發記甜品 (Closed)

旺角老牌糖水店今日同朋友食完晚餐，見口痕又想食糖水，就決定去旺角發記到食糖水我叫左個芝麻糊，口感算滑，幾香芝麻味，算係唔錯朋友叫左個黑糖紅豆芋圓，唔稱得上好食，個底太甜，芋圓無咬口，紅豆正常好一般。呢個無特別，下次應該唔會再試

叫了以前既招牌甜品，榴槤飄香，不過加左小丸子，榴槤飄香小丸子。諗住招牌，唔會走雞。點知黎到係水狀，榴槤完全無味，好似假既榴槤咁 (類似大樹菠蘿咁) 小丸子得幾粒。即是叫左碗，無味又假既榴槤，溝幾粒小丸子加水的甜品。你話值幾錢？$57一碗，仲要一叫就叫幾碗！咁大個仔，未試過食過咁差既甜品！講真的。最後，忍唔住同員工講，話今日既榴槤無味，然後佢好似預左咁，笑笑口話：「會幫你反映」峰後一定唔會再去發記了！再次講真的

有次同幾位同事晚飯後想食糖水，附近有間發記就幫襯一下，望了餐牌糖水價錢唔便宜，我們想了很耐，最後我們叫了楊枝甘露，來到枱上的糖水是用紙碗剩載，有點唔環保，我們一致覺得真係好難食，楊枝甘露勁稀，芋圓丸子勁硬，肯定煲完放咗入雪櫃，正常煲完丸子要即日食不可放雪櫃，有兩個同事等咗好耐無黎糖水，我們叫員工幫忙催促，我們再等，原來最後係沒有跟進，店內員工態度又差，糖水價錢又貴，根本唔值得再食，超失望🤦🏼‍♀️

好耐冇幫襯呢間發記，因為上次同friend食發現佢啲嘢貴左好多好多。今次諗住近近地幫襯下，點左個楊枝甘露。以前我覺得發記楊枝甘露係我食過咁多間最好味，呢次真係大失所望。佢一上個楊枝甘露我呆左。以為上錯⋯個膠兜入邊裝住黃色液體加上好多西米露，我以為係芒果椰汁西米露⋯食落去，個椰汁味勁重，已經唔係以前既楊枝甘露⋯再者，用膠兜，真係好冇誠意。我明白租金貴，但係真係唔可以接受堂食都用膠兜。已經大大影響食慾。不會再幫襯。

係深井食完燒鵝，當然唔少得食返碗糖水啦，而深井最出名就係呢間名叫發記嘅糖水鋪可惜嘅係，失望加難食，而且價錢唔平，間公司上左市，就已經忘記咗初心?🌠 榴槤飄香 $55🌠榴槤味係非常之重嘅，只不過after taste就好嚴重，係一陣臭味及過期嘅”億”味，果種臭唔係榴槤嘅臭，而係坑渠嘅臭味🙄🙄🙄🎆 紅豆撞鮮奶 🎆鮮奶以 膠杯裝，鮮奶熱的，紅豆凍的😥What?🌌 蛋白杏仁茶 🌌個碗洗得唔乾淨，內側有黃色一點點， 杏仁茶唔香唔熱，味道劣，一唔飲到底，仲見到黃色一點點依附在碗內側😅😅總括嚟講， 呢間甜品舖要列入不可食用級別，非常差！極度差！強烈建議大家要去就慎重考慮，後果自負🙄

經過發記，買了三個黑糖紅豆芋圓涼粉回家吃 ， 以前發記， 是遠近馳名坐車也要去深井食的糖水店, 為的是他比較新派的糖水, 芒果布甸,榴槤布甸,榴槤班戟... 想必現在成了集團式也不會太差吧 雖然知道也是工場食製作， 回家試吃，芋圓不算多， 口感比較硬, 味道也許;是黑糖的關係有點過甜，要加水才能中和味道，這也太差了吧，紅豆算是大紅的，也入口即化， 涼粉就是普通的涼粉，沒有什麼特別$38 一碗， 掛著發記的名聲，算是不過不失

很久以前來這裏吃過，都是同一道菜。但是今時今日，這道菜已經變得很難吃。他最有名氣的菜式是梳乎厘。以前的梳乎裡很熱很香，不會入口就像泡沬一般。可能現在真的很有名氣，客似雲來，質素也跟著變差了。例如，這次叫的梳乎厘根本沒有焗通透，拿出來，吃在嘴裏就像吃泡沬一般。梳乎厘煮不夠，中間還是麵漿，冰冰冷冷。很明顯就是急著要上菜，想我們趕緊吃完馬上走，然後又換新一枱客人。真的很失望，這種質素還要一百塊錢呢。不會再吃啦。

當日想食甜品，搵個地方同朋友傾計，但見隔離x嫂滿座，但發記有好多位，就試下啦，果真中伏了。朋友個芒果西米露同平時椰汁底嘅好唔同，有汁嘅，得一細pat芒果汁，似撈西米，但芒果勁酸食兩幾啖都食唔落了，我叫左熱芝麻糊，唔香，仲有少少濃濃哋，總結所以嘢，兩個字，難食！！！！！！ that's why 隔離爆曬棚，但呢度咁多位啦...........唔係諗住少人坐得舒服啲，同靜啲方便傾偈，都唔會自己行入去個伏度，

星期日同幾個小朋友去SuperPark玩完，踩出旺角睇戲同晚餐，見仲有2個幾鐘先到睇戲時間同晚餐，好多時間鬆動，先同佢地去食過甜品，諗住hea番個零鐘頭啦！諗左幾秒我都決定食發記甜品，因為佢夠近戲院嘛！一坐低幾個散旦各自睇餐牌點自己想食既甜品，我就緊係等佢地揀好晒先到我啦！我個SoHa仔佢點左朱古力沙冰佢細佬Hugo就點左窩夫我契女就點左芒果莎冰而我就點左雪耳木瓜湯圓，同埋糖不甩，跟手男仔可能食量大，甜品都唔夠，要再點多兩份小食，薯條+雞翼，算啦！想食就食啦！呢餐整體黎講，係（甜品）算好食既，幾個小朋友都話好食，我點既中式糖水都唔差，我超鐘意佢糖不甩好重薑味，但同時我又勁討厭椰絲😅如果淨係點砂糖加花生碎就已經完美喇！另外真心覺得薯條同雞翼寶在唔值呢個價錢，果兜咁細兜既薯條，同埋啲小兒麻痺既雞翼實在太……【唔抵食】，同埋味道又唔係十份出眾，如果調整一下份量應該感覺好啲😎

想好聽d講句一般，我同我同行個位點左一份芝麻糊蛋白燉鮮奶、蛋白燉鮮奶都一樣覺得難食，心太軟ok。價錢不合理。份量好少。如果冇咩必要都唔會再來，點解呢個價錢可以厚面皮？好食d都算啦

今日同友人係附近食完晚飯，想食個飯後甜品先走，就近近地挑選左依間甜品鋪環境唔差，雲石嘅餐枱，坐位都比較多但可能尚早的關係，並沒有太多人等位，好快就可以進入。Menu 選擇都比較多，價錢可以接受，同普通的甜品鋪差不多。叫左一碗凍的養顏蛋白燉鮮奶（$36）奶味比較淡，雖然燉奶幾滑，不過都有些少失望芒果鴨子布甸配曲奇妙趣雪糕（$64）鴨子用沙冰做，幾有特色芒果布甸有兩層，上面係芒果布甸，下面係芒果味道的啫喱，味道鮮甜蛋糕曲奇妙趣雪糕還是處於冰的，無辦法可以咬到。

食完晚飯唔想咁快散就去食糖水聰嫂太多人等唔到就唯有去冇乜人嘅發記😂😂😂我同朋友點咗燉奶燉奶正正常常唔會好甜唔算好難食只係稀咗少少成個甜品會冇乜記憶點小結如果為同朋友傾多陣都可以嘅為咗食嘅話去其他地方會好啲😂🤘

逛街食飯都完結，就應該食甜品為今天作出最尾聲。薑茶芝麻湯圓（6粒）31元薑味香濃，不會過辣。芝麻湯圓，煙韌雙杏木瓜燉雪耳湯丸（熱） 49元滋潤糖水加了湯丸，感覺格格不入味道偏淡，不過是我可接受的甜度，我不太喜歡死甜竹炭窩夫 70元雖然餐牌有讚好標誌，但我不太懂得欣賞。竹炭窩夫加了糖醬，及加了少許的薰衣草，放入口時，味道應該是百味交雜。單一吃，味道就正常不過的窩夫。

同行5個友人，一共叫左5個甜品。真係吾得掂，簡單嘅西米露。登蛋。要等成20幾分鐘，吾好食吾緊要，仲要貴到不可理喻。依間發記就係呃遊客錢 不可一不可再。真系我地依世食過最差勁的甜品

以前都係發記常客，大概兩年冇黎點返榴連飄香，貴左十幾蚊不但止碗野一陣酸臭味，再換一碗都係一樣即時唔敢再食，個waitress一d都冇想處理既意思就咁企係睇住以後唔會再來大家都唔好點榴連飄臭🙂以前都係發記常客，大概兩年冇黎點返榴連飄香，貴左十幾蚊不但止碗野一陣酸臭味，再換一碗都係一樣即時唔敢再食，個waitress一d都冇想處理既意思就咁企係睇住以後唔會再來大家都唔好點榴連飄臭🙂以前都係發記常客，大概兩年冇黎點返榴連飄香，貴左十幾蚊不但止碗野一陣酸臭味，再換一碗都係一樣即時唔敢再食，個waitress一d都冇想處理既意思就咁企係睇住以後唔會再來大家都唔好點榴連飄臭🙂