聯記川王涼粉 (Moved) New Location

麻辣牛肉酸辣粉，超正，只係份量小左DDDDD。今次試左中辣，唔係雲南米線既傻辣，係有麻辣既香，友人就試左唔辣既涼粉，味道都OK下次經過再試埋口水雞, 水煮牛肉, 夫妻肺片, 水煮魚..............！最勁係行過聞到D辣味都要立即咳嗽。

對上1次去川王應該係會考LAST DAY...今日再訪 哈=)去到門口已經full哂''台''企左一陣見少番d人就order左一碗水煮牛肉酸辣粉+底,中辣...+ coke light碗麵都要過左5-8mins先黎...好耐無食但係見到都仲係好吸引=)水煮牛肉好大蕭,都有4-5舊...好有肉味,好''腍''好好食!所以佢都值$30呢個價.粉就keep到水準.合格以上la.辣度反而1般.吾似中辣...無expect中咁辣.但acceptable,,麻果度真係好堅.之前俾佢搞到食吾到落去-_-今次OK番.呀姐服務好好 拎錯左coke俾我換番又拎錯cream sado但都無怨言.仲超nice拎飲筒俾我.讚: )

去到聯記，都成12點過後，想食回鍋肉，點知話無，揀另外幾樣，都話無，隱約聽到個廚話無呢無路，問個收銀靚姐姐到抵有乜，佢話得水煮魚喎，無計啦，焗住要兩份水煮魚套飯，客又唔係多，就唔知點解等好耐。搭車歸家一打開，就見到個盒概爆晒，連塊紙皮都跌埋入裡面，比D汁浸住晒，真係頭都痕埋，心諗一係食水煮紙皮魚，一係兩人食一份送，我好細膽，怕肚痛，揀後者，一路食，個心好唔舒服兼肉赤！無端端無幾十蚊仲要2人食1送。至於味道唔駛講，無初時食咁好食啦！敬告老板，味道已經退步，包裝仲係咁真係唔掂，諗諗點改善啦！

朋友生日..又係辣fan屎..當然要同佢一起來大吃...白肉一定好味,不過涼拌過重味可能鹽多左d,雞返而d湯度冇咁好吃..分開上好好多...豬肚冇水煮牛肉咁好食...不過我叫小辣都已好勁..再加支烏龍茶..正..不過下次真係要試返水煮魚..我見人地好大窩..留返少少個肚(雖然冇位家啦..個肚)都食左個雙層芝士...好滿足..希望下次又再來..千祈唔好搬紅磡..不然我會肥死...我仲要減肥家...(得個講字)

好幾倘想試都遇上它小休，緣份弄人。龍爺得悉後，仗義為我帶來三款小吃：蒜泥白肉，汁醬蒜泥辣油蓋滿半個外賣盒，根本看裹面，場面震撼！吃起來覺得麻、辣、蒜香都好配合，肉片好薄，吃時要幔幔夾起。皮旦：晶瑩透明的外層、逞淡黃色的旦心，好看極了。味道比我們平時吃有別，而小了那種壓味，只見麻，不太辣。雞脚：一放入ロ就像有藥材味，隋之而來是搶口的勁辣，是深切的辣，長久的辣，只見盒內數隻炮彈般的青色辣椒，就是它折磨着我的舌頭吧！.......忽然想起，用這些辣椒來做生化武器，是否更環保？三款合共$60.00

有一天，同二哥去太空館睇深海水怪，佢先肯車我地去，我即時建議佢先去紅磡搵野食，我地當然去食紅磡之寶(mummy little egg + 時新burger)，正正正，他突然口痕想食這間 聯記川王涼粉，他話雜誌介紹過，又有Openrice 推介的poster：, 作為Openrice 人，我地當然要試試，膽粗粗試下，我、青檸先生同二哥都唔係好食得辣，平時經過此店都覺得這店的辣味好勁，辣到好想咳咁......fire fire.....我地因要食mummy little egg + 時新burger，我地只叫川北涼粉小試牛刀，二哥原本想試中辣，但我和青檸先生阻止佢，最後叫左小辣.....wah wah結果，兩個字.....勁辣，I'm on fire~~~~~~!!!!!!小辣都辣到叫媽媽，勁!!!!個種辣的情況是，先有酸酸地辣辣地，食過幾條係就.....辣到條舌乾了，燒著咁，我地最後要沖左7仔買野飲，勁灌波蘿玉露、荔枝玉露和大枝裝檸檬茶，鍾意食辣的人，其實都算好食，不妨挑戰下，記得買野飲

係意料之外地差我食木耳涼粉,男友果個好似係麻辣牛肉涼粉(小辣)再加左個涼拌貢菜木耳涼粉 : 木耳同涼粉好少...d粉無味...汁有少少麻但唔係好辣,而且好咸...我平時已經係超鍾意食醬既人,照計食得咸,但我係覺得咸到我個口好辛苦,食左幾啖就舉白旗麻辣牛肉涼粉(小辣) : 牛肉好薄而且好少...男友話ok,佢食哂涼拌貢菜 : 同樣地...咸到阿媽都唔認得!!好辛苦咁食左幾啖之後我同男友都放棄左佢...真係唔會再試...尤其是我覺得佢用發泡膠盒真係好唔環保!!!

地方唔太乾淨不過食物搭夠叫左川北涼粉：呢個好夠麻！不過配埋餸食會更好水煮牛肉：好好食呀呢個！好夠麻呀...牛肉好林好有肉味同埋好大舊酸辣粉　：呢個普通左Ｄ！無乜特別

食完小籠包，再行番去聯記外賣酸辣粉。買了口水雞酸辣粉同川北涼粉，兩樣野已盛惠$45，仲貴過食得飽飽嘅上海飽餃店。酸辣粉質地同其他店食到嘅好唔同，唔係用薯粉。隻粉嘅質地好怪，唔好食；唔算煙韌，反而較彈牙。而且隻粉唔吸味，所以湯還湯，粉還粉。除咗口水雞之外，仲有海帶同炸菜。海帶幾好食，不過炸菜就好老，好多渣。湯底得個咸字，唔夠酸，不過都幾辣。口水雞得幾舊，肉唔多，得兩舊係白肉，其他都係好多骨。雞完全唔辣，得個咸字，完全feel 唔到口水雞嘅味道。川北涼粉質地仲差，好諗較削，無味，全靠個汁。個汁有少少麻，辣度ok。不過毫不特別。

好多時經過都見好多人，排哂長龍，心想一定好好味啦！點知... 大失所望囉！未試過啲咁差嘅經驗，今次終於體會到喇！ (((真係多謝哂呀... )))我以後都唔會再幫襯咖，貼錢買難受 ~~~ 口水雞︰份量小得可憐，仲要係骨多過肉，好油 酸辣粉︰一啲酸味同辣味都冇，只係食到麻味，又係太多油 川北涼粉︰唉... 一啲都唔好食！又係得個麻字！ 回鍋肉？<--- 嬲到我都唔係好清楚記得個名喇！淨係記得啲筍『林Pat Pat』一啲都唔爽口 以前去大陸都食過川菜，但人地唔會一味得個『麻』字囉！呢間嘢啲嘢食太重『麻』味，令到人個口腔完全『麻痺』咗咁，根本就食唔出有辣味可言！都唔明點解咁難食都咁多人排隊咖？仲有添呀，啲伙計極度冇禮貌咖，問多兩句都粗聲粗氣。大佬呀，我欠咗你咖咩？

聞名已久，去開何文田看夾屋便順道來此試下。兩個人分別要了一碗麵，一份貢菜和一份蒜泥白肉。幸好我們到步時還有兩個座位，但這個位上面便是抽油煙機的出口，雖說是街邊檔，我們仍是被一團油煙籠罩著。水煮牛肉麵 - 與麻辣牛肉麵最大的分別是沒有腐皮，少麻椒。其實我們分不清它與麻辣牛肉麵的分別。麻辣牛肉麵 - 喜歡這個麵底多過涼粉，入口比較實在，辣味夠，不至於辣得吃不下，但稍嫌不夠麻。牛肉厚身，放入嘴時感覺很充實。湯裡浮著一些黑色的渣碎，聯想不到碗麵內甚麼材料需要煎炸而剩下這渣。貢菜 - 爽口，麻椒粉多，夠辣，但食下食下舌頭上竟然有些苦味。蒜泥白肉 - 四十元一盒，裝得滿滿，很多蒜泥，白肉底下是青瓜，很多辣油，不知怎的，吃幾片後發覺有些少苦味，是否我的舌頭辣壞了？後記：當檔入面落鑊時，一股濃濃的椒味向著街外噴出來，幾個路過的途人巧合地先後打噴嚏。

已經幫襯過聯記十次有多，每次都會外賣，因為環境實在太細不得不試的有蒜泥白肉及酸辣粉蒜泥白肉：肥瘦均勻的大大塊肉片，加上辣油，入口不算太麻，反而有很香的味道，墊底的青瓜亦很爽脆酸辣粉：試過水煮肉片，肥腸及耳絲，樣樣都很配合。酸辣粉的質感很特別，酸辣的平衡亦做得剛剛好。其餘試過的仲有口水雞，皮旦，夫妻肺片及鳳爪口水雞份量偏小，鳳爪味道不錯，但沒有剪掉腳甲，感覺不太好

我本來對雲南菜沒有太大喜好，但是一般食店的辣己經不能滿足我了，有朋友介紹我這間，這天點了水煮牛肉，蒜泥白肉和夫妻肺片。本來仲賴醒點了大辣，結果真是辣到呵媽都唔認得，完全食到流哂汗，嘴脣脹大，但是又真喺幾好味，喲牛肉大塊得嚟仲好淋， 很有牛肉味。至於環境就很麻麻，沒有汵氣只是坐在門口的摺枱，如果夏天的話，一定熱死。而且坐位也很少，建議外賣。不過我唸下次再食的話，可能叫中辣就夠了，想挑戰的朋友，不坊點個大辣試下。

今日專登黎試下, 1點去到已經好多人係到等.只不過食既人好少, 其實係間野做野好慢.平均1個人都要等10-20分中先有得食.所以見要等咁耐先買外賣.叫左紅燒排骨酸辣粉少辣呢個唔係好辣,食唔到辣既朋友都可以試下.酸酸地咁多幾好味.只不過真係好多油.同埋排骨真係冇乜特別.麻辣牛肉酸辣粉中辣叫左牛肉,但係俾左牛展咁既野,但係牛月展咁既野都幾好食,要左中辣,食得辣既朋友真係唔覺得辣,淨係得個麻,所以麻麻地好食.夫妻肺片依個可以叫左油浸夫妻肺片,佢係涼拌既 ... 不過真係好辣 .同食落去好油囉 .. 有得choose 我都係鍾意食官塘貴林風味/佐敦麻辣王多d 下次唔食啦 ..

晏晝唔知吃乜, 聽聞呢間0野個個都話好味, 咁就試0下啦!! 本來諗住0係0個度吃, 但見佢0係度吃都係用發泡膠即棄用具, 所以攞走番公司吃, 至少唔駛坐街邊, 吃得舒服0的. 反正都係叫涼吃. 叫0左個青瓜川北涼粉 同招牌涼伴貢菜. 兩個都係小辣, 諗住難食極有限. 吃青瓜涼粉先,撈混佢, 嘩! 勁辣勁咸!! 當我唔吃得辣, 但我都吃得咸, 但都覺得好咸! 以為係0的調味料問題, 所以吃貢菜時唔撈, 但仲難吃!!!唔單止辣同咸, 仲有陣唔知咩0野0既香料味, 怪怪咁!唔會再試囉!!!