龍門大酒樓 (Closed)

went with hubby, ordered charsiew pau, char siew sou X 2 sets, har gaw, siumai, cheong fun, pai kuat, big dumpling..personally charsiew pau and charsiew sou the nicest. they taste really good. i have never tasted such a well done char siew sou. might be going again to taste only on the char siew sou. cheong fun is not good at all, the texture and skin of fun is too rough and very strong flour smell.

如果在灣仔吃叉燒黎講,一定係再興,點講都係.吃過咁多間,除左九龍城街市已摺的"榮記"外,無邊間可拍得住.其他無論係鏞記西苑等大Number,拍馬都追唔上.因緣際會,住灣仔的友人在復活節長假內,搞個House party,有食友斬料赴會.不過唔係再興,因為四天復活節長假,再興放足四日,與眾打工仔共同進退.結果在龍門大酒家,斬左一大盒叉燒.下午茶局,有Blue Cheese,鴨肝醬鵝肝醬,仲有莎樂美腸等等.龍門的叉燒,一下子淪為配角.龍門的叉燒,外層無再興燒得咁香口,肉質不錯,唔鞋口.點都好,都係無再興咁好.一行八人,就算面對洋洋大觀的下午茶陣,一盒叉燒依然吃清光,睇黎反應也不錯.好像Amazon個網站,有一欄"Customers who bought this item also bought",喜愛得龍門的叉燒,你一定會喜愛再興的叉燒.PS:昨夜真係高興.多謝主人家.

今日食o左龍門既叉燒...唔係，係龍門既叉燒包...唔係，係龍門既叉燒餐包。（我唔係玩野，只不過係之前兩樣都食唔到...仲要係客叉燒餐包係last one）叉燒餐包果真唔錯：叉燒餐包個包同叉燒餐包個叉燒都係內軟外脆，掂。個叉燒餐包焗完之後仲另外落蜜糖同芝麻，好，可惜D 芝麻係未經特別處理o個隻。順帶一提佢個馬拉糕係深褐色o個隻欖仁馬拉糕。賣相唔錯...因為幾高。

想去試間新野,好突破咁黎左呢度試0下... 好舊式0既茶樓,仲可以搭檯tim,d 椅仲有少少爛爛地0既,真係好有風味...兩個人叫左:牛肉煎蛋飯--味道一般,見阿姐sell得咁落力咪試0下lor節瓜甫--呢個幾好味,幾清排骨--又係幾好味,唔錯牛肉腸--不過不失,腸粉唔算十分軟但又唔係十分"鞋"咁0既環境,咁0既服務(無乜服務可言),試一次半次黎過0下癮就ok而且兩個人埋單$88,我寧願去榮華好過la

溫書溫得天昏地暗,日月無光,到了清晨六點,實在支撐不住,於是便跟爸爸一起到樓下「龍門大酒樓」飲早茶。這是我第一次光顧「龍門」,感覺很殘舊,很古老,昏昏暗暗的。地方不算乾淨,還隱隱傳來一陣「陳年feel」的異味。天還未光,「龍門」已坐滿了人,全部都是有點年紀的人,我這二十出頭的小子頓時成為異種。叫了燒賣、蝦餃和山竹牛肉三樣點心,不過不失吧,反而平平無奇的「盅頭」煎蛋牛肉飯卻很不錯,牛肉又香又滑又入味,絕對是意外驚喜。小小的一盅,不一會已吃光了。茶客們都「有一句沒一句」地聊天,你X 我我X 你,大家互X 一番,夥計也是一樣,大概這就是老街坊的一種生活情趣吧。沒加一,也順理成章地沒什麼服務,半自助式的,從拿點心到茶壺沖水也要親自動手,這也是一大特色。

莊士敦道上，行人熙熙攘攘的穿梭著，襯上孤悄吊燈滴下來的銀影，再離遠隔幾張桌子張望出去，倒真有幾分像一幅流水不斷的動畫。這一個下午，你索寞的坐在一角，看看‘龍門大酒樓’外面的世界，再看看倒映在茶杯裏的輪廓，倍發被外面生氣勃鬱的氣息感染，也不得不哀嘆華年似水，往事如夢。可是，這裏何嘗不曾是處處拼發不息的生機？想當年，在「小港灣」這個喧囂的鬧市，龍門和龍圖酒樓及龍圍酒樓曾經有過光輝的歲月。當另外二龍俱往矣的時候，龍門還轟然而立，和雙喜及英京舉杯對酌。當舊伴一個接一個的離去的時候，自己還幸存，卻不由感傷己身似孤雁失群了。你一邊和推點心車的阿聊天，一邊開始叫點心吃。倒底是多少年的老主顧了，你還沒舉手，她已把一客馬拉糕擱在你面前。年紀大，味覺漸漸轉淡，越來越喜歡吃甜爛的東西，而且這裏的馬拉糕加了黃糖和南杏，鬆軟非常。然后你又叫了一籠叉燒包，一樣的包，不一樣的皮：這裡明顯的比較厚實，咬下去不會把牙齒弄得黏黏糊糊的。你愛老師傅的捍皮功夫，可更愛叉燒裡那丁點兒的炭香，這籠叉燒包又是一樣別處找不到絕活，值得你慢慢去享受。最后，你又叫了一碟咸水角，花生餡和肉末分配得剛好，一股咸香中泛出幽幽的甜膩，真堪玩味！

20050925 8.30pm晚飯在灣仔, 我suggest 不如去龍門試個傳說中好好味o既叉燒. 男友無異議.2人order-* 叉燒(例), 自動自覺上半肥瘦, 一讚. 份量大, 二讚. 不過, 我依然覺得再興係好食o的, 男友就投利苑一票. 所以, 呢個傳說中o既靚叉王, um....我覺得麻麻地lor, 汁甜但唔會over, 不過o的肉又係多"鞋"位, 又唔係唔好食o既. 但又未去到勁好食o既地步lor.* 蒜蓉炒菜心- 無鑊氣兼且唔夠熱, 同埋勁出水.* 美極爆海生蝦- first of all, 肯定佢唔係海蝦, 我唔mind 食河蝦但係唔好呃我唔該! 同埋超細隻. 蝦先爆再用美極炒, 個汁係幾惹味. 但係咁細隻蝦用o黎油爆就有個弊病, 就係o的蝦肉會好實.* 靚仔x 2* 甜品- 紫糯米糖水x 2, 送o既. 反而幾好食wor.服務OK. 唔叫好又唔叫差lor.環境衛生舊式酒樓o黎講佢都算幾差. 有一股異味. (o拿! 我響蓮香樓從來無聞到呢o的味~) 不過就o黎摺埋, 原諒佢啦. 而且都叫做襯佢摺前終於試到一次啦~埋單$180, 比我想像中貴.

老公o黎灣仔接放工. 我尋日嗌到今日要去食"龍門叉燒", 下午重特登只係食starbucks素菜多士做下午茶, 刻意留肚作戰.二人入座. 碗筷幾油膩, 記住洗. 廁所好污糟, 又冇水洗手(我懷疑個紅外線水龍頭開關係假o既), 忍到就唔好去.幸好, 見隔離檯d炒麵極靚仔, 又有好多街坊一個人來, 叫一碟灼蝦加乳鴿, 當一餐. 另一個女人叫一碟炒蛋, 一砵蒸飯, 又當一餐. 咁受街坊捧場, 都有返d信心.Order 火肉拼叉燒$28...炭燒叉燒...賣哂!! "今日燒左廿幾斤, 唔知因咩呢輪咁好賣." 鄧經理說. 梗係啦, 早幾日蘋果日報唔知講乜, side news就係講"龍門叉燒"點勁點好, 於是有"傳媒效應"lor~終於,火肉拼叉燒, 變成淨火肉. 阿鄧經理都幾有良心, 話:"唔好意思, 而家咁夜, d燒肉冇咁靚喇, 唔滿意可以換, 唔使怕唔好意思o架!" 燒肉o既皮真係淋哂, 但d肉都好掂, 加埋個芥末醬, 好食過"名都"果碟.另order:蒜茸蒸勝瓜- 特價$28, 幾細碟, 兩個人食岩岩好. 味道好濃."寸香雞"半隻$45 - 脆皮蒜香雞, 但伙計落單係寫"寸香雞"o架! M

昨了約了朋友在灣仔等，剛好午飯時間，因在報章得知這間老牌茶樓將要結業，所以到此回味一番，地下有很多人，所以上二樓位。這天只有兩個人，只叫了一碟菜遠肉片河及三款點心，點心是大路的粤式點心，味道雖然不是非常出色但也不錯，口味正宗，反而茶水很香濃，比一般酒樓要好一點。環境只是一般不過尚算乾淨，但所的生情有待改進。埋單三十五人一位，價錢ＯKay!

有突發事，一連兩日，尋日晨咁早已經要在灣仔區工作，搞掂還未夠八點。灣仔街上已經幾多人，買份報紙，見這裡仲有阿姐推點心車，就來飲早茶。呢度而家都有非吸煙區，是設在二樓，我費事行，坐地下算數，有人食煙不過就唔算大煙。一個人都只係一盅兩件，煎碟腸粉，一籠叉燒包，一碟雞紮，唔食得好多，反而普洱就灌了不少。呢度價錢好平，早茶時段點心款款八蚊，還設有下午茶時段。食完開工，埋單四十蚊有找，希望是好的一天。

今朝返晏,同男友黎呢間舊式茶樓懷舊一番,10半左右,人不是太多,我地上左2摟非吸煙區;呢度冇阿姐推車仔,要自己出去攞;一共食左7個點心:叉燒飽,叉燒酥,蝦腸,魚云粥,蘿蔔金錢肚,蒸排骨,菠菜餃叉燒飽---一籠三個,細細個,飽不太乾,叉燒不太肥,不錯!叉燒酥---一碟2件,個人認為呢個做得最出色,口感似蝴蝶酥,十分鬆化,甜度適中!蝦腸---一般貨色,腸粉不夠滑,但蝦卻挺爽口,麻醬,甜醬亦可以.魚云粥---差勁!雖說是即滾,但食落去已得悉味精極重,魚云則一般.蘿蔔金錢肚---亦不合格!不夠熱,蘿蔔不夠腍,金錢肚不夠入味!不推介!蒸排骨---也是差劣!肥膩到不得了!菠菜餃---這款倒可以,皮的厚度剛好,菠菜餡也頗新鮮.11點半前埋單吾洗加一,$71,屬抵食,但我諗吾會再黎.P.S.出奇的是佢既WASHROOM 系採用全自動沖廁及水龍頭,但環境仍是不太乾淨!

昨午和太座到這裡，3:00pm。仍有不少客，但二和三樓已落場，只餘下地下。已無流動點心車，近大門有固定蒸柜，放有超過二十籠點心，嬸嬸不停在叫賣。要了：鳳爪- 豉椒夠味雞包仔- 件頭稍大，餡料用碎雞肉(若配上薑絲更正宗)，包皮吸了倒汗水，變淋-失色了。山竹牛肉-粉過多蝦餃- 外觀精緻，皮的厚薄韌度適中。雞札- 皮用山竹，有芋頭、火腿和雞中翼，若用雞胸肉，更之完美。菜遠肉片河：碟頭大，夠油鑊氣，油稍多。老店地方不算整潔，客人老、中、青都有。

同班波友打完波搵地方食飯，一行六人原本諗住去明記，誰不知內部裝修暫停營業，去莊士敦又鬼咁多人，輾轉下到了這裡。呢度十年如一日裝修都係咁舊，地方係差少少，但在灣仔打墩咁多年，話到尾都係陪伴我們成長的地方，而且價錢相宜，所以都無所謂。叫了一煲例湯、羊腩煲、焗魚腸、芋頭扣肉、大豆芽炒大腸同栗子炆雞。今晚例湯是粉葛赤小豆煲鯪魚，夠聚火，足料亦好似都少落味精，份量足夠一人飲到兩碗，都唔錯；羊腩煲的羊肉不是什麼好貨色，味道唔燥，肉仲有D嚡同韌，同吃的配菜如馬蹄、生菜、枝竹等更好吃；焗魚腸焗得幾香，無咩腥味，食鬼魚腸的可一試；芋頭扣肉幾肥美，如喜歡吃肥肉的話絕對會很滿足，不吃肥的都可以食芋頭，夠粉亦很甜美；炒大腸風味不錯，可惜大腸幾韌，可能不是新鮮貨都唔定；栗子炆雞亦好味，又係栗子好食過雞。連啤酒汽水，埋單連加一貼士四百蚊有找，一人只係六十幾。雖然地方麻麻，食物味道亦非很出色，但勝在經濟抵食。題外話：酒樓門口有安排員工拿咪招徠，個人覺得是多止一舉，加上個阿姐可能由朝講到晚有D攰，所以比較有神無氣，老實講有點反效果。

特別日子都唔收貴，十位都係食左5、6百蚊。間野幾懷舊，香港都幾少有。

因為有人推介,所以我同d同事諗住去邊食邊開會,點知入面衛生情況極差,雖然d點心都ok,但有大大隻老鼠在廚房出口附近走來走去,你都咪話唔驚,於是我們拿拿臨食完便走,要另搵地方開會.