綠林三記甜品 (Closed)

阿媽去開石硤尾，回家時途經綠林。於是就外賣咗碗芒果明珠俾我。上次食完讚口不絕，所以阿媽先咁記得我鍾意。外賣好似仲大碗過堂食。好多芒果汁，芒果好甜。明珠好有口感，但不是費牙力那種。份量好多，兩個人都夠食。

五點幾，途經綠林又咁啱肚餓，於是就入去食碗糖水。今次試芒果明珠。明珠即好大粒嘅西米，好正。大大粒，本身質地唔韌；煮得時間剛好，不會過淋。芒果茸內有芒果肉，好甜，完全唔酸。價錢都唔平gar, $16碗，仲貴過松記碗幻彩明珠啊！

係石硤尾區食糖水我首選就係綠林三記因為真係幾抵食,好多時夜晚都會沒位!今日照舊同細佬,去食糖水細佬叫左西米露mix石腐花我就試左個左杏仁糊...聽講杏仁可以美白,但我就吾鐘意個陣味但即管試下我地仲order左榴槤班戟試左佢d西米露我覺得好多椰奶所以好甜不過幾滑同好爽,粒粒分明!而d豆腐花好滑好滑,好有豆香味!豆腐花溝椰奶食原來仲好味過溝糖漿!而我既杏仁露出奇地滑同易入口好快一碗就食哂....比漿仲稀d甘啦...有杏仁味但我沒抗拒個陣味吾會過甜,水準之作!10蚊仲想點而榴槤班戟1盒2件16蚊!!細細舊1人1件食左吾記得影相- -''v好重既榴槤味,全部都係用熟哂既榴槤肉好滑好軟~_~沒法抗拒但唯一吾好就係d cream累事太多影響左口感過甜同太膩~不過細細舊而且有層皮減低左膩口我吾太鐘意有d班戟係有層蛋糕係到....好彩呢隻榴槤班戟就沒佢既比例係3.7榴槤:6.3cream,而且我覺得16蚊都有d貴不過我都係好鐘意綠林三記既.

好少去食糖水或者甜品呢類野，但去親總係會諗起想食呢種芒果布丁，唔係真係成舊芒果肉果d，一定係要好似呢隻咁樣面頭再加d煉奶，每次食都覺得搵返細個果陣既感覺。話時話，唔知呢間綠林三記同綠林有無關？都睇怕無乜關係，因為果度有豆腐布丁呢度無，不過都無乜所謂，最緊要有我最鍾意芒果布丁就得喇，而且呢度仲好食過綠林果d，而且仲平一蚊，睇黎呢度比較適合我多d

去完萬發食飯，就貪近咁行過對面食湯水。要了桑寄生蓮子茶。個色水好深，以往飲開嗰d都係淺啡色，而今次竟然係深啡色味道好濃好甘，煲得好夠火候。不過甜咗少少。又試咗粒糖不甩。一般，味道太甜，而且質地太淋。

吃了不太滿意的午餐，溝貨的念頭又頓時出現，大熱天時，吃些甜品也好，於是一行三人便動身前往。去到剛剛兩點正，店方的捲閘還未完全拉開，我們已在外面偷偷望入去。店員也醒目地請我們內進，大家成為了當日的第一檯客人。來過不少次，心知這裡的中式糖水比較穩陣，便點了兩款中式糖水、一味水果及一客班戟，大家分享。喳咋幾足料，尤以芋頭的質感較令人滿意，甜度亦適中，三兩下手勢便吃清光；西瓜幻彩明珠，西瓜顏色唔紅，亦不夠鮮甜，墊底的明珠，煙煙韌韌，反而加錢要的湯丸，麻蓉餡料幾香，只是皮偏厚，拉上補下，這味算是一般。明白合桃露是要熱食才好吃，不過在大汁疊細汗的情況下，最終都是要了凍的。是幾香的合桃味道，甜度亦得宜，但不算滑，凍食得是這樣；榴槤班戟既皮不像滿記的煙韌，而是香軟，包著幼滑的忌廉及香濃的榴槤肉，而且果肉份量不少，都收貨了。坦白說，這裡的水準在區內不算最出色，唯勝在便宜，食咁多嘢埋單五十一，仲想要求什麼?

一個人. 食完車仔麵, 好似仲有少少空虛. 慢慢行, 慢慢發掘下有什麼騎呢野食. 行下行下, 到了SSP. 看見有幾家泰店, 泰到連中英文名都冇. 心好想去試但肚不想去食. 肚子想裝的, 是甜品一客. 於是, 第一間出現在眼前既甜品鋪, 雖然是太子既蘭苑, 但人多, 不想入, 再次有甜品鋪出現, 就是三記.門口看見花生麥米粥, 入去, 就叫花生麥米粥. 加蓮子. 行到身水身汗, 傻左咁仲叫熱既野. 食糖水食到滿頭大汗, 自找. 自找之餘, 食糖水, 糖水甜, 冇乜野. 蓮子應該是甜的吧. 食落糖水夠甜, 蓮子不甜, 可奈何.....再食多幾粒, 證明不是因為糖水太甜蓋過蓮子甜味所置. 較為不滿意的一次甜品之旅. 地點又不就腳. 下次........? 深水埗仲有好多選擇啊. 不過 加了蓮子才$11....抵食.

見圖, $14居然有咁大個既木瓜, 一睇就知落足料.被逼食晒d南北杏, 感覺好似食緊瓜子雪耳唔太唸, 木瓜夠大, 糖水夠潤~ 回味無窮

此店價錢唔貴，大概$10一碗糖水，算抵食。腐竹雞蛋糖水甜味適中，並夾雜着一些薏米，變得有咬口。芝麻湯丸的皮略厚，幸好內裡的芝麻蓉很香，保償了皮厚的不足。

花生糊+芝麻糊prefect match!!甜度剛剛好especially花生糊, 真係好好味!!唔係好多地方有得食架咋~must try!!!!西米露反而西米露就麻麻啦因為好cream...冇哂椰汁味我諗鐘意好cream好奶的朋友會鐘意***加$加湯圓湯圓都好好味應該係自製的芝麻餡有沙沙的囗感甜甜的好好味!!推介!!

我同爸爸媽咪就一人叫咗一個甜品爸爸就要咗熱喳咋 , 都幾多料 , 甜味適中, 都OK我就要黑珍珠+ 荳腐花 , 黑珍珠爽爽哋, 有咬口 , 豆腐花有豆味,都滑, 幾好食, 係依三樣中最好食媽咪就要熱芝麻糊+ 荳腐花 , 落多咗水 , 好稀 , 攪到好淡 不過都OK綜合來講, 每款嘅味道都OK, 雖然唔算好出色,但都平, 依幾碗都只係$7, $8碗, 好抵食

阿媽買了3個糖水作飯後甜品。芝麻糊好杰，芝麻味不夠香，幸好甜度適中。麥米糖水，呢個都係偏杰...但味道幾好，唔太甜，而且有些麥米剛爆開，很有咬口。桑寄生蛋茶，有一隻好似壞壞地雞蛋，隻蛋外面染到變啡色，但就好淋，好似壞蛋。仲有d蓮子。我覺得幾好飲，藥味不重，帶少少甜，好飲又有益。整體呢黎唔錯啦，又平。

外賣椰汁黑糯米外賣盒唔駛加錢,都係$9 打開蓋d椰汁黑糯米多到漏出黎咁濟黑糯米又夠多 d椰汁撈埋一齊後不太甜岩岩好! 真係幾好味,$9食到呢碗野 真係好抵下次會繼續食呢個,哈哈我太專一

對大多女生來講,飯後甜品這個環節,也是不可或缺.尤其在大排檔受盡啤酒椒鹽加粗口洗禮之後,一定要用甜味來滋潤一下.最近耀東街的甜品店,應該是在利工民隔離的"綠林"了.其他朋友都係一碗上,圖中的雜果涼粉,賣相不俗,啖啖是水果的天然甜味,在大暑前後吃著此味,即刻感到透心涼,口中唱著我愛夏日長.芒過班戟都算做得幾好,香軟的蛋皮,包著香滑的忌廉,再包著芒果肉,芒果肉夠新鮮.不錯.埋單不知幾多,因為兩位壽星女"反客為主",但粗略估計,都幾平.

一大班人高高興興的渡過了一日, 最後的節目係來這裡食甜品. 十一個人, 佔去了門口的兩張臺. 價格係平得緊要, 單頭$6起, 雙拚都係$7起, 地方也算企理, 真的經濟.意米腐竹糖水$6: 7分, 加白果要加多$4, 就要個沒有白果的意米腐竹糖水. 腐竹煲得幾淋, 起碼唔會一條條係個碗到. 沒有了白果, 始終不夠香, 加上係偏甜了, 不算好理想.海帶綠豆沙$6: 8分, 吃完火鍋, 吃碗綠豆清清熱係沒有錯的. 這碗綠豆沒有腐竹的甜, 較易入口, 也帶點沙, 反而喜歡這個多一點.夜深了, 匆匆吃過, 也趕回家了.