龍鳳冰室 (Closed)

我今天特登去試下，可惜太令我失望。岀名的三文治賣晒，迫住叫麵餐，牛肉無味太靭，奶茶尚可。埋單後，突然又有麵包，樓面應該問我們等不等麵包送來，因為好多客人會慕名而來，味道差，服務又差，可謂名過其實。

馬拉松完左之後行去而間不嬲都想試既餐廳本來唔係想試早餐,不過咁岩經過就試試早餐先$32(唔肯定係咪32)菠羅包一般貨色, 炒蛋熟左少少, 魚柳細細塊好的色, 一般雪藏貨色另外奶茶都OK, 比普通茶餐廳好少少, 但翠華同大快活都好過佢希望下次有機試到最出名既菜色環境係繁忙時間係迫到暈, 基本你有袋既真係唔好黎, 因為間野太細, 座位同枱都貼得很, 完全係食完野就要走既感覺

上星期六（3月7日）早上我和家人光顧大坑龍鳳冰室，食物質素普通，連奶茶都做得唔好，不夠香濃，最差係D服務態度，果D師奶待應簡直離譜,我們一行4人想坐近水吧果張枱，点知師奶待應最初唔准我們坐,因為張枱隔離擺左貨,話我們坐呢到阻住佢地拿貨,若是如此,果度就唔好擺枱啦! 果個師奶待應仲响我們食野期間一路吟話我們阻住佢地,重要不停拿野擺野，請問呢D係咩態度????肯定以後唔會再幫襯，老板林子善應多加注意員工陪訓，果個師奶待應簡直係趕客!

本來諗住去炳記茶檔嘆個下午茶，點知3點幾就收左檔，路過龍鳳冰室，見到門面都ok，就入去叫左個西多士餐，等左幾分鐘，凍啡先來，一飲就知中伏，凍啡完全冇啡味，連甜味都冇……跟手來件西多士，外表非常得，好厚加多花生醬，點知一咬落口，D麵包非常硬，硬到吞都吞唔落，我估D麵包應該擺左好耐先走去炸，如果唔係冇理由咁鬼硬，連D基本野都整得咁差，其他野都唔方好得去邊……

昨天去了這裏吃了這裏的招牌肉鬆炭燒雞扒配招牌炒蛋加一杯凍奶茶。這裏環境很衛生和乾淨，上菜的速度也挺快。雞扒的味道很惹味，份量也很足夠。配上肉鬆令雞扒的口感特別。至於炒蛋，我稍嫌它略為生了一點，看到蛋白還是透明的，但口感還是可以的。意粉和粟米吃起上來沒有味道，可是意粉的軟硬度可以接受，不會太軟。以一般茶餐廳的標準去看這杯凍奶茶，它的奶味太重，而且有點太甜，有點遜色。價錢方面還是可以負擔的，但對個人而言還是偏貴。 

話說今日要開工同同事到大坑食個早餐差差電，就試下佢啦咁多人評論！早餐個波蘿飽都真係好難食下....又硬，好似微波爐叮完咁...個店員仲話係新鮮出爐？！？都算喇！我自己叫咗個奶茶，黎到已經有少少怪味，食完個好難食嘅麵底沙嗲牛麵之後再飲多淡奶茶，竟然發現有三片檸檬附送！！多謝晒！ 建議大家唔需要去試呢間店喇....而且都唔平不過有興趣試新野食可以去試下佢個檸檬奶茶！

去開大坑, 食左個下午茶.裝修都幾有特色.抄蛋菠蘿包: 包同蛋都有味, 都幾特別. 但同正常菠蘿包既味有少少唔同.。魚子炒蛋午餐肉飯: 肉燥魚子做得幾好味, 夠香夠入味但又唔太咸. 厚切午餐, 正! 炒蛋亦做得夠滑.有噱頭, 味道都幾好.

新年大坑沒有很多間餐廳開了門，所以就來了這間冰室。一進去坐下想ORDER，叫了阿姐很多次都沒反應，只顧著聊天　好不容易落了ORDER，食物水準十分一般，可以說是中下；以這個價錢來說，可以算是劣了今次我們兩個人都叫了那個最普通的餐：雞翼意粉、蛋和多士。雞翼尚算入味，其實沒有什麼特別之處；而所謂的「千層」蛋也是一般蛋炒蛋而已；多士已凍不脆口；凍檸茶茶味還好。新年還要加二收費，這樣普通的水準，真的以後也不來了。

之前食下午茶要等位，不過都唔緊要照樣等左一陣間。入面的裝飾很有特色唔錯！下午茶：紅豆冰，波羅包近期去工展會再次光臨，我們11：30前到所以一試該餐廳的早餐！早餐點餐：豬排麵炒蛋兩次用餐都好味同埋服務不錯！

經過這間冰室好多次，每次，都會被它的招牌及裝修吸引，忍唔住望多兩眼，不過卻一直都未有抽到時間去（始終去得大坑，一早已有目標）。     這次，終於有機會一試呢間懷舊風味甚濃的店，因為早前參加「Jetstar香港旅遊博客聚會」正好在這裡舉行。活動上，遇到了很多熟悉的博客朋友，注定是愉快的一晚。   Jetstar為大家預備了食物餐單，選好食物後，可以邊吃邊聽簡介，安排很細心呢。   由於很想試試這裡的名物，所以睇完餐單，就選左冰室的推薦食物「黑魚子午餐肉炒蛋」和「星級特飲菠蘿冰」。呢杯「星級特飲菠蘿冰」應該係全場最多人點的飲品，賣相一流，新鮮菠蘿固然加分，而鮮艷的顏色亦相當討人歡喜。不過。。。飲一啖後，只能說之前我對佢期望太高了，味道唔太特別，而且非常多冰碎。至於這個「黑魚子午餐肉炒蛋」，單單看賣相，可以說是有驚喜，看得出是花過心思呢，雖然味道不算令人難忘，但也不過不失，整體也滿意。    當然，這個活動中，食物並不是重點，重點是當晚的氣氛非常歡樂，同時亦加深了我對廉航的認識，是開心的一晚呢。

咁大個人叫個兒童餐食，初時也許怕尷尬，但望下四圍唔少麻甩佬姐姐仔都食緊。說老實，呢個兒童餐從那一個角度適合兒童呢？一大隻豉油雞髀、炒蛋、炸薯條再加杯黑牛，份量之大，正常小朋友點食得哂。而且多肉零菜，卡路里爆燈。雞髀都夠入味，炒蛋也夠滑夠水準。港式快餐式的薯我一向麻麻，唔夠香脆。不過，呢個兒童餐都係俾我們大人，去緬懷一下小時拿著隻雞髀大啖咬的喜悅。

本來沒有打算來這茶餐廳，見裝修幾靚，就同朋友行左入去。雖然無晒我地想叫既早餐，但見到ｄ食物幾特別就決定留低。裝修彷照五六十年代的茶餐廳，好喜歡牆上不同顏色的磚。食物組合較為特別，當然價錢也較為高一點點。試過這兩種食物，都覺得值得推介，雖然不可以說得上非常美味，但勝在夠特別。抄蛋配菠蘿包，包的甜味和蛋的咸味剛剛好，但喜歡菠蘿包的甜味的人便不太適合。魚子抄蛋午餐肉飯，午餐肉好厚，好足料，抄蛋夠滑，一口抄蛋，一口午餐肉，一口飯，還有肉燥和魚子，好有香港風味再加點特色。

看見openrice評價,對這明星餐廳的期望已經可以說是沒有的.抱住一試無妨的心態,在中午時候進去試試. 誰不知真的出事了.一進入店內, 空調沒有, 燈光沒有, 天啊!原本是停電.不打緊,既然都來了..我點了龍鳳豬扒跟意粉餐($52),友人選了餐肉蛋辛辣面($35).雖則停電,但食物還是很快便送上,奈何質素真的quality真令我們嚇了一跳.豬扒炸得黑黑,配上番茄醬在旁感覺很怪.吃了一陣便放棄.再來手動式辛辣面,辣粉包和配料包可根據個人喜好落多與少(沒錯真是配料包)...... 這碗面的湯是少得很的清水(暖水),差點想問他們拿一杯熱水加進碗內. 看見這樣的做法,友人找個待應來問個究竟,她的回應是「個個客人也是這樣的」..... 硬'bang bang' 的配料點吃呀! 算吧,可能是我們少見多怪......正當用饍時,電源突然返來了.待應們便忙着把停電時的手寫單入回電腦,令到不時傳來收銀處和廚房二人不停對話(內容大致是説剛入機的手寫單不用理會,整過程用了十分鐘),想安安靜靜吃一頓午餐也不行.....原來英文沒有說明是spicy的,難怪辣粉是自助的前後吃了不夠二十分鐘便走人...還望林老闆

坐落見到個兒童餐幾吸引喎，有油脾暑條牛奶炒蛋同埋黑牛(可樂+雪糕)，諗住呢幾樣野實無死啦點知出事啦1. 油脾肉超"鞋"，好似煮左成個鍾咁 2. 暑條熱就熱，不過一食就知係番釘個隻熱，食落去"霖之之"3.牛奶炒蛋正路，我諗係唯一一個即做嘅餸 4.黑牛，真係出事，個雪糕佢話用dreyers 嘅 ，食落去正路，奇就奇就個可樂，"希"到好似飲緊梳打水咁，心諗無野呀嘛，最正係佢畀條粗吸管你，但係又成杯都係細細粒嘅冰，我就好似要飲冰粒咁，逐粒逐粒慢慢吐番出黎四十幾蚊食餐咁嘅野，真係不如去茶記食個炒飯無咁激氣明年做招牌有乜好? 就係D野難食都客似雲來 

唉，名人餐廳真係不可信之前睇雜誌見到米佐治開咗間冰室，啱啱搬嚟呢頭又試下你。中午十二點去得四五個客。同老公兩個人點咗個咖哩牛腩，一個特餐。先唔講賣相，味道方面個咖哩唔太差。但飯上面加咗啲炸蒜片，因為唔新鮮嘅關係，食落好硬。但食到尾發現個咖哩有毛。常餐仲差，個菠蘿包好明顯唔新鮮，連個炒蛋都係凍嘅。個意粉湯加啲粟米入去就以為好特別，冇味冇到。杯奶茶冇茶味，差。啲餐具洗唔乾淨，差。個落單阿姐態度差。基本上冇嘢好。唯一可取嘅係杯綠豆冰，用咗幸仁碎嘅雪糕，呢個我幾欣賞。佐治兄如果有心去攪嘅，麻煩你先解決衛生同賣相先。可要知道你收嘅價錢比一般茶記貴五成以上。