樂景快餐店 (Closed)

早一排師傅再次黎到呢間食店, 全因為臨別秋波, 所以就黎多一次! 既然如此師傅就試下個廚房炒野炒成點啦, 於是師傅就柯打左個西炒飯加多罐汽水!等左一陣就有得食, 即叫即炒熱辣辣; 先試下味道先, 炒飯都炒得幾香, 飯亦算乾身, 不過味道偏酸, 應該係茄汁較多嘅關係, 料亦算足, 係油少少啫, 口感都可以啦; 至於汽水係罐裝, 所以一定冇問題!總括黎講西炒飯味道一般, 環境地方細細, 服務都可以, 價錢係廿蚊碟飯, 加多五蚊有汽水飲, 都幾抵食; 有機會都會再黎, 不過機會渺茫, 笑臉今次收起, 皆因水準差少少!

難得星期五唔使著制服, 所以心情都幾靚, 到放飯時間見到陽光普照, 真係好有放假嘅心情, 突然間師傅心血來潮, 好想黎呢間食店, 於是就各住目的地出發!一入到去, 師傅即刻柯打番個上次食唔到嘅雜扒飯, 再加杯凍檸茶! 等左一陣就有得食, 雜扒飯賣相都幾靚, 有煙肉, 腸仔, 豬扒同牛扒, 而汁就揀左黑椒汁; 先講下個黑椒汁, 味道都幾香辣, 味道唔錯; 煙肉一塊, 都煎得幾香, 味道唔算太咸, 唔錯; 腸仔一條, 冇咩特別; 牛扒都係比較乾身, 韌左少少; 而豬扒反而夠鬆夠腍夠入味, 但咸少少, 不過都都幾好味; 份量師傅就覺得少左d, 皆因食晒之後仲有少少肚餓, 飲埋杯凍檸檬茶就啱啱好; 而凍檸檬茶就幾好味, 檸檬幾清新, 係茶味淡d, 可以!總括黎講食物質素尚可, 環境地方細細, 服務態度都可以, 價錢廿五蚊一個飯, 加多五蚊有凍檸茶, 都幾抵食; 有機會下次一定會再黎, 炒粉麵飯點都要試一次, 笑臉比得過, 皆因飯後心情極靚!

打風日, 難得閒在家中休息一下, 亦乘機睇下其他食家有咩好推介, 咁啱冇意間睇左食家"失敗者"幾篇留言, 師傅覺得可以一試, 於是決定昨日去試一試先!一放飯師傅已經好有目標咁向目的地出發, 其實未去到師傅已經知道呢間食店地方好細, 不過亦無損師傅興緻, 入到食店睇左一陣, 師傅就柯打左個雜扒飯, 再加一個芝士漢堡堂食! 個阿叔覆番係一個鴛鴦扒餐, 一個芝士漢堡, 再問師傅飲咩餐飲, 咁師傅就揀左汽水!師傅不以為言, 繼續慢慢等; 等左都幾耐, 冇辦法啦即叫即整係要等下; 點知出到黎個樣令師傅覺得詫異, 皆因個鴛鴦扒餐除左有鴛鴦扒, 仲有熱狗同薯條, 反而飯都冇啖; 再睇下d外賣紙終於發現個鴛鴦扒餐原來係有呢d野食; 有少少失落啦, 唯有硬著頭皮硬食兩個包啦!好先講下個鴛鴦扒餐, 鴛鴦扒有牛扒同豬扒, 牛扒就比較乾身, 韌左少少; 而豬扒反而夠鬆夠腍夠入味, 都幾好味; 而熱狗個包就比較乾身, 但鬆軟, 沙律醬唔多夠, 所以口感一般, 腸仔就唔算太咸, 都幾好味; 薯條係即叫即炸, 不過炸得好乾身, 而且幾硬, 唔多好味; 而芝士漢堡個包係好鬆軟, 芝士有一塊不過係未溶, 而漢堡扒就好香

食完腸粉，多米力要先返公司，但無損我地士氣，繼續進發! 下一站就到隔離街食包包。原來樂景唔只係賣包，仲有飯呀、三文治等等。但為左唔想咁快畀人KO掉，都係叫個包就算啦。原本想唻個魚柳包，可惜佢話未有魚，所以最後都跟風要芝士漢堡($10)，加多個凍奶茶($8)。我地三個人呆呆咁坐晒喺度，望住班清一色麻甩佬係度忙唻忙去，都一直整唔到我地要嘅野出唻。去問佢，阿叔叔仲要疾左疾，跟住問我叫左D咩。我同佢講返，佢就話整緊，但好明顯就係漏左啦，有D遲過我地叫野嘅人都走左-_-。等左都幾耐...拖慢晒D進度，我地仲有第三個站要去架嘛。即叫即煎的漢堡終於出場喇，睇落去好吸引咁 -- 我唔客氣啦。第一啖咬落去非常之驚喜，個包好軟而且超級脆! 但滿足感亦都隨住食多幾啖之後減少。個漢堡扒好奇怪，表面好脆，有少少燶，而且好細塊（比起塊包）但唔難食的。總之就好似唔似漢堡咁，我一路食都唔知點樣去形容佢...而如其他人咁講，淨係得茄汁實在太單調。論包，依度比時新好，但講到個扒同汁（亦都係靈魂所在），時新好得多。之後食左D愛將小姐的波浪薯條，唔夠脆，十分普通。有些少失望，但有D想下次再唻試其他野。嘩，嘜咁晏啦? 好...

7月19日, 延續我地既漢堡包之旅~ 食完金牛, 行咗陣書局, 行到黎灣公附近既樂景, 又食一個傳統港式既漢堡包, 呢間比金牛更快餐feel, 坐位無幾……::: 芝士漢堡包 ::: $10同樣我地都叫咗芝士漢堡包, 比金牛平$1, 用番傳統既芝麻包, 又香又脆~ 真係啖啖都脆!! 除此之外又係卡夫芝士, 牛扒就濃味咗d有少少鹹, 另外佢地用茄汁食落唔係好夾, 如果用沙津醬會好味d, 買既時候應該可以講明要咩醬… 睇貼喺牆既雜誌介紹佢地會隨意加蕃茄或者生菜? 不過我地食又冇…呢類港式快餐真係買少見少, 見佢地餐牌真係有好多野食, 仲好平, 而且d呀叔仲肯主動同幫我地切開一半! 唯一唔好係冇乜位, 多數要買走~ 假日比較多人, 如果冇人時去坐低食個下午茶都幾寫意~

見人講到舊包曉飛咁，特登黎試下。先講個包，扒熱辣辣夠鬆軟，有肉汁，不過得個番茄汁舖面就差少少，計埋價錢都算食得過既，不過呢間既環境就真惡劣，下次都係拎走。

食完cake飲完咖啡，行兩條街又有一間新發現。同樣賣港式漢堡，樂景比時新舖位細多了，只得3-4個位，我們就買了個漢堡立食。　樂景的漢堡包較時新軟和稔，那款較好視乎閣下口味，我就較在意漢堡扒：樂景的漢堡扒是手搓的，質感比時新鬆化，個人認為味道更勝一籌，不過樂景單以茄汁為點綴，醬汁就不及時新豐富多變，拉勻以後味道打個平手。　不過樂景的漢堡只賣$7，真的平得很誇張!

心痕痕想再試平價即炒外賣今次叫左滑牛+油多+芝士漢堡^^36蚊咋~多士5蚊,飯21,芝士漢堡10蚊^_^今次個包返去食都仲好好味多士一般啦~但真係好抵食~5蚊~個飯不過不失~21蚊不能要求太多了~值得一提,佢地個飯盒保溫超勁!我買完野坐車返去8個字返到去都係仲熱既!!

話說想食好耐,話食話食,係灣仔做左成年野都未曾食過今日約左客放工交野比佢,順路行下灣仔比我見到佢~仲要冇客仔,一望d餐牌,竟然平到我即刻想幫襯最勁見到我一直好想食既港式漢堡包決定行完街就去幫襯佢因為餓左半日,食左個包先個包岩岩整起,好熱,好香,有芝士有塊碎肉煎成既扒!!香口好夾,比起mos既廿蚊既包,佢絕對有得比~!mos食個餐要40蚊,佢40蚊可以買到一碟濕炒河+可樂+芝士漢堡包行街~你會食mos定佢呢?貪心的我自然係幫襯佢~^_^好食又抵食何樂而不為?^_^

時新漢堡對漢堡文化的沖擊非同小可，令到一眾食友認為只有外國漢堡的絕對優勢的觀念有所改變，由此可見其實港人的飲食文化絕不比別人遜色。其實在八十年代的港式快餐店大行其道，用百花齊放來形容絕不為過。到現在港式快餐店漸漸式微，被新一化食店慢慢取代。那究竟要變通還是留著舊有的特色呢﹖這一點看來是後者更能留住食客，時新就是其中一個好例子了。不過，要留得坐客人，本身的味道絕不可馬虎了事。剛吃過了芝士汁公仔麵，特意"留力"來這裡試一下快餐店"三寶"。三寶是熱狗、魚柳包和漢堡包~熱狗的腸仔是用炸的，加上一點律汁，略嫌簡單了一點，如果加入酸瓜一定會更加好~魚柳包的魚塊雖炸得有點過火，但魚味竟然不少，香口之餘又有魚味，絕對合格~最後的是主角漢堡包，這裡沒有自家製的醬汁，用的只是茄汁而已，加上漢堡味道偏咸，令到味道濃而有點失衡。如果可以加上一片蕃茄、生菜和改用沙律醬，味道一定會平衡得多。所以說舊的雖好但其味道也要令人回味才行呢......紅豆冰的紅豆不夠腍和入味，陳皮味也欠奉，最致命的是紅豆份量少得可憐，就算是忙也總不能如此"求其"吧......三寶的麵包都煎得十分香脆，在此味道上要加上一分~

在附近讀中學的，怎會對這昌老牌快餐店陌生？數數埋埋，都食左唔少這裡的飯盒。話說鬆動昤當然去帝寶鋸扒，手頭緊的時候，這裡也是選擇。而學校飯堂的二選一垃圾飯，是說怎樣也不會幫襯的。很多東西也吃過，偏偏未吃過近來飲食雜誌大吹特吹的漢堡包，趁是晚約了朋友在附近飲酒，來這邊打個底都好。原想簡單的吃個漢堡包，老細又問要不要埋芝士，說一起吃會更香云云，只差三蚊，有何不可？包烘熱的，連邊位也烘得微脆，幾對辦。漢堡牛肉絕對是敗筆，雖然加入了洋蔥，但牛肉腍身得嚇一跳，是自家製的，但可以更好。不過話就回來，十蚊的一個芝士漢堡包，也似乎不能太苛求。一試無妨。

睇完歐聯，食過早餐直踩番工，捱了上半晝之後，終於等到半天假的來臨由於想到集成看看心儀 dvd 的價格，決定到樂景搵食"老細，一個芝堡唔該"($10)於老式快餐店中等了一會，一邊欣賞師傳炒飯，很喜歡具鑊氣的港式炒粉麵飯，也簡單看了一下樂景的歷史，樂景的漢堡是由免治牛肉加以洋蔥製成 (應有另一材料，但我忘記了，後補吧!)，配以茄醬及半融芝士，簡單的芝堡介紹已經令我於心裡流口水了...拿在手上正是一個熱辣辣的芝堡，一口咬落去，麵包軟熟不在話下，漢堡扒更似是與麵包融為一體，但免牛的味道，洋蔥粒的口感，濃郁芝士味，美味茄醬下，只是十元的港式漢堡好味程度突然可以直迫 $60 的 shakeem buns?!! 各漢堡迷絕不容錯過呢!!!食完樂景，真的令我更期待久久未有機會試的時新呢....

用的是急凍方形魚柳，整塊放在油鍋中炸透，麵包略為烘熱，再加上沙律醬，簡單的魚柳包便大功告成。此包勝在即叫即整，是真正的熱辣辣，不是溫溫吞吞的，那一啖咬下去會燙口的感覺，很實在。

昨日下午, 路經灣仔, 想食漢堡包, 老婆話不如試下樂景, 話哂佢由細食到大.買了一個普通漢堡包(無芝士, 因我唔知可以加芝士)拿上手, 熱辣辣, 一口咬落去, 哇..個茄汁好好味, 塊牛肉好香....一分鐘食完..... 忍唔住, 再來一個.....老婆要了一客雞翼著條, 轉眼間唔見左隻雞翼....我吃了少少著條, 都幾脆, 夠香口.下次行過都會再買.

愚者,究竟我和你是否都在同一所學校讀書呢?!你的經歷與我很相似...五蚊的一包熱辣辣的粗身齒紋薯條,或一隻熱到食唔到既炸脾,又或者佢既星米,乾牛河,生炒牛肉飯...,都是我初中時的"童年"回憶...最正係我可以睇住佢落鑊炒餸...同埋明白點解個星米飯盒裡面有d生既米粉響度! 哈~