，叫我找一家咖啡店，邊坐邊談。後來，來電叫我換一個地點，說倒不如食一個甜品，而我就原地在咖啡店門口等，而她所指的甜品店，就是這一家一街兩舖，老字號的《蓮園粥粉麵》。一入們，上司就推介了這兒的西米布甸，他說這是此店的招牌名物，所以我們一人一碗中式糖水之外，也多點一份西米布甸分享。這西米布甸，充滿了奶油同 Custard 的香味，更香的，就是其內心充滿了芋頭粒，熱熱地吃入口，甜味濃味剛剛好，令人感覺美滿。中式的甜品，向來都是比較滋潤，單是看他們的芋頭西米露，就知道是椰汁豐富，芋粒充足，令到每一口，每一淡都是都可口無比。食中式的糖水，不需要太甜，但味道同用料要濃，越濃會是越好味的。杏仁露，又香又滑，當然也充滿了濃濃的杏仁香，這糖水，甜度適中，入口香，感覺十分之滋潤，直頭可以當是一個補品來吃。食滋潤甜美的中式糖水，總好過食只是以冰凍行頭的糖水好。而《蓮園》的糖水，夠傳統，夠濃夠潤，住在跑馬地的人，的確有福。