Luna Bar & Restaurant

Open Now

Now Closed

呢間泰國嘢真係要特登搵佢係條巷仔入面，好似隱藏路線咁！一入到去以為係西式bar，仲有位for live band裝修風格好chill，已經有人happy hour緊唔講都唔知係食泰國嘢✨泰式酸辣青芒鯽魚 $268呢個係原條炸咗嘅鯽魚師傅起咗肉之後再走油撈青芒沙律唔係到到有得食我同朋友都係第一次食魚炸得脆之餘但係魚肉夠滑青芒酸酸哋好夾炸魚而且份量超大！想試嘅朋友可以早一日打嚟訂定以免失望！！✨泰式椒鹽鮮魷$268港式椒鹽鮮魷就食得多泰式都係第一次食整法有啲似明爐燒魚不過係魷魚版想試都係最好提早一日訂定！✨泰式燒牛肉沙律$198牛肉燒得啱啱好，中間仲係粉紅色而且又係份量勁多，兩大塊牛✨泰式生蝦 $138/6蝦肉多大隻彈牙新鮮，味道就一如既往仲有搭埋苦瓜，我個人最鐘意呢個配搭！✨泰式炸蝦餅$108✨薄荷青檸梳打$48

一向都好鍾意食泰國嘢😚 終於喺尖沙咀搵到間性價比超高，仲要係好近尖沙咀中心地帶非常方便，行完街去食飯就啱曬!! 現場仲會有VIP房可以唱k同食野🎤 咖哩軟殼蟹 $328 : 咖哩椰香味濃 唔會好辣，配脆麵包好好食🤤 軟殼蟹夠脆 蟹肉好厚😍泰式大蝦炒金邊粉 $128: 炒金邊粉酸甜惹味 麵條煙韌👍🏼 泰式大蝦鮮彈爽口 推介💕炭燒安格斯牛扒 $268: 炭燒味好香 安格斯牛扒嫩滑✨店員會即場燒😚 泰式肉碎生菜包 $108: 泰式肉碎微辣 好大碟😆 仲有炸豬皮脆卜卜😋午市套餐泰式海南雞飯 $68: 海南雞幾嫩滑 配油飯好邪惡🥹 +$3 凍檸檬茶

尖沙咀泰式風情酒吧餐廳Luna Bar & Restaurant (尖沙咀)～～～～～～～～～～～～～～～～～～位於本地區的這家泰式餐廳,為食客呈現了泰國飲食文化的精髓。從熱情洋溢的泰式拼盤,到令人垂涎的泰式燒春雞,再到清新可口的檸檬鮮魷魚,每一道菜式都散發著泰國獨有的香氣和風味。泰式拼盤包含了泰國蝦餅、豬頸肉、泰式串燒等,讓人搶先一嚐泰式料理的精髓。蝦餅外酥內軟,配上柔滑的醬料,層次豐富;而豬頸肉則是入味香嫩,令人難忘。泰式串燒更是賣相誘人,肉質鮮嫩多汁,令人食指大動。除此之外,泰式雞翼亦是這家餐廳的招牌菜式。雞翼酥脆可口,醃製得宜,既帶有泰式香料的味道,又不失肉質的鮮甜。泰式燒春雞亦是另一道絕品,雞肉柔軟多汁,微帶一絲泰式酸甜滋味,令人意猶未盡。沙冰方面,芒果沙冰清新可口,芒果香氣撲鼻而來,入口綿密爽口;而椰汁沙冰更是清爽透心,泰國特有的椰香更是讓人回味無窮。

尖東附近有間隱世餐廳，環境優美裝修好靚，侍應話逢星期一同星期四夜晚會有live band聽tim而且佢仲有K房，岩哂鍾意唱K嘅朋友可以嚟呢呢度邊唱K邊食泰國嘢！午餐有lunch set，而且定價都好貼地，喺尖沙咀呢個地段嚟講，真係冇得輸！泰式海南雞飯份量同味道一啲都唔馬虎，油飯仲係熱辣辣，海南雞好嫩滑，份量都幾多，有唔同醬料，仲有碗湯添！呢個餐仲包嘢飲，可以揀泰式奶茶或者加錢升級做特飲，我就選咗椰子冰，椰子味道好出好清新泰式串燒（豬，牛，雞）串燒有六大串，新鮮燒起，個人覺得雞肉串係最好食，雞非常嫩滑，而且醃得夠入味，沙嗲醬味道亦都非常濃郁香口！咖哩軟殼蟹配有整個農夫包，份量大到都有啲嚇親，農夫包有烘過！值得加分，而且配咖喱簡直係冇得輸，咖喱味道非常濃郁，而且軟殼蟹係新鮮炸起，所以好脆，配埋咖喱食，簡直係一流！呢個地段呢個定價，真係好抵食！

唔講唔知，呢個位有間泰國嘢喺尖沙咀搵嘢食，之後行過呢到時見到有間嘢就行入去睇吓啦，原來係一間泰菜同埋酒吧，仲有戶外坐添。見到佢新裝修應該係新開嘅，個裝修都好靚，佢有另外一邊係做酒吧，裏面仲有啲房。可以多人聚會私隱度又高都幾正。我哋嗌咗生蝦，金邊粉，薄餅，咖喱大蜆樣樣都好大碟又靚未見過生蝦係咁樣擺，佢每一隻都獨立係杯裏面。跟住之後有啲醬汁，喺裏面仲要有蒜蓉頭、苦瓜同埋薄荷葉。味道一流！個薄餅一上枱就好大浸牛油味超香金邊粉勁大碟兩隻蝦係炸過嘅啖啖肉，兩隻蝦都好大咖喱大蜆個擺盤十分之靚，裏面好多蜆肉全餐飯都係$500食到飽飽正

Happy weekend!雖然keep住落雨 但無阻我哋出去搵食嘅心呢日喺尖沙咀行街 朋友帶我去尖東呢間新開嘅Luna Bar & Restaurant 食lunch入到去好有feel微暗嘅氛圍好有情調 仲有個live台 雖然lunch time冇band 但播嘅廣東歌都係90、00後嘅回憶老闆仲話一星期有兩晚會有live band 唱英文歌 之後要嚟聽下！餐牌選擇好多 lunch menu價錢勁抵份量都唔惹少試咗個海南雞飯雞肉好多而且顏色好靚 雞肉勁嫩滑沾一沾薑蔥或酸辣汁 好惹味薑黃飯亦都好香 粒粒分明泰式串燒6串雞肉牛肉豬肉各2串 全都份量都好大雞肉好驚艷 好滑 牛肉同豬肉都好香好好食🫶🏻咖哩炒軟殼蟹 勁大份軟殼蟹外脆內嫩 食到停唔到口麵包烘過 外面香脆入面鬆軟 加埋咖哩汁 香濃而不辣 勁好食😋菠蘿海鮮炒飯 又係勁大份🤭菠蘿挖得幾深 鋪滿晒肉鬆同腰果入面有魷魚、香腸、菠蘿、三色豆餡料勁豐富 飯炒得好香牛肉青咖哩配蒜蓉包青咖哩顏色好靚 入面有超級多牛肉牛肉嫩滑 蒜蓉包香脆 加點咗薄餅 即叫即整好脆口沾青咖哩食一流👍🏻馬拉盞通菜炒得好香 通菜爽脆飲品都好出色 推薦椰汁冰！性價比極高

隱身於尖沙咀繁華街道的 Luna Bar & Restaurant，以其簡約的泰式裝潢和正宗的泰國菜餚，成為鬧市中的一片寧靜綠洲。餐廳以白色和綠色為主調，搭配柔和的燈光，營造出舒適放鬆的用餐環境。綠色植物環繞四周，讓人彷彿置身於大自然中，享受著美食與美景的雙重饗宴。泰式咖哩麵包軟殼蟹：泰式咖哩麵包軟殼蟹是 Luna 的招牌菜之一。軟殼蟹炸得金黃酥脆，內裡肉質鮮嫩多汁，搭配特調的咖哩醬汁，椰香味濃郁，帶有微微的辣味，令人食指大動。搭配每日新鮮焗製的農夫包，更能充分吸收咖哩醬汁，每一口都充滿著泰式風味。泰式大蝦炒金邊粉：泰式大蝦炒金邊粉是另一道經典的泰國菜餚。金邊粉炒得乾爽彈牙，搭配鮮甜的大蝦、爽脆的豆芽和花生碎，口感豐富。酸甜的醬汁更是開胃解膩，讓人忍不住一口接一口。泰式串燒：泰式串燒包含豬肉、牛肉和雞肉各兩串，肉質鮮嫩多汁，經過炭烤後帶有獨特的煙燻香氣。搭配特製的泰式醬汁，酸甜微辣，更能提升肉的鮮味。泰式燒牛肉沙律：泰式燒牛肉沙律是一道清爽開胃的菜餚。燒牛肉切成薄片，肉質鮮嫩，搭配新鮮的蔬菜和酸辣的泰式醬汁，口感豐富，味道清爽。Luna Bar & Restaurant除咗有好味地道嘅

最近尖沙咀新開咗間好有格調嘅泰式餐廳👍價格合理，款式亦都多元化😚份量亦十足，味道仲要非常好，勁好食🤤當日仲有Live Music 🎼邊聽住音樂，邊嘆住佳餚🍽️再加上寬敞舒適嘅環境😇盡情享受假日輕鬆休閒嘅時光🥂咖喱炒軟殼蟹🦀$268軟殼蟹鮮嫩嘅肉質同脆脆嘅外殼😚與精心特製嘅咖喱醬完美結合😛醬汁椰香味道濃郁😋再配上新鮮焗製嘅蒜蓉包😌口感豐富多樣，絕對係必食之選👍泰式海南雞🐔$228 (全隻)雞肉已經去骨，皮爽肉軟，新鮮嫩滑😚帶著濃郁嘅雞香，香氣四溢😌搭配獨特嘅泰式醬汁🤩辣味同酸甜味的確好夾😋真係食完一件又一件😎食到完全停唔到口😍泰式大蝦炒金邊粉🦐$128大蝦新鮮又大隻，口感彈牙，爽口鮮甜😚金邊粉亦都炒得好乾身又夠鑊氣😛加入青檸汁，再混合花生碎同辣椒碎😎食落酸酸甜甜，零舍開胃😋泰式燒豬頸肉🐷$108豬頸肉經過燒烤後☺️表面呈現金黃酥脆😌入口軟嫩多汁，肉質軟嫩，香口又惹味🤤配上自家製酸辣汁更加美味醒胃🥰泰式奶茶🧋$42 (凍)奶茶口感柔滑，香氣濃郁，甜度適中😊泰式鮮椰肉沙冰🥥$58椰汁清甜，沙冰口感冰涼😇清新甘甜，綿密爽口，特別解膩解渴😉Luna Bar & Restaurant (尖沙咀)尖沙咀

冬陰功湯（細）：一上臺已聞到好香，睇色水就知湯底好香濃，有唔少既香料係入面，酸度及辣度平均，配菜亦都有唔少，有蝦，菇菌類等等，飲完個湯特別開胃醒神。串燒拼盤：豬牛雞各兩串。賣相唔錯，份量亦都唔細新鮮燒起上到嚟熱辣辣，有沙嗲醬同酸醋比你點，個特色。牛串味道濃郁，頗有驚喜。海南雞（細）：雞件好嫩滑，肥瘦適中，份量亦都好足，送飯一料。菠蘿海鮮炒飯：原個菠蘿上，賣相幾有睇頭。飯粒都夠乾身，唔會油淋淋咁，有臘腸，肉鬆提味，加埋海鮮配菜，味道好夾。食件海南雞送兩啖飯更加是絕配。總結：環境舒適，裝修新淨，食物質素唔錯，份量足性價比高，冬陰功湯頗有驚喜，值得一試。

在k-11附近，朋友介紹咗一間泰國餐廳。呢間餐廳位置都隱世，在一棟大廈的中間走廊裏邊。餐廳入邊裝修、燈光、甚至餐具到幾靚😊星期日嘅午餐時間佢地都有set,，真係好抵食😊 以呢度嘅服務質素同環境，超值我哋點左泰式雞肉炒金邊粉 $58 凍泰式奶茶 +3 , 海南雞飯 $68 青檸柚子蜜 +$8海南雞飯雞肉嫩，味道濃郁，肉已經去骨。無論只直接食雞，還是雞點薑蓉及辣椒醬都味道好好油飯好有雞味，鹹鹹香香，米飯偏向細粒，可能因為咁樣所以吸咗多啲雞汁味道。我特別鍾意加辣椒醬撈飯，酸酸地辣辣哋更加開胃。食完雞同埋有飯之後，飲啖冬瓜雞湯，特別有東南亞風味😊泰式雞肉炒金邊粉炒得好好味，喜歡pad thai有辣味有酸味，餡料有雞肉，豆乾，芽菜，菜甫，蛋等，好足料好多層次，好豐富食完金邊粉之後，配搭埋呢個泰式奶茶感覺好好😊幻想自己在泰國旅行😊 同其他餐廳比較，呢一度嘅泰式奶茶唔會太甜，幾啱我哋嘅口味另外一杯飲品我哋叫咗熱青檸柚子蜜，非常濃郁滋潤滿足的午餐如果夜晚光顧，有啲日子會有駐場歌手唱英文歌，感覺氣氛應該更加好

我前幾日同friend係附近搵野食經過呢間餐廳見到又舒服又寬敞就同啲friend決定入嚟試吓,發覺呢間餐廳包羅萬有好多選擇又有標機，有K房. 員工服務好出色，環境又靚. 最緊要價錢平靚正。同餐廳經理傾計原來佢哋仲有特別餐牌可以叫，值得在試所以我決定下次帶屋企人黎試👍😊

味道真的不錯，食物份量很足夠，約了6人去食平均港幣300左右一個人，環境座得舒服，有戶外雅座俾我地要煙嘅人， 又有卡拉ok房，下次去一定訂房房可以座15-20人都可以，很久未有去過會想再去嘅餐廳了。