綠林三記甜品 (Closed)

🍉西瓜涼粉上枱外貌唔錯，份量都算幾大碗，但係西瓜🍉唔算甜，涼粉正常，以湯水甜品類嚟講，呢碗其實有點兒遜色，但小編轉個角度，呢碗都算係健康之選😉🥭芒果珍珠冰芒果少甜，珍珠有口感，冰🧊真係大大塊，清涼之選，但係都係唔夠甜，小編鍾意甜，唔鍾意無味道嘅湯水甜品🥹或者…中式糖水可能會好啲…🥲

【深水埗區】【三記甜品】喺深水埗嗰邊食完飯，自然想食吓甜品。嗰頭其實都幾多選擇，有求學時期成日食嘅松記，平靚正啱晒任何階層。之後有一段時間我係比較中意另一間好似係叫三姐松記嘅，因為冇咁逼、食得冇咁趕時間同埋啲雪糕好食啲。好耐冇過嚟呢邊之下，見到八仙餅店近油站嗰邊仲有間叫「綠林三記」嘅糖水舖，作為八卦精嘅我梗係入去叼碗 $33 嘅「楊枝甘露」感受吓。唔係講笑，街坊糖水嚟講佢呢碗算唔差，所以一直都想等下次有機會再嚟食先寫嘢。點知下次去到連名都改埋叫「三記」，不過啲設定完全一樣，似換湯唔換藥。一望餐牌，「楊枝甘露」變咗 $37，嘩！算喇，食個 $34 嘅「芒果班戟」睇睇，嗰吓有啲想食，上菜見佢係外賣膠盒放返上碟，但都整得幾好食喎。唔知仲有冇機會再嚟，叫多個 $24 嘅「豆花布甸」嚟睇吓。味道又幾特別，真係有豆香嘅布甸，而且係冇違和感嘅，都幾好。總括而言呢間嘢嘅出品都係唔錯嘅，難怪我兩次去到都見到佢哋堂食同埋外賣嘅生意都幾好。。。（地址：深水埗元州街9號景業大廈地下）

從味食過咁難食既香蕉賊船，苦味朱古力雪糕，個雪糕球超細個，牛奶公司雪糕好食過佢，畢生難忘，永不光顧，好伏！！！個雪糕既苦味好似食緊一個冰硬的心太軟。難食度似大陸九十年代士多買的雪糕樣，毫不香甜。阿爸吃了番蕃薯糖水又不夠熱無姜味，極度失望。。。@@

今日和家人到深水埗，經過綠林三記甜品店，見到店舖乾淨企理，地方寬敞，便入內幫襯。店內有很多款甜品可以選擇，我們點了椰汁芋頭西米露、紅豆小丸子涼粉，以及麻蓉湯丸。西米露甜度恰到好處，芋頭香甜輭糯。小丸子煙靭有口感，涼粉清爽，紅豆夠腍，配上雪糕很好味。麻蓉湯丸有很香芝麻味。街坊店舖有如此水準，令人驚喜，下次去深水埗會再幫襯。

甜品款式好多選擇、價錢合理、味道適中，份量充足，食物好快上枱，芝麻糊夠杰身，唔會水汪汪，幾香黑芝麻味，鮮奶桃膠，桃膠煲到啱啱好，好多桃膠，服務幾好，幾有人情味的糖水店.

食咗好滿足嘅晚餐，意猶未盡，加多個甜品咁就Perfect啦。慕名到這糖水舖，點了涼粉綠豆沙，楊枝甘露2款凍品。先講吓涼粉綠豆沙，海帶綠豆煲到起晒沙，唔太甜，加埋涼粉，透心涼，味道唔錯，性價比高。楊枝甘露，一大碗西米，上面淋上深黃色的忌廉芒果漿，內𥚃有芒果肉和柚子肉，柚子肉咬落有少少苦澀味，整體味道普通，賣相比較遜色。雖然價錢唔貴，若有下次，一定唔會再點呢個所謂楊枝甘露。

同朋友飯後食甜品，朋友叫楊枝金露$33， 我就叫左芒果布甸楊枝金露$37， 朋友蜿有芒果肉，但我果蜿就冇，諗住只是漏左，所以叫職員睇睇，點知亞姐話冇喎，淨一個芒果布甸都$12蚊喇，而家只是收多你$4， 冇芒果肉是正常的，最後無語，中伏了。

疫情之下，好多地方都受影響，由其是飲食業，今日天氣好好，難得出黎買電腦用品，順便食埋個糖水😂😂😂綠林雖然食左幾次，但我始終覺得佢既中式糖水好食d🤣🤣🤣🤣所以主要都係食佢果個桃膠同桑寄生蓮子蛋茶，桃膠就真心次次黎都食，不過次次都食凍🤣🤣🤣無計啦天氣咁熱，桃膠就越食越想食，又可以排毒😍😍😍又好味，而 桑寄生茶雖然係熱，但佢只係微熱，最鐘意佢隻茶味，甜得黎帶點甘味，仲有d蓮子夠新鮮唔苦，整體唔錯😍😍😍

同老佛爺去完夜街想食宵夜，見呢間甜品仲有開就貢入去，地方都大多位，開到零時两點幾，夜鬼啱晒。款式都好多元化，有中式糖水至西式的都有時，還有小食鮮果汁，冷熱一應俱全，且價錢都ok。我們點了凍綠豆沙涼粉，芝麻糊豆腐花，加個小食糖不甩。綠豆沙幾有臭草味，臭草我至愛，老佛爺的芝麻糊都好有芝麻香，糖不甩香香糯糯，食落暖笠笠，吾會太甜。埋單吾約50元，人均消費25元，食飽飽，大滿足，回家休息，半夜想食個甜品確不錯。

同兩位老友晌耀東街嘅「金牌源記」食完晚飯後，大家都傾得意猶未盡，但又唔想太阻人做生意，故此，近近哋，臨時加映，就過咗去「綠林三記」食碗糖水。呢段飯市時間，幫襯「綠林三記」嘅客唔多，我哋又可以吹多陣。環境唔多講，就喺一眼睇晒，一室紅紅黃黃，較港式糖水鋪嘅格局。餐牌就一大張墊晌枱上嘅玻璃之下，選擇非常之多，但就唔喺有啲咩喺好有亮點嘢，就好似我哋所揀嘅，亦唔喺啲花巧款式，睇賣相亦喺平實普通。椰汁紫糯米 $17老友喜歡傳統啲嘅中式糖水，所以，揀咗個紫糯米，煲得夠晒火喉，所以，啲紫糯米咬落煙韌有咬口，而且，真材實材無欺場；再淋上大量椰汁作調和，令味道變得清甜香滑。鮮蜜瓜豆腐花 $26另一位老友就一心想着豆腐花，就晌豆花系列中揀咗呢一款配鮮蜜瓜嘅組合，不過，跟預期有好大落差，因為落咗超多椰奶喇，初時仲以為嚟錯咗添，而令個豆腐花偏甜，有啲畫蛇添足之感。但單講豆腐花，嫩滑有豆香，蜜瓜亦夠清甜，只喺衰過多嘅椰奶而已。鮮芒果小丸子 $29唔使多講，一句總結，勁多芒果粒呀，仲喺熟透超甜！比起西米撈，大大粒嘅小丸子更具咬口，軟精煙韌，配上大量嘅芒果汁底及芒果粒，簡單而好味，可以話得喺百食不厭。相對老友嘅豆腐花

係附近食完飯 來個甜品想食啲中式 簡簡單單既我地叫左熱綠豆 同熱綠豆溝紅豆唔會太漿 但無咩口感 可能啲豆已經煲到勁最不幸係食食下有條頭髮係入面收費方面非常平民價 如果無咩要求，也可一嘗

好中意食中式糖水😚但宜家好似越黎越少類似既店😭就算有都成三四十蚊一碗仔，咁既價錢可以食到餐茶記，好彩揾到呢間十幾蚊就有一碗😚仲可以兩溝，而且仲要每碗都好足料。

路過就多，大多是到前面的元朗冰室，或對面的牛腩牛雜，或石峽尾。這甜店品的轉角水吧位，大件而懷舊🤣這間鮮奶燉塗膠，可以說是網網千斤，雖然不太清楚究竟桃膠在坊間的售價如何，但是很多糖水舖，桃膠都是只得一兩件，就像吃燕窩一樣。而綠林三記的甜品的燉桃膠，竟然找到很多粒桃膠，有些還大到好像牛筋一樣，煮到又綿又化，但是當中亦都有兩粒好像珍珠奶茶的寒天，保留咬口。燉鮮奶，反而比較老，像一早燉好，烘著微溫，因此吃來感潮較老較鞋，口感不滑；味道帶甜而不太膩。

從小時候食到大的屋邨糖水舖❤︎ 其他地方明明啲糖水又稀、料又少，都夠膽收成4,50蚊一碗綠林三記個價依然平民貼地，大部分中式糖水都是廿蚊碗有找最愛是呢到嘅芝麻糊同糖不甩；出名可以美顏美髮嘅芝麻糊好香又濃，絕不欺場，強烈推薦女生可以試試熱的芝麻糊，解解饞之餘又可以愈食愈靚 <3 同埋十零蚊的糖不甩都十分推薦，熱騰騰的湯圓，外面包花生碎、糖粉等，非常煙韌可口 <3 老式糖水舖真是值得大家多多支持，附近經過的話記得入去食一碗

食飽增輝就行前少少食糖水。蕃薯糖水， 勁大碗， 食唔曬，唔會有薑係入面， 幾好。紅豆沙，幾好。蜜瓜水晶條，都幾特別， 好似食緊麵咁，幾得意。西米路，正常。燉蛋，好滑。唔會太甜。可以食幾碗。合桃露， 好滑， 好香， 都係唔會太甜。