聯記川王涼粉 (Moved) New Location

同事力捧依間川菜一流，食麻辣勁正！所以雖然天氣好熱，但都去試下，點知一試愛上！！！佢真係食得到『麻』『辣』．．．口水都流１～酸辣粉！正２～份量勁多＆好味！３～ｏｋ４～好似叫貢菜．爽口好味！５～粉皮好似淋左d, 個味就敎得幾好!另外，秋風起，都有去食多次！水煮牛套餐：『麻』『辣』！不過個人覺得牛吾夠滑，但友人就話鮮牛係咁！

每次去都係食我最愛水煮魚好好味，好滑好正,食完成個囗都麻痺左，粉絲好入味如果多些更好，其他既野食都好正，毛血旺，酸豆角都唔錯，每次食完都會在買d返去屋企食，搭車途中一定聞到好香的麻香味，可惜離家遠，如果係係屋企咐近就好啦，可以日日食

1. 水煮牛肉酸辣粉$32 ~ 牛肉切得很厚,粉條圓圓,不過我選擇唔辣.,所以都頂唔到癮. 腐皮切得四四方方, 海帶則又幼又長.2. 紅燒排骨飯$32 ~ 這個不算太辣,但有很多胡椒粒,而且好多油,而排骨都OK,有肥有瘦.

聯記係由一個同學介紹我去的, 一試再試。只要經過,，以你係無辣不歡，一定被店舖香味所吸引。一個人，只可以食一份午餐: 口水雞酸辣麵，我要了麵，不是粉，要微辣，真不錯。 料有蔥末、薑末、蒜泥、海帶、香菜和炸菜絲。

之前成日食酸辣粉，不過今日太夜去，去到酸辣粉買哂，得返飯，搞到要食其他野 overb​udget 。不過都好，未食過它的水煮野，今次叫了水煮牛肉，第一口無咩事，之後越食越辣，仲食到成身汗​，正!!! 不過味精勁重，次次食完都痰上頸加超口渴，如對味精敏感不要食另外，此食店全部都係用即棄餐具，十分不環保

I knew that it would be a great meal as I walked up and was hit by a wave of smoke from the kitchen - the smell reminded me of many a restaurant in Chengdu. There's no mistaking the mix of spices in real Sichuan cuisine. Tried three dishes and they were all excellent. The twice-cooked pork was very tender and my favorite. All of them were good and spicy (made my cheeks and forehead sweat a bit) but weren't knock you down spicy like full-on Sichuan cuisine.Washed down with a cold Tsingtao, it wa

一個很想找東西吃的下午...跟女朋友走到紅磡的這家街邊出名食辣的店子一試...不過一試出事了....叫了一個牛肉麻辣涼麵...和一個水煮牛肉酸辣粉...跟很重要的兩個不凍可樂.....最可怕的事...可樂不凍....重要係呢個大熱天下食辣野...出晒事了...先說牛肉麻辣涼麵....不可以話差...但絕對唔係好食....牛肉唔夠味....涼麵還是室溫....不夠凍的話其實易變壞....不過麻辣總算過了一關...味道還是可以的..不過比較起灣仔某家私房菜的涼麵...味道不夠濃,麵都是比一下的.....但去到水煮牛肉酸辣粉..就認真出事.....酸辣粉....湯不夠味不再話下....連麵質都不能接受...配料少之又少....牛肉更加是鞋口得在食鞋底一樣...味道比較起旺角街邊那一家差好遠....總之一試之後....不會有下次.....

當日同女友去時新試食包包,失望而回,一出門口走啦,原來有間四川野,我女友都ok鐘意架,咁我咪話試下囉,反正失望左,搵番少少希望都好丫,行近d睇,原來係之前電視有講過話幾好食果間,我記得個涼粉有推介,所以同女友一人一個試下~~女友食雞絲涼粉(大辣),我食口水雞涼粉(小辣),不過唔記得影相雞絲同口水雞,無咩特別,不過涼粉係主菜等得試下先,一入口唔辣既???又唔係好麻喎???試下女友果個先,都係咁既????食多幾啖之後,黎料!!!!小辣都好勁喎,我快手食完即時去士多買左2個""王老急涼荼""同女友一人一野飲晒之後走人,不過d麻辣唔夠一個街口就無左,好神奇,下次可以再番食~~~~

成年冇去...好掛住d水煮牛肉....上星期就專登諗住過去買外賣返屋企嘆...以前未行到間鋪就已經聞到陣陣香味...而家咩味都冇.再望望...人都唔同晒. 就知轉左手. 就係咁..就只係買左盒泡椒鳳爪try try....果然真係冇以前咁好食了. 不過有樣野係keep到既...就係繼續用發泡膠, 好唔環保...衛生依舊惡劣...以後我諗都未必會再去了.

朝早心情唔好，嗜麻辣嘅我，要食啲好嘢安慰吓自己。都幾耐無去聯記川王，唔確定有無開，預先打定電話去問咗，有開先去買。去到，見收銀隔鄰寫住，打算幾時休息嘅。收銀係阿姐，我要咗大辣+辣嘅水煮魚套餐。落單時連個廚都走咗出嚟，就再話要大喇++++++辣，有咁辣整咁辣。1個水煮魚，都未係幾滿足，見回鍋肉單餸係$30，套餐就$32，問吓個餸嘅份量係咪唔同。阿姐話，單餸嘅量係多少少嘅，咁我就要埋回鍋肉單餸。個阿姐好醒目，話回鍋肉唔係好辣，問我要唔要加辣，有得加梗係要啦！如果係個男人落單，水煮魚話要超辣都只係落大辣單，回鍋肉無話有得加辣㗎！唔知係唔係我要咗加辣，水煮魚味道偏鹹。水煮魚，啲魚肉今次失色咗，唔再感覺嫩滑。碗底嘅粉絲，出奇地爽滑；芽菜就不過不失。唔知有無再去4川入貨，黃綠色嘅小米椒，1隻都唔見。至於另1個回鍋肉，啲肉係1貫咁硬。辣得嚟又非常鹹，唔多好味。味度明顯退步好多，相信主理人已經轉咗。過往味道，只能無限懷念！

曾經每隔一、兩個星期，放假都專登搭45分鐘車，就係為咗食聯記嘅酸辣粉，百吃不厭！近兩次食，覺得酸辣粉變咗質！以前食，粉質軟滑「in un 」有口感又入味！但近兩次，粉質偏硬又冇味，完全係兩事！究竟係聯記啲粉煮得唔夠透，還是係我食厭咗？！今日食咗毛血旺酸辣粉，豬紅好鞋，其他餸都係白＂霎＂放落碗粉度，冇咩味！絕對有改善空間，希望聯記俾啲誠意！

無無聊聊同老公話：不如去紅磡搵嘢食洛﹗個傻人又答：好呀﹗就係咁，兩個人著住街坊裝由屯門去到紅磡食嘢﹗由火車站沿天橘行落黎，就見到聯記川王，可能時間已經差唔多2:30，所以又唔見到傳聞中咁虛陷﹗我地兩個好似D小學生咁，行埋去又想食，又唔敢食個隻FEEL，當然最後都係坐低試左一樣嘢......咁大把﹗我地叫左麻辣豬耳涼粉，因聽人講好鬼辣，就算食慣辣嘢的我們都唔敢咁大膽，只敢叫小辣﹗咁快嘅？用發泡膠同木筷子，我已經唔多LIKE，因為實在太唔環保了，唔知佢D嘢係咪一早整定好晒，亦都方便D人外賣，所以全部都用上發泡膠盒？都冇計架，都要食﹗味道冇想像中咁辣（可能是小辣的原故）；豬耳的刀功真係一流，薄過塊粉皮，當連埋D麻辣一齊撈左之後，簡直就分不出什麼是什麼？食落口亦唔太覺有豬耳咁﹗老實講，個麻辣又真係幾OK，不過油多左少少﹗食完之後，我同老公一直都好回味個口入面個D麻辣味，但一諗起個D油，發泡膠同即棄筷子，相信我都唔會再黎了﹗

過往也去過好多次, 環境衛生等已是小事, 因為二,三十元一碗的粉面已不能要求甚麼.今天卻吃了一肚子氣, 我好清楚記得叫了"麻辣粉", 卻來了酸辣粉, 因我不食酸的, 於是我好客氣咁問可否換過一碗給我, 點知佢話無寫錯, 仲給張單我睇, 明明寫左酸辣, 我話因為你剛才打緊電話, 於是寫錯了, 於是個女伙記就提議我倒左d湯, 佢再比過d麻辣湯我, 我說無所謂, 點知轉頭佢又話其實酸辣同麻辣差唔多啫, "食左佢啦". 就係佢呢一句, 我覺得間店對食客好無誠意, 佢一d都唔覺係自己錯, 更無say 過sorry. 要知道口碑是一個傳一個的, 他可以是好也可以是壞, 只是一線之差.....再好食的食物, 如果加送一肚氣, 你會唔會去???我以後都唔會再去.

之前睇過一本介紹香港小食嘅書, 見到呢間野D辣野好似好正! 難得去開紅磡, 緊係要試試~ 因為已經食左時新同飽餃店,所以只係買左川北涼粉(中辣), 諗住攞番屋企俾佢地試下...搭車嗰陣聞到好香麻辣味, 原來D汁漏左出來, 好彩個袋冇穿....返到屋企急不及打開佢, 開頭食落去都仲OK, 點知越食越苦(唔係我一個覺得苦,其他人都feel 到ga~)所以有D失望唔計有苦味ge話, 其他都OK, 夠晒麻同辣,但香料略嫌不足...(都係康師傳公仔麫正好多)仲有: 以$18來講,份量有D少...

是再前一個週末的事了，有見奶奶康復進度良好，探完病後的兩口子心情大好，接著胃口就更好，於是到了紅磡連吃幾場；其中老公最愛的聯記川王是第一站。不知是時間較夜，還是大部分都怕了地痞的用餐環境、或為外賣，當晚兩口子難得的不用等就有位坐。老公是聯記的忠實粉絲+常客，我都不再勞心，就由他拍版點了三款食物一起共享。這裡全部食物以外賣膠盒上檯，方便是最大好處，不過就超級不環保!　最先上檯的是川北涼粉，原價不知多少，總之當晚加了雞絲就是$20。將涼粉撈勻來吃，而重點是「打佐料」，即落調味料的功夫；要讚這裡的涼粉輕爽滑的質感很對辦，可筷子都可輕易夾開，不過調味方面實在是太咸了，扣了好多的分。還有雞絲吃來粉喳喳的，不加好過! 第二款食物是蒜泥白肉，一份索價$40並不便宜，原來裡面內容也頗多的。撥開厚厚的一層蒜泥，底下的豬肉片得很薄，刀功不俗，但可惜豬肉本身很乾，而且食來除了蒜味還是蒜味，清爽的青瓜比例很少，辣度更是依稀，結果吃剩了一半左右。最後是老公最愛的水煮魚餐。我也是當晚才知聯記供應多款套餐，定價比散叫抵食不少呢，如這份水煮魚，連大大盒白飯及菊花茶（雖然淡而無味..），也不過$40。　以膠兜盛載的水煮