陸記正宗桂林米粉

Open Now

Now Closed

家住元朗, 成日晚飯都落又新街搵食. 陸記可謂小弟常到既地方.近日通漲肆虐, 全部套餐加一蚊亦無阻我踏足之意欲例牌叫左一個雙豬粉 配水晶涼粉30秒都冇就到 nice 其米線同以前一樣咁爽咁好食湯都好好味燒肉好似差左少少, 冇以前咁脆不過豬頸肉都好好味另外叫左炸餃子, 15蚊約10隻, 好味!服務態度向來抵讚, rush hour唔趕人上菜快 態度好好一向都好好聲氣^^

想食一個好早的午餐，來到了陸記中學時代不時都會光顧，因為好抵食而且大大碟，味道也好好不過事隔咁耐再食返覺得已經冇以前咁好食了由於是早餐的關係，價錢比午市平叫左個飯餐（$26），以前最愛的咖哩豬扒飯以前好鐘意食係因為咖哩汁香濃，豬扒香軟，肉汁鮮嫩今次再食，豬扒仍然軟，不會痴牙，但咖哩汁已經不再香濃惹味，而塊豬扒都冇乜味但一定唔可以用難食黎形容餐飲可以選飲品／水晶涼粉，選了後者水晶涼粉本身就是甜甜的，個人不喜歡加奶就咁食清清地已經可以食到涼粉既甜味，始終咁鐘意食!鐘意佢有口感之餘又不會過甜，恰到好處!朋友叫左個豬耳米線($22)，配凍檸水(凍飲+$2)其實都係抵食既選擇不過食唔返以前的味道就有點失望了

我未食過桂林米粉的見佢好似好老字好咁,所以試下同朋友一人叫左一樣 , 我食麻辣雞絲米粉,朋友食紅燒牛肉米粉我覺得很難食, 湯底似清水,無味.....麻辣我以為應會濃d,我變左好似食水米粉,無未但又會有麻的感覺,很怪朋友說紅燒牛肉米粉 都係湯出事d肉都ok...我唯一ok的是我飲的可樂(罐裝的) ......

見食評唔錯，走去試下。叫左個蕃茄蛋花雞絲粉，完全無蕃茄味，失望，因為病病地所以叫了個清淡的食物，但真的太淡了。而且現在加了價，粉麵飯都加了$1，感覺不太值。如果佢餐牌有圖，我應該會選第二款，早知在門口望清楚食乜先入去。最重要係員工服務態度唔多掂，其他人叫呀姐埋單可以坐位就咁叫，我老公叫佢埋單時，佢好悔氣咁叫我地出去埋，但收銀那裏跟本無人。

元朗可以找到很多美食, 尤其是以小店經營居多, 是日試吃了"陸記正宗桂林米粉", 餐廳是一間典型街坊店, 地方不大但座椅不會太擠迫; 星期日的午飯時間餐廳已經坐滿了八成, 幸好剛有客人結賑, 騰空了一個向著電視機的位置, 邊看電影邊進餐, 是我們香港的小店其中一個特色.點了一個飯餐, 一個桂林米粉餐; 蕃茄豬肉湯飯材料豐富, 湯底亦夠清甜, 唯獨是稍欠蕃茄味, 豬肉唔韌夠軟滑, 整體分數合格; 跟餐上的粉葛湯夠火喉, 足料靚湯!!雙豬米粉是豬頸肉加燒火腩肉, 另加$3.00加麻辣, 桂林米粉比較粗身, 口感彈牙; 燒火腩肉比一般燒焟店的燒肉更脆口, 豬味夠濃郁, 但豬頸肉稍嫌太腍身, 不夠香脆... 麻辣味湯底好惹味, 另有一些花生, 酸菜豐富了米粉的味道和賣相, 不錯的午餐選擇!!另外點了一個肉醬椰菜, 另有生菜可選, 肉醬味道不夠香, 整體不算突出.喜歡小店的氣氛, 雖然不會有星級服務, 但那種洽度好處的親切感, 是高級餐廳裡面找不到的; 位於元朗的小店更多一份樸素的情懷, 吃得舒暢的一頓午飯

黎親陸記我都只係鍾意食佢既燒肉飯，燒肉唔係燒味店果D燒肉，係炸到外層脆卜卜的五花腩肉，佢D燒肉外皮好脆，肉質都幾淋，燒肉飯仲有肉燥汁，送飯一流呀! 每枱都有幾盅醬料比你自己添加，我就喜愛加D辣椒魚露落D燒肉度，咸咸地辣辣地仲好味。另外佢地D例湯都唔錯架，足料煲飲完唔覺口喝呢。

元朗半天遊，吃得最滿意是兩味有彈性的雞，還有文記清湯腩的甜蘿蔔，最後一站來隨便吃些甜品。這間叫陸記的米線專門店，賣酸辣粉外，被網民寫得最多的是水晶糕。看起來似雲南人以木瓜子發成軟糕的玫瑰木瓜露，但吃起來卻似彈牙的魚膠o者哩，由於無味唯靠配料提味，加了兩塊要了紅豆，紅豆用糖水煮過，但未煲得腍，火候差豆自然淡如無物，如吃過一品齋就只甚麼是好的紅豆沙了。收十四塊雖現不貴，但見面不如聞名。

啱啱幫襯完聽朋友講話雙豬一定要食，咁諗住去試吓其實小弟不嬲都唔會有任何期望去食店叫野食平心而論，食完真係覺得無下次...午飯時間一點八左右，搭台食，ＯＫ，呢個正常叫咗個絕代雙豬飯+例湯+凍0T少甜餐茶先來，真係少甜，這個不錯，紅茶亦有紅茶味再來湯，今日係金瓜豬骨之類，唔錯，例水中算係不錯咸就係咸少少，但味精應該不多或無心諗餐茶例水都唔錯，個雙豬飯應該都幾好呱黎到賣相不錯，肉燥飯底，四件燒肉，幾片滷水豬頸肉但係其中兩件燒肉竟然係8-9分肥膏1-2分肉，另外兩件超瘦即係未見官先打八十，無咗兩件燒肉我份人比較內斂，唔想同Ｄ阿姐為咗兩件肥燒肉嘈，唯有照食食落硬多過脆，豬味十足，但係除豬味外無什特別，真的不夠脆豬頸肉過淋，始終覺得豬頸肉應該是實淨中帶爽喊面係比1. 不合格的燒肉同埋豬頸肉2. $37個大洋，實在不值雖然肉燥飯挽回少許分數，但係小弟來吃的是雙豬...無辦法...招牌絕代雙豬都不合格應該很大機會。。。無下次。。。絕代雙豬...有點名過其實除非做好一點QC，否則這個絕代有點誇張

麻辣肉醬撈粉肉碎不多。麻辣醬頗辣，仲好麻，成個面層都係紅油!眼見朋友仔食左一半已經頂唔順，於是我就同佢交換食。不過我食幾啖已經忍唔住要食水晶涼粉解辣。就算平時自認為都食得okay辣既人都要諗過先好叫呀!時菜冬菇粉腸粉一般粉腸洗得乾淨，無異味。 水晶涼粉面都未有就已經送上黎，不凍。服務不錯。雖然食食下，阿姐要我地轉檯，但都有講幾次唔好意思，同幫我地拎碗。另外地下有隻小小強，店主要注意衛生。

今日番工又出去食lunch喇XD本身想食西餐點知無開 唯有去第2間 聽同伴講呢間都唔差架 所以就入左去正值lunch time大部分人都係學生(不過因為只係12點所以唔係好多人) 其實感覺麻麻水晶涼粉 我一見到碗涼粉係猶豫左一秒 心諗:真係好食?我仲問我既同伴: 係咪好似許留山啲水晶粉咁滑咁林架?個阿嬸好好笑容好似回答我"唔係"咁我一食落口 哇!都唔同既 佢好似啲無味既jelly 但係加左少少花奶 一舊舊好有透心涼既感覺 係熱辣辣既夏天有碗咁既涼粉 好爽雙豬飯(肉燥底) 好多餸有豬頸肉(唔知係咪)同燒肉我覺得個豬頸肉好味啲 所以我食曬啲燒肉差啲 無錯個皮好脆 但係成舊就硬左少少 對於我呢啲懶人 咬得耐都唔係好想食 所以我無食曬haha個飯幾好味^^好多汁燒肉米粉 同伴話個米粉好好味 個燒肉都唔錯 唔知點解 佢啲燒肉時好時唔好 真係要睇好唔好采遇上唔硬既食完 好滿足 好飽但係記得個涼粉唔好最後先食 一係叫佢最後先黎

难得入元朗一次,因为不熟,都不知道吃什么,想起朋友介绍过一家桂林米粉,就在九龙入元朗后的又新街巴士站附近,下车好容易就找到了.他们竟然有我至爱的麻辣薯粉!太好了,马上叫来试试,想不到味道超好吃!跟餐的水晶白凉粉更是没得顶,正!朋友就吃了他们的招牌烧肉饭,和普通烧腊档最不同的是用台式肉躁饭做饭底,有新意!烧肉也很脆.下次一定带我父母来吃,爱吃烧肉的老豆一定很开心!

係元朗兜左一大個圈...終於join到朋友和搵到食野的地方..一路都覺得元朗好多野食..仲係好多特色野食..完全冇預備是但搵一間的情況下...都搵到間食咩正宗桂林米粉叫左個冬菇豬膶米粉..原來d米粉係好粗好似米線咁~都幾好食~而冬菇豬膶都好多..但味道好淡~雖然佢有4樽調味料可以放..but都唔係太好味~所以只可以話冇食過的情況下...係ok only!元朗有咁多選擇...未必會再食囉!

讀中學果陣已經成日去食最喜歡食蒜香雞翼飯+水晶涼粉果飯d汁係十分好味撈落d飯度一流加埋d雞翼實在好好食另外個租品水晶涼粉又係好好味

間中都會嚟呢間食桂林米粉, 其實桂林米粉個樣好似米線, 但係就粗身啲同埋口感煙靱啲今次又係食蒜香豬扒米粉(連凍奶茶~$3x), 水準不變, 雖然浸咗响湯, 但係都會食到係脆的, 豬扒好淋, 醃得好入味, 正朋友叫的雞扒米粉也不錯呀, 我試咗一件, 味道都係蒜香, 不過就滑啲試過外賣都ok的, 因為桂林米粉冇咁'索'水, 番到屋企碗粉都冇乜點走樣

次次來到呢度都係食豬扒粉,都未試過其他野係呢一晚,同男朋友來呢度食,呢間未食過,服務真係麻麻D阿姐好串呀男朋友就食個雞扒飯,另外要多肉燥就+$3D雞扒好正呀,肉好嫩,雞扒皮好脆,仲好入味!!!真係仲好味過豬扒今次D豬扒就不過不失啦!!!佢D透明既涼粉都唔凍,次次都係咁!!!希望服務方方面可以改善下