龍門大酒樓 (Closed)

其實好喜歡這間酒樓，唔需要頂位，又近地鐵站，枱與枱之間又濶，係灣仔飲茶普通都要５０幾元，此處３０幾元已好飽，雖然門口望去較污舊，但上去二，三樓，完全是唔同。今次叫糯米飽HK$15，三大個，有臘腸，食飽，ＯＫ。油菜$20，抵好大碟，都唔知點解咁好味，香又唔太油，次次都叫。魚腩粥＄２０，成碗都是魚腩，好以唔駛錢。茶錢每位$7。服務一流，部長好親切，有個約７０至８０歲阿伯，無咗隻牙，好cute，淥菜有鄉音的阿嬸，好重手。試過蒸鯇魚飯，好低食，好大碟飯及大舊魚，以前賣HK$30加到HK$35。雖然點心款色不多，普通食個午飯，有杯茶飲，又會趕鬼走人，價錢適中，幾好，曾經見個一個外國人獨自來食飯。

field trip lunch...亞sir 同我地去左尼到飲茶食點心..我地1行15人到..叫左好多點心..我諗都有20幾籠到啦..仲叫左3碟炒野..仲有佢地酒樓自稱出名的燒鵝..但我就覺得好1般..點心炒野無特別....燒鵝唔夠熱..我個人覺得同1般酒椳d 燒味差唔多...-3-

在尷尬時間走進這間舊茶樓，已過了早市但未到午市，員工準備開飯，點心所餘無幾。叉燒包的包底已蒸到濕濕的，當然不好吃。轉向推着車仔的姐姐埋手，要碟分量十足的芋頭糕，可是亦差強人意，嫌偏削。邊看書邊等，終於等到新鮮蒸好的點心一盤盤的捧出來。不過潮州粉果也只是一般水準，唯有寄望叉燒飯。不知是友善有禮的男侍應耳靈，聽到我倆的交談，還是經驗老到的看穿心意，未開口已知叉燒要半肥瘦。轉頭送上來，確是半肥瘦，而且是斬大舊叉燒，分量十足。夾起嗅一嗅，微香。食落蜜味相當濃，質地腍軟，已很久沒有吃那麼高水準的叉燒了。櫃位埋單，拿出紅底心想有找，卻計出要$101，令人意外的不算便宜。相信下次再來只會外賣燒味。

周四早上十時, 外出工作完畢. 來吃早餐.走進去, 樓下差不多滿座. 見到有樓上雅座, 上了二樓.樓上雅座果然清雅不少, 客人不多. 叫了普洱茶. 茶味很沉厚. 很濃都沒有苦味~~點心要了鮮竹捲和蒸鯪魚球. 熱騰騰的, 鮮竹捲不太油膩, 很好.送點心來的阿姐小聲跟我說十一時前埋單有特價. 可惜她廣東話發音不正, 要叫她再說兩篇才明白.

路過見到門口有架點心車寫住「好靓生炒糯米飯，你食過未?」又見唔係日日有，又keep住有人幫襯，今次又試下你先!$22一盒，$12一碗，要左一盒，味道適中，唔salty，炒得有水準呀!仲要好大盒，三個人食晚飯前食佢都仲有剩，唔怪得賣果個阿叔話「好抵食呀，夠你宵夜呀!」

其實呢間酒樓就響屋企附近, 但係住三十幾年我都無幫相襯過. 細個爸媽只係帶我去六國飲茶, 因為重近. 年初四的起心肝同男友去試下. 上次外買燒勁難食經驗令我驚驚地, 所以今次都無咩期望, 淨係想睇睇個環境而已, 你知啦拆一間無一間架啦!環境夠曬舊, 長樓梯都有少少舊日六國酒樓的感覺. 客人個個都有7字頭, 重有10個8個生客(好似我地禁果d呢!)新年期間好多點心都無做, 我地試左鴨腳扎、燒飽、沙爹魷魚同(唔記得!).要搵舊時的味道, 還是到蓮香樓好d.總括一句“試下無防, 但切勿期望過高”待應招呼都算ok架啦! 收銀姐姐有笑容, 有多謝! (唔知係咪老闆娘)

今日同同事farewell, 一行25人, 我果圍13人, 每人埋單$35, 食點心過30 碟, 仲有d 煲仔飯等等。而且食物水準中上，真係好抵死!!!佢仲係傳統既serve yourself 模式，唔洗等，唔洗怕漏單，好似自助餐咁!! 有3 層咁多，lunch time 都唔會冇位!!

經過龍門旁邊燒味部，見到啲叉燒好靚。我唔係大幫襯，只想買10文拎住嚟食，幸好店入邊啲大哥大姐唔介意。啲叉燒好靚，半肥瘦，熱辣辣，咬落去重會有啲油‘bi’出嚟，甘香甜美，感覺係百分百滿足！返到公司，飲咗杯熱普洱解解膩。雖然有人會覺得咁樣食法唔健康，但食物其中一個作用係用嚟安慰人，久唔久一次，真係唔好太執著。上天要你走，唔係多一舊定少一舊肥豬肉話到事。面對美食，就開懷~~ 食罷！

來到龍門,不吃油雞鹵味,只吃點心.胃口不大好的早上,開壺濃凋的普餌,隨意叫牛肉燒賣,菠菜餃,魚翅餃.便算.過了黃金時間,不是即叫即蒸,已放上一段時間的點心,同此店一樣,成為明日黃花,吃著有點凍,外皮帶點硬的魚翅餃,心裏正在想,這間龍門,在這個舊城區內,究竟還能撐多久?未來的日子,可能不再有麥加力哥街,不再有大王東,西街,不再有廈門街汕頭街,但願可以拿著所餘無幾的退休金,繼續坐在龍門看看報紙,一盅兩件.

天陰陰，中午繼續外賣生活，本想去買鹵鵝食，忽然又想食雞喎，於是掉頭去龍門。龍門，都咁多年，裝修夠哂舊，無謂同阿伯搭檯所以都是外賣多。人人都只知龍門叉燒靚，但點靚都靚不過它的油雞，我覺得... 應該係灣仔區No.1啦，咁去得龍門又冇理由唔買叉燒，有人會指定要「林Ｄ」，有人會指定要半肥瘦，我冇所謂，瘦的有咬口，肥的香。再興雖然近年水準不太穩定，但個人口味還是偏向再興多過龍門，大家用的豬不同種，燒的方法自然也不一樣，龍門的水準是向來穩定。至於油雞，再興不及龍門。好好味好好味，值得一試。至於飯，麻麻，菜也少，不過$23一毎飯盒，已經超逾一般水準。

好夜先食飯,係灣仔四處搵,唔知食咩好,不如去龍門懷舊一下... 成九點幾先到,得幾檯人,d侍應係度打牙骹.個個都係上左年紀,好有feel... 哈哈.. 只係叫左三個菜,焗魚腸,金銀蛋莧菜,椒鹽狗肚魚.差d食唔晒,個莧菜成座山咁,正常品質, 好味喇.焗魚腸就好似焗得老左dd..唔緊要,味道岩岩好..狗肚魚, 好多囉... 都幾難係呢d地方整得唔好食..一路食到打烊.. 成間酒樓真係好懷舊,加埋d人.. 好正.. 不過... 食食下突然有d小動物係天花上面走來走去...有點冇言....埋單好似都係120左右... 唔記得lu...

星期日中午,誤打誤撞,入左黎飲茶.夥記叫我地上樓上,係非吸煙區,地方也企理少少. 記得老豆後生時係到做過,但我咁多年都係第一次黎. 呢到有種陣年舊樓味,似乎多年無番新過, 早前聽講呢到會拆,但至今仍未有動靜.我地叫左個豬扒伊面,加碟炒芥蘭,質素一般,無咩特別.反而個山竹牛肉幾有口感,可能呢度點心較佳.下次會試埋傳說中好正叉燒. 勝在星期日都大把位,吾駛同人逼,仲可以懷舊下.

呢度ｄ叉燒係好好味。朋友帶我去呢度飲茶，又係午市小菜套餐。一般小菜。我們額外點了叉燒，很美味。可以再試。

去到灣仔至記起唔記得去龍華買燒味,上次已經試左再興,今次就試埋灣仔另一老牌名店--龍門。炭燒叉燒:黎到龍門點可以唔要叉燒??味道帶有少少甜味,食落又有少少火炭味,味道真係唔錯,細佬鐘意今次叉燒有少少筋個種口感,佢話叉燒好食。白切雞:我覺得呢隻雞幾好味,咸度剛好,我喜愛雞胸都有味道,師傅揀左隻黃油肥雞比我,真係客氣!!燒肉:雖然買左一段時間至食,不過d皮仲係脆脆地,肉地唔太孩,都唔錯。燒鴨:大人食唔停口,大人話呢隻鴨真係幾好味,價錢雖然比較貴但貴得有道理。五點幾呢度仲有點心賣,見到有籠叉燒包,而家有d後悔無買黎試添。

上星期六和朋友飲下午茶, 品嚐該店馳名半世紀的"炭燒叉燒飯", 果然名不虛傳! 叉燒軟滑, 夠香, 又不肥不瘦, 恰到好處! 另外, 樣樣點心都不多油, 整體上唔錯!P.S. 聽朋友說這間酒樓的舖位快要賣給地產商了, 若真的要結業就太可惜了!