龍鳳冰室 (Closed)

今日要介紹一間明星開的－龍鳳茶餐廳，喜歡他們的簡單港式早餐，火腿炒蛋或煎蛋，可配公仔麵、米粉或通心粉，也有菠蘿包配炒蛋，早餐$28-35，包飲品。今日同朋友來，大家各有喜好，有喜歡食菠蘿油加炒蛋，我則選擇火腿煎蛋米粉及熱檸茶。其實他們的奶茶較好，只不過怕花奶肥！其實他們做的下午茶也非常出色，有傳統牛坑腩麵餐、西多士，紅豆冰也是非常有名的。最有趣的是他們有會員制，交＄100 有相等數值的現金卷俾返你，生日有免費早餐，每次惠顧也可有九折。

之前K先生買咗龍鳳冰室100蚊套票，一路徑天后，就話想快啲用晒佢，今次都係食肉鬆雞扒意粉，真係一次比一次越來越唔好食，意粉太淋、醬汁太少，而肉鬆同滑蛋份量越來越少，至於雞扒不太熱同不太嫩滑，吾好食

最愛大坑lee間， 方便泊車，人又小。今日落雨，突然好想飲紅豆冰，所以立即揸車入黎食下午茶。入黎即落單，快靚正，雞肶薯條加紅豆冰。雞肶，薯條同紅豆冰，每樣都好食，無得挑剔。尢其係薯條，每次食都好脆，又厚切，口感一流。今次人多小小，試埋雞扒包，都ok... 不過個人喜好，都係雞肶吸引d.入黎坐低，個個都叫紅豆冰，波羅冰，黑牛。比較小人叫咖啡茶。順帶一提，天氣好時，飲黑牛最正。夠凍。落雨啦就飲番杯紅豆冰，甜甜地，食埋個雪糕arm arm 好。

今日放飯，係銅鑼灣唔想同人迫咁就黎左大坑試下龍鳳冰室。聽說好多藝人都黎食。今日黎食就見唔到咩藝人了，但就見到好多親筆簽名照片掛係牆上。由於小弟初黎報導咁就求其點左個滑蛋雞脾意粉試下。滑蛋雞脾意粉本人就比較欣賞個雞脾...味道好唔會太干身！意粉就麻麻地了...個滑蛋比較有蛋味香滑，嚴佢太細份大份D會好D。值得一讚既係佢用鐵杯做凍飲杯，飲起黎特別醒神！同埋呢間設有VIP卡，下次黎食有折扣優惠，生日正日有免費套餐等等.....仲有其他優惠講唔晒。

上星期早上十一點幾到此店叫了一個普通腿蛋麵，那天客人不多但耳根很噪吵，原因是樓面及廚房正在大大聲傾偈中佢哋嘅聲線基本上連外面街都聽到（跟街市擺檔的過之而無不及）其實本人已不是第一次見到此店有這樣的情況。🙉再評論食物那個麵真是難食得無藥可救你不如俾個生的加碗滾水我😑⋯⋯差差差！本人是中肯的，好嘅會讚衰嘅你要改善。

為左呢間餐廳特登開個acc寫食評，因為真係非常差，想同大家分享下。叫左一個特餐，55蚊，再加3蚊轉波蘿油，承惠58蚊。餐到，件波蘿包用微波爐叮到淋哂，個皮唔脆都算，仲一咬就散哂。最差嘅係塊牛油陣雪味真係大到唔想再咬第2啖。兩塊火腿加什麼千層炒蛋，個名好勁但食落十分普通，上到枱仲要已經唔熱。秘制瑞士雞翼兩隻加意粉，意粉細細碗，但應該係成個餐算係最好食嘅一樣嘢，起碼正常同熱。雞翼真係唔識講，唔知有咩咁秘制，同711果d急凍瑞士汁雞脾無分別。成個餐食完都唔飽。最後一樣野係餐具唔乾淨，見到有隻匙仲有pat牛油喺度。。。。咁嘅質素咁嘅價錢，希望大家可以諗下先去食。

今日晨早泊咗車去食個麵餐，其實都預咗係一般茶記。點知早咗伏跟本食不下去，麵完全未得只是稍微浸係熱水度，牛肉咬吾開。要一個麵餐煮都咁難食都好高難度！！！！所為明星餐廳跟本係卑面派對。好在杯好立克還似番一杯正常好立克。

發財六寶麵 (下午茶餐$45)麵質- 吾彈牙 但吾會好淋雞肉串-最好食 肉質吾乾 還有少許炭燒味其餘既餸- 很一配醬油- 喜歡較清淡既我 覺得偏鹹 但佢分開上既 所以OK 份量- 女仔可以當午餐, 會飽熱檸蜜吾使加$但檸檬浸耐左 有少少苦

揸車黎到大坑，因為帶咗小狗仔，所以搵餐廳係可以坐門口位，就揀咗呢度啦～豬扒飯：好香口鬆脆大份～午餐肉：又係超級大份，超級厚～薯條：即叫即炸熱辣辣～雞脾：肉質滑，但比較細隻小肉～黑牛：兒時回憶～菠蘿特飲：好味，唔太甜～

年初六 想食的餐廳都未開（事實證明 好餐廳係真係唔休做，初六都開工既就真係寧願自己煮個杯麵）但係都出左黎 咁都要食㗎 最尾入左大坑 豬扒麵同叉燒旦飯都冇開就揀左龍鳳冰室 佢剛開業都試過下 印象係普通但貴價茶餐廳 今日再試 明明堂食都要用紙杯發泡膠碗膠碟 究竟係貪方便定慳搵人洗碗錢 不但勁唔環保仲會影響食物質素 當然呢度d食物就算用咩裝都係零質素瑞士汁雞脾d雪味勁到好似岩岩雪櫃拎出黎咁 雞扒仲帶點腐肉味 熱奶茶涰到不得了 個茶膽似係開業浸到依家！呢間野仲差過大家樂！找錢時 我比五百蚊 伙記找返十蚊比我 同佢講收錯錢 唔好意思都冇一句 眼神仲覺得係我唔岩咁！

今日晚上要去肥髀學校聽講座，預咗夜，所以約個好友媽咪一齊食個下午茶先上去，去到店內，那位朋友未到，感覺好花，因為枱面玻璃下放滿餐牌，店內餐牌好花，線黃紅交集，揀了個e餐，落好單飲品先到，店員提我店舖6點收工（無唸過咁早），仲有5分鐘就截單，我將份餐牌傳比朋友再落埋單！廚師做埋我朋友份餐就開心收工！(E餐）秘製雞髀薯條（$37）炆得入味，秘製即濃瑞士汁，甜甜地，肉質夠淋！皮索晒汁兼好滑！薯條熱到辣咀，已經伴埋茄汁！食物唔使複雜，簡單嘢做得好就已經好正！凍檸樂（$5）只係加$5就可以有冰底可樂！抵飲！有冰底，夠凍！檸檬唔澀！正！1800店員叫我先埋單，仲可以繼續坐，最後我哋1815先走，中間有其他客來到，都比個1800關門時間嚇親，好多仲以為只係茶餐截單！店員有禮，上菜收碟都會問一句！臨走仲大大聲講多謝（因為可以收工了）

一大清早去到大坑做野, 見到好多不同的餐廳,早餐真是無從入手,平時都是吃晚餐的呢.經過龍鳳冰室叫個早餐食下.因為唔太餓所以叫左個H餐食下,腿蛋治輕輕型型的,不太肥,方包厚厚的雖然厚但包卻非常軟熟,蛋是好香奶及蛋味,火腿味道適中不太咸,熱檸水不用多說好難不好飲的.

本來諗住食順興大排檔，點知無開，見到隔離呢間龍鳳冰室都有滑蛋飯食就諗住試下結果非常失望，飯係硬的 又唔熱 又加xo醬入個飯度 個味唔係好夾 唔值52蚊一定唔會再幫襯。。

Me and my friend were actually going to try this other cafe but they were close. We were very hungry so went into this cafe to try as there were many people inside the cafe. My friend ordered a french toast. This was quite thick with lots of peanut butter. They will also provide a bottle of syrup so you can put as much as you want on the toast. I ordered simple tea set which was swiss sauce chicken drum with french fries. The sauce was actually quite yummy and the chicken was tender. The fries w

放假日子，最好就係去嘆下午茶，行行下嚟到呢間龍鳳冰室，見餐牌上的食物賣相都不俗，於是便嘗試一下。我們叫咗2個下午茶餐，一個係西多士餐+凍奶茶；西多士真的不錯，超級厚，奶茶則過得去啦……但可否不要用即棄膠杯呢？！另一個係雞脾薯條餐+熱檸茶；雞脾是滷水的，但滷得太久了，整到啲雞肉“鞋十十“，杯熱檸茶竟然用紙杯上，真係估佢唔到。