彩龍皇宮大酒樓

Open Now

Now Closed

飲茶真係逢星期日既指定動作～爸爸晨咁早就叫醒我話要陪佢飲茶～簡直係兩父女的浪漫呢～我一黎到爸爸就已經等好位沖完茶叫埋野食等緊我！哈哈次次都鬧我耐～飲茶最愛梗係鳳爪啦～好入味好lum~再黎就係小籠包，雖然茶樓既小籠包好一般，不過都算係咁上下啦菜苗餃正啊！第一次食～個皮好軟熟，菜苗都好新鮮～排骨排骨簡直可以食5籠啊～爸爸叫的糯米飯，我覺得有點油。壓軸就是我第二最愛的牛肉球，我真的一人可以食3碟。最後埋單$166，抵食！

同老豆兩個人搵飯食，車我返去以前細個成日去食嘅彩龍。宜家裝修晒仲有茶舞跳。叫左個三餸套餐，138。老豆話佢有時都會黎飲早茶同埋我地無人返黎食都會自己一個落去食晚飯慢慢坐，因為順路返屋企。成張紙選三碟，老豆特意提醒唔好叫魚同埋蝦仁蛋😂話佢個廚師啲蛋分開炒上面放蝦😂啲魚會老話我咀尖一定會唔食😂😂叫左荷芹炒臘味、海蜇勳蹄、金銀蛋菠菜好似好穩陣。好喇上菜好快，荷芹炒味肉個樣都四正既，有好軟既臘腸同好油既臘肉，啲豆好綠，但我老豆話啲豆老過老豆😂食得出啲豆豆放左幾日有啲渣哈哈。海蜇勳蹄⋯⋯勳蹄係冇問題嘅，但係啲海蜇呢🙄完全係即食＄10一包嗰隻仲要係啲cheap版嗰啲⋯⋯啲海蜇薄到飛起，老豆仲問係咪膠黎😂我話呢啲即食野我食過，佢地仲用返佢哋嗰個味精撈埋落去😂咸到呢。金銀蛋菠菜下面啲菠菜同金銀蛋又係分開嘅😂叫做有啲肉碎咁啦。但係呢有啲水腥味，好明顯個菠菜未用姜同蒜頭爆炒所以劈唔到味。我問阿姐有無糖水佢一句賣晒頭也不回，成餐飯真係好搞笑，😂我問老豆點解咁樣你仲成日來，佢話情意結嚟㗎喎😂老豆話啲阿姐以前好串，見佢一個人黎食，個知客叫佢咁你買飯盒返屋企食啦🙄老豆好好脾氣冇鬧佢，不過佢地咁趕樣客唔怪得無乜人😂

星期日放假，我都喜歡飲茶食點心，而最近只有這間搭枱形式的酒樓。羅漢齌炒河有獲氣，好食蝦餃和排骨要等比較耐，味道正常。唯一是叉燒酥凍冰冰，皮好硬，我諗可能放了很久！

環境：普通酒樓 (自己想象吧....)價格：週一到週四$108*三餸, 週五到週日$138*三餸 (還沒算茶介$11及飯錢$10*)益街坊套餐 ！服務：還算可以味道：嘛嘛~ 不吃也沒差週一晚上一家三口去吃飯，已經第二次選擇這個$108 三餸套餐。菜式應該會不定時轉~ 但這一次去吃，發現分量已經比第一次的時候少。這次的味道也不太好(可能選菜問題)。點了一個咖哩牛腩(唔店), 香脆甜酸肉(肉不太新鮮),酸甜海蝦(還好)，結賬$188~

首先餐具有洗潔精味，而且筷子感覺總有好多油。然後我們點了7個鮑魚上來6個，因為有7個人所以其中一個沒得吃然後龍躉吃的接近尾聲都沒上來，催促後姍姍來遲買單時400幾的龍躉變成500幾，因為在第一行，當時一眼看到，無端多了百幾。更正後以為其他沒有錯，即買單。誰知回來後發現乳鴿點了3隻卻算了6隻的價錢，離甩譜。

婆婆係呢度住，由細係呢間酒樓食到大，以前會個個星期日都會一早黎飲茶。☕️宜家人大左喇，大家都要返工，由飲早茶既節目改變為食晚飯。宜家每個月最少有1次黎呢度食，可以話係我地既飯堂😂😂😂彩龍酒樓既套餐幾抵食，份量又足夠多人食10大2細 真係好多野食除左套餐另外仲叫左幾隻乳鴿同一個炒飯冬瓜盅 消暑既佳品，冬瓜幾多肉食不過冬瓜肉唔太甜片皮鴨味道都ok不過個醬汁唔夠香梅子豬扒豬扒整得干身左d，朴子汁有點過咸，麻麻地左口魚炸得好香口，而且有2大條，香脆可口好好食其他送菜都ok嫁！中規中矩喇唔算太大驚喜其實食咩野都好，都係為左一家人聚在一起開開心心又一餐❤️

This chinese restaurant is hidden away in Choi Hung, the housing estate. My family and I came for dinner. The food was surprisingly good, and the servings were generous. For us carnivore we can't really complain about this generous dose of protein. That was chicken thigh, duck meat and pork in one dish (I might have missed out some). Lobster and noodles in cheesy sauce. I love anything cheesy, naturally this dish is my favorite. Again, the size of the dish was more than enough to feed a hungry c

屋村酒樓, 環境比較嘈吵, 不需訂位.四個人點咗:煎薄罉,燒賣, 水餃, 牛肉腸,蓮蓉包, 火鴨絲湯米, 芋頭糕, 菜苗餃 (溜咗單): 點心大大件, 真材實料, 新鮮熱辣, 唔會太甜太咸, 味道不俗, 好飽.價錢親民, 服務一般.

有幸住在彩雲村 可以時常食到彩龍的晚飯彩龍在早幾年大改之後 經常出新idea 晚飯無加一無茶芥彩龍的早茶係唔掂0既一季食一次, 食足咁多年都係咁特惠$7點心 只係有2隻 仲要大個籠又細粒 散晒都唔特別抵食這兒午飯都係普普通通 燒味都係一般, 不過不失今次又去食晚飯套餐$208先有一隻白點雞 味道有 好食 可惜隻雞有點發育不良再來60個小菜中點三個 選項繁多的豆豉豆腐帶子 一向的推介 帶子好食 豆腐唔老亦係清淡之好選項 可惜今次的帶子比上次小了很多...蝦醬炒通菜牛肉 穩陳之選一早就清碟了 牛肉還是大塊了一點要是切了細點就更易入口最後一個什菜炒鮮魷不是我愛的菜色 不過不失啦彩龍真係一間很唔錯的屋村酒樓乾淨明亮 一點都不老舊地方在村入面又在正中間 位置特別方便地方相當寬敞 最特別係電視特多 晚飯無加一無茶芥比係其他真係平好多之前老闆梁生都講到快執笠希望領匯執了麥當勞 不要再趕走了開村就有的彩樓

星期日, 回西貢一轉. 之後經彩虹出返市區, 順道亦打算與父母飲下茶. 當巴士駛經彩雲, 就不如在彩雲邨, N年前, 西貢居民想係市區擺酒時既勝地, 彩雲邨的彩龍大酒樓.小時候, 也跟過鄉親父老黎呢度飲結婚酒. 當年的環境已經忘記了. 現在, 裝修新穎了許多. 加了皇宮兩個字更添氣派. 非連鎖既屋邨酒樓中, 仲要係領匯既威逼下, 算是搞得有聲有色了. 而且同區往往要上山落斜, 相信區內人都不會為了飲茶而走得太遠. 雖不用等位, 但也要企係檯邊, bea住準備埋單的茶客, 霸位.霸到位. 眼明手快的侍應即時過來執檯問茶. Set好檯, 拿起點心紙. 看看遠處個個自己攞點心, 當然, 出去攞最開心. 回想小時候, 搶走點心咭, 兩3個小朋友衝出去找點心車, 煎炸野既點心檔, 食乜自己決定, 自己攞到就攞埋位, 攞唔到就稍後由嬸嬸送來. 成檯點心, 由我們幾個死靚仔負責, 是何等的滿足啊. 是次只拿了4個點心, 有我最愛的燒賣, 一份雞扎, 一份鴨腳扎同老爸至愛的叉燒包. 燒賣, 咬落鮮甜. 肉粒, 肥肉非常明顯. 蝦味香肉味香. 燒賣做得出色, 連我阿媽都要說句讚.雞扎, 足料味美, 芋頭

首先,如果論味道, 這一間酒樓唔係好出眾但也都唔難食的之前評論都唔太好 真係 當初呢間彩龍搞裝修時 d人轉晒手 味道真係麻麻又貴唔抵食 但唔知幾時開始整d改善就好好多 但我只係講夜市飲早午茶都係普普通通 唔特別推薦這酒樓最值得去的地方是定價好平不收加一同茶芥!! 大時大節都係!還成日送果盤同糖水 仲一定唔需要等位!(年中個3-4日大日子就例外 不過2100之後 都係唔駛點等 直入!!)呢間彩龍主打係 填皮鴨半隻都係$28! 約有10塊 要多個一食又係$28!!也可以點食多一個孖寶 都係唔過$100 其他小菜大都係$48總之,如果5-6,或是更多人去食唔係食龍蝦 海魚 每人畀$4x-$7x就可埋單揸車去都抵 反正公屋商場又有免費泊車地方酒樓, 主打做街坊街里的生意, 服務就...ok啦在打這一篇評時,我正在睇李思捷係<荃加福祿壽 第5集>抄丁蟹真係好正 超級似呀!這一酒家有超高密度電視 地方算幾乾淨 幾光猛 (只是個廁所比較.....)好過去旁邊的茶餐廳!

o尋日坐早機返來香港後, 下午來左食下午茶. 雖然有特價, 但係唔多人. 叫左排骨腸粉, 牛肉腸粉, 义燒飽, 切雞米, 燒肉河, 燒鴨河. 味道仍然係中下. 但係返食完後屋企, 開始覺得勁口渴又口苦, 肯定係因為野食入面好多味精!!!!! 可能因為咁加上茶錢又唔平($5/位), 所以冇咩人, 以後都唔會再幫襯!

食左20幾年......之前留言講過轉名後好差....不過今日去食團年飯,又有好大改善~先係服務好,不時轉骨碟味道都係可以接受,要求唔高的人就可以.雖然今日價錢貴左,但食物份量都大左~做街坊覺得多左選擇~

After renovation, the BBQ stuffs not bad.Especially, roasted Goose. Very nice and crispy skin. I have ate it for 2 with 2 months.Place looks better after renovation as they mainly aim on dinner dance. Cheap in price.

點心差到無言....味精多唔使講...燒賣D豬肉有嚴重既雪味!水晶皮無口感, 包又濕....炒粉面送到出尼以經凍哂.....洗碗果D人先出色....都唔知點樣洗到咁污糟...服務態度你去過就知....一句講哂....尼間「酒樓」值一蚊...我勸佢不如淨做燒味部..!