發記甜品 (Closed)

呢度既芒果糯米磁真係好好味，琴晚就決定坐響呢度等人齊。因為要去食餐勁既，咁就求其叫等人樣試下啦。就你啦，"唔該要一個芒果黑珍珠"。嗒嗒嗒，嘩芒果好酸呀，啱既，唔合時嘛，都預左。但點解黑珍珠無味既，仲有好強既滾水味，水浸架，好難食喎，結果為左成本食哂d芒果囉，黑珍珠咁珍貴放響度睇下好勒。唉！左揀右揀，結果揀左個爛燈膽，仲難食過個芒果布甸囉……芒果糯米磁，得你見得人ja。

簡直垃圾，要熱野又唔熱，淡而無味，唔好食，服務又唔好。去過一次唔會再去。

個榴槤班cake真係冇得頂呀! 其他甜品店真係做唔到佢o既水準, 咬落去真係大大啖榴槤肉o架!唔會好似其他甜品店咁得成口cream.仲有意大利涼粉好得意, 不過試過一次就唔會再食喇, 因為好麻煩!哈哈!!有一次同個friend試過焗酥皮榴槤, 真係好靚好特別!! 味道都ok, 不過食左半舊就覺得好飽, 因為真係好溜!仲有, 圖入面果個我都唔記得咩名喇, 好似唔知咩芒果o者喱, 上面果pat係雪糕, 呢個都好好味ga! 值得一試!

食完譚魚頭火鍋，大舉去樓下食個甜品來滋潤一下。我照舊是凍紅豆沙雪榚，雪榚是另上的，還插上薄荷葉作裝飾。紅豆沙不錯，我鍾意佢夠多豆。平時不奄尖的老公竟然話芝麻糊好難食，佢話似粉開成，完全沒有芝麻香。其他人要楊枝甘露、杏仁茶、涼粉、綠豆沙等，口碑亦不俗。另再叫了兩客焗香蕉酥皮卷，酥皮鬆化，香蕉雖然夠香，可惜太熟，有點爛最後有coupon贈送的芒果布甸，水準亦不弱，布甸香甜軟滑又好多果肉。大家食得飽飽，非常滿足的一個晚上。

到雅蘭發記吃甜品，叫了楊枝金露、芒果布甸、榴連班cake，楊枝金露做得好差，又稀、芒果又酸、服務又差，去總店仲好。其他還可以。

最近光顧過兩次發記, 發覺水準尚算不俗. 他們的芒果布甸做得有心思, 分上下兩層, 上面一層是果味較重的芒果布甸, 清甜; 下面一層是類似Mango Mousse的口感, 奶味濃而不膩, 吃得過. 配上花奶, 賣相有趣. 芝麻湯丸就糖水比湯丸出色, 薑糖水味濃夠辛辣, 不太甜, 好味; 反而湯丸卻不行, 湯丸皮太軟而不韌, 餡料卻過甜, 吃兩三粒已有點飽滯感覺.即焗酥皮卷, 有榴槤, 香蕉和芒果三種口味可選, 因我不吃榴槤, 只試過其餘兩種, 味道皆有驚喜, 酥皮熱辣辣夠脆而內裡的鮮果餡夠新鮮, 焗熱後甜味更濃(但同時亦帶點微酸), 香味十足, 伴碟的士多啤梨雖然不算很甜, 但又大又新鮮, 總算吃得滿足. 但芒果和香蕉二者之間, 我還是覺得香蕉比較適合這種做法, 建議想試這個的話可選擇香蕉味. 不過價錢略貴, 如果便宜一點就好了.旺角雅蘭附近吃的地方不少, 有水準的卻不多, 以甜品計, 發記暫時是我的首選. (不過如果不喜榴槤, 就不要人多時候來了, 否則榴槤味逼人而來, 一定會吃不消...)

繼續以甜品慰藉自己，今次主角是以前好怕，現在卻越來越接受的榴槤系列。　上完yoga堂，打電話來留了榴槤班戟($23)、榴槤布甸($20)，及芒果布甸($16)各一，帶回家與家人分享。　榴槤系列-雖今次沒試班戟，據上次印象，發記所用榴槤貨色比滿記略有不及，但勝是大份抵食。其實今次主要想試布甸，可回家後遍尋不獲；要怪收貨時沒有仔細檢查，原來店方錯放榴槤飄香...反正未試過，都照殺，更平了$5。榴槤飄香實為楊枝甘露+榴槤，其實兩者都美味；不過不同班戟或布甸「有野包」，一打開這碗糖水即聞濃烈榴槤味，飄「香」效果強勁。若有不好榴槤同行者，建議大家體諒一下改點其他。　芒果布甸-是點給不吃榴槤的細妹。發記芒果從來極甜，製作的布甸也因而香甜，唯是次質感過稔，相信與車程遠有關。　嗯，決定了下次繼續是要點榴槤布甸，完成榴槤朝拜!

N年前去深井食過今日響金膳食完就來我點了哈密瓜涼粉另外兩個FRD就要楊枝甘露佢地個甘露我無試個涼粉就太稔榴槤班戟真係名不虛傳我怕熱氣本來唔敢食最後都叉左一舊來食內裡好CREAMY

比傳統糖水鋪口味更適合年輕一代,價錢合理,但款式選擇不多.飯市過後人多左少少,坐位不足,要排陣隊...我recommend大家食(芒果糯米滋)芒果新鮮又甜,糯米軟綿綿

第1次食發記..就叫左個出名既野, 榴槤飄香"都幾好, 唔會太甜~

25-7-2007食完魚米家, 朋友忽然又話食糖水, 唔想去滿記, 0黎0左呢度.叫了榴槤布甸(圖上)... 賣相一般, 中間係熟透0既榴槤肉, 甜甜的, 味道濃; 布甸本身亦幾香榴槤味, 幾夠實唔會水汪汪, 唔錯.朋友個楊枝甘露(圖下) 賣相幾靚... 我無試, 不過朋友話d 芒果有少少酸澀味.環境一般, 不過d 三角形櫈仔真係坐得好唔舒服; service 一般, d 店員好唔醒目.而家周街都係糖水鋪, 不過要好食的真係唔容易搵, 呢度都算幾好啦.

星期六下晝黎,應該好旺至0岩,但係只見佢地得兩成檯滿,就入黎食, 因為食過深井果間,心諗佢d水準一定有保證我叫左個綠豆清心丸,個餐牌寫住熱既,但落單果位亞姐問係咪要凍既,嘩,大熱天時,shopping行到死死下,有凍既梗係要啦, 等左一陣,朋友既甜品已經到左,咁佢食住等啦,點知佢都食完,我個清心丸都未黎,催左佢n次先有得食,催佢時個亞姐答我話:"整緊架啦",我當時聽到都搲頭,吓,凍野,乜唔係已經available ,響雪櫃拎出黎架咩, 良久之后,果碗野終於黎到, 一掂落去就知亞姐無講大話, 好明顯個碗近底部有d地方係唔凍既,碗既面頭就凍凍地,即係話佢本身係熱既,可能等有人order 凍既佢地先即刻將碗野放入電櫃,唔怪得要我等足足半個鐘啦, 如果佢早響我就唔要凍啦, 好在唔趕時間je,激死我地食既時候,附近都有d人叫左野等左好耐未黎, (個場都已經唔係full house 架啦)叫果d亞姐佢地又唔理d客,懶懶閒咁,攪到d客燥晒,唉,俾錢食野仲要咁,為乜??

去完亞拉丁, 口淡淡, 最好就食甜品. 結果十一人又拉大隊去發記. 揀發記係因為有贈券.店方安排下, 十一人坐在隱蔽的角落, 自成一角.本來一臺只能用一張贈券, 但係姊妹J一句: 我唔識佢地, 大家搭臺的. 真係頌揚的大契, 金句王, 最後店方都讓我們用盡三張贈券.真係要唱返句老闆娘的名曲, 你共我是兩種人.十一人, 叫了十一樣甜品分吃, 加上三個送的鮮芒果布甸, 真係一臺都係.楊枝甘露: 9分, 要了三碗, 芒果肉依舊鮮甜, 份量十足, 係成碗都見到係橙黃色的, 加上適量的西柚去中和, 唔太甜唔太酸. 來這裡都係要叫一叫這招牌吃.鮮芒果布甸: 7分, 跟楊枝甘露的鮮甜有段距離, 都係覺得層粉類物體係奇奇怪怪的. 食落口係覺得粉粉的, 不過味道還可以的. 既然係送的, 又不太打緊了.當然要再一次多謝姊妹J的功勞.芒果黑珍珠: 8分, 鮮甜的芒果加上黑珍珠, 都幾爽口. 黑珍珠中和了那份甜味, 都幾吸引.鮮芒果糯米卷: 7分, 這個就差了點. 糯米卷口感麻麻, 搭上鮮芒果的感覺係不太匹配. 都係楊枝甘露同芒果黑珍珠的配搭好一點.榴槤飄香: 9分, 來這裡吃, 榴槤味係真的飄香, 不能忍受

我企左係度好內諗食邊款糖水，d 女店員個個都好似大小姐，企係度吹水．間鋪又冇客完全當左我透明人.我覺得好似返左大陸食糖水law ...

榴槤雪糕的賣相討好, 一舊白雪雪的雪糕下是一舊啫喱,啫喱內是一d 新鮮的榴槤, 榴槤愛好者必試~