龍手工涮涮鍋

Open Now

Now Closed

聯和墟超有人情味的火鍋店，超抵又好食。打邊爐的好去處。好多手工野，好多選擇，即叫即做，新鮮食得到👍🏽book位後在當日店員仲打電話問食唔食海鮮，當日下晝新鮮買返嚟。好貼心，好認真。等我下次都試一試海鮮先。

二人即興打邊爐日🙃火鍋種類非常多我地選擇左鴛鴦火鍋麻辣湯底同芫茜皮蛋湯底一坐叫左個小食，椒鹽鴨舌$68份量都多，朋友唔食鴨舌，一個人都差唔多食哂，勁惹味🥰火鍋料叫左8吋長蟹柳，普通無特別牛展肉份量小而且冰鮮的😞淮山好粉好味道😚下次會試下其他煲

聯和試新野「龍手工涮涮鍋」，今晚搵朋友拜年，晚上天氣突然轉涼，又有藉口食火鍋。店內地方舒服寬敞明亮，整潔企理。🥢太白藥膳火鍋 $88湯底濃厚，藥材恰當適中，大火滾兩滾陣陣香氣忍不住渴了二碗。🥢魚雲 $58滑滑魚雲非常有鮮味，刀功亦一流，確是越食越滋味啊！🥢炸響鈴 $58炸得甘香鬆脆無油，放湯三秒即食滋味難忘。🥢手打鮮丸拼盤 $78樣樣齊，粒粒圓潤均勻，爽口彈牙。正👍🥢酒浸花膠 $78花雕酒陣陣香氣，不知是否品種問題，花膠有點失色。🥢唐生菜 $32夠新鮮清甜脆口。連醬油白飯加一每位 $240，這晚實在是捧腹而回，超大滿足！

當日係晚餐食飯時間過去，當得小貓三幾隻，員工比較熱情款待，本身諗住應該都唔錯可惜，普通一個鴨舌，隨便加d辣椒油叮熱就拎出黎，淡而無味，仲要叮得唔夠熱。其他食材尚算新鮮，但賣得同旺角既價錢一樣，以佢宜家呢個位置，唔值呢個價員工態度唔錯，但個老闆瘋狂黑面，不停當住客面前無理鬧員工，個老闆竟然覺得餐廳少客係因為員工唔夠勤力，唔識得招呼客人所致，不停鬧員工，要佢地快d出街拉客入黎食。甚至有員工因工受傷去睇醫生，都認為人地小題大做，如此涼薄既老闆，真係大開眼界。食果餐飯，實在令人背脊骨落

今日同屋企人食 行左好上都搵都唔知食咩好 行行下見到呢間 所以抱住試食心態初初睇餐牌都覺得貴 不過可能好食呢入到去 環境一般  服務都唔係好好 好似唔休做咁雞煲得個辣字 無其他好評價基本全部小食都係辣 全部都係死辣又貴又唔好食  服務又一般  選擇少   唔會再去 

假日好去處，一齊吃火煱開心傾計及聚舊。 今晚約舊同事們聚餐，朋友介紹有間好掂的火鍋在粉嶺。我們就一齊來到龍手工涮涮鍋 ，吃小菜及火鍋。侍應好親切招待我們，我們點了個東方美人湯底。東方美人湯底，有三黃雞，桃膠，花膠，竹笙，蟲草花。這個湯料真材實料，我們已吃了好多件花膠，花膠有養顏功效。點了美國安格斯肥牛，龍選手切封門柳肥牛及龍選手切prime 肥牛，牛肉一上檯。 同事們就暗喜呀，好似好新鮮，色澤不錯，因為人手切的關係 ，最能保留牛肉的鮮甜，他們已急不及待，一人拿起一片，在鍋中涮一涮，大家一齊品嚐牛肉的鮮甜，他們一致應同，牛肉真的不錯。小菜點了薑汁炒芥蘭，芥蘭炒得爽脆，有少少薑汁味，味道不錯。最欣賞越南庶蝦，真是用好多蝦打蓉，再用人手制成蝦棒，真是啖啖肉，大家記得趁熱食呀。椒鹽鮮魷： 不會太鹹，味道剛好，炸得香口，鮮魷又爽又不會靱，賣相吸收。八吋帝黃蟹柳好有蟹味，不會只是得粉。其它手打丸物，也不錯。最後，大家大滿足而回。

提前慶祝中秋節, 一家人在粉嶺打邊爐點選了東方美人鍋, 雞香味濃郁更帶點蟲草香手切封門柳相比一般的肥牛, 脂肪比例低, 牛味比一般肥牛更濃美國安格斯肥牛採用上乘的牛肉, 肥瘦分佈均分, 灼熟後牛味依然香濃, 一點也不韌手打墨魚丸每一粒都滿載著墨魚香味, 朋友讚不絕口八寸帝王蟹柳蟹柳大大條, 增強口感之餘, 每一淡都有蟹柳的鮮味雞脾菇最愛點雞脾菇, 大大件又有濃烈的菇香椒鹽鮮魷除了火鍋外, 還點了這個熱食, 鮮魚鮮香彈牙, 椒鹽味突出越南庶蝦新鮮即製, 熱辣辣而且有香濃的蝦味薑汁炒芥蘭芥蘭都很清甜爽口, 再加上薑汁, 兩者的味道都很匹配可樂打邊爐必備的飲品, 飲完很滿足

和朋友去吃晚餐, 朋友這間在粉嶺聯和壚的火鍋店湯底選了東方美人鍋, 有三黃雞, 桃膠, 花膠, 竹笙及蟲草花, 滋寶養顏, 女仕摯愛醬料是自取的, 可自由配搭, 調較獨一無二的味道 炸響鈴炸得非常香脆, 稍為在湯裡灼一灼, 已經吸收了湯底的精華芝心蝦丸新鮮手打, 非常彈牙, 蝦味香濃之餘, 又有芝士香味 油麥菜打邊爐除了肉類, 當然要點一些素菜, 油麥菜清新爽口, 有助消滯手切Prime 肥牛肥牛是手切的, 每塊口感都不一樣, 牛肉味突出 稲庭烏冬烏冬嫩滑易入口, 且非常彈牙 冬瓜薏米餐廳自製的飲品,不太甜, 帶點點的薏米味 

今晚約咗幾個好閨蜜，一行四個人去咗粉嶺嘅龍手工涮涮鍋吃火鍋。之前有朋友試過喺龍手工涮涮鍋食過呢個東方美人湯底，話不錯。😃東方美人湯底最主要嘅成分係有：三黃雞,桃膠,花膠,竹笙，蟲草花等湯料真係非常之豐富呀！有好多花膠及桃膠首先我哋唔放任何嘅食材落去火鍋中，因為我哋要品嚐呢個花膠湯底嘅味道啦，覺得非常之鮮甜。娃娃菜又夠新鮮，又夠入味雞髀菇 及油麥菜小食店是用原條雞髀菇切切片上，雞髀菇又爽又彈牙油麥菜新鮮。點左手打墨魚丸和蝦丸。因為係手打嘅關係都係比較彈牙，味道不錯。吃火鍋點少得有炸響鈴呀呢度嘅炸響鈴是店家自製大大條放入鍋中涮一涮，好味道又有花膠味，又爽脆。點了個椒鹽鮮魷啦，味道剛好啦，不會太濃烈，不會太鹹，又爽又彈牙，好味道薑汁炒芥蘭炒得青青綠綠好好味冬瓜薏米水不甜又解暑越南蔗蝦香濃的蝦味滋味無窮再沾上泰式辣醬更加美味最後主角出現：美國安格斯肥牛，手切封門柳肥牛及手切prime 肥牛，那種入口一咬多汁的香甜牛肉 ，令人一口又一口，肥瘦適中的脂肪，更添美味。

藥材雞煲，食到爆瘡，都算苦苦地，受唔到唔好亂食。 響鈴都係好油益而且唔夠脆。娃娃菜擺喺雪櫃乾曬水滾完都係好硬都唔知擺左幾耐。 單係呢個脫水娃娃菜已經好冇誠意。牛頸脊睇就靚但唔係話特別新鮮， 又貴。。。但厚度係 OK 既。牛白肉好油又唔脆口，同出面又爽脆又香既完全唔同。豉油碟可以自己配料。以同等價錢，around $450一個人黎講其實喺第二度可以食到啲更加靚嘅牛肉， 何必山長水遠入到嚟， 今次簡呢間打邊爐係失敗嘅。.....#中伏 # 藥材雞煲

難得入聯和墟，我同BB一定要試呢間手工煱，睇Openrice話d牛好真材實料，我地2個牛精真係熱辣辣都要入黎食。難得店內冷氣好足，一D都唔熱，座位都闊落嘅，又唔限時可以慢慢食。咁多種湯底我地選左最簡單嘅薯仔蕃茄，下次先試美人煱。先講下d牛，建議要點大size,貴50蚊但係量多3份1。我地總共叫左2種牛，1種豬。呢個係細size嘅牛腿肉，有咬口但肉味不濃。呢個係大size嘅極上牛，牛味濃，新鮮切 ，好味呢個係橡果豬，BB都覺得OK好味小食方面，我地叫左咸蛋魚皮，好味呀BB就話口感比較實左D,我就覺得好脆。四式丸呢～就有點失望，之前睇OPENRICE係有加蝦尾插住粒丸，而家已經冇加蝦尾了。其次牛肉丸很腥，魚肉丸不彈牙，其他2種還可以。下次就不必再點。好彩我地6點就黎，7點已經好快滿座，唔BOOK位可能食唔到，粉嶺黎講好難得，應該都有熟客支持，證明做得唔錯可以再來。

天氣涼浸浸，秋風送爽，雞煲癮即時一發不可收拾！ 一班「新界友」又係時間聚會，CALL齊人馬3人揸車由地膽帶路去聯和墟嚐雞煲去！泊底架車喺餐廳附近錶位就去擦餐勁！我地呢班食肉獸，又鍾意食辣，呢度嘅「秘製雞煲」當然唔會逃得出我地嘅掌心，我地呢班友鍾意雞煲，要啲醬汁剛剛好嘅，雞煲靈魂，一定係醬汁！唔好太多太多汁好似湯咁，話明雞煲，當然要有2種食法，同埋食完雞再加湯架嘛！呢度嘅雞煲正合此意！唔會水汪汪汪，餐廳炒製辛香味濃嘅醬汁剛好掛滿雞件，我地專登叫左個「中辣」，雞煲要有辣味鮮食得過癮架！佢麻與辣兼備，唔一味死辣，吃得香料層次，辛辣感直擊味蕾，加埋吸盡香辣精華嘅洋葱芫茜， 雞煲充滿雞嘅油香，雞件烹煮時間掌握得恰到好處！好！準備好邊爐Mode！品味人生歎完雞當然就歎牛！ 佢地牛都有好多款可以揀，佢有「手切PRIME級靚牛」呀，價錢都OK，食肉獸當然要試啦，一分錢一分貨，達PRIME級靚牛真係好味好多！美國分級嘅極佳級（Prime），即最高等級的牛肉，肉質同脂肪分布最佳，佔牛嘅部位唔多，牛肉與脂肪嘅紋理、緊密交纏，亮麗色澤上枱已覺心動，入口油香溢出，好享受啖啖牛肉味，Good !驚喜見到有埋「牛胸

成日想食一些特色配料的火鍋，對我呢D住係北區嘅朋友，下下都要出到去旺角尖沙咀港島區，真係有點遠！終於俾我搵到粉嶺又好食又有些特色配料嘅火鍋店！想試下我精心挑選嘅3大亮點，烤魚、手打丸及手工金沙魚皮。地點喺聯和壚，一到晚市就慢慢開始熱鬧起來, 見到食評試黎搵下去食！北區朋友而言，地點方便！揸車又有錶位，搭車嘅有巴士總站，又有VAN仔由粉嶺港鐵站到！我真心怕左坐底一陣又趕你走又限時限點嘅餐廳，火鍋配料來來去去又係嗰啲街市買到嘅雜丸同好厚肥膏嘅肥牛，咁不如自己買，我而家食飯要求有質素嘅，唔好浪費QUOTA！要坐得同傾到計嘅。上網睇呢間火鍋館有些特色火鍋料， 菜牌更新好想試下佢講嘅驚喜手工金沙魚皮同手打麻辣安格斯牛丸，席間朋友都鍾意食烤魚，見佢烤魚都好似幾靚，天氣涼涼地就黎試下！ 打電話訂位問下佢食烤魚有咩魚，我地想試下桂花魚所以一早訂定！餐廳有2層，問過無限時，啱哂。坐底見佢有生啤又有枝裝啤酒，整枝最鍾情嘅ASHAHI飲住等，先黎我地之前第1亮點：預訂嘅龍爺烤魚鍋 － 桂花魚，無揀錯桂花魚，因為魚質鮮味又甜，無咩骨，勁滑肉質又嫩，混合湯底嘅炒製湯底，花椒陣陣清香辣味，香味勾魂，基本上可以唔洗

最鍾意周圍發掘好味小店，特別周圍試下火鍋店，因為大路火鍋店食黎食去都係嗰啲。今次專登黎試下呢間本土火鍋小店，特別我地住新界嘅，唔係度度都食到有質素的火鍋店，有時都要周圍搵下用心製作好味火鍋，要好好迎接火鍋季黎臨喇！呢間隱世小店其實唔難搵，喺聯和壚和泰街，門口旁有個「龍」字燈箱，店內燈火通明，唔會認錯！座係度亦可以睇到廚師們準備食材，開放式咁睇到嘅乾淨更加放心咁食。坐低見到隔黎枱叫左個麻辣鍋傳啲花椒味過黎好香！心郁郁去試下！叫個雙拼鍋底試下先！推介刺激味蕾！！！！『四川麻辣鴛鴦鍋』 － 佢個麻辣鍋香料勁足料！香料勁足，所以味道越滾越有濃郁麻辣味，配埋打邊爐食材好正呀！食麻辣鍋有時最怕好大層紅油又肥又滯，但呢個鍋完全無呢個問題，以香料為主嘅湯頭，香料明顯有炒香過，味重麻辣，香辣惹味，辣度都唔可以睇少呀，啱哂我地麻！辣！控！鍋底另一邊清湯有皮蛋可以聚下火！湯底唔會淡而無味，湯底配搭滿意！其他火鍋配料賣相吸引，同埋用料新鮮最值得加分！碟碟上碟都擺得靚靚嘅， 呢啲微細處更睇得出小店喺咪肯花工夫！我地4個人每人點自己鍾意食嘅！勁驚喜！！見到佢地有手工金沙炸魚皮，即係每條魚皮加左咸蛋黃一齊整，見過紅

收左工太累喇反到屋企附近。上OpenRice 睇下聯和墟有乜新開店舖。🏠睇睇下見到呢間又系左近^_^太耐冇食雞煲，所以決定同男友試下呢間新火鍋。一入到去都幾企理。之後睇下嗰menu📜Wa❗️望下望下都感覺有d貴👀仲有加一 我本身好鐘意食炸魚皮🐟但見到個乜金莎炸魚皮要$88 即刻卻步左....之後問個侍應話可以刪左金莎就甘炸魚皮就$68 ...但我都冇叫，因為太貴喇真系😞食開都40,50蚊到我地叫左個半隻龍x雞煲🐤講講個雞煲好普通冇乜特別。一黎到感覺好多油，其他配料都系洋蔥莞莤。煮左好耐乾唒，又冇人幫手加湯。🥗響鈴 即刻炸都幾好味，可惜太大舊同埋系反炸😞另外叫左安格斯肥牛🐮冇乜牛肉味😫😫最後叫左碟生蠔，又一失敗之作😖d蠔d水成隻碟都系🤢menu 定價有d 貴叫左隻🐣蛋 ，點知系壞嘅🤢🤢真系😅😅😅臨走個侍應又會冇lala加湯😨之前煮到就燶底又冇加😅最後我地好快就埋單走人。。如果加一甘就認真5得law..加上定價太貴但又普通野冇驚喜😩😩😩失望唯1 竹笙比較可取之處❗️😍2個人食左5百幾蚊到