陸記正宗桂林米粉

Open Now

Now Closed

係桂林米粉既食店食飯，其實只係唔想食粉面叫左：雞扒飯　雞扒相當香脆，不過略嫌雞肉有點不夠味道，外皮則十分惹味咖哩豬扒飯　豬扒比雞肉入味，搭上咖哩很可口送甜品，普通

今日途經又新街見很久沒有食燒豬米粉於是又食，中午十二點，不是太多人，叫了一碗燒豬米粉，一黎到我見到碗米粉竟然五片燒豬都只有 "肥膏" 連豬皮，一點肉都無，嘩! 點食呀! 之後我叫亞姐埋黎睇下及稱全部肥膏，亞姐好晦氣0甘問我食左未，之後取回比廚房叫佢地換D瘦肉(正常種)，其實呢間野我幫襯左好多年，久唔久就想食，但現在已經唔想食啦，因為D味道越來越差，碗米粉D配料又越來越少，好明顯已經唔同以前D出品，D亞姐又唔優無生意0甘，成$25-hk 一碗米粉，唔算平! 奉勸一下，如果自以為出左名就唔keep 住D質數，好容易摺埋架....!!!!: ( 後悔，早知都係去元朗廣場後面食車仔麵好過，十幾蚊，乜都有，又好味)

晚飯同媽媽出街食但又唔知食咩好所以就黎返呢度晚飯飯+甜品+餐飲 $30 (凍飲+$2)我地叫左個 蒜香雞扒飯D雞扒普普通通 又唔多覺有蒜香但呢度d肉燥送飯好好味~我地另外叫左個炸餃子($15)一拎出黎就聞到陣好熱氣o既油炸味新鮮炸起~不過佢好少餡食落似食炸餃子皮多D......

今次是第二次在陸記吃粉，對上一次已經是好耐好耐之前…要了個清淡系列的時菜冬菇雞絲米粉，份量相當的多，冬菇切好一段段，很淋身且吸盡湯汁，雞絲都是切到一條條，而大部份雞皮都預先切走左，夠細心!不過兩者味道都是淡淡的，而湯底亦都很淡，可惜這裡沒有紅醋提供，米粉應該是米線來的，幾滑身和好煙韌，食食下先看到餐牌寫米粉可轉紅薯粉，不用加錢，我想試紅薯粉很耐了，今次錯過了一個良機!水晶涼粉是這裡的’名物’，今次我來主要是回味一下這的。上次吃都不覺有什麼問題，可能今次加的花奶實在太多，太甜了，吃不慣，涼粉又雪得不夠凍，可說是室溫，有倒胃口的感覺。這裡是不給任何茶水的，吃完涼粉口黏黏，好在自備了支樽裝茶，可即時舒緩口腔，否則要用十幾蚊買杯凍檸茶了喇。

今日有朋友遠道而來,叫我帶佢去食野,但係我都好少係元朗食野,咁就喺openrice睇下有咩食,咁就去左呢間野度食,我叫左個豬頸肉粉,碗粉完全無特別,湯底仍然係味精湯,豬頸肉亦唔係好食,呢餐我食左$32,包一碗豬頸肉粉&凍檸檬茶,未至於難食,但真係唔係好食~

今日睇完transformer2就黎左呢度吃個下午茶。叫左個蒜香豬扒粉，睇落去個樣又唔錯，幾似樣。蒜香豬扒粉：湯底都夠鹹，芽菜卻無味，粉ge口感亦都有咬口。開頭吃豬扒口感適中，可惜吃耐左有d豬扒已被湯整到"林"晒，建議佢d豬扒其實可以分開碟上，迎合唔同人需要。服務：咁大間野唔同連紙巾都慳???一張紙巾都冇俾==。我個fd先岩岩吃完碗粉拎起杯野飲，呀姐就走埋黎收野=.="唔係真係咁趕下??!!果時舖面計埋我地都係得4"木台"客姐......d呀姐仲要係目無表情，之後又全部棟晒係度望住部電視，呢d就係服務??=.="真係諗唔到咩原因要再黎~~

夏季將至，趁假期天朗氣晴，上月曾到白泥走一趟，志在看看日落享受生活，同時在順道掃一掃元朗的馳名特色美食，當日的第一站就是又新街的陸記桂林米粉。此店最馳名的必定是絕代雙豬米粉， 所謂絕代雙『豬』，是指脆皮豬腩肉及滷水豬頸肉，前者據聞以優質靚豬秘製而成，重點在於炸豬皮即使浸在上湯內也不變淋，入口奇脆無比，這賣點做對了一半，只可惜豬腩肉即使相當肥，咬下去感到一口肥膩，實在不易多吃；豬頸肉則以滷水炮制，肉質雖然嫩滑，可惜滷水味並不突出，有失惹味，個人對此不太喜歡，豬頸肉始終都是炭燒的好。這裡的桂林米粉跟一般市面吃到的米線一樣粗身，入口的確頗滑溜，唯清湯底被豬腩肉弄至非常油膩，油份浮面影響了觀感賣相，建議店方應該將雙豬另上，就可解決此問題了。女友點了辣度不大突出的麻辣雞絲米粉，以花生、芽菜、青蔥粒襯托的麻辣湯底尚算濃郁，雞絲份量甚多，是可以一試的。吃厭了常接觸的雲南米線、車仔粉麵，間中來一碗名堂創意十足的絕代雙豬米粉，內涵或不及古龍筆下的絕代雙驕豐富精彩，但作為是次掃街行的首站，整體還算合格。

一向鍾意食粉、麵,經常食雞扒,豬扒粉,前幾次毎次都加大量剁椒,非常正,上次餐飲改食涼粉,都幾好食,幾爽口,下次都會再試P.S.下午茶餐好抵食星期六都係$21蚊

今天去了元朗剪頭髮,剪完頭髮都差唔多9點,就來了這裏食晚餐,粉分三款,有惹味,麻辣,清淡,又有飯的選擇,都幾多種類,價錢是分早午晚餐,跟餐茶幾錢不跟幾公,都幾清楚.看了一會叫了一碗蒜香雞亦麵,不用等很久就來了,不算大碗,是米線來的,有三大隻雞亦,有些花生,西芹粒,蔥粒,芽菜,花生都幾香脆,但米線比較淡,這裏都有好多調味料,加了一些辣椒油,雞亦都幾香,但不算太入味,整體來說是ok的.

前日終於去左評語不俗的陸記打算試試佢既雙豬飯同桂林米粉, (身為元朗人無理由唔試下既)2個人入到去2:15, 過多3個字就下午茶, 但又唔想齋坐, 於是決定叫住雙豬飯食住先($36包甜品及凍飲品)飯未到甜品先到, 好啦, 既然肚餓就食住先啦. 水晶涼粉果然如樓下既人兄所言, 係唔夠凍的, 係冬天都覺得佢唔夠凍...涼粉賣相好差, 切得好參差,形狀非常不規則,味道一般, 我覺得黑色涼粉好食好多.有d失望飯一到就即刻試佢既燒肉, 皮好脆, 燒肉有味, 都ok, 豬頸肉味道都ok, 肉燥太少試唔真個味.成個飯味道都ok,唔難食,但未去到好好食 食完個飯o岩o岩好2:32, 打算叫個下午茶餐既東坡肉桂林米粉試試, 點知個好高,頭髮剛到膊頭既阿姐好串咁話: 未夠鐘bor! !當時我用好平淡的語氣咁同佢講: 但過左鐘la wor阿姐: 我呢度未夠鐘bor!!我 (當時仲未意識到事件既嚴重性): 咁你個鐘仲有幾耐先夠呢?阿姐:仲有3分鐘law(跟住就行左去)跟住我先意識到我們被超級不禮貌既服務態度對待!!!個阿姐d態度真係串爆,d人成日話譚仔d阿姐好串, 但我食左好多次未見識過, 那天, 我終於o係

同家人行行吓街,覺得好肚餓,見到有間叫「 陸記正宗桂林米粉」的舖,裡面有幾個空位,就入去坐La。今次是第1次食,叫咗個紅燒排骨麵,味道都唔錯,幾好味!拒地就叫咗豬扒麵同嬤辣牛碾麵,拒地都話幾好味。我食咗個甜品,而拒地就飲咗杯華田和coffee全部都唔錯。

家鄉酸豆角肉碎桂林米粉+杏仁霜($26):屋企人見到成辣碗油覺得好辣,但我接受到,味道都幾惹味,桂林米粉也挺不錯,但如果加餸要$8份就有d貴,另外,杏仁霜唔夠味比較淡鹵水豬肚飯+杏仁霜+涼粉: 屋企人認為略鹹,但鹵水味道不錯,涼粉普通,可惜唔夠凍但我發覺呢度d人多數食飯,仲以為食粉的人會多些??呢度雖然是小店,但唔會坐得太迫

朋友剛由英國返來, 一落機就話要食辣野想來想去, 也只好帶佢去陸記了結果, 朋友點了個酸豆角肉碎飯, 一邊食一邊話好味因為在英國的一個月都, 每日都係三文治而我就點了個三鮮湯飯, 內有豬肉, 豬潤和粉腸三樣都好新鮮,另外, 跟餐有個例湯 - 紅蘿卜茶樹菇豬骨湯, 好足料喎, 仲有大大舊豬骨添而且湯底味精唔重, 食完唔會特別口渴

餐牌上有惹味之選,清淡之選和麻辣之選,我就選擇左惹味之選既紅燒排骨米粉+豆漿($26)米粉好粗身,好似烏冬咁,食落去外表"林",內裡煙韌,我不太喜歡這種感覺,湯底好夠味,不會太味精,紅燒排骨夠入味,但味道既濃度不算是惹味,肉既部份好少,骨比較多.最後都飽飽地,水晶涼粉($13)都係外賣返屋企食,水晶涼粉好Q呀~~~煙煙韌韌,有D會煙韌D,有D會"林"D,無咩味道,不過D奶好甜,甜到有點不能接受.埋單$39蚊,我用兩張20蚊比錢,竟然找兩個五毫子比我,我當然要求要1蚊銀啦!!(我好介意係食店收毫子)

深圳之旅回港後, 飽飽滯滯, 什麼都不想食, 但係老公又未食晚飯, 佢又驚我唔食, 半夜會肚餓, 所以我們還是出了去元朗搵嘢食, 由於外出時間太晚, 根本就沒什麼可以選擇, 而且我太疲倦沒胃口, 所以吃什麼都沒所謂最後選擇陸記是因為想試佢嘅水晶涼粉, 我們點了雙豬飯同豬扒飯餐, 包水晶涼粉同凍檸茶論價錢此套餐實在經濟實惠, 每人大約$35就可以食到份量十足而又可滿足三個願望的晚餐論味道, 此套餐只能填飽肚, 完全未達到可口的水平絕代雙豬飯是燒肉拼燒豬頸肉附肉燥, 豬頸肉不似燒, 似是滷水, 肉燥正常但不可口, 飯是腍的, 比較可取的是燒肉, 燒肉皮燒得好脆, 只可惜肥肉太多, 實在吃不下豬扒飯亦是好一般, 跟茶餐廳的炸豬扒差不多, 不用特意走來這裡吃期待已久的水晶涼粉雖然樣子討好, 但亦是沒些驚喜, 而且還不夠凍, 影響了其可口的程度, 實在可惜可惜我還是努力不來, 最後要老公幫手清碟了, 辛苦晒