倫哥火鍋私房菜 (Closed)

今次試下好出名嘅倫哥私房菜料理可能因為餐廳冇乜擺放宣傳易拉架所以位置都有啲難。搵行左一輪先發現係大滾友隔離條樓梯直上就到啦。記起去年食過嘅倫哥火鍋私房菜，高質又多嘢食，可以返兜喎。 飲品櫃有各式各樣的飲品，想飲邊款，可以自己去拎，仲有自家製五花茶可以揀。坐低即刻有得食，先來褒任食，大中小吾辣仼君選擇，惹味，嫩滑。炆鮑魚，花膠夠哂火候，鮑魚有咬口，又入味，花膠稍微稔左D，欠缺口感，媽媽最喜歡呢道菜。食物質素絕對得住價錢記住訂好位，好full 。

我自認係濃味主意者，所以雞煲/邊爐係百吃不厭。今次唔係第一次食倫哥，但係唔知點解覺得每次嚟食都有少少新驚喜；而且每一次嚟食都會覺得自己食會票價，真係唔明究竟佢賺到幾多錢🤔飲品自助區有兩大個雪櫃嘅野飲可以揀，包括多款汽水、特色韓國罐裝飲品、無糖嘅綠茶/烏龍茶、自家製嘅五花茶/檸檬薏米水...前菜 (冷盤）- 醃蘿蔔- 日式芝麻醬滑豆腐 - 刺身拼盆*總共有5款刺身，十足食放題一樣。幾款刺身裡面最欣賞就係隻牡丹蝦，夠大隻夠新鮮，成隻放入口食有幸福嘅感覺。前菜（熱碟）- 鑊仔飽魚+花膠 - 蒜蓉粉絲蒸蟶子*味道夠晒濃，加埋啲蒜蓉同蔥嘅香，正呀！主菜（一）雞煲 + 豬皮&魷魚食過倫哥嘅雞煲就會知，味道濃得嚟唔會太油。我欣賞個雞煲入面有好多料頭，食落好有層次，有時食到陣陣嘅蒜香，有時又會有啲啲茴香味。美中不足嘅係啲紫洋蔥切得唔夠大塊同埋唔夠多。辣度夠分明，可以揀唔辣-bb辣-小辣-中辣-大辣；平時食開辛辣麵辣度嘅我今次叫咗小辣，食得舒服，唔會keep住要飲水解辣/解麻，亦不至於冇辣冇刺激。下一次都可以考慮試下中辣哈哈純粹個人preference，相比起一字品牌嘅雞煲，我覺得倫哥雞煲更勝一籌，因為

觀塘返工💼，也有倫哥私房菜，誰知道此倫哥卻不同彼倫哥，菜式一樣，味道卻強差人意😓，還是元朗店味道最好👍🏻一行四人，早已訂位多時。老婆之前吃過一次就讚不絕口😋。是的，一次能滿足好幾個願望：從炆鮑魚，到刺身、雞煲、海鮮火鍋、甜品⋯⋯還沒吃到最後已經飽到投降😂。以前覺得任食火鍋都是差不多，人有我有，A君材料好一點，B君湯底濃一些，萬變不離其中，還不都是這樣。誰想到還有這樣的花樣，還有這樣的質量👏🏻。倫哥私房菜，不同凡響！

倫哥放題雞煲火鍋, 同幾個大胃王就岩晒～選擇多一定食飽佢地～而食材又有質素🥳🥳坐底就有刺身拼盤、同前菜上枱刺身拼盤：牡丹蝦大大隻, 刺身不錯～不過就冇得任食雞煲雞煲叫左小辣～唔夠味，第二轉叫中辣🤣🤣嘩～好味好多，提提大家真係辣辣地出色好多架！而雞件份量夠，雞嫩香辣～再叫都唔會話轉質料...前前後後食左四轉🙈🙈先岩轉火鍋🍲溫泉雞鍋招牌菜～先飲湯後打邊爐💕椰子🥥雞湯～非常濃郁, 啖湯非常好味👍🏼飲唔停口🤤🤤海鮮拼盤有蜆, 花甲, 蟶子, 鮑魚, 脆鯇骨腩、海蝦等～分量十足🤣🤣睇見O左咀，花甲和蝦非常鮮甜, 仲可以任食～不過食完都飽晒喇～牛肉質素好，雪花均勻，牛肉味濃，不是任食～但已經足夠仲有其他不同邊爐料任食，絕對幾大個胃都一定飽🤣🤣🤣🤣🤣

第一次黎係佢岩岩進駐元朗，唔易訂枱，而且佢啤酒另計，埋單差唔多$500一位，都算幾貴。隔左咁耐再去，上到去唔算多人，食到尾都坐唔夠一半，仲諗住可能平日同天氣熱，所以冇咩人，食落就知咩原因。前菜小食幾得意，雞煲有水準，但到打邊爐就出事，貝殼類海鮮有d有沙，牛要另外加錢，雖然只係加$20，但個質素仲差過酒樓任食既肥牛。食完一輪再加野，幾樣野都話冇，好似魚同魚蛋咁，佢既選擇已經唔多，客人又唔多，但都有野食係冇就真係唔太得。野食麻麻之餘，飲品都唔好得好多，大熱天時梗係想飲d冰凍既啤酒啦，3個人叫2支加個冰桶，點知姐姐話驚唔夠凍，最後1支支咁叫。大佬，你又唔係全場爆滿，呢樣基本野都做唔好。埋單$480，希望佢地會改善下，咁既價錢，附近都有d更好既選擇。

打邊爐食雞煲係一年四季都咁鐘意做既事！首先，呢度地方乾淨闊落，坐得好舒適，係一大班朋友相聚吹水既好地方！入座後，你係唔需要諗叫咩食架！所有野已經安排好！！只係需要同店員講你要咩辣同飲咩就ok啦！呢度打邊爐必備的汽水和五花茶亦設任飲，不過想飲啤酒的話就要自費了。店員會先呈上惹味雞煲，雞煲惹味，絕對有水準！享用完「前奏」後，店員隨即就會送上另一個花蟹煲，時令海鮮每日可能有所不同，大致上有鮑魚、蠔、蟶子等，用料新鮮已值回票價！除左部分海鮮及指定分量的牛肉外，其餘於海鮮拼盤內的食品都供客人任食，係任食呀！！！有冇攪錯！食完雞煲再任食海鮮邊爐！另外無限供應手打丸、水餃、雲吞、響鈴等…同有一粒我未見過既沙律丸，好好食！食飽仲要有甜品，仲要唔限時！邊度揾！成日full 架！記得去之前book檯！

仲記得當年雞煲盛行嘅時候次次聚會都會揀食雞煲🤣🤭呢間倫哥火鍋私房菜嘅半任食套餐真係食飽你！又有雞煲又有火鍋😳咁豐富就揀咗佢嚟食試一試💪🏻套餐有唔係任食嘅刺身拼盤、原隻蠔皇鮑魚粉絲蒸蟶子、牛頸脊🥰全部食材新鮮最推薦係牛頸脊，雪花紋勁靚牛肉味突出💋任食嘅有雞煲同各類海鮮火鍋配料雞煲唔太食得辣嘅可以揀BB辣🙈雞煲調味好香又惹味真係好耐冇食過雞煲好懷念啊！佢嘅海鮮款式都多👍🏻夠鮮味，好食！而且份量好滿足🤣整體嚟講半任食海鮮火鍋抵玩🤑好味😍指數（5粒最高）：😍😍😍

最頭痛係朋友生日要諗食咩，突然醒起倫哥聽聞食評唔錯都想試好耐啦。雖然係平日，都坐滿人喎，好彩有book位啫🤭，坐低無耐食物就輪住上枱，雞煲，刺身，花膠，聖子皇，正呀！雞煲唔使講啦，濃味唔會輸，仲要係自己炒，過火都唔關佢事🤣🤣。食住雞煲嘆刺身，刺身都算唔錯，蝦刺身都幾鮮甜，跟住就係粉絲蒸聖子皇同埋花膠，其實食到呢刻都有d飽，但係眼前果盤海鮮拼盤又唔可以錯過喎，所以我地決定轉打火鍋，我地用左最原始的皮蛋芫西湯底，都好足料，d皮蛋食極都有😂😂，可能佢晚晚都多客，所以海鮮都算新鮮，仲有佢盤牛頸脊真係好味，可惜唔係任食，飲品方面佢都好多選擇，個cream soda仲好似好飲過出面果d,夠汽得黎又冇咁甜喎，基本上我地食哂佢第一輪送黎d野都已經飽哂，😮連甜品都唔記得食添，下次一定要補返🤭

以食食過，覺得好好食，昨天終於有時間再去食，嘩！真係好讚！有無限時的任食火鍋，完全物有所值，因為依家香港好少放題是無限時！所以係時間上已經超值了。第一道先是頭盤有花膠、鮑魚、仲有刺身，比我想象中新鮮，蝦同帶子仲要幾大隻，個鮮虾又大又鮮。跟住就係雞煲，我揀左少辣，佢個雞煲仲有加魷魚同牛柏葉，好特別，雞也好滑好入味。食完在轉火鍋， 重點話個牛肉超好味，睇圖都知脂肪紋理清晰平均，入口好嫩滑。海鮮拼盤：貝殻類無沙，鮮虾，仲有龍躉片，總之海鮮都好新鮮。整體算三百幾元一位的任食海鮮雞煲打邊爐真係超值，坐得舒服，員工既服務態度都很好，手腳快，由頭盤至飲品都做足，最後仲有甜品，冰心涼，飽到行唔到，非常值得推薦俾朋友去食。

又想食雞煲又想打邊爐，價錢合理食物質素又要有，咁一定係黎倫哥火鍋。無論食品款式，質素，份量，都令人耐唔耐想再去食。跟某些雞煲店一樣，倫哥哩度都係先食雞煲，再打邊爐的。不過一般係直接加湯入雞煲內用來打邊爐的，這裡是先食雞煲，之後直接成個煲換成打邊爐。未食雞煲前，仲會有大大盤刺身，甜蝦，八爪魚，帶子，三文魚，三文魚腩，和北寄貝。小前菜都好豐富，有凍豆腐，粉絲蒸蟶子，花膠鮑魚仔，估唔到會有咁中式的食品提供呢。雞煲份量很大，雞件都好多，因為仲可以添加所以唔會驚唔夠食。大量的莞茜，洋蔥同蒜頭令雞煲更為惹味。火鍋湯底都有4種可以揀，我地選擇了蕃茄湯底。本身湯底都已經有粟米，菇類，娃娃菜等配料。海鮮拼盤，款式多，好豐富。牛肉片都好新鮮，肉質幼滑，香牛肉味。另外仲有手打蝦滑，墨魚滑，響鈴，魚皮，丸類，餃類，午餐肉等，款式好多。飲品是自取形式，可自行到雪櫃取。

媽媽生日，竟然提議想打邊爐，於是便決定到倫哥解決她的生日飯。跟朋友食過好幾次，覺得款式又多，食物質素又不俗。這裡是先食雞煲，再轉打邊爐的。未上雞煲前，侍應仲會送上大大盤刺身，都算幾新鮮，大大片三文魚，三文魚腩，甜蝦，八爪魚，帶子和北寄貝。另外仲有幾款小食，胡麻醬凍豆腐，粉絲蟶子，花膠鮑魚仔，就這幾款食品都已經值回票價了。雞煲和火鍋都係任食，任食黎講這裡價錢不算特別平，不過就真的好抵食。首先送來的是雞煲，份量很大，而且味道挺香的。雞煲內放了大量蒜頭，莞茜，洋蔥等調味，令味道更香更惹味。雞件份量都好多，4個人食都已經飽左一半。如有大食的朋友，雞煲還可以refill呢，也太誇張了。之後轉火鍋，湯底有4種可以揀，媽媽選擇了蕃茄湯底。配料都好多，大量粟米，菇類，娃娃菜等，味道都幾清甜。而配料方面侍應會將所有配料先送上一次，想再食的話就可以再點。首先是大大盤的海鮮拼盤，青蟹，蠔，魷魚，沙白，蜆，大蝦，象拔仔等，十分豐富。仲有牛肉片，又估唔到任食的牛肉質素都唔錯，顏色一睇就知道好新鮮，油脂都分佈得好靚。食落肉嫩，好香牛肉味。另外仲有墨魚滑，蝦滑，唔同的丸類及餃子類，蔬菜等。4個人食基本上份量真的好夠

本身同朋友一行十二人訂了28/5 打邊爐，倫哥職員what’s app 話要比$500 訂金，過東亞銀行，一係就支付寶。我冇東亞、亦冇支付寶，所以打電話比倫哥問有沒有其他銀行可以過數。可惜職員不斷只重複叫我親身去分店比$500、一係叫朋友用東亞過，完全冇實質幫助。我理解$500 訂金怕客甩底，但倫哥咁多分店只有東亞一間銀行過數未免太outdated. 職員之後更what’s app叮囑我記得open rice cancel 訂枱，態度亦不友善。此生不會再去這間餐廳打邊爐。

倫哥火鍋非常有名所以今日決定黎試吓一個價錢可以有多種享受，又有雞煲又有海鮮火鍋，真心吸引前菜麻醬豆腐及辣木耳 ，開開胃！特定刺身係三文魚腩、 帶子 、連頭嘅巨型刺身大蝦 、北寄貝及八爪魚，非常新鮮再來係貴價嘅高檔食材，花膠鮑魚，鮑魚整得非常入味蒜蓉粉絲蒸蟶子， 非常惹味 秘製雞煲我吔選了少辣 ，細心嘅服務員幫我地烹飪，每隔一段時間便幫我們打開炒幾次月以免嫩滑嘅雞肉黏底 倫哥火鍋嘅雞煲果然有水準，雞肉依然保持嫩滑， 一點都沒有老， 而且鹹味亦適中， 肉有勁道食完比較重味道嘅雞煲，選擇左個比較清淡嘅芫荽皮蛋湯底火鍋海鮮拼盤非常吸引，包括有沙白 、刀背 、蟶子 、海蝦 、龍躉片 、脆鯇魚 、蟹和魷魚。非常新鮮， 夠新鮮的海鮮就是鮮，不需要任何花巧的調味就已經很好味打邊爐我最鍾意食特別嘅牛。這裏的牛是用牛頸脊，賣相吸引而且油花平均，入口牛肉味濃郁而且夠爽口， 簡直食到唔停得口黑白滑非常爽口各款餃係出奇地好味最後仲送埋冰鎮黑糖冰粉，大滿足

今日朋友要約元朗打牌，食雞煲火鍋直落。我地決定去倫哥尚品私房莱，位在元朗雞地，食市聚集的地方。餐厅在1/F， 要上樓梯，左右有巨型 poster 介绍各種火鍋套餐，燈光極為明朗。餐厅樓底夠高，雖然客滿，食落感觉安靜唔嘈。增加私隱，可訂餐厅内6間VIP 房。坐低後waitress 先上六種 蒜蔥類配料及 酸瓜豆腐小菜， 講畀我哋聽飲品任拿 我们選擇了 蕃茄薯仔湯底的半任食海鮮火鍋套餐後，便先上鮑魚同花膠，再上辣雞煲。雞煲有九層塔同埋洋蔥搭配幾好味好適合送酒，因雞煲需要煮約八分鐘， 等候期間先上非任食:刺身拼盤: 三文魚刺身、帆立貝刺身、特大蝦刺身⋯⋯先嘗新鲜甜美刺身，跟着上任食的雞煲，之後再上極度新鲜的海鮮盘:海蝦，鑽石蜆，刀貝蜆，白鱔，龍躉，魷魚，和 鯇魚。完全没有腥的氣味。牛肉盘是 1-2mm厚的肥牛厚片，囗感特佳。還有好新鲜的蝦滑，魚滑，现包的雲吞水餃，響鈴，魚皮及蔬菜四人的基本料可供六人食用，好抵食！最後還有甜点黑糖冰涼粉，囗味好接近我超愛的台灣愛玉。

今天我約了三位朋友一起去元朗食倫哥私房菜火鍋我們一去到倫哥私房菜,大家都覺得這間私房菜啲裝修很靚,還有幾間vip房,很有格調跟住侍應就安排我哋坐下,然後侍應來了六種配料,任君選擇，還有酸瓜豆腐小吃,我哋食了覺得很開胃好味然後就講畀我哋聽有多款飲品任飲,我哋四人就選了一瓶檸檬薏米水嚟飲, 大家都覺得啲薏米水好好飲然後侍應來了一碟鮑魚花膠畀我哋食,我夾了一隻鮑魚嚟食,隻鮑魚好鮮味好有咬口,我再來一個花膠，花膠好嫩滑跟住侍應又來了一鍋雞煲,侍應又同我哋講解雞煲要煮八分鐘先可以食,我覺得啲侍應好細心每一道菜都講解我哋聽,我看了雞煲一眼雞煲裏面有九層塔和洋蔥煮得很香我哋見了口水流流,我哋等食雞煲前又上了一盆刺身有三文魚帆立貝刺身好大隻刺身蝦,我就忍不住一手攞起隻刺身蝦嚟食,啲蝦好鮮味好鮮甜,我在吃三文魚同帆立貝刺身都覺得好好食跟住我哋開始食雞煲, 食完雞煲之後侍應馬上問我哋要什麼湯底,我就選了番茄薯仔湯底,然後侍應來了一盆海鮮,海鮮裏面有海蝦,鑽石蜆,刀貝蜆,白鱔,龍躉魷魚,和鯇魚,樣樣都好新鮮,然後再來一盤肥牛,啲肥牛好有口感,還有蝦滑,雲吞,水餃,響鈴,魚皮及蔬菜,食到我哋個個都好飽好抵食,